|
هلال نهاية الموسم + صفقة النكبه ..!؟ اسعد الله اوقاتكم جميعا ادري .. كلنا زعلانين على نهاية الموسم .. و نسينا الانجازات اللي حققناها و السبب المستوى المتهالك اللي يقدمه فريقنا اوكي كلنا مؤمنين بالفوز و الخساره في عالم المستديره و لكن فيه فرق لما تخسر بشرف .. و لما تخسر و انت كتلة جسد بدون روح ما ادري وش السالفه .!؟ اللاعبين تشبعوا من الفوز و البطولات ..!؟ تخبط المدرب ..!؟ سبات الاداره .!؟ اسئله تدور في داخلي و داخل كل هلالي غيور على فريقه و لكن ما ندري وش اجابتها مع العلم اني قايلها من البدايه .. ان المدرب مفلس . و ما يملك اي فكر تكتيكي . و اعتقد اني قلت في بداية تعاقدنا معاه .. ان كالديرون .. محاضر في الفيفا ماهو مدرب و لكن لا حياة لمن تنادي فزنا في بطولتين و البركه في الحظ .. و مجهود بعض اللاعبين فزنا في بطولتين .. و هلالنا مو مقنع .. و الدليل ان الاتحاد كان يمر بأسوأ مستوياته وما قدرنا نفوز عليه فزنا في بطولتين .. و مستوانا باهت .. ممل .. بدون روح .!! همسه في اذن كل لاعب هلالي : دامك ما تحترم الشعار اللي انت لابسه .. الله لا يهينك توكل على الله .. ترا الهلال مب واقف عليك .. مهما كانت نجوميتك حنا جماهير الكيان .. مب جماهير لاعب يا لاعب الهلال .. دامك انشغلت بالشهره و المعجبين .. ترا الهلال هو من وصلك لهذي المرحله و الهلال قادر يخلي الجماهير تنساك اتعبوا من اجل الهلال .. اتعبوا من اجل الجماهير اللي وقفت معاكم على الحلوه و المره ما ابي اعذار واهيه .. ارهاق و غيابات و مدري ايش ..!؟ فيه دوريات يلعبون مبارتين الى ثلاث مباريات في الاسبوع .. و عدد الفرق في الدوري 18 فريق .. ومع ذلك ما شكوا من الارهاق الغيابات .. يعني بالعقل فريق يصنف من افضل فرق اسيا .. لا يملك البديل الجاهز لا يملك فريق رديف قادر على مقارعة الفريق الاول ..!؟ اشياء يندى لها الجبين صراحتا .. و اعتبرها اعذار واهيه نروح لمهندس صفقة النكبه .. كالديرون الذي حارب و حارب من اجله و النتيجه فريق باهت بدون روح مدرب ما يملك اي فكر تكتيكي .. تراهن عليه على اي اساس يا سامي .!؟ اوكي وثقنا فيك و لكن انك تكابر على ارائك هذا ما نقبله منك مهما كنت غالي لدينا نطالبك .. بالاعتذار .. و نطالبك بعدم التدخل بأمور تخص المدربين و عليك بعملك فقط فأين انت .. عن خالد عزيز تغيب مره و مرتين وين دورك كمدير للفريق وينك لملامسة اسباب غياب خالد عزيز ..!؟ بتقول لي هذا طبعه من اول .. و هذا خالد عزيز من قبل اعتزل اوكي بقول كلامك سليم و لكن انت ما تشابه الغير في قراراته و اكيد لك طريقه تحل فيها المشاكل و ما شفنا اي طريقه لحل مشكلة خالد عزيز يعني يا سامي .. خلك في شغلك و خل المدربين للإداره همسسسسات للجماهير : جماهير نصف الارض .. انا متأكد ان اغلبكم يشجع الهلال الكيان .. و ما علينا من الاسماء .. اللي يبي يحترق لأجل الهلال من اللاعبين.. راح يلقى احترامه اما اللي يتبع اللوك و الموضات .. اقوله .. يروح لأقرب محل يدور على شخص عشان يسوي اعلان ما نبي لاعبين همهم انفسهم و ينسون الجماهير جماهير الهلال .. الرقم الصعب .. الرقم واحد في ملاعب السعوديه تكفون .. ما عاد نبي نطبل لأي شخص كان نبي نكون صريحين .. و حتى لو المخطي شبيه الريح لازم نعاتبه و نتنقده بحدود الادب و يكون نقدنا بناء .. بعيد عن التجريح بالنهايه لست متشائم .. و لكن اتمناها تعادل في مباراة جده فـ هلالي ليس هلال بداية الموسم و اتمنى من الاداره تعمل بصمت للموسم الجاي .. ما نبي تصاريح نبي فعل نشوفه في المعسكر الخارجي و شكرا |
احم.............................احم |
النكبة والله انه ابو ربطة .. اللاعب وليهامسون ...وسلامتك .. |
إقتباس:
والله النكبه من اللي راهن على مدرب مفلس عشان يمشيه على مزاجه |
الله يوفق الهلال الله يوفق الهلال الله يوفق الهلال الله يوفق الهلال الله يوفق الهلال الله يوفق الهلال الله يوفق الهلال الله يوفق الهلال الله يوفق الهلال الله يوفق الهلال |
نقول ماقصرو والله يعطيهم العافية بس وش ذنبنا حنا اذا الواسطه موجوده بالفريق قسم بالله عيسى المحيااااني مايعرف يلعب كوره اجل فية مهاجم بالدنيا هذي يخلي عيونه على الكوره وهي معه قسم بالله شي يرفع الضغط من اليوم ورايح اذا شفت عيسى بيلعب ماتفرج المباراه احسن لي شغل الواسطه بيجب لنا عوار الراس اتمنى اعارته لنادي في الدرجة الثانية ولا الثالثة يمكن يرفضون بعد |
كلامك رائع الا بخصوص سامي سامي سوا الي عليه اما العيبه فمعك حق توكلوا على الله اذا همكم اللوك |
إقتباس:
سامي راهن على المدرب و الاداره وافقوه و يطلع عبدالرحمن بن مساعد و يقول من البدايه مب راضين على الفريق يعني الخلل وين ..!؟ اكيد من المدرب اللي راهن عليه سساامي سامي يتحمل جزء كبير من نكسات الهلال |
تعبنا وشبعنا أمآآآآآآآآآآآآآآآني وأمآآآآآآآآآآآآآال أذا انعدمت الروح وش يبقى غير الحظ ؟؟؟ والحظ بح بح بح نقول راحت علينا هالسنه .. الموسم القادم مانبي لادوري ولا كاس ولي العهد نبي آسيااااااااااااااااااااااااااااااااااااااااااااااااااااااااااااااااا وكأأأأأأأأأأأأأأأأأأأأأأأأأأأأأأأأأأأأأأأأأأأأأس خادم الحرمين الشريفين |
كلامك سليم اول لاعب خذل الهلال في مباراة الاتحاد هو محمد الشلهوب نعم انا احبه واعشقة لكن اذا كان ما يادي مكانه الاحتياط |
إقتباس:
ليه ما نطمح بكافة البطولات .!؟ ليه نطمح بثنتين بس اخ بس لو ما جانا هالنكبه و اكبر قهر لما تسمع كلام شبيه الريح يوم اعلن رحيل قريتس .. قال راح اجيب مدرب و يراقب الهلال من المدرج .. و راح يكون مدرب عالمي و قد الطموح و لكن الحصيله رهان سامي . . و جابوا لنا كالديرون شيء مؤسف صراحتا :yes: |
إقتباس:
ليت الجماهير مثل تفكيرك واضح عشقك للشلهوب من خلال اسمك .. و لكن العاطفه بعيده عنك تتكلم بعقلانيه اهنيك على ذا الفكر |
نعم كالدرون مدرب كبير وتكتيكي بس مو مناسب للهلال الهلال يحتاج مدرب له شخصية فنية قوية في الميدان مدرب صاحب فكر كبير يرفع من حدة حماس اللاعب داخل الملعب نحتاج مدرب بشخصية فنية قوية ترهب الفرق الاخرى داخل الملعب أعتقد ان المدرب المناسب هو . . . . . . . . . . . . . . . . . . . . . . ( بـــــــــــــــــــــــــــــــــــــــــــــــــاوزا ) |
إقتباس:
اذا كالديرون مدرب تكتيكي .. اجل مدرب الباطن عندنا .. مدرب عالمي يا رجال كالديرون محاضر في الفيفا لا يفقه ابجديات التدريب جيب لي لقطه فيها تكتيك واحد فقط .. مع الهلال البركه و الحظ ساعدوه |
ولاتنسى رهانه على احمد على ؟؟؟ |
| الوقت المعتمد في المنتدى بتوقيت جرينتش +3.
الوقت الان » 01:59 PM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd