|
البس نضارات ..تصير فاهم كل شي بالحياة.. وتصير فوق والباقين (زلايب) صباح الخير ..وجمعة مباركة للجميع:smilie47: في البداية ابيكم تشوفون ها المقطع >>هو قديم شوي طبعا:yes: ^^ YouTube - ‫الشيخ محمد العريفي يفضح الصحفيين بالأرقام‬‎ طبعا بعد المحاظرة هذي .. الكتاب انجنوا .وقاموا يتكللمون على العريفي ليييين قالوا بس:s3s: ويقولون ليش توصفنا بالعفن ..واننا مانحب الدولة واننا ما حنا وطنيين :s5s: طبعا ياجماعة الخير بعد ماشفت المقطع ...>>قلت اخيرا طلع واحد يوقف الاشكال هذي عن حدها:naughty: والله الكتاب هذولا هم سبب اللي يصير في مجتمعنا ..وهم اللي يلعبون على وتر التطور..والاستقلالية وحرية الراي ويستغلونها بأمور تشبع متطلباتهم..يعني تلقى الواحد عايش بامريكا .ويشوف الانفتاح اللي عندهم ويشوف البنت مع صديقها ويشوف الرجال مرة مع زوجته ومرة مع عشيقته ويبي يطبق الانفتاح>>(على قولتهم).. في السعودية ..مع انهم يدرون ان مجتمعنا مجتمع محافظ :ga: انا اكثر اللي ينرفزني من جد ...ان اللي يطالبون بحقوق المرأة 70% بالمية منهم رجال:to: يعني السؤال اللي يطرح نفسه بعنننننف((((وش دخلكم))) يعني يجيك كاتب سعودي يقول (مرة كنت انا وزوجتي نتمشى في احد المدن ..ومرت سيارة يقودها مراهق متهور وكاد ان يصدمنا:s5s: وبعدها زوجتي انزعجت وعصبت وقالت :لو ان المرأة تسوق ماكان صار تهور زي ماصار من المراهق هذا) ^^ طبعا زوجة الكاتب تعرف تسوق وهو يطالب بسواقة المرأة ..ويقول وين حرية المرأة!! يعني بللاه هذا سبب مقنع عشان نخلي زوجتك المصونة تسوق >>يعني كذا اقنعتنا مثلا تبيها تسوق روح للبحرين وقطر والكويت وخللها براحتها ..واذا جت للسعودية خللك معها ومو لازم تسوق مدامك معها (ولا صح نسينا انت عندك ديمقراطية تخللي زوجتك تتمشى ماعندك مشكلة)>>حرية المرأة وش دراكم انتم:s2: " واذا قلنالهم طيب خلاص استأجر سواق >>يقول لا ماسمعت عن الاختطافات اللي تصير واذا قلنالهم طيب مدامك خايف ودهم انت >>يقول انا عندي اشغالي ومقدر افضى لهم:s5s: يعني يروح يتفلسف ويتفلسف ليييييين يوصل للي يبيه الي هو قيادة المرأة للسيارة واصلا اقدر اجزم لك ان كل اللي يبون قيادة المرأة للسيارة ..تلقاه عايش برى السعودية وماهمه الا انه يشووف الحريم حوله ..ويضلون يلعبون على وتر حرية المرأة وحرية الرأي وصراحة استغرب من الي يقولون وين حرية الراي بالسعودية .!! يعني كل اللي يصير من سب المشائخ ويتكللمون على الهيئة>>هذي مو حرية رأي وبعدين بكل صراحة ..حنا بالسعودية فاهمين حرية الراي غلط يروح يسب ويشكك ويطعن بخلق الله !! وبعدين يكتب __ماذكر اعلاه يمثل وجهة نظري__ ياجماعة والله بالسعودية حنا ماتناسبنا حرية الراي يعني الحين موقع اليوتيوب مثل ماهو معروف انك تقدر تنتقد اللي تبي .وما عليك من اي احد! والحين اتحداك تلقى مقطع يوتيوب ..مابه سب ولعن وقذف >>يعني اذا كان فيه حرية ..للاسف تلقى فيها سب ولعن ومافيه احترام ابد..!! يعني لدرجة وصل فيهم ..ان مثلا واحد حط مقطع باليوتيوب ودخل عليه احد الاشخاص .واعجبه المقطع وراح ضغط على اعجبني ..ويروح يررد على المقطع ويقول : انتم ياللي حطيتوا >ديس لايك< على المقطع فيكم ومافيكم ويقعد يتكللم عليهم يعني واحد ما اعجبه شي ..لازم تغصبه انه يعجبه:ranting: يعني ياجماعة الخير ..الكتاب هذولا والله اللي يتابعهم راح يتعب ويتعب ...ناس ماتخاف الله مايبون الهيئة .يستهزؤون باللي مايبي اختلاط بالسعودية.. واذا مابغوا ..احد يبون يبعدونه ب أي طريقة يعني اذكر قبل تقريبا 4 سنوات كنت وقتها صغير وما اقرا جرايد واجد ومدري وش اللي خلاني اقرا اصلا:s4s: ..احد الكتاب في جريدة (تم التحرير من المشرف)>>امزززح ترى ماكتبتها اصلا:s2: كاتب مقال بعنوان (ابعدوا العريفي عن منازلكم) تدرون وش اللي داخل مقاله!!!؟ يقول يجب على مالكين القنوات ..انهم مايخللون محمد العريفي ..يطلع بقنواتهم!!!!!؟؟؟:s5s::s5s: تدرون وش السبب !!!؟ لان الشيخ محمد العريفي شكله حلو..وكذا يفتن الحريم ..اللي يتابعونه؟؟؟!! شفتوا تفكيرهم الوصصخ ..يبون يبعدونه بأي طريقة ومالقوا الا السبب هذا والله نااس ماتحترم عقول القراء ..ومتناقضين بشكل غير طبيعي ياناس اتركوا اللي فوق كلله .وركزوا بالشي اللي ابي اقوله ..>>ايضا احد الكتاب يطالب بخفض اصوات مكبرات اصوات المساجد!! يقول بزاويته ..انه سافر مع بنته الى كندا لانها تدرس هناك..وارتاح من سماع الآذان ..!! >>يعني بللاه مين المغفل اللي يتابع كاتب مثل هذا!؟ يعني يبون الاذان مايرتفع..بالسعودية لانه يزززعج!!؟؟ للاسف ماعندي مصدر لكتاباتهم ..لكن ماراح اقول شي الا وانا قاريه بعيوني :yes: بس هذا اللي عندي واعذروني اذا ماكان الموضوع مرتب ..لاني من زمان كنت ابي اكتب عن الموضوع ذا ومالقيت فرصة الا اليوم:ba1: تحياتي_غضب الرومان_:smilie47: |
الله يجزاك خير يابعدي ,, لو ما جاء منك الا هالمقطع :d بالنسبه للي تكلم عنهم العريفي وعن اهدافهم ,,,, اانا ما راح اتكلم وادافع عن الدين لأن فيه من هو اعلم وافضل مني ... لكن عندي نقاط انا اشوف انه هي فعلا سبب المشكله .. # عبده خال و شلته اللي كابتهم السفن و تكريمهمواعطائم اكبر من حجمهم . # قيادة المراه ( اشبع الموضوع لين اغمى عليه :s2: ) & اشوف ان المشكله في المراه وليست في المجتمع ,, يعني انا امي ما عمره قالت ابي اسوق ولا خواتي و لا اهل اخوياي اللي اعرفهم زين .. لكن فيه ناس قريبين مني يتمنون قيادة المرأه ,,, لسبب : * ان زوجه ما يقوم الصبح يودي عياله للمدرسه . * تحب تفرفر بالاسواق ولا تقعد ابد . * شينه نفسه و تبي كلن يحبه و يقوله سمي :d . هذي احد الاسباب ( ولو تلاحظ ان الاسباب خاصه بشخص وليست بالمجتمع ) يعني ليش يجون يطالبون بالقنوات بقيادة المرأه باسم المجتمع .؟؟؟!! يعلم الله اني ارحم هالكتاب و اللي يدعون للفساد اكثر من كرهي لهم !! يعني ما يخافون من الله من اللي يسون ؟؟ ويشلون يتجرؤون و يكونون سبب في فساد مجتمع او حتى فساد اشخاص ؟؟؟ يعني يجلس جلسه كامله و ياخذ وقت وحالته صعبه عشان يجيب فكرة فساد !! يعني يحسب نفسه ضد الموت ؟؟!!!! ,, وبنفس الوقت اقول الحمد الله اللي الله ما اعمى قلوبنا مثل ما اعمى قلوبهم ... :rose: |
إقتباس:
لا والله مايخافون الله .ناس منتهية اخلاقهم والعياذ بللاه مشكور واتفق مع اغلب ماذكررت . نوورت:ba1: |
وعليكم السلام ورحمة الله وبركاتة الله يحفظ شيخنا من كل مكروة والله يفكنا من اصحاب فكر الحرية المبطن بالفساد اخي العزيز بعض اللي درس برا راح بدين وصلاة ورجع والعياذ بالله بلا دين ولا صلاة اذا. تكلم قال الوهابيين يبون كذا وما ذبحنا الا الوهابيين كل شيء عندهم ممنوع وحرام الله يصلحهم ويهداهم صح الغرب تطور وحضارة بس لازم تكون وجهة نظرنا الشريعة للامور اللي تخص ديننا ثابته لانها جت بالقران والسنة ما جت من الغرب ولا من غيرهم تحياتي |
إهلآ وسهلآ اخي الكريم للإسف مثل هالكاتاب يوثرون في المجتمع ! وتأثير قوي .. وكل من يكتب ويطآلب بالحرية ليس سآكن بالسعودية ! يجلس بلندن ويكتب عنا هنآ ! والمطآلبين بحرية المرأة وعلى لسآنهآ استغرب حقيقا منهم ! لاادري هل نحن نمشي ونطالب بالحرية ! لدرجة انهم يطآلبون عنآ نحن لانريد الحرية اذا بهآ فسآد للمجتمع والاسلآم اعطانا الحرية وماهو مفيد لنا وبصآلحنا والشيخ العريفي لانه نآجح محآرب والشجرة المثمرة لابد ان ترمى بحجر يعطيك العآفية .. شششكرآ لك دمت حفظ الرحمممن |
هذا الرجـل اتمنى أن اقاباله وأحـب رأسه والله لن يتحقق لهولاء الشرذمه مايريدونه من فساد دام هـناكـ رجال أمثال العريفي ..... |
أكثر كتاب الجرائد " جحلط " :s2: مدري من وين جابتهم الجرايد صراحة قليل فيهم الدكاترة وأساتذة الجامعة وأعضاء هيئة التدريس وغيرها من القامات الواعية زي الكاتب الغبي آل الشيخ بالجزيرة ماتدري مايعرف يركب كلمتين فوق بعض بالكلام المباشر كيف يخلونه يكتب بالجريدة ؟! وأحد الكتاب أسمه " السالمي " بالجزيرة يقول أن فشل المنتخب السعودي هم خطباء الجمعة هههههههههههههه شفتو كيف العقول !! هذا نفسه كتب مقال بعنوان " هيئة كبار المشاغبين " يعني العلماء !! بس هذي عينة خبيثه لما يحمله هؤلاء الجحلط وكلام العريفي ممتاز وبمحله لأن أصلاً الكتاب بالجرائد 95% منهم يبون الفوضى بالبلد والدمار وفيه جرايد بالكامل تبي هالشي مثل جريدة الوثن وعكاظ الخلاصة أنه تم شراء ذممهم يعني الكثير منهم مقالته مدفعوة الثمن وتذكرون سالفة الشيخ سعد الشثري بيوم واحد فقط 18 مقال ينتقده ما شاء الله كل مبنى الجرائد حاط على قناة المجد ويتابع برنامج فتاوى لشيخ الشثري علماني قبيح ويتابع برنامج فتاوى " خير إن شاء الله " السؤال بكم تم شراء هؤلاء صح انتهى عصر الإماء والعبيد لكن الآن فيه عصر تعبيد الكتاب للغرب ولسفارات . |
^^^^^^ يعني تتفق معي ان حريمهم يكتبون لهم :s2::s4s: لأني اشوف بعضهم اذا طلع يتكلم .. لا حجه ولا كلام مقنع وسريع الاشتعال قصدي سريع الانفعال :d الله يحفطنا ويستر علينا وعلى اهلنا يارب :naughty: |
لا لا مساكين حريمهم الله يكون معاهن ويرحم عقولهن من تفكير جحلط الصحافة غير كذا والسر اللي ما تعرفه أن 80% أو أكثر من كتاب صحافتنا سيح ميح بالإملاء لو كان حريمهم اللي يكتبن كانت تحسن الإملاء عندهم ولا تخيل جريدة بدون مصحح ومدقق لغوي بتشوف كوارث مش طبيعية :s2: صراحة شي يفشل أن الصحافة السعودية تسير بتجاه غير أتجاه أهل السعودية !! يعني بدل ما ترضي الشعب السعودي ترضي جهات أجنبيه واضحة ومكشوفة |
إقتباس:
+766518739 ................................ |
إقتباس:
هذا اللي كنت ابي اوصل له نووورت:ba: |
اكثر شي ضحكني في الموضوع هو التسليم بحكاية نحن شعب محافظ ،، يعني الى متى نكذب الكذبه ونصدقها؟ الشي الثاني اتصور ان من ابسط قواعد الادب والاحترام ان الواحد مايمارس الاقصاء والسخريه بهذا الشكل من الاراء المخالفه لرأيه كل طرف متمسك برأيه ويزيد على كذا انه ينتقص من الرأي الاخر ويشخصن رده عليه وبالنهايه ماضاع الا المجتمع |
مشكووور أخوي الحمدالله لقينا احد يوقف الله الاشكال تقبل مروري |
إقتباس:
إخوي اعتقد .. مافي دولة عربية .. تطبق شرع الله. مثل السعودية . واتحدى إذا جبت دليل أننا مجتمع غير محافظ ممكن بعض الآشخاص .. يفعلون حاجات محرمة .. لكن ماتقدر تعمم وتقول ان كل مجتمعنا يسوون حاجات مثلهم بعدين بخصوص .. الكتاب أنأا ما استهزيت فيهم. لكن قلت انهم فاهمين حرية الرأي غلط وإصلا جبلي كاتب ينتقد نقد عقلاني وينقد عمل الشخص ،، ؤماينتقده. شخصيا بعدين أقول لك أننا نحترم الرأي لأن حنا عندنا قاعدة .. إذا ماسبيت ولا لعنت أحد .. فهذه ماتعتبر حرية الرأي وترى الكتاب هذولا .. مسوين فيها .. حنا اللي فاهمين .. وإصلا أغلب السعوديين يخالفونهم بس الإعلام .. يحاول يطللع أن الشعب .. يحترم الإعلاميين وهم يوافقونهم الرأي .. لكن الحقيقة عكس ذلك مشكؤر |
., ألمشكلة ي عزيزي هي بثقآفة مجتمع ب أكمله :yes: , ثقآفته آلوحيده هي آلقذف واللعن والدخول في ذمم آلبشريه :yes: , ب إستثناء البعض طبعاً ولكن الغلبه للأكثريه :yes:, وآلمشكلة الكبرى إن هذا المجتمع المبجل يدعي ب أنه شعب الله المختار :yes: , فكيف يتم إصلاحه ؟ , وكيف يتم إقناعه بوجود خلل فيه ؟ , ف إذا أعترف المجتمع بخطئه ف إنه سيحل خمسون بالمائه من مشكلته , ولكن لا أمل ؟ :yes: , فهل يعقل أن كل من خالف شيخ ب الرأي أصبح علماني أو ليبرالي معادي للدين الإسلامي؟ , ب إعتقادي هي وجهة نظر , كما أن العريفي أخطأ كثيراً ب إستخدام لغة الحمقى وهي لغة التعميم وهي لغة غير مقبولة من متفقه ب الدين والحياة أستخدم لغة التخوين والتحقير :yes: , فهو قد خون موظفي مجال ب أكمله ولم يخصص ب قذفه أحداً ما بل عمم الخيانه والعمالة للدول الأجنبيه على الجميع :yes: , أحترم الشيخ العريفي كثيراً فله معجبيه وقاعدته الجماهيريه الكبيره ,ولكني لاأنكر حقيقة خطئة على الصحفيين وهو أولاً وأخيراً بشر إن أخطأ له أجر وإن أصآب ف اجرين . :yes: :smilie47: أما حرية المرأة , ف ه أنا فتاة سعوديه قبيليه لم تهاجر البته ولدت وعاشت هنا ربت على عادات باليه وتقاليد مهترئه ومع ذلك م زالت تقر بوجود حقوق للمرأة :yes: , ف للمرأة حقوق شرعها الإسلام لها أكل عليها الدهر وشرب , فلم نر من تلك الحقوق المشروعه إلا القليل بل القليل والقليل فقط ؟ , عن نفسي أطالب ب الكثير والكثير للمرأة المكلومه هنا , مظلومة مهنياً , إجتماعياً , سياسياً :yes: , بل وأشدد على ضرورة قيآدة النساء للسيارة , ف أنا فتاة ينتظرني مستقبل أريد أن أضمن لي مكاناً فيه :yes: , فلا أريد التغيب عن دوامي ذات يوم بسبب سفر أبي ومرض أخي , أو بسبب عدم نوم أبي البارحة جيداً ومماطلة أخي للنهوض من سباته لأنه عاد للتو من سهرة قضاها مع أصدقائة وكانت مستمرة حتى قبيل الفجر :yes: , يوجد مثل شعبي أحب إستخدامه كثيراً " م حك جلدك غير ظفرك " :s2: , فلن يخدمك أحد سوى نفسك ولن يستطيع تلبية طلباتك سوى ذاتك :yes: , ف أنا أريد القيادة فقط لأنه حق من حقوقي , لأنه لايوجد نص أو دليل شرعي يمنع تحقيق هذا المطلب , لأنني روح مستقله منفردة بذاتي :yes: , و س أحصل على هذا الحق لاسيما وأن مجلس الشورى خضع وخنع أخيراً تحت مطالبنا ووافق على النظر في قضيتنا , وكلي ثقه ب أن أبا متعب لن يخذلنا , فهو من وعدنا وعلى يديه سننال حريتنا , والزمن سيقف بيننا ليثبت صحة أي من أقوالنا :yes: , لك :rose: |
| الوقت المعتمد في المنتدى بتوقيت جرينتش +3.
الوقت الان » 12:49 PM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd