السلام عليكم والرحمة الله وبركاته

الكل شاف المباراه الاخيره قدام الاتحاد وشاف رابطة الاتحاد الي كانت مولعه من البدايه الى النهايه وين رئيس رابطتنا ماسمع غير صوت القرني الي كان مولع الرابطه بعد مباراة جده توقعت بيكون حماااس الملعب مو مليان على الفاضي ياخوان شوفو الاهلي فريق مايحقق بطولات بس جمهوره حاااضر مو متفرج والعتب عليكم ياجمهور الرياض انا المره الوحيده الي شفت فيها جمهور الهلال مولع في مباراة بنيدكور الاوزبكي تعبنا معكم مااانبي حضور خلص الي بيتفرج شاشة البلازما في كل مكان والله ياخوان لو فيه جمهور بيتحمسوون الاعبين الي ماله نفس يلعب بيلعب لانه بيسمع اصوات الجمهور وحماااااسه وهاذا بينعكس + على الفريق لاكن جمهور نايم مايصحى الا على كل هدف وش تبي يقدم لك اللاعب انا معكم لاعبين باردين ومبرر سبب الخساره انا من زمان ودي اعلق على هالنقطه علقت في ردود بس ماحد سمع قلت اسوي موضوع لعلا وعسى احد يسمع والله منظرر مخزززززززززززي ولا الاتحاد ضيف واصواتهم تعلؤؤؤ علينا ياخي مو مبارة الاتحاد مباريات واجد اشوف جمهور الهلال يحضر بعداد خياليه لاكن وين الفعاليه ابي اشوف الملعب يهتز نبي السنه الجايه نصحح كل شي ياخوان وابن مساعد مراح يقصر الهلال في ايدي امينه راح يعدل فيه واجد وبتشوفووون ارواح جديد بس الي عليكم انكم تحضرون ( بفعاليه ) اتمنى تغير رئيس الرابطه والله الجمهور هو اللاعب رقم 1 متى ماحضر الجمهور حضرت الرووووح

في الاخير هاذا الكلام ليسى تبرير للهزيمه لاعبيننا نصهم فاشلين اجانب راح يتم تغيرهم بس يجب علينا حنا كجمهور نشوف اخطانا قبل مانشوف اخطا فريقنا


سلام مني لكم على امل القى بكم

مشكلتنا نقعد ع الكرسي ونتفرج...اخواني وين من اول دقيقه لإخرها مناقز وتشجيع وبث روح للإعبين....من الموسم القادم نبي حضورنا يكون قوي وتشجيع اقوى...شوفو جمهور الإهلي الي كم سنه يفحط مخذ ولا بطوله شوفو حضورهم!!!!! يارب انصر الزعيم بمبارة الإياب يارب ياكريم

هل وضع الفريق ومستويات اللاعبين تشجع ان الجمهور يتفاعل او يتحمس ؟؟

انا معك ان الرابطة الله بالخير .. لكن يجب ان يقدم اللاعبين مستوى حتى يتفاعل الجمهور معهم

رابطتنا اهازيجها كلها فاشلة

لاتكفووووووون
ترا والله مانحضر عشان هالرابطه

خلوهم يجلسون في بيوتهم ازين لهم وازين لنا
نعرف نشجع بدون طبول وبدون مايكات
واشياء توجع الراس على غير سنع

خلوهم يبيعون طبولهم ولا يروحون يطقون في عروس

حنا نبي نشجع بدون طبول وبدون حركات صجه

تحضر مباراة ماتدري تلقاها من لاعبين ولا من رابطه
تطلع من الملعب مرتفع ضغطك


مانبي رابطه


الشعب يريد اسقاط الرابطه

إقتباس الرسالة الأصلية كتبت بواسطة هلالي متعصب هل وضع الفريق ومستويات اللاعبين تشجع ان الجمهور يتفاعل او يتحمس ؟؟ انا معك ان الرابطة الله بالخير .. لكن يجب ان يقدم اللاعبين مستوى حتى يتفاعل الجمهور معهم

اخوي انت شفت وانا شفت والجمهور الهلالي شاف مستوى الهلال بداية الموسم كان رائع ليه ماتغير حال جمهورنا !!!!

فعلا الرابطة عندنا تعبانه واهازيج يكررها 10 مرات بالدقيقة والتشجيع اي كلام ،،وجهة نظر

يعني الفريق منهزم من الجمهور؟هههههههههههههههههههه دورو غيرها انا غسلت يدي من بعض الاعبين

وربي بس جمهور الرياض إلي نايم
لاكن تعال بجده وشوف كيف الجمهور

والله طووووول المبارة ما يسكت

الرابطه فاشله وجمهور الرياض بالاخص حاطين رجل على رجل ويبغون اللاعبين يبدعون وهم جالسين جمهور الهلال في جده غير

إقتباس الرسالة الأصلية كتبت بواسطة A _ L يعني الفريق منهزم من الجمهور؟هههههههههههههههههههه دورو غيرها انا غسلت يدي من بعض الاعبين

اخوي متأكد قارئ الموضوع قلت مبرر سبب الهزيمه بس هاذا واقع