تصدقون واقســم بالله ان بالموضوع هذا عرفــت بعـض الاعضـاء على حقيقتــهم وتربيتــهم وافاقـهم الضيقه الغير قابلـه للتوسع ابــدا


الواحد يتفلسف ويتكلم كانه منتدى امه ولا ابوه وعيييه عليها اشكال وش قلــة الحيا هذي والله كل ماخرجت من الصفحه دخلت مره ثانيه احسب ان العضو جاب لنا خبر عن صفقه او مدح الموضوع ولا هو يتشمت اكبروا يااطفال الله يصلحكم او ابعدوا انفسكم عن الانتــر نــت الظاهــر منتم بمجبورين عليه


وبرضو خلونــا نرتقي بالاسلــوب اللي يعكــس مجتمـعنـا وتربيـتنا لان منتدى الهـلال المطلعين علـيه من جميـع الدول العربيه


لاني ملاحظ ماشاء الله اخوان من فلسطين والاردن والامارات مسجلين فيــه


الزبــده ترفعوا فديتكم ترفعوا عن اللي ف رجولكم اكرم الله كل من عدا


وبالتوفيق للـهلال اليوم يااااارب
يااارب ارنا عجاائب قدرتك اليوم ياااااااااارب

الله يكتب اللي فيه الخير للزعيم

وأنا شخصيا اتوقع ان كاهيل ماينجح في الهلال وياليت يرجع تياقو ومهاجم عالمي

والله يمكن ليش لااا

طيب رونالدينيو بيحترف في الدوري القطري!!!!!!

مين يصدق جينينيو يجي الغراااااااااافه!!!!!!


نحن في زمن الاحتراف

اللـه يـكـتب اللـي فـييـه خـيير للـزعيييـم

اذا نوا ابراهيموفتش يجي للزعيم, انا اللي راح ادفع قيمة الصفقة

الله يكتب اللي فيه الخيــــــــــــر للزعيم

حبيبي يعطيك العافيه على الموضوع...ثانيا ما اتوقع ولا جزا بالمية ابرا يترك المال والربات اللي يتقاضاه في ايطاليا ويجي لـ قارة اسيا بكبـــــــــــــــــــــــــــــــــــــــــــرهـا ..

ابراهيموفتش
.................

طيب لو كاتب الموضوع اخطى بالتوقع او حتى التمني.. وش اللي يستدعي مثل هاللغة: (مراهق، موضوع خايس، واستظراف ثقيل طينة).

موضوع مهذب و مافيه اساءة لأي شخص.. وإن كنت ما اتفق مع المضمون.

كل الشكر

إقتباس الرسالة الأصلية كتبت بواسطة sandproof طيب لو كاتب الموضوع اخطى بالتوقع او حتى التمني.. وش اللي يستدعي مثل هاللغة: (مراهق، موضوع خايس، واستظراف ثقيل طينة). موضوع مهذب و مافيه اساءة لأي شخص.. وإن كنت ما اتفق مع المضمون. كل الشكر

ابراهيموفتش يستلم من فريقه مايقارب 50 مليون ريال سنويا

يعني نستلم دعم موبايلي سنويا ونعطيه ابراهيموفتش ههههههههههههههههههههههههههههههههه

حنا اذا جبنا مهاجم نجيب الحسن كيتا

اما دروقبا وابرا من جدك انت؟؟؟؟؟

ابرا سنويا 12 مليون يورو

ودروغبا ما ظنتي انه بيترك ماشنستر ستي الي مقدم له عرض وبيجي الهلال


ترا الهلال ياناس نادي خليجي مب اوروبي عشان يستقطب نجوم الكره


ونظره اساسا لاعبين الكره المحترفين وخاصه في اوروبا ، نظرتهم للخليج انها " منطقه استراحه في حاله سن الكبر " زي جنينهو

يوم جاء الغرافه بعد ما كبر وزي باتستوتا بعد ما كبر ،

يعني لا تتوقعون نجيب لاعبين مازال عندهم عطاء

اذا نبغى نجم كأسم " راح نجيب لاعب كبير في السن "

واذا نبي فعاليه واداء في الملعب " لازم ندور لاعب صغير من دوري مغمور وللحين ما برز اسمه "

ونا اشوف ان الخيار الثاني افضل

ونا اشوف ان لاعب مثل " عمرو زكي أو فانقر لوف لاعب سيسكا موسكو الروسي والمنتخب البرازيل ، اهم افضل من النجوم لانهم اولا صغار في السن ويمكنهم العطاء ، وماعاشوا النجومه في انديه كبيره مثل تشلسي ولا مانشستر ولا برشلونه او مدريد

يعني ماراح يتكبرون عليك ولا علي ناديك ولا علي جماهيرك

موضوع حلوو وردود للأسف البعض منها مش ولا بد


ابراهيموفيتش لو نفرض انه بيوافق وبيجي مجانا .. انا ارفض بتاتاً البته < بصفتي ايش .!؟

لا بجد ابرا مايصلح هنا .. ابرا مزاجه حاااااااد وعصبي ومزحه ثقيل والله لو يجي بيدمر الهلال . من عدة نواحي

أولا \ سهل على اصحاب الخبره من الاصفرين وغيرهم انهم ينرفزونه ويدخل بهواش وخناق وهو مايقصر بسرعه يعصب وينسى كل شي ويخربها في جميع الضروف

ثانيا \ بمزحه الثقيل بيسبب مشاكل مع لاعبين الهلال مايعرفون مزحه وبيعصبون منه وتبدا الفرقه والمشاكل داخل البيت الهلالي بوجود ابرا ( ولنا في حسين مثآل )

ثالثاً \ مستواه هابط



لو بكيفي ابيهم يجيبون مهاجم افريقي مايعرف الصحافه ولا الاعلام ..وزوجته بتشوف السعودية باريس تنبسط فيها وبجوها البآريسي .. يدخل المباره يجيب اهداف وياخذ فلوسه ويمشي

أسأل الله ان يسدد خطا الادارة الهلالية. ويوضفني بالقريب العاجل عشان اتزوج هـع

أشوف بعض الإخوان زعلان من الموضوع و دخل في متاهات مع الكاتب
طيب إذا ما أعجبك الموضوع ترى مو لازم ترد
الهلال جاب ريفالينو و اللاعبين الكبار تشوفونهم بالدوري القطري و الاماراتي
اللاعبين الكبار إذا تعدوا 30 و حققوا أحلامهم ما عندهم مشكله يجون للخليج
راؤول ذهب للدوري الألماني رغم إنه يعتبر رمز من رموز مدريد
تحياتي للجميع

ياجماعه الخير ... قل خيراٌ او فصمت الرجال قال وجه نظر ورائيه ياتحترم رائيه يا لاتعلق عليه برد يدل على سخافت عقلك ...وبالذات هلالي تشلساوي كانك قاعد له عند باب المنتدى ماتبيه يكتب موضوع خل الرجال يعبر ماراح يضرك شيء .. جابو ابرا جابو منتخب البرازيل كله تبقى اراء ورغبات .. والاغرب والادهى ان البعض يقول لا ماينفع نجيبه ولاتستخف بعقولنا ويعطينا مقاضي رمضان بطلبات لاعبين من عنده ... وحتى لوكان سعر اللاعب 500 مليون ريال سعودي لاتنسى ان العقليه الاداريه الهلاليه تفكر بلاعبين مستواهم الفني عالي اضافه الى قيمتهم السوقيه محفوظه بحيث لو فكر الهلال ببيع اللاعب مبلغه مردود وهذا الشيء حصل مع ويلهامسون وتيفيز ورادوي ... استفاده فنيه واستثمار ..

انا ابعلق من الناحيه الفنيه الى اللاعب ابرا اعتقد انه غير مناسب حاليا للهلال لزياده وزن اللاعب ...


وللمندسين واطفال الديجتال احب اذكركم بشيء بسيط الهلال احضر ريفالينو وهو كابتن البرازيل وكابتن نجوم العالم فلاتستغرب يجيب نجوم من هم على شاكله ابراهيموفيتش او دروقبا ...

والله يكتب اللي فيه الخير للهلال والله يعينك ياصاحب الموضوع على اطفال النيدو اللي شوهو الموضوع ..