|
احترفوا ... بس لاتصيرون ( جِبِلّه ) أحبة المملكة : حياكم الله ... الإحتراف هو حديث الوسط في كل مناسبة ! وأصبحت كلمة احتراف تسيطر على كل شيء كما أصبح هذا المصطلح مبرراً لمواقف كثيرة ! فاللاعب يدندن على وتر الاحتراف ! والمسئول يعزف على هذا الوتر ! والإعلام يتعاطى مفهوم الاحتراف ! بشكل يومي ! كل ذلك مقبول ومطلوب فالفكر الاحترافي يجب أن يترسخ في عقول الرياضيين وخاصة اللاعبين وإداريي الأندية ! ولكن !! الملاحظ أن الاحتراف تعدى الفكر إلى المشاعر !! :naughty: وأبرز مظاهره ( البرود ) و ( التبلد ) !! عند أي نتيجة سواء الفوز أو الخسارة !! وبالذات عند الخسارة ! فلم نعد نرى الحماس والفرحة الواسعة إلا لدى الجماهير !! في المدرجات !! وهذا مؤشر خطير ! يؤكد أن اللاعب يدخل المباراة وهو يفكر في انتهائها بأي نتيجة لــ ( يرتاح ) ويروح يشوف ( حاله ) !! رغم أننا نسمعه يتحدث بأنهم يبحثون عن رضا الجماهير وسيبذلون وسيعملون ... الخ !! وفي خضم المباراة نرى شيئاً آخر !! هذا ينطبق على معظم اللاعبين في الأندية الكبرى ! فالجماهير تحترق في مشاعرها واللاعبون يحترفون في فكرهم وعاطفتهم !!!!!!!!!!!!!!!!!!!!!!!!!!!!!!! ونحن نقول : تكفون احترفوا !! في فكركم ! " بس لاتحترفون في أحاسيسكم " !!! بل احترقوا !!! ولاتصيرون ( جِبِلّة ) وعلى قولة ( شاعرتكم ) بعد اذنكم ( المملكة ) ! ترى الجبلّة لاطْوَلْ الوقت خسران ××× وش هي حياة اللي حياته جِبلّة يعيش ماكنّه مع الناس إنسان ××× كلٍّ علشـانه ( جِبِلّه ) يملّه |
صصـح لسانك شاعرتـنا المتميـزهـ ..... ورربـي يوفق الزعييــم في القادم يّ رب ... تحيــاتي لـــك .... |
والله اشباه لاعيبه حسبي الله ونعم الوكيل |
شكراً المملكة على أغلب مواضيعكي المميزة |
تسلمي ياشاعرتنا المملكه الف شكر لمواضيعك المميزه دائما |
هذا اللي أحنا نقوله من زمان أختنا العزيزه المملكه....في عالم الكره ...ليس هناك فريق أو منتخب لا يهزم...ولكن أن تهزم شر هزيمه وبمساهمه منك....هذا هو ما يقهرك ويوجع قلبك يالمحب للمفريق تسلم أناملك يالمملكه |
مثل ما يعـطـى اللاعب جرعات لياقية وتكتيكية وفنية لرفع مستواه فهو أيضاً يحتاج جرعات تثقيفية وتوعوية وتأهيل ذاتي ونفسي على شكل محاضرات وجلسات خاصة مع متخصصين ويكون بشكل مستمر مثله مثل التدريبات اليومية والتحضيرية للفريق |
والله لو عقب كل خسارهـ يُخصم من رواتبهم كان تشوفون رجال في الملعب خوفاً على راتبه لايروح .... |
ترى الجبلّة لاطْوَلْ الوقت خسران ××× وش هي حياة اللي حياته جِبلّة يعيش ماكنّه مع الناس إنسان ××× كلٍّ علشـانه ( جِبِلّه ) يملّه صح لسآنك شآعرتنآ :smilie47: فعلاً جبتيهآ في الصميم ، صآيرين جِبِلّه وبقووووه :d ع ـوآفي |
ما عاد نبي إحتراف و لا ملاييين تضيّع في هذا و هذاك نبي لاعبين عقودهم ما تعدى 500 ألف ريال و رواتبهم خمسة آلاف و مكافئاتهم لو كثرت ألف ريال نبي لاعبين يلعبون للهلال لأنهم يعشقونه و يحبونه مو عشان رواتبهم و ملايينهم و راحتهم و جماهيريتهم اللاعبين أنتفعوا من الهلال أكثر من نفعهم للهلال اللاعبين إستغلوا الهلال شر إستغلال أبي عبد الرحمن يمسك اللاعبين و يقولهم اللي ما يبي الهلال يمسك الباب يدور له فريق ثاني إنتي تعرفي أختي العزيزة كيف صاروا هاللاعبين جبله ؟ لأنهم من أول مباراة رسمية مع الفريق الأول صاروا فيلسوف و ميسي و ماردونا و من أول هدف قبضوا عقود بالملايين , من وين تجيهم الروح ؟ فيصل بن فهد الله يرحمه كان لا خسر المنتخب حرمهم من أي مكافأه و سفل فيهم تسفيل الحين طالعين لنا بأعذار مو في يومهم , من وين يحس اللاعب دامه لاقي اللي مجهز له عذر ؟ لاعبين كل همهم الفلوس و الشهرة أما الهلال فستين داهية , جابو لنا الدوري و كأس ولي العهد و كنهم متفضلين على الهلال , تراه غصب عليكم ما هو من طيبكم أجل أنتوا تستلمون الملايين ليه لسواد عيونكم ؟ حسبي الله و نعم الوكيل على عشاق الدرهم و الدينار لو أنا لاعب بالهلال ما ابي لا مقدم عقد و لا يحزنون راتب عشرة آلاف ريال بالشهر يكفيني و يعيشني لأن عقدي مع الهلال حب الكيان و الفانيلة و الشعار و اللي ما يقدر و لا بمئات الملايين , لكن عبدة الدينار أبتلينا فيهم |
صدقوني الموضوع يستحق التفاعل ! ليس لأنني كاتبته ولكن لأنها ظاهرة ولو تاملنا في لاعبي فريق مثل الوحدة ! صدر قرار بسحب ثلاث نقاط نتج عنه هبوطه للاولى !! وأثيرت حوله قضايا كثيرة منها الرشوة والتواطؤ ! واستمر مادة دسمة للإعلام بكل انواعه ! وتعرض رئيسه لمواقف مؤسفة ومحزنة ! شفاه الله ورغم ذلك ! هاهم لاعبوا الوحدة على مقربة من المباراة النهائية ! وكان بإمكانهم التحجج بظروف ناديهم ولن ينتقدهم أحد لأنهم معذورون ! فما معنى ذلك ؟ وفريق الاتحاد يتكرر سقوطه وخروجه من المولد بلا حمص ويستمر النزول الاتحادي طوال الموسم وفجأة انتهض لاعبوه الذين لم يتغيروا !! هم هم ! وهاهم يحرثون الملاعب وكأنهم في بداية الموسم ( ماشاء الله ) فما معنى ذلك ؟ ولاعبوا الفيصلي رغم ظروف مشاركتهم المفاجئة وغياب المدرب والأجانب استطاعوا إحراج بطل الدوري وكأس ولي العهد ! لاتقولوا خطط ولامدربين ولا هم يحزنون إنها الرغبة الأكيدة والطاقة الكامنة في داخل اللاعبين ! إذا لم يوقظها اللاعب نفسه فلن تفيد الجرعات الخارجية ! |
| الوقت المعتمد في المنتدى بتوقيت جرينتش +3.
الوقت الان » 06:40 PM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd