للاسف حدثت السينارو الاسوأ في مباراه الامس ووضحت عيووب كثيره جدا في لاعبين نادي الهلال وانا هنا لا انتقد لاننا انهزمنا في المباراه بل الهلال لعب مباراه قويه و ادى مستوى كبير ولا يختلف عليه احد لكن المصيبه عندما تأتي المكابره ولا نعترف بوجود اخطاء تحدث؟تعددت الاسباب والهزيمه بنتيجه واحده؟؟؟!!
جابريل كالديرون

للمعلوميه "كالديرون كان الخيار الافضل للنادي في هذي الفتره ولكن اثبت انه مدرب لا يقرأ المباريات وخططه قديمه وكلها مبنيه على الدفاع البحت وحتى وانت بارضك؟؟؟

هنا يجب تحديد اسباب الخلل في الاعبين والاداره واولهم رئيس النادي وانا اتمنى ان يكون بعيد البصيره
الخلل من الاعبين واولهم الشلهوب الذي (الصانع) لم يصنع ولا كره خطيره ولم تكن تحركات خطيره وعيسى المحياني للاسف انت كل يوم تثبت انك لاعب لاتجيد ترويض الكره للاسف
ولا ننسى :لي +كريستيان+الفريدي كلهم قدمو مستويات لا تليق بالفريق وانا اعذر ويليهامسون على مستواه ولاكن تصرفه يدل على عدم الاحترافيه .
المصيبه الكبيره ((عبد اللطيف الغنام>>>>والله هم يضحك وهو يبكي انا الصراحه ما ادري عبد اللطيف ايش كان يسوي في الملعب بالامس كان ضااايع للغايه.

انا الصراحه احب اشكر لاعبين من كل قلبي" لانهم كانو كيان الهلال بالامس.
مـــــــاجد المــــــــــــــــرشدي صراحه بالامس كان>>>>مسلطن
عبد العزيز الدوسري>>>تحركاتو تعبت الخصم بشكل كبير ولو العابد موجود كانو تحرك الهلال في الجهتين.


صراحه انا كنت اقول الهلال بيجيب لاعب افضل من رادوي بكثير والموسم الجاي يشهد لاكن بالامس عرفت ان مهما جبنا لاعبين لن يقاتلو على الكره مثل هذا الروماني ومع انني لست من كبار معجبي هذا الاعب ولاكن هذا المحور البطل كان هو صانع الالعاب بالامس وسبب خطوره كل هجمات الهلال وقاتل هجمات الاتحاديه فكيف نفرط بهذ الاعب الكبير وهنا سبب الهزيمه الحقيقي التفريط بالنجوم الكبار وعلى غرار "

تياجـــــو نيفـــــــــز

اتمنى ان يكون الاعب مازال ملكا لنادي الهلال ولم يقم ببيعه لان هذا الاعب وانا ااكد لكم لن يلعب مع المنتخب هناك لان عندهم لاعبين عندهم قدرات افضل "
الاعب هذا سبب فوز الهلال بالخمسه>>>>>صنع وسجل وخلى مبرووك يصور.
الاعب هذا كان الافضل في الهلال في مباراه ذوب اهن
الاعب هذا هوا من يفتقده الهلال لان الهلال لا يملك لاعب يمتلك الحلول يسدد ويراوغ ويسجل ولاعب مهاري للاسف لا نمتلك مفتاح للعب قادر على تجاوز لاعبين واكثر وكلنا شفنا عبد العزيز الدوسري يتعمدون اطاحته هذا ما نحتاجه.

مهاجم اجنبي "

هذا اهم مطلب للاداره والصراحه بان هجوم الهلال بالامس ولكن للاسف مازلنا نصر على المحياني والجيزاني واحمد على وياسر للاسف على الهلال ان يفكر بمهاجم كبير باللعب وليس بالعمر -نحتاج لاعب مهاري يمتلك الحلول.ويكون له ثقله بالملعب.
اتمنى من اداره الهلال تفكر باحوال هذا الجمهور اللي يتعب ويحضر
انا ماراح اكون جدا متفاءل ولاكن نحن لا نطلب من لاعبين الهلال الكثير ولاكن اتمنى من لاعبين الهلال انهم يلعبون كوره زي ايام جيريتس كوره حلوه وممتعه وسهله ويسيبو الانانيه الزايده.
على العموم ماحصل الا الخير والضربه اللي ماتكسر ظهرك....... تقـــــــويك
اتمنى عدم التفريط بالاعبين وصراحه كالدي >>>>>>شكرا لك على كل ماقدمت ولاكنك لست جريتس ولا كوزمين يعني لا تستطيع فعل المســـــــــــــتحيل لاننا لانرضى الا بالمستحيل.