السلام عليكم ورحمة الله وبركاته

أكيد الكل قرأ موضوعات تطالب عبدالرحمن بن مساعد بترك رئاسة النادي ..

إنتم متأكدين إنكم ماتبونه ..؟ منهو اللي جاب لكم رادوي ..؟ منهو اللي وعدكم بنقلة نوعية الموسم القادم ..؟

منهو اللي جعل الهلال افضل نادي سعودي يطبق الاحتراف ..؟ منهو اللي جاب لكم اجانب على اعلى مستوى ..؟

لآ ويبي يجيب الأفضل .. إنتم تدرون ان في رئاسته مافيه سنة الا وحنا ماخذين بطولة ..؟

من أكثر واحد دفع من جيبه الخاص ..؟ وحتى انه تعب صحياً ونفسياً لعيونكم ..؟

يوم قدم استقالته مو انتم اللي قلتوا لا يا شبيه الريح لاتطلع النادي يبي يضيع بدونك ..؟

لانضحك على بعض السبب مو في شبيه الريح السبب في الروح اللاعبين ..

بس والله اني متفائل الموسم الجاي والله مدري ليه ..

ماراح نلقى رئيس مثل عبدالرحمن بن مساعد ..

شخص عاشق للهلال وجماهيره ..

دافع عن الهلال بكل جرأة في قضية رادوي الكل يذكرها وتغرم بسببها ..

اللي ابي اوصل لا تصيرون مثل بعض الجماهير (اللهم لا شماتة) بعد كل خسارة طالب بتنحي رئيسها ..
مع السلامة وأتمنى اني ماطولت عليكم او اخطيت في شيء

ولأ رد ..!

5 مشآآهدات

تراااهم مندسيين

خيررررررر انشالله

ومنهو انت يالي ماتبي شبيه الريح

جب لي رئيس واحد سوى مثل ما سوى شبيه الريح

الي غيرر مفهوووم الرياضيه عند نااس
والي سوى لنا معسكر في النادي
والي جاب لنا افضل الاعبين الاجانب والمدربين

والي دفع والي تعب

والي ووووو ..........الخ

يالي تطالب بخروج شبيه الريح

انت الي رح اطلع منهااا وفكناااا

وراك اختبارات ياحبيبي


خلااااااااااص

لاترفعون ضغظ الواحد

صدق انكم مدلعين

بزياااده

يارجال انا ابي شبيه الريح يستمر فتره رئاسه ثانيه

ايل يكتبون يقولون لشبيه الريح اترك الرئاسه اغلبهم مندسين

عوووافي

ماقلنا ما نبيه
قلنا يشد عليهم
اللي يقصر يحمله الخسارة
واللي يلعب يكافئه
مو كلهم يعاملهم بالمثل
صار اللى يتعب ويتعرض للمخاشنه مثل اللى بس يمتر الملعب

حتى هو حاس بها الشي
والا ليه كل ما نهزم الهلال طلع وقال انا اتحمل
لانه ما فعل العقاب للمتكاسل والثواب للمجتهد

وعلى فكره ترى اللى قبله جابو لعيبه صح من دفاع الى هجوم
لا تتوقفون على رادوي ؟؟ وبس

يامندسين ياعياال الك ..........

والله ان ضغطي اررتفع منهم

شوفوا فريقكم

وشوفوا خبيلاان وش يسوي قبل لاتتكلمون على شبيه الريح

الي رئيسكم ما يوصل ولا نص بالميه من ابو فيصل

رايح لأمريكاا يعالج

طيب وش ودااه لندن

تذكر كلامه و وعوده بالجوله ؟
يوم قال لن نبقي اي لاعب لا يحترق من اجل الشعار
و للحين ما نفذ وعده

شوف عزيز ساحب ع النادي
و ويلي سحب 4 ايام و يوم جاء سواله حفله !

يا ليتني لاعب بالهلال اقسم بالله قمة الفله
متى ما بغيت اغيب اغيب و متى ما بغيت العب بحماس و قتاليه لعبت
و اذا ما لي نفس مو شرط العب
بس المشكله الوحيده اللي ممكن تواجهني
( الاساءات من الانديه او الاعلام و الاداره ما راح توقف معي بسبب المثاليه ) < مثل اللي صار مع رادوي و ياسر

بالعكس ابن مساعد دخلنا عالم احترافي مذهل وجميل

ولكن دلاخة لاعبيينا في المباريات المصيرية تضيع مجهود ادارة كاملة

ابن مساعد عمل نادي محترف من كل النواحي لكن المشكلة الوحيده

هي المجاملة في الكبتنية نبدأ الموسم بهوساوي مرور بياسر

وبعده رادووي وويليهامسون والغنام والنهاية الشلهوب وهذا دليل ان ما عندنا كابتن

بمعنى القايد وليس حامل قطعة القماش ..؟! لان الكل يقدر يحمل قطعة القماش لكن لايفهم محتواها

واتوقع لايوجد قايد بالسعودية الا محمد نور والحسن اليامي

هذولا مندسين اللي يقولون مانبيه

حنا نبيه يرحل كل الجانب واولهم ويل الوسخ يا اخوان والله المباريات الكبيره ما يسوي شيء بالذات مع الاتحاد

بعدين كل مره يقول زوجتي وحنا وش علينا

اتمنى من ابن مساعد رحيل كل الاجانب وما نبي اجانب اوربيين نبي افارقه وبرازيليين

^^^

كلام صحيح
نبغى اجانب برازيليين و أفارقه
هارد لكم على الخساره
3-0

شبيه الريح هو والله الي ينقهر ويعمل وتقولون ارحل


يا عمي خلنا من الجماهير الي ما يفهمون كوره

الزعيم بتغير الموسم الجاي


وشكراا

فريق خواف وفاشل وربي الاتحاد فريق سيئ حتى على النصر ماقدروا يفوزون علية يجون ويفوزون علينا اخ يالقهر
والله انا بوجهه نظري سبب الهزيمة رئيس النادي اجل كل ماطلع وصرح يقول حنا نهاب الاتحاد بالله هذي تصاريح يا ابن مساعد تقول نخاف الاتحاد الله يرحم ايامك ي محمد بن فيصل




والله كفو ياليت يرجع لنا هذا الرئيس المرعب الطيب ما ينفع يا ابن مساعد في هذا الزمن وخصوصا مع الاصفرين
اقول ان شاء الله الهلال بجدهـ ماينهزم بنتيجة تاريخية ياعالم كيف الاعبين راح يلعبون ورئيسهم مصرح انه يخاف الاتحاد كيف انا كـ لاعب ابدع بالملعب ورئيسنا خواف الله يعيـــن

انا اتمنى شبيه الريح
يستمر برئاسته بس
يصحح الخطاء
الي بالفريق

إقتباس الرسالة الأصلية كتبت بواسطة No E7tkak H فريق خواف وفاشل وربي الاتحاد فريق سيئ حتى على النصر ماقدروا يفوزون علية يجون ويفوزون علينا اخ يالقهر والله انا بوجهه نظري سبب الهزيمة رئيس النادي اجل كل ماطلع وصرح يقول حنا نهاب الاتحاد بالله هذي تصاريح يا ابن مساعد تقول نخاف الاتحاد الله يرحم ايامك ي محمد بن فيصل والله كفو ياليت يرجع لنا هذا الرئيس المرعب الطيب ما ينفع يا ابن مساعد في هذا الزمن وخصوصا مع الاصفرين اقول ان شاء الله الهلال بجدهـ ماينهزم بنتيجة تاريخية ياعالم كيف الاعبين راح يلعبون ورئيسهم مصرح انه يخاف الاتحاد كيف انا كـ لاعب ابدع بالملعب ورئيسنا خواف الله يعيـــن

+1
والله انك صصآدق يابعدي لييه نخخاف تذكرون ايام محمد بن فيصل كاس الملك ف جده ومع ذلك انتصرنا عليهم
منهو الاتحاد اللي يخوف الهلال انا اتوقع كل هالخساير احطها ف راسك يابن مساعد وبخصصوص تقول الاجانب مو اول واحد يجيب اجانب انت .. تذكرون محمد بن فيصصل ردريقو + كماتشو يلعبون برووح برووووح
افششل عصصر عصر بن مساعد والله مدري وش اقول اعذروني ع كلامي بسس والله شى يرفع الضغط ..

إقتباس الرسالة الأصلية كتبت بواسطة عاشق 8 الزعيم السلام عليكم ورحمة الله وبركاته أكيد الكل قرأ موضوعات تطالب عبدالرحمن بن مساعد بترك رئاسة النادي .. إنتم متأكدين إنكم ماتبونه ..؟ منهو اللي جاب لكم رادوي ..؟ منهو اللي وعدكم بنقلة نوعية الموسم القادم ..؟ منهو اللي جعل الهلال افضل نادي سعودي يطبق الاحتراف ..؟ منهو اللي جاب لكم اجانب على اعلى مستوى ..؟ لآ ويبي يجيب الأفضل .. إنتم تدرون ان في رئاسته مافيه سنة الا وحنا ماخذين بطولة ..؟ من أكثر واحد دفع من جيبه الخاص ..؟ وحتى انه تعب صحياً ونفسياً لعيونكم ..؟ يوم قدم استقالته مو انتم اللي قلتوا لا يا شبيه الريح لاتطلع النادي يبي يضيع بدونك ..؟ لانضحك على بعض السبب مو في شبيه الريح السبب في الروح اللاعبين .. بس والله اني متفائل الموسم الجاي والله مدري ليه .. ماراح نلقى رئيس مثل عبدالرحمن بن مساعد .. شخص عاشق للهلال وجماهيره .. دافع عن الهلال بكل جرأة في قضية رادوي الكل يذكرها وتغرم بسببها .. اللي ابي اوصل لا تصيرون مثل بعض الجماهير (اللهم لا شماتة) بعد كل خسارة طالب بتنحي رئيسها .. مع السلامة وأتمنى اني ماطولت عليكم او اخطيت في شيء

اللي جاب رادوي كوزمين اللي سواه هو بسس دفع وكان فيه دعم من اعضاء الششرف والل يقول ورني رئيس زيه آقول محمد بن فيصل لبى قلبه اججل يقول ع الاين اي لاعب يحترق عشان الشعار وامس يتبطحون وعزيز كم له ساحب ع التدريبات !!