|
الهدوء مطلوب ونواف بن سعد غريب هالتصريح والتشكيلة الأمثل للمباراة القادمة اولا: الحمدلله على كل حال الهلال كلاكيت ثاني سنة نهاية موسم ينسف انجازات موسم ناجح أخطاء مدرب جبان يلعب امام ارضه وجمهوره بمهاجم واحد ويتخبط بوضع محور قلب دفاع وكأن الفريق مطرود منه لاعب؟؟؟ وحقيقة استغرب ايضا تصريح غريب للأمير نواف بن سعد يذكرني بتصاريح خبيلان النصر وهو يضع شماعة الهزيمة على غياب واستهتار عزيز اللى احمل الإدارة مسؤوليه غيابه وتعامل الإدارة السيء مع اللاعب؟؟؟؟ شوف مادار بين الاتحاد ومحمد نور بداية الموسم وكيف احتوى رجال الاتحاد المشكلة والان يحصدون مجهود لاعب ينجز لهم بالميدان أفضل انجاز. خالد عزيز ليس اول لاعب هلالي غير منظبط سبقه الثنيان والغشيان وسامي الجاير والجمعان ولكن ايام بندر بن محمد كان هناك عقاب ولكن عقاب الاباء على الابناء كما سبق وان قاله الثنيان وليس كما يقوله نواف بن سعد اللاعب يغيب لأشباع رغباته بتصريح غريب جدا الهلال صراحة محتاج تغيير في النهج الإداري وليس التغيير الإداري لابد ان تتغير سياسة الإدارة مع اللاعبين. نحن كلنا كسعوديين سياستنا سدد وقارب ولا نتقبل النظام الصارم لابد من الواقعية بذلك. ان ارى الهلال ليس بذلك السوء ولكن لابد من التوظيف الجيد للاعبين واسناد المباراة القادمة لمدرب وطني وارى انه أفضل تشكيله يلعب فيها الهلال هي التالية : العتيبي عبدالله الزوري ماجد المرشدي سلمان الخالدي لي يونج رادوي الدوسري الفريدي محمد نامي الجيزاني احمد على الثقة بالنفس لابد ان يكون شعار الزعيم المباراة القادمة الخوف من هزيمة ثقيلة سوف يجلب لنا نتيجة قاسية جدا المباراة صعبة جدا جدا جدا جدا التعويض ولكن ليست مستحيلة نريد روووووح محمد بن فيصل عندما لعب اخر ثلاث مبارايات بالدوري وذهبنا لجدة للفوز فقط وفزنا ووقتها لم يكن لدينا اجانب افضل من اليوم ولكن كانت لدينا القوة والرغبة بالفوز والثقة وروح الحب والفريق الواحد للأسف أخطأت إدارة الهلال عندما طبقت النظام بحذافيره فنحن السعوديين نلعب بالنفسيات والروح أكثر من النظام. أذهبو يا ابطال الى جدة وانتم مرفعون الراس فأنتم أبطال الدوري والكاس وهزيمتكم كانت من فريق بطل مثلكم لايقل عنكم ولابد ان توعي هالشي. اذهبو يا ابطال قاتلو ليس امامكم شي تخسروه بالعكس انتم كسبتم كثيرا هالموسم اذهبو واستمتعو بكرة القدم حبكم وعشقكم اذهبو للتحدي وللفن وللاستمتاع وليس للخوف من ردة الفعل هدف مبكر راح يزلزل الاتحاد في جدة وهدف ثاني في نهاية الشوط الاول او بداية الشوط الثاني راح تجلب المباراة لنا صدقوني الاتحاد بطل كالهلال ولكن كرة القدم لا تعرف المستحيل كفاية انهزامية سامي الجابر اسطورة الهلال الان دورك في العمل بالفريق مهم جدا جدا جدا اقتراح مغادرة الفريق الليلة الى جدة واقامة معسكر مغلق للمباراة يازعماء انظرو للأمام ولا نكن كالنصراويين تنغني بالماضي والخمسة نحن الزعماء نحن الزعماء الأهم يتغير نهج الادارة ارحمو عيالنا اللاعبين الابطال والله يعوضوها وراح يرفعو راسكم الأهم شوفو كيف أمس ابدع المرشدي وكيف ابدع الفريدي هناك اخطاء ليس ذنبهم بل مدرب فاشل قاد الاتحاد للخماسية ولن يقودنا لها بأذن الله الأهم اسناد المباراة القادمة لمدرب وطني ان شاء الله الجوهر بس بفكونا من السبااااك. |
لبى قلبك كلامك حلوووووووووو بس ماادري ليش قلبي قامصني:ba: |
تدرون ليه الاتحاد فاز لانهم تاولوا منشطات والدليل في هذا الرابط http://www11.0zz0.com/thumbs/2011/06.../166213789.jpg |
تفائلو والله انا متفائل |
وش الرابط الصوره مو واضحه اعيدها بالله |
إقتباس:
المنشط هو الروح والثقة في انفسهم |
والله كلام روعه اشكرك من اعماق قلبي على الكلام المنطقي والاسلوب الراقي هذا جمهور الهلال (معاك في الحلوه والمره) يعطيك العافيه .... تقبل مروري.... تحياتي لكـ.! |
الزعيم يمرض مايموووووووووووت |
اقول بالله تبي تفوز بالثلاثة وهجومك الجيزاني واحمدعلي وبجدة بس نريد مسح الصورة الهزيلة فقط فوووووووز باي نتيجة |
صدقت تشكيله روووووووعه وانا من الناس اللي اشوف نامي عنده نزعه هجوميه لكن الخالدي اتوقع مكانه في الحواري مو الهلال ولا الرائد بعد |
الجيزاني ونامي واحمد علي ههههههههههههههههههههههههههههههههههه مدري احس الموضوع فيه استهبال . ياجماعه الخير بطولة نهاية الموسم انا ما اعترف فيها اصلا احد يلعب قي هالجو كان المفروض نشارك بالفريق الاولمبي من البداية ولكن الحق ينقال الهلال ماكان سيء امس ولا كان ممتاز عيبنا فقط هجومنا معزول وا كنا نستاهل الهزيمه بثلاثه .... قدر الله وما شاء فعل لعلها تكون خيره ودرس للامير عبدالرحمن اللي تارك الفريق وجالس بجده والشي اللي رجعه للرياض هو عزا والدة الامير نواف الله يرحمها مو عشان الهلال |
يعطيك العافيه بس اتمنى انه يلعب بثلاثه في الهجووم هي خاربه خاربه بالتوفييق للزعيم |
إقتباس:
بالتشكيلة ذي شكلك تبي الهلال ينصك بخمسة .. ! :cry:معليش تشكيلة فاشلة .. |
ليش مستغرب من تصريح الامير لوكان يصرحون من البدايه كان تادب خالد عزيز لكن صمتهم سبب تماديه |
أفضل تشكيلة لمباراة الاتحاد القادمة هي ( حسن العتيبي ) ( عبدالله الزوري ـ ماجد المرشدي ـ سلمان الخالدي ) ( ميريل رادوي ) ( محمد الشلهوب ـ عبدالعزيز الدوسري ـ أحمد الفريدي ) ( وليد الجيزاني ـ أحمد علي ـ عيسى المحياني ) |
| الوقت المعتمد في المنتدى بتوقيت جرينتش +3.
الوقت الان » 01:15 AM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd