خطة متعوبه للرد بستة اهداف ملعوبة - صفحة رقم 2 - نادي الهلال السعودي - شبكة الزعيم

henry_14_14 · #16 16/06/2011, 03:57 PM

اقول منب ناقص ظغط وسكر وصير فقراوي برقد وقت المباره احسن
وبخصوص المصري يروح يفتحله فوال ابركله

nafa21 · #17 16/06/2011, 05:11 PM

عبدالله الزوري // ما تتعلم من أخطائك
أشهد بالله أنك فاشل فاشل فاشل و حرام تلعب بنادي أكبر منك

خالد عزيز // الخاين ماله مكان عندنا ,, أرحل غير مأسوف عليك

ياسر القحطاني // الاهتمام باللوك و التسريحات خلاااص خله ينفعك
برآآ النادي ,,, ضيعتنا الله يسآمحك

ولهامسون // لاعب جبان تخاااف تلتحم ليييه ,, يا شيخ روووح
ما عاد ينفع لعبك و صرت مكشوف

رادوي // من عافنا عفناه ولو كان غالي

لي بيونج // أول سنه مافي أطلق منك دفاعيا هجوميا مبدع
خلاااص أرحل ما تقدر تعطي أكثر

أحمد علي // الله يسآمح سامي من جابك لنآ

كالديرون // مدرب جبان فاشل تكتيكيا ,, الله يسامح سامي جابك لنآ

الموسم القادم اذا الهلال ما عمل الاتي ما راح نحقق شي

مدرب جديد // اربعة اجانب جدد ( مهاجمين و محور و قلب دفاع )

و ظهيرين محليين يمين و يسار ,,,

زعيـــم الملاعب · #18 16/06/2011, 07:50 PM

اقول استريح بس حنا نبي بس نحفظ ماء وجيهنا نجيب هدف ولا هدفين وخلاص
مانبي هالبطولة ماعندك الا تيوس ومع كالديرون قسم بالله البطولات مالها طعم
خل يطلعون من الحين وينفظونهم نفظ ونغير ابو الفريق
اما بطولة وفريق متدهور لا والله مانبي

(whatever) · #19 16/06/2011, 07:55 PM

كويس عندنا مدربين عباقرة
ينحطون ع الجرح يبرأ

مشيولين لوقت العوزة (اهم شي لاتدخلون البلايشتين بالسالفة) وفالكم البيرق

(whatever) · #20 16/06/2011, 07:59 PM

إقتباس

الرسالة الأصلية كتبت بواسطة زعيـــم الملاعب


	اقول استريح بس حنا نبي بس نحفظ ماء وجيهنا نجيب هدف ولا هدفين وخلاص مانبي هالبطولة ماعندك الا تيوس ومع كالديرون قسم بالله البطولات مالها طعم خل يطلعون من الحين وينفظونهم نفظ ونغير ابو الفريق اما بطولة وفريق متدهور لا والله مانبي

اي بطولة تبي ؟

انا ماعرف بطولة اهم من الدوري والكاس (والثنتين بالمخباة) !!! ممكن تفهمني ؟

أبو عتب 20 · #21 16/06/2011, 07:59 PM

إقتباس

الرسالة الأصلية كتبت بواسطة لا تكابر


	لاتعب نفسك خل هالخطه الموسم القادم مع لاعبيين فيهم روح وحماس هالموسم انتهى كفاية لو اخذنا الثالث في هالبطوله

هههههههههههه
اللي يسمع خوينا يقول في بداية الموسم
ومعنا وقت للمباراة الجايه

Moath434 · #22 16/06/2011, 08:06 PM

بصراحه الهلال في المباريات الحاسمه والقويه وخروج المغلوب من مباراه واحده يختفي الهلال

R.o.y · #23 16/06/2011, 08:13 PM

اهم شي كالديرون يطلع برا ولا يفكر يجي للملعب ولا يفكر يحط التشكيله

ثانيا يخلون سامي مكانه

وثالثا الدنيا والمباراة خاربه خاربه يعني المفروض يلعبون بخطه هجوميه
موب لازم نجيب 4 على الاقل نفوز لو 2 حفظا لماء الوجه
بعدين الاتحاد ماراح ييأسوون لا شافوا لاعبيننا يائسين ولاعبين يخطه دفاعيه هنا اقولكم بتنرد لنا الخمسه
فأحسن الحل هو الهجوم ثم الهجوم لو اول عشر دقايق يصير ظغط ظغط ظغط لاعبينهم بيرتبكون بيخافون اننا نفوز وينقلب الموضوع
بعدها اذا الفريق الي قبالك ارتبك ابد ابشر بأنواع الاهداف مثل الي صار مع لاعبيننا ارتبكوا وضاعت المباراة
فعشان كذا لازم نلعب

4
4
2

وبس وقبل كل شيء اذا مافيه روح عند اللاعبين خلاص بطلنا نلعب هالمباراة لان الروح اهم من كل شيء
واذا تبون تلقون الروح تراها مب بالفريق الاول الفريق الاول ماااااااتتت روووووحه خلاص
لعبوا الشباب والاحتياط تشوفون ان ماحرثوا لكم الملعب حررررث وبروح بعد

اه بس والله اني داري اني مع نفسي هههههههه

**سفيرة الهلال** · #24 16/06/2011, 08:21 PM

والله خطه حلوه
بس ياهل ترى اللاعبين بكونون بيومهم

الكايفf2008 · #25 16/06/2011, 08:22 PM

وين حنا نلعب بالمدرب الافضل اخوي
هاذي الخطة تتسبب بخسارة مدوية لنا
انا اتوقع 442 افضل

{FaHaD} · #26 16/06/2011, 08:31 PM

طالما لا نملك هجوم ناري ولا نملك دفاع ناري (إلا في حالة مشاركة هوساوي)
فاللعب بـخمس لاعبين في خانة الهجوم أعتبرها مخاطرة كبيرة جدًا, القاعدة
تقول إذا كان فريقك في موضع ضعف وليس موضع قوة فاللعب بشكل مفتوح
قد ينعكس بشكلي سلبي على الفريق, وبالنسبة لحكمة:
(أفضل طريقة للدفاع هي الهجوم), فقد تتناسب مع الحروب
والمعارك, لكن كرة القدم لو تم تطبيق هذه النظرية وفجأه
تحولت لهجمة مرتده للخصم فربما يسجلون هدفـًا !!
وحينها لا ينفع الهجوم للدفاع والتصدي لهجمات الآخرين.

بشكل عام أنا لا أطالب الإدارة والفريق بالفوز بالبطولة
ولكن أطالبهم على الأقل بحفظ ماء وجه الزعيم والخروج
بنتيجة مرضية, فالمنطق يقول: الهلال في أرضه لم يستطع
تسجيل هدف واحد!!, فهل نتوقعه أن يسجل 6 أهداف في أرض
الخصم, وأمام الاتحاد وفي جدة وأجواء رطوبة عالية!!

نحتاج لمعجزة إلهية وللاعبين قادرين على ضبظ أوضاعهم
النفسية لنفوز في المباراة القادمة بالنتيجة اللي تؤهلنا للنهائي.

اللهم وفق الزعيم فوق كل أرض وتحت
كل سماء, وحتى لو خسرنا البطولة
عشقنا للزعيم لا تساويه أي بطولة

هـHILALـلال · #27 16/06/2011, 08:51 PM

هههه أضحكتني
خطه 2 3 5
على كذا الاتحاديين بيردون الخمسه الشهيرة ( دبل )
انت تلعب قدام الاتحاد يالحبيب ( كذا تقول الادارة للاعبين )
يدخلون يتنافضون من الخوف
وما يمر 10 دقايق الا الاتحاد مسجل هدف
شف لاعبين الهلال تضارب رجليهم
البارح هل حسبت الاخطاء التي وقع فيها الهلاليون في الوسط
يسلمون الكوره بالخطأ للاتحاديين
من السبب في جعل اللاعبين يخافون بهذه الصوره
ماعهدنا الهلال يخاف الا بعد قدوم الداهيه كالديرون
لقد باع كالديرون الهلال للاتحاد
هل نسينا تصريحه الشهير ضد الهلال قبل موسمين

عندي لك رأي
قل مبروك للعميد
وادعوا الله معي انها تصير الهزيمه خفيف
من 3 وأقل

بترفع اللياقه بثلاثة أيام

سقى الله ايامك ياقريتس

مبروك للاتحاد مقدما

فيه عاقل يجيب مدرب من خصمه اللي كان خصمه فعلا
لا والبلوي موجود
هزلت وانكشفت

xxhunterxx · #28 16/06/2011, 08:56 PM

إقتباس

الرسالة الأصلية كتبت بواسطة فراج آل ماضي


	انا متفائل بمباراة جدة وانتم بعد خلوكم متفائلين مثلي ترى ماهي صعبة صدقوني ولو تذكرون مباراة الغرفه وش سوى بعد الهزيمة في الذهاب بالثلاثه جاب في الاياب أربعة ولولا لطف الله ثم عودة الرجال كان هزمنا هزيمة تاريخيه

اللاعبين الي في مباراة اياب ويخسسرون 4 لاترجي منهم يسسوونها بفريق ثااني

اتمنى ان يكوون الجمهوور متوااجد وبقووه لازم نقعدلهم

<الزعيم> · #29 16/06/2011, 09:02 PM

بهذي الخطة نبي ندّخل خمس أهداف ونبي ناكل عشرة

عاشـق الزعيمـ · #30 16/06/2011, 09:10 PM

ستكون الخطة هي 5/3/2 لكن مقلوبه يعني
2 سناتر دفاع
3 وسط
5 هجوم
هههههههههههههههههههههههههه ترا نلعب مع الاتحاد مو الربيع ولا مضر !!!!!!!!!!!!
قلنا نخربها لكن مو زي كذا
اصلن من وين بتجيب 5 مهاجمين ما عندك اله 3 و كل واحد اسوء من الثاني