|
الله يعطيك العافيه اما من ناحية الاطراف الشلهوب ضعيف البنيه ولايستطيع التوغل ولو لاحضنا ان هدفين خلال المباريتين كره منقطعه من الشلهوب |
ما اتوقع في امل نفوز خلاص مبروك لاتحاد ويستاهل وضربتين بالراس تعور |
الله كريم و مجهود كبير و كلام سليم جزاك الله خير |
إقتباس:
كوزمن كان ما يلعب الشلهوب وزعلنا عليه ليه يجلس في الاحتياط |
يآلبى هلآل قيريتس الهجومي حتى شوفوا هدف تيآقو YouTube - ‫دوري زين السعودي الهلال Vs الاتحاد الهدف الثالث لـ الهلال عن طريق اللاعب تياقو نيفيز موقع نادي الهلال السعودي‬‎ تلآحظون المرشدي وهوسآوي يلعبون صنآع لعب هههههه والله كناآ نآكل اللي قدآمنا |
الله كريم بس على الهجوم اللي عندك والله ما يمديك توصل للحارس صراحة موضوع جدا قيم وبالفعل المفروض هذا اللي يصير الشوت من خارج منطقة الجزاء و الكور العرضية ولا ننسى الموسم اللي طاف فزنا على الغرافة في ارضنا 3- 0 و جابو علينا 4 في ارضهم وحنا عارفينا لا يئس مع الزعيم وان شاء الله نشوف لاعبين بالملعب يؤدون المطلوب |
الله يعطيك العافيه على المجهود بس جلست افكر بالموضوع حصلت كل الاهداف بالعالم ياكوره عرضية او تسديد من خارج منطقة 18 يعني مافي الا هالحلول قدامهم اما سالفة الاستفاده من الكور الثابته اتوقع صعبه لان المدرب كل يوم مغير لاعب يشوت مره الشلهوب ومره رادوي ومره يطلع لك بياسر اذا لعب كلنا نعرف ان الهلال لعب وهو في اسوا مراحله النفسيه وكذالك حتى الاعبين ماكتملو بالاحتياط وكذالك نفس السيناريو اللي صار ببطولة اسيا بتمام بس الفرق ان الهدفين اللي جو في اقل من دقيقتين باسيا جت بداية المباراه اما ببطولة كاس خادم الحرمين جت باخر دقايق المباراه وتقدر تقول الهفين كمان ماجت من عرق الاتحاديين نفسهم والله كلها هدايا بلنتي من كوره ميته والغنام الله يهديه يطقق الكوره ومايدري من وراه --------------------------- نرجع للمباراه الجايه ان شاء الله باذن الله ننتصر ومو مشكله لو ما نتاهل اهم شي ننهي الموسم بانتصار اتمنى والله ان الاظهره مايتقدمون كلهم لان تقدمهم ماله اي فائده مايعرفون يرفعون واذا رفعو مهاجمينه ماعندهم سالفه بالكور العرضيه والله كلنا شفنا عرضيات الزوي والكوري ولا كوره صح والله حتى المهاجم مايدري وين يروح بالعرضيات القائم الاول او الثاني او يرجع عند نقطة الجزاء للامانه تحس ان مافي تكتيك على العرضيات ولا حتى ضربات الزاويه ونلعب بمحورين واتمنى يكون البرقان جنب رادوي ويكون البرقان ثابت مايتحرك قدام المدافعين ويترك الحريه لرادوي يتقدم للاعتماد على التسديد من خارج منطقة الجزاء وخلف المهاجمين يكون الشلهوب ويكون قدامه المحياني واحمد علي وخلف الشلهوب يكون الفريدي او الدوسري ورادوي وفي حالة ان الكوره مع الاتحاديين بالاطراف الدوسري او الفريدي يساعدون الزوي اذا الكوره بالجهه اليسره اما في حالة الكوره الجهة اليمنه رادوي يساعد الكوري ويبقى البرقان ينظف وسط المنطقه قدام سناتر الدفاع الهلالي ويطلب من الشلهوب واحمد علي والمحياني مايرجعون لمساندة الدفاع ويكون توجهم اكثر شي في ثلث الاخير من ملعب الاتحاد باذن الله اذا لعب في هالطريقه بيكون الفوز هلالي ان شاء الله حسن العتيبي الزوي (ثابت ) المرشدي الهوساوي الكوري (ثابت) البرقان(ثابت قدام السناتر) الفريدي(يغطي مع الزوري) رادوي (يغطي مع الكوري ) الشلهوب (مايرجع للتغطيه) احمد علي (مايطلع من 18) المحياني (يلعب بثلث الاخير لملعب الاتحاد في حالة الكوره مع الاتحاد ليكون قريب من الشلهوب ويقدر يوصلها للمصري ) وباذن الله اذا سجلنا هدف اول 15 دقيقه بتكون المباراه لصالحنا ان شاء الله يارب والاتحاد والله مستواه عادي وفاشل كمان ولعبه كله على اخطا الفريق المقابل وهذه اهي الكوره بس للامانه بدون تكتيك |
كلام جميل بس غريبة الفريدي يجيد التسديد من بعيد ؟ أسوأ إنسان يسدد هو الفريدي . |
وجهة نظر تحترم لـكن ليش مانلعب بــ 4-4-2 وجود اسامه والمرشدي ولي والزوري فالدفاع والارتكاز يلعب الفريدي محور دفاعي وأمامه رآدوووي والوسط الايمن عزوز الدوسري واالايسر يلعب الشلهوب والهجوووم أحمد علي يكوون مسآند للوسط ويلعب عيسى فالعمق . |
يعطيك العافية والكوره كل شي فيها جايز نقول ان شاء الله .. |
انا مع في طرحك للخطه لفريق الهلال ولكن فريق الاتحاد يلعب بطريقه دفاعيه بحته يعني في استلام الكره لفريق الهلال الكل يرجع الى الوراء وفي حال الكره للاتحاد تجد سبعه الى ثمانيه لاعبين ما يتحركون من مكانهم هذا الطريقه يجب على المدرب الغبي ان يلعب بطريقه 433 وكرات طويله ولعب سريع عن طريق الاطراف الهلال صدقني كذا راح نظهر بالنتيجه لان الاتحاد يغطي منطقه ويترك منطقه مكشوفه عن طريق الاطراف ولكن مدرب الاتحاد عرف كيف يوظيف الاعبين على طريقة الدفاعيه وهذا طموح كل لاعب اتحادي العب دفاع اتعادل او افوز من المفترض من مدرب الهلال يلعب بالطريقه نفسها لانه شاهد الاتحاد في البطوله الاسيويه كيف كان وضعه والان على المدرب الهلالي عليه ان يجهز ثلاثه مهاجمين وثلاثه خلفهم يجيدون العب بالتسديد والضرب بالراس تقبل مروري |
إقتباس:
صعب ان المدرب يغامر ويلعب 433 بظل التكتل الدفاعي للاتحاد مثل ماشفنا امس في هجمة من هجماتنا كل الفريق الاتحاد في الدفاع حتى زيايه المهاجم يعني كل الفريق وما شاء الله لاعبينا يحبون الاختراقات وما عندهم سالفه وطبعا الاتحاد يلعب على الكور المرتدة فهذي الخطة صعبة ومغامرة فيها يجي علينا هدف من بداية الشوط ومثل منت عارف ترا نلعب كل مباراة بدون هجوم المفروض نلعب 442 و نعتمد على الشوت فقط لان ماعندي وسيلة اخرى في ظل الغياب الهجومي لدينا والاتحاد ثلاث ارباع الاهداف اللي تجيه من الشوت من خارج منطقة الجزاء تقبل مروري اخي الكريم |
يا اخى انا اشوف انالاعبين فيهم شى واضح وصريح وهو عدم اللتحام القوى مع الخصم وكذالك البطء فى الحركة وعم المبالات فى التمرير وهذه لن تحل بهؤلاء الاعبين |
باااقي تفكرون في المباره انا اقووول انها انتهت الله يستر اخااف يردون الخمسه |
ماضنتي الامر حسم ,,ولكن نقول مافي شي مستحيل إإذا لعبو برووح وإصرار وعزيمه |
| الوقت المعتمد في المنتدى بتوقيت جرينتش +3.
الوقت الان » 06:33 AM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd