نادي الهلال السعودي - شبكة الزعيم - الموقع الرسمي

بسم الله الرحمن الرحيم

السلام عليكم ورحمة الله وبركاته

ابدخل في الموضوع على طول

1_الحكم اعطى الاتحاد نتيجة المباراة بسبب البلنتي اللي مدري وش يبي اوانه نظام جديد اذا طقت الكوره براس

اللاعب داخل منطقة الجزاء يصير بلنتي وعدم طرد الرهيب ونور بسبب دعس الرهيب للغنام وضرب نور لولي

والا صح نور اذا خذاحمر اواصفر موب لاعب المباراة الجايه قال الحكم وشوله اعطيه كرت وفاولين في دقيقه

يوم المولد يكسر الدوسري ويعطيها اتاحة فرصه وبعدها مباشره عرقلة احمد علي على الخط وخذوها الاتحاد هجمه

مرتده مااقول الاحسبي الله ونعم الوكيل

2_ كالديرون والتغييرات الشوط الاول الهلال كان بخير يوم نزل في الشوط الثاني ولي وبعدها طلع عيسى الهلال

ضاع رغم ان الهلال كان افضل طيب لاتطلع عيسى على الاقل اسحب اي لاعب من الوسط ونزل بداله احمد علي

3_ ولي ماجاء الاقبل المباراة بيوم وتلعبه لاعب يتمشى في اليمين تقول كنه مغصوب على اللعب لكن اشوى انه طرد

عشان في مباراة الاياب مايلعب اتمنى من ادارة الهلال تنسيق ولي ويجيبون بداله مهاجم مايرحم

الحمد الله على كل حال وقدر الله وماشاء فعل وان شاء الله يعوضونها في الاياب مافي شيء مستحيل في عالم

كرة القدم

وشكرا