|
--- خــدمـــة افــلــقــنــي --- صباح الورد .. هارد لك الهزيمة النكراء .. الكثير لم يحسب حساب هذه النكسة للهلال .. لاننا كنا نعتقد اننا افضل الفرق في الدوري لكن : افلقني ان كان هذا صحيح .. اود ان اوجز الموضوع بعدة نقاط وافلقني ان كان كلامي خاطيء .. # افلقني ان كان كالديرون يعرف التدريب .. # افلقني يجيب الهلال هدف امس لو لعبنا 3 اشواط وخليناها مباراة طائرة .. # افلقني نتعلم من اخطائنا اللي تتكرر كل سنة ونفس الزمان ونفس المكان مع نفس الفريق ؟؟ # افلقني ياللي تقول ان الاتحاد مو عقدة الهلال .. او انه غير منافس .. والله وكلمة حق انه فريق يستاهل الاحترام .. يقولون عواجيز .. والعجز فينا .. لو كانو شباب وش راح يسون فينا اجل ؟؟ # من بداية الموسم كنت ارى ان الهلال هو الفريق الوحيد الذي سيحصد جميع البطولات وكنت اعتبر الاسيوية جزء من الغنيمة في هذا الموسم .. لكن افلقني لو جبناها معك ياكالديرون لو كان معنا ميسي وانيستا وديفيد فيا .. .......................... نقاط على حروف : @ عزيزي الامير عبدالرحمن بن مساعد / والله اني اغليك واعزك واحترمك .. لكن ياسيدي الفاضل مجاملاتك زادت .. استغربت كيف وافقت على كالديرون ؟؟ وانت معطيه خمسة العام ؟؟ كيف وافقت على احمد علي ؟؟ وش وجهة نظركم واين كان تفكيركم وعقلكم يوم جبتو وليد الجيزاني ؟؟؟ لانه يشبه هنري مثلأ؟؟؟ @ سامي الجابر : حبيب القلوب الله يرحم والديك خلك في ادارة الفريق بس .. ابو عبدالله انت اداري ناجح لكن خل شغل السمسرة وجلب اللاعبين لعبدالله بن مساعد .. كالديرون مشيناها لك واحمد علي مشيناها .. ويوم ستامب يمسك مكان جريتس كلنا ندري انك انت اللي تحركه واي احد شاف مباراتنا مع الاهلي 3/3 يدري ان الدعوه محيوسة .. ولكن اخذت فرصتك يابوعبدالله ومانجحت فيها تكفى ركز بشي واحد .. وخلك زي ماكنت مع جريتس .. @ كالديرون : انت حالة شاذة .. انا كنت شاك من اول انك مدرب بس يوم شفتك طلبت سلمان الخالدي بالاسم وحسستني انه كانافارو العرب غسلت يدي من وقتها وكنت انتظر الطامة تجي ... ولعل هذا الشهر بين كل شي .. @ المرشدي : اول مرة امس تعجبني ياليتك تستمر وتخلي سوالف الرالي عنك تكفى وانا اوعدك نسوي هدية لك جيب مرهم ووقت الاجازة نخليك تاخذ راحتك فيه وتهجول ونسحبه منك اذا بدا الموسم .. ركز ياخي تراك جننتنا .. يدنا على قلوبنا من اول مانشوف مرتدة .. @ هوساوي : ريح شوي ترى مو لازم تلعب كل المبارايات يابو كلبشه لاحسيت انك مرهق ريح انت قدوة لكل لاعب سعودي ... @ الزوري : يارب يارب مع الصيف هذا انك تسخن شوي وترتفع حرارتك .. انت ظهير يعني لعبك بشكل طولي في الملعب من الدفاع للهجوم .. مدري وش العلة معك ؟؟ برودك عجيب وقاتل .. @ الغنام : محد يلومك ياحلو انت كويس بس محد عطاك فرصة والاصابة لعبت فيك .. @ الفريدي : يارب انك بعد ماتتزوج يتحرك دمك شوي وتخلي العنجهية اللي فيك والثقة الزايده .. ياحبيبي توك في طالع على الدنيا يعني قدامك شغل كثير .. لاتحسب انك تلعب قدام نجران والفيصلي زي ماتلعب قدام الشباب والاتحاد .. ولامرة خدمت الفريق بمباراه حاسمه .. تتفرغ للمخاشنات والاحتفاظ بالكورة كانك سيد الملعب .. واذا معجبك لعب نور وتبي تقلده تري عمره فوق الثلاثين واخذ حقه في الملاعب لين شبع .. اما تحمل هم الفريق والا الفريق مايتحملك .. @ الشلهوب : لبى قلبك .. وبس .. @ ويلهامسون : good bay .. @ احمد علي : شكرا اوي اوي ياباشا دنتا ماعملتش حاقه والله .. بس باين انك ولد طيب وابن حلال .. هذي اهم النقاط اللي حبيت اوضحها في بعض اللاعبين .. .......... ختاما : مشكلة معضلة مع الهلال اللعب بمهاجم واحد .. هذي مدري متى نتخلص منها ؟؟ نكون صادقين مع بعض .. هجومنا ضعيف ماعندنا لاعب هداف .. ومقتعنين بفكرة مهاجم واحد ؟؟ مشكلة !! اللهم وفق الزعيم في كل مكان وزمان .. |
كلام منطقي ورائع وحقيقي وواقع فالإتحاد عقده للهلال والدليل آخر 14 مباراة فاز الهلال فقط 2 والتعادل فقط 2 ولكن بإذن الله الهلال يرد علي ويرد عليك ويفعلها الهلال في مباراة الإياب |
والله أنك 100% قلت كل الي عندي وفعلا المرشدي عجبني امس والشلهوب ايضا ورادوي<--- هؤلاء لعبو بجد واجتهاد وقدموا مستوى وكل رسائلك صحيحة وازيد عليها: مدرب متعاطف مع المنافس<---- لن يعطيك نتيجه لاعبين لايملكون شيئا<----- لاتنتظر ان يقدموا مستوى |
اقسم بالله اقراأ كلآمـك .. فعلاً كلآم وآحد فآهم كلآم شخص عآرف البير وغطآه فيه اشياء وضحتها اقسم بالله مآ كنت اتوقعها آبد .. انا بصرآحه اقف وآصفق لك ابدعت ما قصرت عطيت كل الي تقدر عليه ومن ناحية ويلي قود بآي بقوه خلآص يآجمآعة نبي لآعب ثآني غيره .. فآلديفيآ يهم الفريق بصرآحه وآتمنآه .. آتمنى يشوتون ولي ويجيبون فآلديفيآ آو اليآبآني هوندآ . < واتمناهم كلهم بصرآحه واتمنى تتم صفقة الو ديارا زي مآ سمعنآ |
نوني تتوقع الهلال على ارضه ماسوى شي بيسوي بجدة هههههههههههه اشترك في خدمة افلقني وساعتها الهلال بيفوز اصلا يومها بسوي اي شي غير اني اشوف فريق فشايل |
إقتباس:
اوما المرشدي صاادق فيه ... كلامك حلو وجميييل ومنطقي برضوا لازم نرضى بالخساره ..... |
فلقاتك للاسف كلها في محلها كالديرون لو اني حوله امس في الملعب ابكون ضربته ضرب |
+1000000 بالتوفيق للزعييييييم |
يعطيك ألف عافيه أخووي هوجاس... كلامك في محله ... بس عندي تعليق بسيط على كلامك عن كالديرون الكل يدري إن خيارات الزعيم كانت محدوده جدا بعد رحيل الداهيه قريتس لأن جميع المدربين كانوا مرتبطين بعقود وكان كالديرون أقرب مدرب عارف الدوري السعودي زين.. وأنا والله أدري لو جلبت إدارة الهلال مدرب جديد مايعرف الدوري السعودي كان كل جماهير تكلموا وقالوا كيف ياإدارتنا تجلبون مدرب جديد وماهو عارف وضعنا ودورينا في هالفتره يعني راح تنلام الأدارة مافيها كلام... مشكله كالديرون واضحه لأصغر مشجع ماهو هلالي وبس إلا سعودي بعد كالديرون لايعرف يتعامل مع المباريات الحاسمه والجميع يتذكر أيامه مع الأتحاد نهائيي الشباب بدوري الابطال الاولى 3 والثانيه4 ونهائي الدوري امام الزعيم والذي لعبه بفرصتين وعلى ملعب الاتحاد ومع ذلك خسره واخرها نهائي اسيا امام بوهانج في الختام بالنسبه لنا ياجماهير الزعيم حنا جمهور عاطفي بقووووه وهذا كله من حبنا للكيان الهلالي لأنه أول ماجاء كالديرون حصد 13 فوز موزعه بين دوري زيــن وكأس ولي العهد وأبطال آسيا حيث إنه كسب جميع لقاءات الزعيم الموجله بالدوري؟؟؟؟ وكان جميع الجماهير يشكرون سامي لأنه طرح الفكره على الأداره بجلب كالديرون لأنه عارف الدوري السعودي؟؟؟ والأن الجميع ينتقد سامي ... آتمنى التفكير قبل أي شي لأن الأفـراط في العاطفه مشكله كبيره... |
مشكورين على المرور .. ولي عودة للتعليق .. |
إقتباس:
اشكرك على مرورك ... ونتمنى الرد من الزعيم يوم الاحد .. |
إقتباس:
والله يزين الامور ... |
مشكور اخوي كلامك فيه محله واتمنى ان اشاهد استقاله عبدالرحمن بن مساعد لئن على حسب تصريح سموه الكريم ان ًالشخص في اليابان اذا فشل يقتل نفسه اذاً يجيب ان يستقيل لئن دين الاسم يحرم الانتحار على حسب قول سموه |
المشكله يوم جااااء الهدف الثاني جلس يضحك كااالديرون |
أفلقــــــــــــــني ان فاز الهلال ...وهو 1-تروح كل المباراه مناولات فاشله عرضيه . 2- تروح كل المباراه بمهاجم واحد مهو صريح. 3- الأتحاد جالسين يتفرجون على مناولات الهلال واذا قطعوا الكوه هوب الا هي حول زييايه. 4-تروح المباراه وحنا رفعات وهم اطول منا اجسام. 5-تروح المباراه وحنا ما لعبنا برجوله.. 6-والغنام قلب دفاع. |
إقتباس:
بالعكس بالغ بالاهتمام فيه .. لكن نبي زي شعرة معاوية يرخي ويشد .. شكرا لك |
كلامك 100% صحيح لكن ليش المسخره .... اذا جماهير الهلال تتكلم كيذا فما بالك بالخصم تقبلوا مروري .. |
إقتباس:
فازو لان تخبطات كالديرون 100% |
افلقني إن مآ انصكينآ ثلآثة في الإيآب !! يآخي شفت السبآك لمآ ضحك بعد البلنتي !! شفته والله العظيم والله إن وده يرقص بعد الهدف الثآلث ! حر مآفي قلبي وديت أكون في الملعب والله لـ أنزل وأفلّق رآس السبآك .. آخ بس يوم الإربعآء كآن عند كل هلآلي زي يوم الحسينيآت عند الشيعة :d اقسم بآلله اجسآمنآ صآرت حمرآ من كثر مآ ضربنآهآ من القهر الله المستعآن :cry: والمرشدي .. صآدق شكله يفكر بآلرآآآلي :d بس لو بس يكون تفكيره دوم مثل المبآرآة المآضية ! وودي أعرف !! لمآ يكون ويّآ هوسآوي يصير زي الحمآر اللي يآلله يستوعب :s5s: ؟! ولمآ يكون لحآله يبدع !!!!!! والمهآجم !! حدث ولاآآ حرج ، طول السنة وعندنآ وآحد كنه حآمل يآدوب يرآكض ورى ـآ الكورة ! وإن مسكهآ بعد معآنآة قآم يرآقص فيهآ ويتفلسف يبي إلآ غصب يسجّل هدف خورآفي !! ترى ـآ حتى ـآ عيسى ـآ !! والله مآ عنده لعب سنع وذآك المهآجم اللي يخلص لك ! لكن تقريباً هو الأفضل بين شلّة الدلوخ اللي عندنآ ! والطآمة الكبرى ـآ الجيزآني أبو حمآمه :d ، هذآلك لو كتبت عنه والله يَ إنه بيكره اليوم اللي مسكوني فيه كيبورد .. الشكوى ـآ لله .. لكن موعدنآ بإذن الله الموسم القآدم 2012 ! نبي مدرب حمآس ، بعبع لـ الفريييييق ، نبيه يطلعهم زي التكآرنه لمآ يبيعون موية زمزم :d ع ـوآفي |
انا اقول انك في بعض النقاط ماني فلقكلاكن فلنقطه هذي بفلقك: افلقني ياللي تقول ان الاتحاد مو عقدة الهلال بدال ماتدعي ربك وتحمس لاعيبتك تقول الاتحاد عقدة الهلال !! لو الهلال فاز يوم الاربعاء لقلتا غير هل كلام |
عاد الله يستر من موقعة العروووس !! .. لاتكووون تاريخيه .. بمدرب جبان وفاشل .. وأشباه اللاعبين ..إلا أشباح !!! عواجيز الإتحاد .. بريسنق وروح وحماس وعزيمه وإصرار وبملعبك .. تحط يدك على قلبك لما تكون الكوره معاهم .. لأن لاعبينا سايبين الملعب ينتظرونهم بالصندوق .. مافيه أمل بالتغيير .. إلا بالمكاشفه وعدم المداهنه وإرتجال الأمووور .. بديتوها بياسر منتهي الصلاحيه .. كملوها لاتوقف شبيه الريح .. تحياتي |
الاهم في الوقت الحالي مباراتنا يوم الاحد ورد الاعتبار واتمنى الزعيم يلعب بلفريق الاولومبي اسوه بنادي الوحده بالتوفيق للزعيم |
اقول افلقني لو الاتحاد مايلعب على الهجمات المرتدة ... افلقنب لو مايدافع بنصف فريقه ويهاجم بلاعبين اثنين فقط ... افلقني لو ما انقلق راسك من اول كم مره |
الله يستر بس .. مشكورين على المرور .. |
| الوقت المعتمد في المنتدى بتوقيت جرينتش +3.
الوقت الان » 10:50 AM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd