السلام علكم جماهير >>>>>>>>> بدخل في الموضوع لأن الجو حاليا مايسمح 
صورة نور بعد مباراتنا معاه في جدة 
المثل يقول : من يضحك اخيرا يضحك كثيرا 
الإتحاد افضل منا >>>>>>> لازم نقتنع بهذا ونصلح اخطائنا ..... بنظل على عقلية الخمسة مالنا إلا كل يوم 3 ورى 3 ........لنقتنع ولو مرة ان الإتحاد افضل منا
السؤال : هل نقدر نفوز على الإتحاد نقدر بس نخاف من المجازفة !!!
التعاون فاز على الإتحاد ....النصر الي هو النصر تعادل مرتين واحنا 3 ورى 3 !!!
خلو الأمل على جنب وخلوكم مع الواقع الإتحاد تأهل وانتصر علينا وحسم الموقف والوضع صراحة خربان ........خلونا نطلق حملة بعنوان هي خاربة خاربة يعني صراحة الإتحاد فايز علينا فايز والمباراة القادمة آخر مباراة وما معانا لا ولي ولا ياسر ولا هوساوي ولا العابد ولا القرني ولا الآولومبي كلهم ولاعزيز وفوق كل هذا مترقعين بالثلاثة ......فلخونا نخربها شوي
يعني >>>>> الوضع خلاص منتهي خلونا ندخل بطريقة عنجهية وغريبة مرة مرة مرة مرة إلى الاعبين ........بدون فلسفة تدريبية بدون خطط بدون حبكة درامية بدون خرابيط
خلونا ندخل بدون اي ضغوط لأن النتيجة محسومة ابعدوا الضغوط ابعدوا المسؤولية خلوها مباراة ختامية تأدية واجب خلوكم زي فريق الغرافة بدون ضغوط تكسبوا
خلونا نلعب بالتشكيلة شوي بدل لا ندخل بتشكيلة انهزامية ونخلي مهاجم واحد بس خوفا من الإتحاد ..........ليه ما نخربها مثلا ونجيب 3 مهاجمين !!!!! هي خاربة خاربة اصلا !!! يعني ندخل مثلا
حسن زوري - مرشدي - هوساوي - لي يونغ رادوي فريدي - شلهوب أحمد علي - الجيزاني - عيسى - ليه مانخربها شوي !!!
طيب انا شوي موعاجبني الجيزاني لو ياسر - المحياني - احمد علي >>>> اقبلها ....بس الجيزاني قدام الإتحاد صعبة شوي
طيب بلاش خطة 3 مهاجمين لأننا ما عندنا 3 مهاجمين من الأساس 
طيب ليه مانجيب مهاجمين من بداية المباراة ونخربها 
مثلا
حسن الزوري - المرشدي - هوساوي - لي يونغ رادوي الشلهوب - الدوسري - الفريدي عيسى - أحمد علي هذي الخطة ارتب من الخطة السابقة بالتأكيد اما لو يلعب كالديرون بخطة مهاجم واحد بس ثم يطبب المهاجم الثاني بداية الشوط الثاني .......فراح اقفل التلفزيون واحط رجولي في مويه باردة
بدون خوف بدون تردد وبدون ضغوط راح نخربها بمهاجمين من البداية 
نقاط مهمة تفيد الفريق
حسن >>>> صح انك نكبة بس صراحة ما قصر معاك الخالدي والغنام الله يهديهم بس .... والله ماقصرت نجم النجوم بس خذلوك البعض ....اعجبني شجاعتك وخروجك عند الهزيمة مو زي بعض الاعبين الزوري >>> احنا في موقف محرج نبغاك تكثر هجمات وتكثر رفعات صح " مو اضربها والحقها صوب على القائم الأول لأحمد علي بعد ماتدربون عليها " اهجم ترى عنك ميزة انك تسجل " مثل هدف الوحدة " وعندك امور تكتيكية بس اهجم الله يصلحك بس لأن الوضع منتهي صراحة كفاية دفاع بس
المرشدي >>> اترك الضغوط والمظغوط والكبسة المباراة منتهية خذ الأمور بالهداوة ولا ترتبك لأن المباراة منتهية ادخل بكل برود وراح تنجح خلك هادي جدا .......اليوم انت مميز .....متى ما تصير مروق وهادي الأمور بتضبط معاك
الغنام >>> مميز انت صراحة " صدمتني بالهدف التافه صراحة " بس اديت الي عليك وماعليك اي ضغوط ان شاء الله
لي يونغ >>> مضبط عمره بس خله يهجم ويرفع لأن رفعاته حلوه يسوي ثنائي مع الزوري كل واحد يرفع
رادوي >>> الفريق الإتحادي يتميز بالدفاع القوي والحصون المحصنة لابد من أي شخص يفك التكتل الدفاعي وافضل حل هو استخدام المدفعجية .......راح تلاقون 13 لاعب على الخط " مستحيل فك الحصن " كل كورة والثانية المولد وتكر والمنتشري يطيرون الكور ........افضل حل هو استخدام المدفعجية
شلهوب >>> ناول صح لاتحتفظ بالكورة كثير لأنها راح تقطع بكل سهولة من نور وحديد وكريري وراح تصير هجمة مرتدة وراح يضيع الهلال ....ناول بسرعة ...والمناولات السريعة والتحرك من دون كرة تشتت تركيز الاعبين توصل للهدف بسرعة .........نصيحة قنبل شوت من خارج الحدود لأنه هذا افضل حل في ظل التكتل القول .....خل في بالك كل ماحاولت تدخل في العمق راح يطيرها المنتشري وراح تصير هجمه مرتدة ونضيع تكفى شوت من برى ال18 " إن ما دخلت قول ما ترتد ويدخل علينا قول "
فريدي >>> ماتقصر صراحة شوت من خارج الحدود لأن الدفاع صلب جدا " مستحيل تخترقة " شوت من برى وتدرب على كذا إن شاء الله تصيب " فكرة كل ما تعدي اكثر تنقطع بسرعة لأنهم زحمة وهمجية وراح تضيع فريقك ...ارجوك لا تعدي كثير شوت من الخارج
ويا احمد ملاحظ عليك انك في المباراة ترفع مليون رفعة وجميعهم رفعات فاشلة صراحة ليش لأن المولد والمنتشري وتكر افضل من لاعبين بمليون مرة في الضربتا الرأسية ........عطهم كرات سريعة وارضية يضيعون .......تبغى تريحهم عطهم كرات رأسية ووالله والله هذا احلى تدريب لهم انت ارفع راس وهم يضرون وتجي هجمة مرتدة ..........الله لايهينك ارضي لو سمحت + قنبل لفك التكتل الدفاعي
دوسري
>>> انت فيك ميزة عجيبة ما تدري عنها ولا تستعملها الله يصلحك بس ....انت عندك ماشاء الله رجل حساسة جدا خارج ال18 والدليل مباراة النصر قبل الخط عند النصف دائرة انت خطير جبت على النصر وجبت على الإتحاد انت تناول للمحياني وتنقطع .........ليه ما تشوت بم ان التكتل الدفاعي موجود 13 لاعب !!!! يا أخي افضل حل في العالم هو انك تشوت والمحياني يسحبهم داخل شوي يا أخي صير اناني ولو مرة مو كل دقيقة تناول للمحياني مصلحة الهلال بالقنابل اولى محياني + أحمد علي >>>> اتمنى لعبهم مع بعض لأن المسألة خاربة خاربة ........فيا عيسى ويا احمد ابعدوا عن بعض اسحب بتحركك الذكي كم لاعب اتحادي فرقوا بين قلبين الدفاع خل مثلا تكر يروح معاك للداخل عند القائم الأول واحمد يسحب المنتشري إلى القائم الثاني والدوسري يسوي نفسة بيناول يشوف القول مفتوح يشوت .......لاتبدعون عن المدافعين حاولوا تكونون جنبهم وتسحبونهم شوي وتفرقون فيما بينهم وتخلونهم بطريقتكم يقربون جنب مبروك زايد والوسط يشوت في ظل التكتل الدفاعي .........عيسى واحمد تفرقوا شتتو اطلعوا وادخلوا برا الصندوق تبادلوا مراكز عيسى مثلا خلك جنب كريري ثم جنب حديد ثم خل المنتشري يمسكك ثم بدل وخل تكر جنبك يمسكك بدل غير دوخهم لاتصير بعيد عن المدافعين بل خلك جنبهم مع الربكة المنتشري بيظن انك عند تكر وتكر بيظن انك عند المنتشري فراح يتمشكلون ليه ما مسكت هذا ولا ما مسكت هذا تشتيت التركيز يدخل قول ....رح عند كريري وخل كريري يمسكك ويترك مسك الشلهوب احمد يروح عند حديد ويخلي حديد يمسكه مكان الدوسري ثم تصير ربكة وكورة من خارج خط ال18 تسوي ربكة نقاط مهمة
1- لاعبين الإتحاد يتميزون بالطول والأجسام .........كل رفعة بين كريري والشلهوب كريري هو الكسبان ......كل رفعة للمحياني واحمد علي تكر والمولد والمنتشري هم الكسبانين ...........مباراة آسيا 7 ألاف رفعة فاشلة تصدى لها المولد ..........خلوكم ارضي تدوخونهم ..............قسما بالله خطة يرفع الفريدي للمحياني فاشلة ........طبقوها ثالث مباراة وقولوا ليش الإتحاد مقفل الدفاع !!!!! رجاء لاترفعون ارضي ارضي ارضي 
2- القنابل وما ادراك ما تفعل القنابل .........قنابل الشلهوب الدوسري الفريدي رادوي اسلحة فتاكلة لا نستعملها بل نستعمل السلاح الفاشل وهو الرفعات الفاشلة التي يتصدى لها المولد " ممنوع الرفعات ارضي ارضي ارضي " 3-مهاراة + تمثيل نكسب فاولات والفاولات مصدر دخول الأهداف
4- مهاجمين من البداية ..........لايوجد شئ نخسره ....احنا مهزومين بالأساس بالثلاث ....ماله داعي مهاجم وحيد مكان مهاجم .......إما نكون او لا اكون >>>>>> مسألة طبب لي مهاجم ثاني من بداية الشوط الثاني !!!! = ذبح الهلال من الوريد للوريد ..........مهاجمين من البداية "مانيب من ياقف بالصف الأخير ياعساني اوقف بالصف الأول ولا ياعساني ما حضر " ............لو لعبنا بمهاجم واحد بس اقول كيف الحال بس 
بمهاجمين في امل بنسبة 1% بمهاجم في امل بنسبة - 100% " بالسالب" 5- خلاص احنا مهزومين وبدون ضغوط فزنا ولا ما لا مافزنا احنا خرجنا يعني بلا ضغوط بلا كبسة ........أي كرت عنجهي من أي لاعب راح يتحطم شئ اسمه حلم خلاص احنا مهزومين مافي داعي لأي شئ فيه نرفزة امسك اعصابك خصوصا انك في جدة يمكن تتنرفز من الجمهور خلك عادي
6- راح تواجهون مهارات واستعراض من الاعبين الإتحاديين واخص نور وراح تلاقون تصفيق ......فخلوا الأمر ايزي جدا انتوا ادوا الي عليكم وبس
7- الغرافة دخل المباراة بدون طموح قلبها علينا !!!!! لو عنده طموح ما كان جاب اي قول .....فخلوكم زيهم اخذوا الأور ايزي
8- اصعب هدف في العالم هو الهدف الأول " صاروخية خارج ال18 " ......اذا جاء القول الأول القول الثاني الثالث الرابع الخامس سهلين .........مباراتنا جاء القول الثاني الثالث وراه فقط دقيقة واحدة فلو سجلنا الهدف الأول مبكر في اول 3 دقايق راح تنفتح المباراة يصير فقد التركيز يجي الثاني وراه بدقيقة تولع المباراة الثالث الدقيقة 45 >>> تنقلب الأمور رأس على عقب >>>>> الغرافة الدقيقة 3 الدقيقة 13 الدقيقة 42 !!!
كل ما تأخر الهدف الأول زادت الأمور صعوبة ........الهدف الأول لابد من البداية يجي يفتح اللعب ويعطي الاعبين نفسية حلوة والعكس بالعكس
9- المحياني واحمد علي راح تجيلكم في المباراة فرصة واحدة فقط هل سوف تستغلونها بلا تعدية بلا تسحيب بلا حركات الدفاع زحمة خلوكم مثل زياية لمسة وحدة والقول قدام
10- وضح التأثير النفسي والشحن على الاعبين" واضح بقوة "!!! المرشدي عصبي ومتنرفز "على ايش!!!" ولي يضرب نور "ليه!!!" لي يونغ يضرب نور "ليه!!!"الغنام يضرب "ليه!!!"الفريدي يضرب ومتنرفز"ليه!!!" الدوسري معصب "ليه!!!" احمد علي يقول اتمنى ان اسجل على الإتحاد !!!
ليه مسوين الإتحاد شحن والإتحاد نادي اسطوري والإتحاد مع نور غير والإتحاد قوي والإتحاد والإتحاد ولازم نغلق المعسكر قبل المباراة بيومين علشان الإتحاد ......عادي خلو الأمور ايزي وبسيطة المباراة منتهية والإتحاد تأهل بلا شحن نفسي بلا هم حت الأجانب علمتوهم ان الإتحاد فريق قوي !!!! وواضح النرفزة والشحن !!!! سامي وينك تشوف حركات الشحن النفسي والعصبي من جميع الاعبين
ختاما سيناريوهات راح تحصل اتمنى الإستعداد لها
سينارو 1:
الإتحاد وجماهيره راح يسون ربكة في الهلال وراح يستعرضون اما جماهيرهم وبالغلط راح يسجلون قول فراح يتهور الاعب .......... ويطير رجل نور وياخذ بطاقة ....... ويطلع برى الملعب ويحرج الهلال ويخرج الهلال
سيناريو 2 :
الإتحاد راح يستعرض وراح تجي كورة صاروخية في الدقيقة 5 من ......... وراح الإتحاد يرتبك وقبل ترتيب صفوفة يجي القول الثاني بواسطة ........ والدقيقة 39 يجي القول الثالث بواسطة ....... راح تنقلب الأمور رأس على عقب فراح المولد يتهور ويطير رجل الاعب .......... ويتسبب ببلنتي وكرت احمر وراح تتدهور الأمور ...." ملاحظة : الهدف الأول اصعب من الهدف الثاني + الهدف الثالث + الهدف الرابع بمليون مرة " إذا انهار فريق انهار بالكامل والدليل مباراة الخمسة الهدف الأول وراه الثاني الثالث الرابع الخامس فاصعب هدف هو الهدف الأول دائما فإذا جاء في الشوط الأول احنا بخير
سينارو 3: راح ندخل بمهاجم واحد بس خوفا من الإتحاد وراح ينتهي الشوط الأول 0 - 0 وراح يلعب الشوط الثاني احمد بجانب المحياني وراح يطالبون بـ 3 اهداف بشوط واحد !!!! 
.........ويمر الوقت ثم يطب الجيزاني الدقيقة 80 ونصير بثلاث مهاجمين ولا راح نجيب اي هدف >>>>>>>> ونصير احترمنا الإتحاد فوق الازم وخرجنا بشرف 0\0 جميعنا كجماهير نتمنى السيناريو 2 ........... لكن الذي سوف يحص السيناريو3 وبعدها راح نحرق نص الوقت ثم نلعب عدل ونشتغل صح ونلعب المحياني واحمد علي مع بعض ...........ولكن متى ؟ بعد فوات الأوان >>>>كان لعبوا مع بعض بداية المباراة مو نص شوط !!! تمنياتنا بمهاجمين من البداية لأن الدعوى ضايعة وهي خاربة خاربة مالها داعي نحترم الإتحاد زيادة ثم نطبب المهاجم الثاني بعد فوات الأوان
ترى نتيجة 3 صفر صعبة جدا جدا جدا جدا >>> ويبغى لها 3 أو 4 أو 7 مهاجمين ........اقل القليل مهاجمين أحمد علي وعيسى منذ بداية المباراة أما مهاجم وحيد بس وتبغى ثلاثة والله اتوقع بنقابل برشلونة مو الإتحاد
للمشرفين مع التحية : نتمنى منكم فضلا لا امرا ..... التكرم بضعطة كلك واحدة لوصول الرسالة لنادينا ..........لأن المباراة مفصلية وكل تعبنا ووقتنا يهون لعيون الزعماء الأوفياء ولاتحتمل سوى ضغطة كلك ليصل الموضوع بأسرع وقت للمسؤولين على النادي .........شاكرين لكم جهدوكم المبذولة لخدمة جماهير الأرض كلها وليس نصف الأرض ووالله انا واثق لو طبقنا 75% من الموضوع المهم راح نتخطى الإتحاد بتوفيق الله .....اتمنى ان تصل الــ 75 % للمسؤولين ........ولكم جزيك الشكر 
+ + = ...
نور بصورة غريبة لم ارها في حياتي قط صورة مرعبة لل.... !!! واعجباه يانور !!! , + الاعبين الي لعبوا بس يقلطوا + سامي + الإدارة + حملة هي خاربة خاربة ا 
.......خلاص ارمي كل اوراقك من بداية المباراة 
الوضع المتطور
