|
انخفاض مستوى الشلهوب بسم الله الرحمن الرحيم السلام عليكم ورحمة الله وبركاته طبعا شفنا مواضيع كثيرة في المنتدى .. وأكثرها مواضيع تأتي بعد أي هزيمة .. وتزداد حدتها بعد الهزيمة من فريق الاتحاد او النصر او تكون هزيمة كبيرة من أي فريق فعلى سبيل المثال بعد الهزيمة .. نجد من يلوم الامير عبدالرحمن بن مساعد ويطالبه بالاستقالة وبأنه أضر الفريق وبأنه لايفقه في الادارة شيء ... ويطالبه بأن يسمع للجماهير وإن لم يستمع فهو لا يفقه شيء وهو سيء وهو متفرد برأية و . و . و. وكلام طوووويل وكأن الامير لم يدفع المال ولا الوقت والجهد لاجل هذا الكيان ... وأخر يتمنن على الامير بأنه حضر كم مباراة ويريد ان يسترد ماله ... حسنا لو قال الامير بأنه سيستقيل ولكن انتم من سيعيد له امواله التي صرفها .. فهل ستوافقون .. بكل تأكيد سيقول من يطالب الامير بالاستقاله بانه لم يكن مجبور لان يدفع تلك الاموال .. !!! وأخر يلوم الأستاذ سامي الجابر .. أفضل اداري مر على نادي لهلال منذ تأسيسة .. منحدث لبق استطاع ان يحتوي جميع مشاكل الهلال وكان واضح وشفاف مع الجميع .. ومع ذلك لم يعجب البعض .. لا اعلم ماذا يريدون . هذا كله نتيجة الهزيمة في مباراة في الدوري .. ولكن لو نظرنا لكاتب الموضوع قبل هذه المباراة سنتجده ممن مدح وابلغ في مدح الادارة وعملها الاحترافي ... ولكن الهزيمة لها تاثيرها السلبي دائما على من لا يستطيع التحكم برد فعله . أنا اقول للامير عبدالرحمن بن مساعد أن يعتزل لسبب واحد فقط .. بأنه وجد في عصر ليس عصره وزمن ليس زمانه ومكان لايجب تواجد مثله فيه .. فمثاليته التي يراها الغير مصطنعه ومفتعله .. انما هي نابعه من قلب ابيض من شخص مثقف شاعر ... يعلم مايقول ومتى يقول مايصلح ولا يتخبط بكلامه مثل ما نرى في اغلب الاندية ورئسائها ... اعود لموضوعي الاساسي .. وهو الكبتن محمد الشلهوب .. اقسم بالله العظيم باني لا ازاود على اخلاق هذا اللاعب ودماثتها .. فهو ذو خلق رفيع وصاحب ماضي جميل مع الهلال .. ولكن أنا أتكلم عن محمد الشلهوب الان ... لي وجهة نظر واتمنى من يخالفني .. أن يناقشني بالارقام الان ولا يتكلم معي بالعاطفة ... أريد أن يناقشني بمستوى وما قدم وإن أثبت لي عكس ما اراه فانا سأعتذر لكم وله شخصيا .. محمد الشلهوب .. من أسوء المباريات التي صرت اشاهدها للهلال عندما يكون محمد الشلهوب اساسي .. وبالذات هذا الموسم وحتى الموسم الماضي .. لاني وبصراحة اول مرة اعترف بالواسطة في الهلال الا عندما شاهدة محمد الشلهوب ... عيوبه كثيرة جدا جدا جدا .. عيوب فنية بحته .. لن اتكلم عن بنيته الجسمانية فهي خلق الله ويوجد من هو اضعف منه ولكن يعطي افضل منه بكثير .. اولا : لا يحاول الاحتكاك مع أي لاعب . .ليس لضعف بنيته ولكن والعلم عند الله بانه لا يريد ان ياخذ كروت ملونه لظل سجله ناصع من البطاقات .. فكم من هدف تسبب به بسبب عدم جديته في قطع الكرة مما يسبب ربكة لخط الدفاع كامل .. كما شاهدنا في مباراة اليوم عندما كان يجري خلف باولو جورج وعندما اطمأن الزوري بان الشلهوب سيغطي العمق توجه ليغطي خانته الرئيسية وهي الظهير .. عندها تباطئ الشلهوب ووجد باولو جورج ثغرة ودخل منها وقام برفع الكرة هدف اول .. ثانيا : كثرة الفلسفة عندما يمتلك الكرة وهذه لها اكثر من سلبية .. عند وجود هجمة يتسبب دائما بقتل الهجمة فلا هو الذي مرر الكرة سريعا ولا اخرجها من منطقة الخطر مما يجعل جميع اللاعبين ينتظرون أي حركة غير متوقعه من الشلهوب .. واما يتفلسف بالكرة في منطقة ضيقة او خطرة قريبة من المرمى او وقت هجمة مرتدة لصالح الهلال .. وتنقطع منه بطريقة بدائية جدا مما ينتج عنها هجمة مرتدة ودائما ما تكون هي الشعرة التي تقصم ظهر الهلال ولكم في هذا الهدف اكبر مثال فكلما تذكرت المباريات التي هزم الهلال فيها أجد بأن لمحمد الشلهوب اليد الطولى فيها وسأذكر على سبيل المثال .. 1- مبارة النصر والهلال والتي فاز النصر فيها على الهلال بعد 7 سنوات عجاف لم يستطع فريق النصر الفوز على الهلال في أي مباراة الا بتلك المباراة .. السنة الماضية عندما فاز النصر 2-1 .. أتذكر الهدف النصراوي الثاني .. لاحظوا كيف اتت الكرة لمحمد الشلهوب والذي كان من واجبه ان يشتتها او يمررها بسرعه ولكن . [يدعسون عليه وياخذون الكورة ] وهذا هو الواقع .. شوفو الهدف الثاني واحكموا هذي اول مباراة ينهزم فيها الهلال السنة الماضية .. YouTube - ‫النصر2-1 والهلال بإخراج هوليودي وبجودة عالية HD‬‎ 2- المباراة الاولى التي هزم فيها الهلال هذا الموسم كانت من الاتحاد .. في بطولة اسيا .. في عز ثورة الهلال لتعويض الهدف الذي اتى فيهم كان الشلهوب هو المتسبب في الهدف القاااااااااااااااااتل الذي قتل الامل والطموح عندما انقطعت منه الكرة في منتصف الملعب ولم يكن معه الا لاعب اتحادي واحد و3 هلالين قربه ولكن كان يبي يتفلسف في الكورة لين النقطعة منه وجات مرتده لمحمد نور وجاب الهدف .. شوفوا الدقيقة 3 بالضبط وشوفو كيف النقطعة منه الكورة .. اعتذره هذي احسن لقطة توضح انقطاع الكورة YouTube - ‫الاتحاد 3-1 الهلال .. دور الـ 16 ll تعليق : عبدالله الحربي‬‎ ثالثا : من عيوب الشلهوب .. يحب يمرر في اماكن ضيقة ... يحب الون تو كثير .. احيان احس انه متاثر بالبلايستيشن ... يعني مره صارت لك مع ياسر ومره مع الفريدي ترى مو كل مره تكون حلوه .. احيان كثيرة يكون في لاعب متمركز صح ولاعب وسط 4 مدافعين .. الا يمررها للاعب المزحوم ولا يجيب الكورة بين اللاعبين كلهم عشان يقولون الشلهوب صنع هدف عالمي ... يا اخي مررها باي شكل تبي بس تكفى وصل الكورة زي العالم والناس .. وياخي اذا انقطعة منك الكورة تكفى الحقها موب تركض جنب اللاعب لين توصله للهدف حقنا لا انت اللي قطعتها ولا انت اللي غطيت المنطقة ولا انت خليت المحور ولا المدافع يطلع عليه يقطعها .. عاد الشغله هذي تشوفونها في كل المباريات .. رابعا : فيه مشكله تمريراته ياتكون طويلة ياتكون قصيرة .. اتكلم عن لاعب يكون بعيد عنه .. تحصله يعطي اللاعب كوره قدامه مايقدر يلحقها او يعطيه الكورة وراه لازم يسوي المهاجم حركة جمبازية عشان يرجع الكورة ورى .. واذا كان اللاعب جنبه وقرر يمرر له الكوره فالله يعينه اللي جنبه .. امه بتكون داعية عليه هذاك اليوم .. لان بيقط الكورة بينه وبين الخصم .. يعني يقول للخصم تزحلق وماعليك يا انك بتقطع الكورة يا تقطع رجل خويي ... واكثر واحد يعاني من الشغله هذي الفريدي ولي يونج .. ياكثر ما ترفسوا بسبب تمريراته الجهنميه هذي اللي ماتدري هو يبي يموه على المنافس ولا على خويه .. !!! خامسا : لمن يجي يشوت فاول ... آآآآآآآآآآآآه بس ... وينك يانيفيز والله ماكان يعرف للشلهوب الا اثنين .. نيفيز وكوزمين .. كوزمين رزه جنبه على الدكه .. يقوله انت عيوني وفي قلبي وحبيبي بس في الملعب اسمح لي .. مكانك موب في الملعب بس طبعا الشلهوب حبيب المعزبين .. مايقدرون يفرطون فيه .. لعبوه في أي مكان مهاجم صانع لعب مجور ظهير أي مكان .. اهم شي مايطلع .. ونفيز بعد ماكان يخلي الشلهوب يوطوط جنب الكورة وقت الفاول .. لاحد يقولي كم سجل نفيز ولا كم جاب ولا احسب شوتاته .. نفيز اسوء لاعب في العالم عشان ماحد يطلع من الموضوع حقي .. الشلهوب لمن يجي يشوت الكورة استغرب من الحراس يكون في جهه والكورة في جهه ثانيه .. ويوم يشوتها تحصل الحارس يركض للكورة حتى مايكلف على نفسه ينقز عليها .. ياخذها وبيد وحده بعد .. صدق تصدف معاه كم مره بس ياكثر ما ضيع علينا بفاولاته .. سادسا : وهذي اهم نقطه .. ابو حميد تكفى .. بتدمر الجيل الجديد بوجودك .. تكفى عطهم فرصه .. ياكثر اللاعبين اللي اعتزلوا عشان يعطون الشباب فرصه .. حرام عزوز والعابد والفريدي والفرج يتدمرون عشان الشلهوب يحصل له مكان في الملعب .. يعني لمن نبي العابد والدوسري يلعبون.. مايصلح شلون يلعبون والشلهوب وين نحطه ... اقسم بالله امتع مباريات للهلال لمن يكون العابد والدوسري والفريدي في الوسط نشوف القطات السريعه والمناولات السريعه والبينية .. ومن يوم يخش الشلهوب اقلب على المباراة لاني اعرف انها بتصير ممله ... ! اتمنى الموسم هذا يكون اخر موسم للشلهوب ويعتزل واقسم بالله لاقدم له هدية وهدية كبيرة لو اعتزل السنه هذي ...! ابي اشوف هلال السنه الجايه غير .. هلال يفتح النفس بدون مجاملات . |
اشكر المشرفين رفع الموضوع .............. |
الا الشلهوب لحد يتكلم عليه اسطوره ياشلهوب :wub: |
ياخي وش تبيه يسوي ,, ..! يحسب اللي معاه من جيل الذهب , يحسب اللي معاه رجال ويقدرون المسؤوليه , مثل السابقين لكن للأسف اليد الوحده ماتصفق .! , خذلونا الله يخذلهم , يحضرنا وماقصرنا ملينا الملعب , وكل مانملاه يستهترون تباً لكم من متخاذلين , وسحقاً لك ياكالدرون , فلقد جَعلتني آشاهد اعز آصدقاثي متضايق , وفيه عينه الدمعه من القهر ووَصآر لنا حادث بعد المباراة تباً لكم , عد ياسامي فهذا الجين ييحتاج لجزء من الروح التي كنت تقدمها , عبد الرحمن بن مساعد , لا لرحمه , ولا للمثاليه , هذا الزمن لايتحمل اكثر من هذا ..! إضرب بيد من حديد , آسكت الجميع سسحقاً لك شي ..! وَيقلون ليش حنا مانحضر لأننا ندري بنحضر ونطلع زعلانين |
منذ مبطي لكن شغل ترقيع اعلامي وجماهيري انت شف ركضته واستلامه للكوره وتسليمه لها واحكم |
أنا غسلت يدي من موضوع يوم قلت إن سامي الجـابر أفضل ادراي مر على الهلال من تأسيسه ياكبرها بس وتأكدت إن ماعندكـ سالفه يوم قلت يالشلهوب بتدمر الجيل الحالي .! وأنا بقدم لكـ هديتين بس تكفى طلبتكـ لاعد تفكر تكتب مواضيــع .... |
يالشلهوب روح العب تنس كرة القدم تبغى جسم قوي يكفي مجاملة الشلهوب الصغير والفريدي البارد البطيء وياسر الفاشل |
يا رجال السالفة كلها { روووووووح } الزعيم فقط فقط فقط وروح الزعيم ما راح تجيك بلاعبين على شاكلة { الزوري والخالدي وياسر والجيزاني ونامي } إلخ إلخ إلخ :yes: <iframe width="480" height="390" src="http://www.youtube.com/embed/VBf7PVTbP24" frameborder="0" allowfullscreen></iframe> هذا لاعب واحد وضد نفس الفريق اللي اعطانا 3 رايح جاي :alzaeem: صنع هدفين + جاب لفريقه ضربتين جزاء + طرد مدافع مع العِلم بأنه في هالمباراة كان { صانع لعب } :ba1: كابتن الفريق وروووح الفريق :ba1: هذا اللي ناقص الهلال إلا اذا الرئيس المبجّل مآخذ المسألة { إصبر وأحتسب } على كديش هذا شي ثاني مآ أقووول الا الله يرحم أيام { يوسف وسامي } :ba1: |
كلمه بسيطه عن الموضوع هذا... بدوا يشتغلون جمهور ياسر والفهيم يفهم خخخخ الشلهوب وويلي والعتيبي افضل لاعبين الهلال هالموسم ويقول الشلهوب سيء..يا شيخ دزها بس |
الشلهوب بالارقام هداف العام الماضي ومن كثر من صنع اهداف وهذا العام من اكثر من صنع اهداف وهو يلعب في خانت المحور واكثر لاعب لعب مباريات هذا الموسم فطبيعي يهبط مستواه في اخر الموسم الوحيد الذي لعب 9 مباريات في المنتخب رسمية من غير التجريبية هذا العام هو الوحيد الي لعب مع الهلال 4 مباريات في كأس ولي العهد هو الوحيد الي لعب في مع الهلال في الدوري 24 مبارة (لم يغب سوى مبارتين) هو الوحيد الي لعب في كاس الابطال الاسيوي 7 مباريات ولعب في كاس الملك3 مباريات والشلهوب ليس مكينه |
هههههههههههههههههه :s2: الا كيف الحال ؟؟ اللهم لك الحمد والشكر . . . . . . .. . .. .. . . ... . . . . . . . . :D:D:D:D:D:DD الشلهوب افضل لاعب هلالي حالياً وهو الوحيد اللي يلعب لاجل الشعار وهو الوحيد المقاتل في الملعب . يكفي مجاملة لاقربائكم !! |
السلام عليكم ورحمة الله وبركاته اعتدلت اكتب رد على موضوعك عن الشهلوب وااكد على وجهة نظرك حرفياً وهذا دليل على فهمك الكبير لمعنى وممارسة كرة القدم اين الشلهوب من صناعة اللعب ان اردنا تقييمه فهو من وجهة نظري لايتعدى 18% من الامكانيات المطلوبه لللاعب خط وسط قدم واحده جسم هزيل مقارنة بلاعبين باجسام طويله عريضه نفس كلامك كنت اقوله في اوقات كنا نفوز بالاربعه والخمسه وكنت احذر من ان الشلهوب لايصلح لوسط الهلال لا هو ولا الفريدي ان كان يعتقد بلعبه هذا انه يبتكر مالا نعلمه من مهارات كرة القدم كالديرون فشل لتمسكه بالشلهوب في الوسط كانت عناصر الفريق ومراكز ثقله تحسم المباريات المحليه في اغلبها وتغطي العيوب وكان الشلهوب يلعب وسط دعوه غيبيه بان يمارس كرة القدم في الهلال ويبقى الى الان لا لانه ظاهره ولكن لانه مع الهلال نعم دقووووو زين مع الهلال ارى بانه نقطة ضعف كبيره ومكشوفه وتستغل من الفرق التي تهزم الهلال وهذا كالديرون يتشبث به ولو عنده شلهوب ثاني نزله العابد احتياط !!! الموضوع طوويل ولي ملاحظات كثيره على وضع اللاعب محمد الشلهوب واصرار الاداره على التمسك به المصيبيح سبحان الله نسخه لاكن المصيبيح على الاقل كان يمرر بدون تأخير او فلسفه الله المستعان |
الشلهوب هو الافظل حاليا وخبرة ويملك الروح شلهوب وويلي والعتيبي افضل لاعبين الهلال هالموسم وبالرقام وبالنسبه لغلط كلن يغلط يعني وش يسوي اذا ان جسمه صغير خلقه الله ياخي ما يقدر يحتك في احد لانه ما يقدر وش يسوي يعني ؟؟ يعني موضوع كامل كله عن عيوب الشلهوب؟؟؟؟ ب التوفيق حبيبي شاكرلك |
أضحك الله سنك :s2: صراحة بعض الأعضاء يصيرون كوميديون درجة أولى بعد كل خسارة :ap: فنسمع ونرى منهم بعض الآراء الشاطحة التي توضح لتا مهارتهم الكبيرة في كل شي ما عدا كرة القدم :to: أخي العزيز أنا أعلم أن ماكتبته أنت ليس عن طريق قناعة كاملة ولكنه جاء كعاطفة جياشة وكبيرة جدا كلنا غضبنا للهزيمة و أي هلالي محب ( حقيقي ) وقديم :naughty: للكيان سيغضب ولكن أطلب منك قراءة موضوعك بعد خمسة عشر يوم من الآن وستعرف أنك غلطان |
إقتباس:
هههههههههههههههههـ ليتكـ ما اعتدلت ولا تكلفت جسم هزيل .! انت شايف ميسي واوزيل ودي ماريا .؟ كل واحد مايدخل من الباب صح :s3s::to: ياخي الشلهوب لوحدهـ يلعب في وسط الفريق واليد الوحدهـ ماتصفق بلاشي فلسفه انت وياهـ قال 18 % من امكانيات لاعب الوسط .! لا ومن زود الفلسفه محدد نسبه |
| الوقت المعتمد في المنتدى بتوقيت جرينتش +3.
الوقت الان » 06:58 PM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd