وش معيآرتــكم ؟ افاا بدينــآ بالغلط ض1 - نادي الهلال السعودي - شبكة الزعيم

FINAL10 · #1 20/06/2011, 03:24 PM

السلآم عليكم ورحمه الله وبركاته

كيف الحال عسآكم طيبين - مبروك للنآجحين مقدما

وللحآملين نقول هارد لك

المهم بدخل الموضوع طوالي ض1

||

أم خالد : الو السلآم عليكم
أم البنت : وعليكم السلآم والرحمه
أم خالد : اخباركم طيبين
ام البنت : ولله الحمد بخير الله يسلمتس
ام خالد : والله يام زنيفر طالبين القرب منكم لولدنا خالد
ام البنت : والله الساعه المباركه ولكن امهليني اربع ايام واخذ شور ابونا وشور البنت

(بعد اربع ايام)

ام البنت : السلآم عليكم
ام خالد : وعليكم السلام ورحمه الله وبركاته
ام البنت : هلا ام خالد ابونا وبنتنا موافقين ولكن بنسالتس بعض الاسئله
" تراها نصابه هالاربع ايام قاعد تفكر بالاسئله ولا طقت خبر للبنت ولا للآبو "

ام خالد : تفضلي ؟
ام البنت : ولدكم خالد يصلي وما يدخن ؟
ام خالد : ولله الحمد يصلي والدخان ما يعرفه
ام البنت : يام خالد ترا شهاده الام مجروخه بولدها قولي الحقيقه ؟
ام خالد : وانا اقول الصدق يام زنيفر ض1
ام البنت : طيب وش يشتغل خالد ؟
ام خالد : مدرس رياضيات في مدرسه حكوميه
ام البنت : طيب هو عصبي ؟
ام خالد :لا مهو عصبي مره ولآ هو بارد بالمره
ام البنت : ان لله وانا اليه راجعون
ام خالد : عسى ما شر ؟
ام البنت : لا لا ماعليك ، يالله نكمل اسئله ؟
ام خالد : يالله كملي < خربت الاخلاق

ام البنت : طيب ابوكم وش يشتغل ؟
ام خالد : بتزوجون رجلي او ولدي ؟؟
ام البنت : لا بس بسال
ام خالد : يشتغل مدير في احد الوزارات
ام البنت : زين طيب هو خالد يصلي الفجر بانتظام ؟
ام خالد : الحمد لله يصلي الفجر - واذا ما صلآها جماعه يصليها اذا قام ؟
ام البنت : طيب خالد له اخوان ؟
ام خالد : ايه نعم له اخوان
ام البنت : طيب اخوانه يدخنون ؟
ام الولد : وش دخل خالد بأخوانه ؟
ام البنت : لا اسال والا منتي واثقه بعيالك ؟
ام خالد : ولا وآحد من عيالي يدخن !
ام البنت : طيب انتي يام خالد منين ؟
ام خالد : يام زنيفر وش دخل خالد بأخوانه اللحين ؟
ام البنت : لازم هذولآ بيكون اخوانه بالنهايه ! ، الا اقول انتي من وين ؟
ام خالد : طيب اسئلي عن خالد وش تبين بأمه ؟
ام البنت : امه بتكون خاله بنتي ، لازم اشوفك عصبيه او لآ - تخافين الله ببنتي او لآ
ام خالد : استغفر الله - طيب انا بجيكم وبتشوفيني على الطبيعه
ام البنت : طيب انتم وش معيارتكم ؟
ام خالد : افااا بدينا بالغلط ؟
ام البنت : لا لا اقصد فخذكم وشو ؟
ام خالد : فخذنا فلان الفلاني الفلنتاني

ام البنت : طيب الحين حنا بنروح نسال عنه بشغله عطينا عنوان المدرسه
ام خالد : هذا العنوان وولدي ما شاء الله عليه كامل والكآمل ربي

ام البنت : يالله اجل اكلمك بعد كم يوم .
ام خالد : تعالي تعالي وين ؟
ام البنت : سمي ؟
ام خالد : طيب بنتكم من مواليد كم ؟
ام البنت : من مواليد 1404
ام خالد : افاا اجل هذي اكبر من ولدي ، ولدي من مواليد 1406
ام البنت : والله انتي الي طقيت بابنا محد غصبك علينا
ام خالد : طيب وراك عصبتي ، بشوف رأي خالد وارد عليتس

||

ومن بعد هالمكآلمه كل وحده سحبت على الثانيه ؟؟

عندي تسائل فقط
ليه بعض الحريم مصعبين امور الزوآج ؟؟
صح شي جميل نسال عن الولد ونشوف وش هو من لحيه ؟
بس مهو بهالطريقه ؟
انا وشدخلني بشغل ابوه ؟ وش دخلني بأخوانه ؟
يعني اذا اخوانه صايعين هو يتحمل خطأ اخوانه ؟
ولا وفي النهايه البنت طآحيه بتسبد اهلها - وكله من هالام القشرآ

المشكله اذا خطبت من الآبو قالكم هذا كلآم رجال
واذا جت الصدقيه تلقى العلم الي يجمد على الشارب عند الحريم

طيب يالشايب تهايط علينا ليه

ترا هالقصه الي فوق حقيقه وليس من نسج الخيال

تراني ما تكلمت عن اشكاليه المهر - الي نص بجيب الشايب

-

بس ارفقوآ على العيال وخلوهم يتزوجون لآ تخلونهم ينحرفون لـ برا

ايه صح رساله اخيره للعيال الي ناوين يعرسون

يا شباب انتبهوآ تروحون يمين يسار - يعني حركات سياحه وسينما

قسم قسم ما تعرسون حتى لو رايحين سياحه خخخ
الحين يشوفون جوآزكم وين رآيحن وين جآينين
افلقني تعرس - اذا كنت تبي من الي اخلاق ودين

ووبس هذا الي بتسبدي طلعته لكم