الحدالله وقدر الله وماشاء فعل بس كالديرون يتحمل المسؤلية
واتمنى اقالته البوم واتمنى ان اللاعبين يقدرون النادي الي يلعبون له
والله اكتب وانا فيني قهر لاعبون احسهم يخافون من الاتحاد مع ان لاعبون
افظا منهم مستوا اتمنا اللاعبون ان يقدرو الشعار الذي يرتدوة

والله يعض الردود استغرب انها تصدر من هلاليين ..!!!

ياناس وش اللي حااااااااااصل ..؟!!

فريق يخفق في مباراة وحيدة ننسف كل ماقدمه من قبل ..؟!! مو معقووول

اجل وش بنسوي لو خرجنا من الموسم بدون بطولة ..؟!! نروح نولع في النادي مثلا ..؟!!

وربي عيب اللي قاعد يصير ..

ياشعب الهلال ... قليل من العقلانية و اللي يرحم والديكم .. فريقكم فرحكم 11 شهر و الحين جحدتووووه ..؟!!!

ومن قالك ان الموجودين في المنتدى اغلبهم هلاليين
ماابالغ لو اقول اكثر من نصهم مندسين
واكبر دليل شوف تاريخ تسجيلهم وعدد مشاركاتهم ومطالباتهم
عموماً ذي فرصتهم الهلال قليل جداً مايخسر
ومن الصعب يلقون شي على الاداره ومو كل مره بيحصلون الفرصه
علشان كذا تشوفهم منطلقين في المنتدى مثل الثيران الهائجه
ففرص التشمت بالزعيم لا تتكر كثيراً

الله يعطيك العافيه على الموضوع ..

اتمنى من بعض الاخوان الاعضاء مايردون الا اذا النفسيه هدت وزانت الامور..

الجيل هذا الي تتكلمون عنه هو نفسه الجيل الي الي قدم موسم يعد من افضل مواسم الزعيم
وكأنه برشلونا نافس على خمس بطولات كسب ثنتين وخسر ثنتين على ((النهائي))
والخامسه وصل الى المربع الذهبي لأقوى بطوله بالمنطقه وكان المرشح الاول ..
وخسرنا مباراتين من الاتحاد والجميع يعلم ضروفها والدوري 2009 وله ضروفه الخاصه ايضا ..

ولكن الاسباب كانت واضحه فور انتهاء موسم 2009-2010 حيث تم الابقاء على الداهيه جيرتس
الذي انتقل نصف الموسم وهنآآ بدت التخبطآت على الفريق ..تغيير في النظام التدريبي والمعسكرات
الصرامه لم تكن متواجه والنظام والاعداد النفسي وآكثر اختفى مع جيرتس ورغم ذلك بطوليتن بالجيب ..

المشكله ليست باللاعبين ..آلمشكله بآلدرب فقط فقط فقط ..

وآسف على الاطاله هذا ماكان يجول في خآطري لجمهور الزعيم ...

ابو يارا الله يرضى عليك ..
فريقنا حده بطولات محلية وفرق متواضعه مثل النصر والوحده والفيصلي وغيره قلناها امس وقبله والعام والعام اللي قبله ..
واذا وصلت المنافسه بين الهلال والاتحاد فالاتحاد دائما وابدا ماتكون له الغلبه ..
بالرغم ان الاسماء الهلالية افضل واقوى من عواجيز الاتحاد ..
صدقني ياابو يارا .. لاعبي الهلال مدللين ولاعبي عقود واعلانات وفرق متواضعه ..
اضف على ذلك ان الاداره الهلالية واصلت السقوط والاخطاء البشعه في بعض الامور ..
فمنذ العام الماضي عندما سمحت لجيريتس بإستبعاد الدعيع وهي تعلم ان المدرب راحل للمغرب فهذه اكبر سقطه كروية لإدارة هلالية ..
السقطه الكبرى لعام 2011 وهي الموافقه على رؤية سامي الجابر بجلب المدرب كالديرون ..
امحق رؤية ..!!
الهلال يحتاج الى ..
1- مدافعين اثنين محليين واحد اساسي والاخر احتياطي وكلهم بنفس مستوى اسامه هوساوي ..
2- محاور عمالقه ذو بنية جسمانيه قوية ..
3- مهاجمين اثنين محليين .. وتسريح المحياني والجيزاني وياسر كابتن الغفله ..
4- تسريح نامي والبرقان وخيرات والخالدي ..
5- اللعب بشافي الدوسري ظهير ايسر .. ورمي الزوري لدكة البدلاء ..
6- وهي النقطه الاهم ( الهلال يحتاج الى قائد فريق وكابتن بحجم صالح النعيمه ) ..هذا مايحتاجه الهلال ..!!
انا هنا اتلكم عن لاعبين محليين فقط ولم اخوض في الاجانب ..
صدقوني وضع اللاعبين المحليين عندنا هو المشكلة..
تعبنا مجاملات وضحك على البشر ..
اقسم بالله العظيم ان من بعد مباراة الليلة تأكدت ان الهلال ولعامين متتاليين فريق استغل ضعف وهبوط مستوى الفرق الاخرى في الدوري ..
لن اقول هاردلك للادارة او لسامي الجابر او المدرب السباك او اللاعبين..

فقط اقولها لكم كجمهور هلالي عاشق لفريقه الذي في المباريات التنافسية المثيره دائما مايخذل جمهوره الوفي ..

والاهم الان هو مباراة الاحد .. وحذاري حذاري حذاري من كالديرون ..فقد يمسح بتاريخ الهلال بالأرض ..
ويصدق انه مدرب عالمي ويعبث بتاريخ الهلال ..
5-4-1 هي الحل يوم الاحد ..
لانريد الفوز لانريد التأهل .. الاهم عندي ان لايخسر الهلال بنتيجة تاريخية يضع بصمتها كالديرون قبل رحيله ..
اتمنى من اللاعبين عدم المغامره فالتأهل اصبح حلم واتمنى اللعب على التعادل او على الاقل الخسارة بثلاثه فقط ..

صدقت صدقت صدقت
موضوعك و فكرك يا أبو يارا هو بداية طريق العودة

والله لو اني عندك لقبلتك على راسك

تحياتي لك

اخوي هلالي شهري ..
اسمحي لي الله يحفظك ارد على جزئية فريق بطولات محلية لانها دليل على انك ياغالي مصدق جعجعة الاعلام اياه ..
ياحبيبي الهلال اكثر فريق في اسيا حقق بطولات قارية .. ما اقول في بلدنا الا في القاااااااارة بكبرها ..
واذا انت على قولتك الهلال استغل ضعف الفرق المنافسة واخذ الدوري .. وين الاتحاد مثلا ما استغل هالضعف و اخذ الدوري ..
تدري ليه ..؟! لانه هو ضعيف بكبره ..
والله العظيم اللي يعرف كرة قدم ويشوف مباراة اليوم يعرف ان الاتحاد فريق اقل من عادي .. لانه ماشكل اي خطورة على مرمانا الا كورة الهدف المبكرة فقط ..
وحتى في مباراة اسيا الاخيرة ماله الا 3 فرص فقط وجاب منها اهداف ..
ياعزيزي لو الاتحاد فيه خير وربي ليرد الخماسية الليلة في ظل نقص الهلال و ظروف المباراة وخصوصا ان الوضع زان له بعد البلنتي ..!!
عزيزي الغالي .. اتمنى انك تكون هلالي فخور بفريقك .. لايهمونك ولا تسمع منهم .. فريقك بطل زعيم اكثرهم بطولات ولايضره اذا خسر مباراة والا ثنتين ..
خل ثقتك بالهلال عااااااااااااالية ..

يارجال لا نكذب على انفسنا

الهلال فااااااااااااااااااااااااشل بشتى المقاييس

رئيسه للاسف يبحث عن الاستثمار فقط وكل كلامه عن الاستثمار وويلي ورادوي ونيفيز

ياسر القحطاني ق الفلاشات والدعايات يبدع لك اكثر


نيفيز جاب ثلاثة أهداف بالاتحاد و اين نيفيز الان ،،، بالاستثمار ذهب عن الهلال بسبب عبدالله بن مساعد واخيه عبدالرحمن

قولوا الحقيقة يازعماء ((0 رئيسنا مثالي واستثماري ))) ماينفع ابداً اهم شي الكيان الهلالي

البلوي لوحده مافكر بالاستثمار ابدا يجيب اطلق لاعب واطلق شنب بفلوسه ولا معه احد

قولو ا الحقيقة ولا نكذب انفسنا يازعماء ترى الله يرى


واقول بالرياض والا جده الحال من بعضه

الاتحاد نهض من كبوته وعاد لدك خصمه الهلال

الهلال لا يملك الاسلحه الكافية لمواجهة الاتحاد

الهجوم الاتحاد افضل افضل افضل و افضل من ياسر الدعايات
الوسط الاتحاد افضل بكثير
الاجنحه الاتحاد افضل
المحاور الاتحاد افضل بكثير
الدفاع جدار ناري الاتحاد

ليش نكذب على انفسنا قولوا الحقيقة ولو مرة

الهلال يحتاج ....
1. مهاجم فعال لا يرحم المرمى

2. وسط مهاجم لا يرحم

3. محور متقدم لا يرحم

4. دفاع جبار

هذا الهلال الذي يحاج

هل تقارنون ويلي بباولو البرتغالي الاتحادي
هل تقارنون المصري بزياييه
هل تقارنون رادوي بمونتي وغيره

لا نكذب على انفسنا
حبيتوا رادوي لحماسه بضرب للخصوم فقط

رادوي موسم كامل ما نفع الهلال ابدا وانتم احكموا بأنفسكم وقولوا الحقيقة

ويلي85% لم ينفع الهلال ابدا وشاهدوا أعينكم وقولوا الحقيقة ،

الموسم الجاي موعودين بموسم استثنائي

وانا كلي ثقه بشبيه الريح ,

اخوي باسل الزعيم
اتمنى ماتكتب رد على اي موضوع وانت معصب .. لان هالشيء واضح على اسلوبك ..
اجل من مباراة وحدة الهلال صار فاشل و الاتحاد صار هو الافضل ..
سؤال واحد لو سمحت .. وين كانت هالافضلية طوال الموسم ..؟ وليه ما استفادوا من فشل الهلال واخذوا الدوري اقوى بطولة في كل دول العالم ..؟
اخوي باسل ..
انت زعيم و المفروض تكون عندك ثقة بنفسك وبفريقك مايهزها هزيمة والا ثنتين .. كل فرق العالم تنهزم و كلها تتعرض لهزة في مستواها .. لكن اذا جينا للافضلية المطلقة ساعتها هنا الفرق ولاحظ اني اقول لك الافضلية المطلقة يعني المستمرة مو حقت مباراة ومباراتين ..
ياخي اذا على مباراة والا ثنتين ترى الوحدة بها الطريقة وصل نهائي ولي العهد .. لكن مستوى متصاعد و الا متماسك مافيه ..
بعدين الله يهديك انت تقول البلوي لوحده سوى ودفع .. ترى البلوي يوم ترك الاتحاد تركه مديون و الحاجة الوحيدة اللي سواها انه صنع الة اعلامية ضخمة تمجده لشخصه بعيدا عن الاتحاد .. وشف تأثيرها للاسف على الكثير من جماهيرنا ..
الامر الثاني انت قاعد تقارن بين رادوي و المنتشري .. و ويلي ونونو .. ممكن تقول لي تأثير لاعب في مباراة زي تأثيره في موسم كامل ..؟!! مستحيل ..!!!
وبعدين وين افضلية الاتحاد الليلة .. انت متاكد انك شفت المباراة ..؟! طيب كم هجمة للاتحاد على مرمانا اذا هو افضل على قولك ..؟!! والله ان اللعب كله نص باب ..!!!
وعلى فكرة ترى نيفيز هو اللي طلب الرحيل .. والا وش رايك نقعده وهو مايبي ويصير عالة ع الفريق ..
اهدأ شوي اخوي باسل .. و الله العظيم الهلال فريق بطل افضل و اقوى من الكل ولكن لكل مباراة ظروفها ومستحيل تستمر دائم في الانتصارات ...
ارجوك اخوي لاتخلي هزيمة وحدة تزعزع ثقتك في نفسك .. انت زعيم .. تعرف وش معنى زعيم ..

باسل الزعيم ..مع الاسف انك محسوب على جمهور الزعيم ..

طوال الموسم جالس تطامر وفرحاان بالبطولات الي تجيك ومن فوز لفوز
ويم خسرنا تقول فريق فاشل ..

خلآص يآخوي في اكثر من نادي بالسعوديه شجع لك واحد منهم والا آقل شجع الي يفوز
عشآن تكون فرحان عـلى طوووول ...

قال مونتي افضل من رادوي.. خخخخ هزلت والله ترا رادوي الي يلعب رقمه 8

يعطيك الف عافية اخوي RTS

عز الله انك صاااااااااادق .. وهذا للاسف حال جمهورنا .. :(