|
روح الفريق .. من روح الرئيس !!! ما ننكر الجهد الكبير اللي قدمه الامير عبدالرحمن و ادارته هالموسم .. و ما نجحد ابد انهم عملوا موسم مميز و حصدنا فيه بطولتين من اصل ثلاث .. شاكرين و مقدرين و ممتنين .. و لكن ما فيه عمل ما فيه سلبيات لو هي بسيطة .. و بما ان موسمنا انتهى فعليا مهما لعبنا على انفسنا و قلنا انها صعبة بس ما هي مستحيلة اعتقد انه حان وقت فتح الملفات .. انا راح اتكلم عن نقطة وحدة بس .. تتعلق ب ( نهاية الموسم ) 3 مواسم اذا استثنينا اول موسم للرئيس لانه كان استثنائي و سيناريو نهاية الموسم ما يتغير !! انعدام روح اللاعبين و خروج اسيوي مذل و كاس خادم الحرمين لمداواة جروح اشقائنا و انقاذ مواسمهم !! اخطاء تكررت في هال3 مواسم و لكن اختلف الاسلوب : 1/ تصريحات اعلامية تتصف بانهزامية غريبة .. لدرجة انك تحس ان الهلال فريق درجة اولى و الاتحاد بطل الدوري الممتاز .. روح الاعبين من روح رئيسهم يا سمو الامير و لنا في الامير محمد بن فيصل عبرة .. كان تصريح منه يشعل الحماس في اللاعبين مهما كانت الظروف كان الهلال يلعب بثقة و في جدة و نفوز .. اما ثقافة (نخشاه و نهابه و نحترمه ) ما تمشي هذا الهلال يا عبدالرحمن بن مساعد !! ما نطلب منك انك تغلط على الاتحاد و الا ننهجم .. لكن قبل ما تنصف الاتحاد .. انصف الهلال و اعلن التحدي .. انت البطل يا عبدالرحمن بن مساعد و ليس الاتحاد !! عبدالرحمن بن مساعد :smilie47: برغم كل اللي قدمته لازم نصارحك و نقول عمرنا ما حسينا بالضغف و الانهزام و عدم الثقة في فريقنا الا معك ومع ادارتك .. كلمة حق لازم تنقال الاتحاديين يستاهلون و ان شاء الله يحققون الكاس .. فريق يحترم نفسه قبل احترامه لغيره .. 2/الاعلان عن مشاريع و خطط الادارة المستقبلية للموسم القادم و موسم الحالي ما انتهى بالنسبة للهلال انت يا سمو الامير و كانك تقول للاعبين بطريقة غير مباشرة ( كثر الله خيركم .. اشوفكم السنة الجاية ) حتى لو ما دخلت بالتفاصيل مجرد التلميح و اثارة هالموضوع راح يريح اللاعب و يحسسه انه قدم المطلوب منه هالموسم ! 3/ سمو الامير وعدت ان مبدأ العقاب راح يطبق كما هو الثواب .. لكن للأسف ما شفنا هالشي من بعد الخروج من الآسيوية .. بل الطامة انك طلعت في لقاء تقول ما زعلت كثير و انك متقبل الهزيمة و كأن لعيبتك مقدمين مباراة كبيرة في ذاك اليوم !! يا سمو الرئيس هاك الليلة كان بالملعب اشباح .. احترق دمنا و تلفت اعصابنا .. و لعيبتك تتبسم و تصرح ! على الاقل اجراء يرد اعتبارنا كجماهير منهم .. و يحسسهم انهم اغلطوا في حق جماهيرهم .. و يخلي عندهم حافز انهم يلعبون كاس الملك لرد اعتبارهم اولا و لمصالحة جماهيرهم .. ما سمعنا لا عن عقاب و لا شي .. ما سمعنا الا عن فلتان اداري و غياب لعيبة و رئيس يحضر و نائب يغيب ! خسارة مباراة مب عيب و لا مشكلة .. العيب و المشكلة هو التخاذل و المستوى السيء اللي نشوفه ما فيه فريق يفوز في كل مبارياته .. لكن على الاقل نخسر بشرف و مستوى مقبول و روح تخلينا نرفع راسنا بفريقنا .. الزبدة من كل هذا .. ان الادارة عندها غلط يتكرر كل موسم ما تقدر تحافظ على روح اللاعبين و حماسهم الى نهاية الموسم .. اللاعب يحقق بطولة و يقبض مكافأتها و بينه و بين نفسه يقرر انه موسمه انتهى .. و للاسف الادارة تساعد بتصريحاتها و تعاملها مع اللاعبين تدعم هالشي فيه خلل واضح في تعامل الادارة اخر الموسم مع اللاعبين .. وش هو ما ادري بالضبط هل هو نظام المكافئات او ان التهيئة النفسية تصير سيئة ........ او او او انا كمشجع مالي شغل بهالشي .. هذا اول و تالي شغل الادارة .. لكن اللي اعرفه و متأكد منه ان من 3 مواسم و الهلال ينغص علينا فرحتنا بالموسم .. و بشكل يضع اكثر من علامة استفهام ! و مهما صار حب الهلال ما تمحيه هزيمة و الا بطولة :smilie47: الهلال اليوم ان غاب .. بكرة بيطلع .. و بيطلع بدر كامل .. ما هو هلال و بس :smilie47: انتقادنا انتقاد محبة .. و عتبنا على الامير عتب محب .. و عندنا قناعة تامة في الادارة و احترافيتها و قدرتها على حل المشاكل .. هزيمة او 3 :d ما تلغي موسم مميز .. لكن ( لكل شيء (ن) اذا ما تم نقصان ) و من حقنا نناقش مواضع هالنقص لاننا نحب الهلال مثل ما تحبه :smilie47: |
للرفع مع الشكر للمشرفين ... :) |
صدقت ,, و هذي أحد مشاكل الإدارة أنها لا تثق بفريقها و تعطي الخصوم أكبر من حجمهم ! مشكور |
شبيه الريح ما قصر الله يعطيه العافية الفشل من اللاعبين ضعيفين الامكانيات والروح وكذلك المدرب الي ما يعرف يسوي خطة ممتازة قدام الاتحاد |
روح الفريق .. من روح الرئيس !!! -------------------------------------------------------------------------------- وووفي روووح مثل رووح ـآبووو فيصل ؟؟ |
يابن الحلال هذا رئيس الاتحاد لو تسال مشجع اتحادي وش اسمه ماعرفه مافي راسه سالفه بس وانت الصادق مافيه لعيبه كلن يبي يخلص بدري ويبدا الاجازة |
والله قهههههههر واقسسسم بررب الكعببه قهههر معليييش ببطولاتكم ع العيين والراااس بسس لا تقهروننا بأخخخر الممموسم |
انا معك من ناحية التصاريح المحترمه بزياده وكان الهلال فريق صغير لكن اظن الاعبين يتحملون المسؤوليه عبالهم انهم حقق بطولتين خلاص ماراح نزعل لو انهزمو لا والف لا احنا كاهلاليين نبي كل البطولات ونبي على الاقل ان الله ماراد لنا الفوز نخرج بمستوى وبنتيجه معقوله اتمنى اقالة المدرب قبل الاحد بالرئيسنا الغالي |
صدقت ,, و هذي أحد مشاكل الإدارة أنها لا تثق بفريقها و تعطي الخصوم أكبر من حجمهم ! مشكور |
إقتباس:
يقول هزيمة الهلال طبيعية !! و نسى انه الطبيعي اكثر انه وصيف للهلال بفرق 13 نقطة و ان ناديه للحين ما حقق بطولة البلوي .. على كثر ما اندق خشمه ايام محمد بن فيصل الا انه الى الان يقدم فريقه على انه بطل و انه يوازي الهلال البلوي .. اللي فريقه السنة قدم مستويات باهتة و موسم سقيم الاانه يطلع و يتحدى و يمجد فريقه و لعيبته لا و وصلت فيه انه يقلل من المنافس !! هذا اللي اقصد بالروح .. انك تعرف قدر نفسك قيل غيرك و تعطيها حقها |
|
اعتقد تحليلك فيه الشئ الكثير من المنطقية ولكن ايضا عندما يكون لديك لاعبين تستطيع القول بانهم تشبعوا مالا وشهرة .. أدا ذلك لإنعدام الروح فماذا عساك فاعل من وجهت نظري لم نكن نستحق الفوز بالمباراة لأننا ينقصنا مهاجم يستطيع تسجيل الهدف اضافة الا الروح كما ان الإتحاد لايستحق النتيجة بهالكبر لأنه لم يقدم طوال المبراة سوى هذي الهدفين وكامل المباراة لعب ع المرتدات وخنس في منطقته .. ولكن ع قول المثل اللي تكسبه العبه اضافة الا المدرب اللي من وجهت نظري لو نسبت اليه اي خسارة في هذا الموسم فلن اعاتبك لأن المدرب اضافة الى الفكر التدريبي العالي اللي يجب ان يكون فيه يجب ان يكون كالطبيب النفسي الذي يعالج نفوس لاعبيه ويهيئهم كماهو حال دمتري وللأسف كالدي ضعيف في الناحيتين ولكن مرحلة قدومه هي من اجبرتنا عليه تقبل مروري لك ودي |
إقتباس:
|
إقتباس:
لكن .. لازم الادارة تشوف حل لهالمشكلة لان مش معقولة في نهاية كل موسم اللي فيه اهم الاستحقاقات اسيويا و محليا ينتكس الفريق بسبب لعيبة متشبعة !! اما مباراة امس الاتحاد بلا شك يستاهلها .. و ما فيه شك ايضا ان الهلال سهل مهمته اما بالنسبة للمدرب فكان واضح ضعفه بشهادة الرئيس اللي صرح انه ماهو راضي عن المستوى و احنا محققين بطولتين .. لكن مع هالمدرب السباك اللاعبين كانوا يلعبون و يفوزون .. وش اللي اختلف عليهم ؟!! الهلال تعرض لعملية ارهاب قبل مواجهة الاتحاد .. كانت كفيلة ان اللاعبين يخلون عقولهم و قلبوهم في بيوتهم و يجون بطرق فنايلهم .. لأن العذر جاهز و هو ان الاتحاد فريق كبير و الهزيمة منه واردة و يمكن طبيعية على ما يقول البلوي !!!!! شرفني مرورك :rose: |
إقتباس:
و في كاس الملك يتحملها كالديرون .. لكن انا اتحدث عن حالة تتكرر كل موسم .. وش السر في اختفاء روح اللاعبين اخر الموسم اعتقد بشكل او بآخر السياسة الاعلامية للرئيس تحتاج لمراجعة !! و اللاعبين يحتاجون قرصة اذن و اذا لزم الامر طراقات :d اسعدني مرورك |
| الوقت المعتمد في المنتدى بتوقيت جرينتش +3.
الوقت الان » 01:59 PM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd