|
بعض الحلول لمشكلة الهلال من وجهة نظري " هلالي قديم "... السلام عليكم ورحمة الله وبركاته.... اللي شفناه اليوم شي يضيق الصدر من عرفتي الهلال ما عمري شفته بهالضعف في مبارتين الاتحاد الاخيرات ابد طوال الثلاثين سنه اللي فاتت اذكر 1407 تقدم الاتحاد 2/0 الى اخر الشوط الاول وجاب الهلال هدف مع ان الحكم كان عمر مهنا واغفل ضربه جزاء للهلال كانت واضحه وضوح الشمس لكن حضرت روح الهلال وحب الشعار والاخلاص والطموح قدر الهلال يقلبها 5/2 الشوط الثاني فاللي يشوف اليوم ما يصدق ذيك الايام..... برايي ان المشكله في التالي : 1/ مجاملة اللاعبين على حساب الكيان مثل القحطاني ومستواه النازل اخر ثلاث مواسم طبعاً المجامله حرمتنا من التعاقد مع مهاجم متمكن وهداف وهذا على حساب الجمهور والكيان..... 2/ مبالغ التجديد في الهلال ارقامها فلكيه جداً قياساً بمستوى اللاعبين مثل ياسر 13 مليون خمس سنوات دفعت مقدماً على دفعتين بينهم اقل من سنه تقريباً وانا اشوف انه رقم كبير وكبير جداً على مردود ياسر وهو مثال والباقين زيه بينما في الاتحاد نور 25 مليون خمس سنوات وسحبوا فيه لين استلمها ولسى باقي له منها مع الفرق بين مستوى الاثنين ونفعهم لفرقهم... 3/ ليه ما يقسم مبلغ التجديد على عدد السنوات ويسلم نص اول الموسم ونص اخره بشرط يجيب عدد معين من الاهداف واذا ما جابه ينقص المبلغ نفس الكلام لللاعب الوسط والدفاع والحراس.... 4/ يمنع الاعب من الاعلانات و مزاولة اي نشاط تجاري باستثناء العقار ويتفرغ فقط للنادي والنادي يملك كافه حقوق الاستفاده منه اعلانياً وتسويقاً وبكيذا يصفى باله وخياله لمهنته اللي ياخذ عليها ملاييين والله يرزقه اذا قدم عليه بالعافيه.... لابد ان يدار النادي مثل الشركات اربح منك يا لاعب اعطيك دراهم غيره امسك الباب هاذي سياسه كل الانديه بالعالم والامثله كثيره رونالدينو وايتو مع برشلونه ما قدموا مشوهم وكثير انديه تنهج نفس الاسلوب.... الاعب اليوم يلعب للمال اولاً والباقي بعده لذلك لازم نعامله باسلوبه بزنس از بزنس لاعب كان يفضل عقد على عقد فرقهم 10 الف ريال تجي ترمي عليه الملاييين رمي وين تبي يكون عنده طموح !!! انتهى طموحه بالعكس وده يمشي ويترك الكوره اخذ اللي يبي منها وخلص اننهت الحكايه بالنسبه له !!! |
هذا الجيل حصيلة تجميع من عدة اندية يفضل اعادتهم لمصدرهم الاصلي للحفاظ على النسخة الاصلية من العطب او ننتظر الكارثه في قادم الايام |
صراحة انا عندي هزيمة الهلال في الاسيوية و كأس الملك طبيعية بسبب الارهاق ثم الارهاق ثم الارهاق ركزوا معي نلعب في اول الموسم دوري اسيا ( دور 8 ثم نصف النهائي ) كلها مباريات قوية ثم كأس الخليج ثم كأس اسيا المنتخب ثم كأس ولي العهد ثم دور المجموعات في ابطال اسيا ثم كاس خادم الحرميبن مع العلم ان الدوري مستمر بين فترات المسابقات السابقة ولم يحسم الا اخر جولتين من غير هزيمة بفريق واحد وتشكيلة ثابتة طبيعي اخر الموسم مايقدر اي لاعب يقدم نصف قوتة ودليلي ان الاتحاد لايفوز على الهلال الا في نهاية الموسم وهو يا يضحي بالدوري مقابل اسيا او العكس وكأس ولي العهد لايعترف بها لذا اتمنى من الادارة الموقرة ان الموسم القادم لا تفكر الا باسيا والدوري فقط فقط فقط والكوؤس تلعبها بالرديف لو كان المقابل النصر ولا الاتحاد اخيرا (((((( الزعماء لا يأكلون الفضله ))))) الفضلة = ماتبقى من الاكل |
إقتباس:
:yes: :yes: :yes: :yes: نفسسسس اللي يقوووله |
إقتباس:
اذا عرف السبب .... بطل العجب .. تحياتي لك |
كالديرون فاشل جدا جدا جدا الهلال يجب عليه الاستغناء عن جميع الاجانب والاستغناء عن العاهات الخالدي نامي الجيزاني البرقان والاستغناء عن المتخاذل خالد عزيز جلب ياسر الشهراني من القادسيه بديلا عن الكوووري جلب مولينا بديلا عن ويليهامسون جلب مهاجمين اثنين لايرحمون امام الباب الهلال موسم 2001/2002 جلب الكاتو وادميلسون مع ان عنده هجوووم محلي ضارب سامي الجابر حسين العلي عبدالله الجمعان الاتحاد يبدو لي انه سيصبح لنا عقده اذا ماصار عقده لنا الايام تعووود من جديد الهلال في عام 2005 اخرج الاتحاد من كاس ولي العهد واخرجه من الدوري في 2005 واخرجه في عام 2006 ايضا من الدوري في المربع الذهبي واخرجه من نهائي الدوري موسم 2008 غير البطووولات اللي الهلال اخرج فيها الاتحاد في مواسم 2000 و2001و2002 كل مافي الموضووووع ان الاتحاد جالس يسدد الفواتير للهلال الحين فالجيل هذا سمح لنووور ورفاقه يسددوون الفواتير القديمه |
ان صح الكلام وتعااقد الهلال مع دروجبا ( الخبر في جريدة الرياض) او لاعب مجنون بمواصفااته وايضا تعاقد مع تيم كاهل اللي وقع للهلال مع وجوود ويلهامسوون والو ديارا كبديل لرادوي عن رحيله فوالله مافي لا اتحـاد ولا غـيرهـ يوقف فـي وجـه الهـلال .... لكن بكل امـانـه حنـا بحاجه لظهير محلي بديل للكوري وحضـور قلب دفاع اجنبي مجنون كبديل للمرشدي اللي مستواهـ مو ثابـت مع انـه بكـل امــانه هو افضل لاعب اليوم ... بعدهـا مع الكوادر الموجودهـ بالهـلال اتـوقع الاسيـويـه باذن تبي تجي وهي ماتشــوف الدرب ... الله يكفينا شر كالديرون والله يبعدهـ عنـا ... ياليت يحطونه فكرتون فيديكس ويدزون امه للارجنتين .... |
مادري لاعبين الهلال مايخلون المنتدى وشوفونا كيف نحترق عشان الهلال ولايشوفون كثر اللي يطالبهم بالروح ومع هذا نفس الشي ماتغير شي اللهم وفق الهلال قدام الاتحاد وبحول الله نتاهل |
تفائلوا بالخير تجدوه ,,,, مباراة الهلال والاتحاد في جدة ستحدد ما اذا كان موسم الهلال هذا الموسم ناجح ولا لا ,,, وبأذن الله الهلال يفوز في جدة لكن قد يكون فوز بدون تأهل , لكن اهم شيء الفووووز ,, واكيد الكل يتذكر مباراة الاهلي والنصر الموسم اللي فات في جدة لمن فاز النصر في جدة 3-0 ورجع الاهلي في الرياض وعدلها 3-1 وانتهت المباراة على كذا وتأهل النصر ’’ تفااائلوا ,, كم ا قال الرسول صلى الله عليه وسلم : تفائلوا بالخير تجدوه . تحياتي .. |
هذاك جيل يلعب من اجل الشعار وبس مو مثل الاشباح اللي نشوفهم الحين همهم الاعلانات والفلوس مع الاسف في المبارايات الحساسه يخذلونا وردي على اللي يقول إرهاق ومادري ايش ياخي عندك لاعبين محترفين ومواظبين على التدريبات وتقول إرهاق أجل لو محد مواظب على التدريبات إيش نقول فكونا من كلمه الإرهاق اللي ملينا منها شوف اللاعب الاوربي كل مباراياتك اللي تلعبها ماتجي نص مباراياته ومع كذا عنده لياقه ومستوى لكن التشبع من الفلوس والإعلانات هي اللي خلتهم يخذلونا بالمبارايات الحساسه شكرا لك على الموضوع كفيت ووفيت وعذرا على الاطاله |
مع التحية ،،، اشكر الجميع على تشريفهم و ردودهم.... اتصور الحل بالشده و الحزم والمحاسبه بالماااااااااااااااااااااال لان ولاء لاعبينا اليوم لـــــــه ولا بد من وجود لائحة عقوبات شديده مالياً توقع مع العقد علشان النادي يسلم من امزجة الاعبين زي تصرف ويلي اليوم ما كان له اي داعي لكنه خابر ان محد قايل له شي و ( من آمن العقوبه اساء الادب ) .... دمتم بود ،، |
| الوقت المعتمد في المنتدى بتوقيت جرينتش +3.
الوقت الان » 04:02 PM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd