|
الفريدي واضح انه يبغى ينتقل للاتحاد ويلعب مع اخوياه هزازي والمولد وواضح انه عند ولاء للفريق والدليل عدم ظهوره في مباريات الاتحاد وانانيته وفي كورة لو مررها لويلي كانت ممكن هدف التعادل ولاننسى ضربة الجزاء الموسم الماضي قدام نفس الفريق يا ناس فيه سوسة في الهلال (الفريدي وعزيز من صالح الاتحاد) |
الله لايوفق من كان مستقصد هزيمة الهلال من لعيبة الهلال اللهم اكف الهلال شرهم مع انه وصل لنا |
إقتباس:
قلت لي يسوري لبا قلبك اذا انه تاج راس فهو على راسك لحالك <<< توقيعك يقول حنا سامي هاجمنا يوم نزل مستواه ما جات على يسوري حقك وفعلا ياسر ما يستحق الا الدكة وحركة انك حطيتي الفريدي بجنبه عشان يعنني ما ادافع عن حبيب العمر ما هي علينا يا شطورة بس في سؤال بخاطري قبل ياسر ينتقل للهلال كنتي تشجعين القادسية ولا المنتخب :ap: هههههههههههههههههه رغم اني ماني مع اللي يقول الكورة للرجال فقط لكن العينات اللي مثلك جمهور اللاعبين اللي عندهم سكسوكة يجبروني اقول المطبخ بس |
إقتباس:
ولكن بخصوص الشلهوب انا معك انه كبير بالعمر لكن يستفاد منه خبرة في وسط في الملعب ويكون حوله الدوسري والعابد والقرني والشلهوب معروف بلمساته ممكن ما هو ذاك التسحيب لكن لاعب من لمسة وممكن يخلصها بشوته من برا المنطقة وممكن يخلصها بفاول وهذي تظل وجهة نظر لا تفسد للود قضية شكرا لمرورك |
إقتباس:
انا اتكلم على المستوى الفني والفريدي هذا بروده مع الاتحاد وغيره هذا طبع فيه ما راح يغيره البرود والانانية لكن ما اعتقد انه يستقصد الخسارة لانه قبل كل شي انسان محترم حنا هنا ننتقد فنيا فقط |
أحترم وجهة نظرك أياً كانت .. ولكن يا أخي لا يجوز لك أن تدعي على أخيك المسلم .. كيف تقول عن خالد عزيز الله لا يوفقه ...!! ياخي انتقده بالي تبي لكن ال تدعي عليه .. ما تستاهل هالجلد المنفوخ ندعي على واحد علشانه ..حتى وإن أخطأ كما فعل خالد عزيز .. |
يبدوا ان كلامك فيه مبالغات الفريدي رائع وعيسى هلالي يحترق داخل الملعب ويسجل وانظر للمعدل التهديفي لديه يالدقائق |
انآ أرى انو الموآضيع اللي تتكلم عن اللاعبين وإنتقآلآتهم والإدآره كثرت وزآدت عن حدهآ..يعني كل شخص تطق برآسه يكتب موضوع وينتقص من اللاعبين والاداره وينسف جهودهم طوآل الموسم وكأنهم مآ سوو شي.. واخينآ في الله الحين جآي يقول نبي الجيزآوي وسعود حمود وفيصل السلطان ومدآفع آسيوي!!! لآعبينـآ المحليين أفضل بكثير من الاسمآء اللي انت ذكرتهـآ.. انا أشوفك وجّهت انتقاد للمرشدي ونسيت انه أحد أهم اللاعبين في الفريق وانا متأكد لو رآح لنآدي ثآني او جته إصآبه (لآسمح الله) بتعرف انت وغيرك ان مآجد له ثقله في خط الدفآع الهلالي.. حنـآ عندنـآ نجوم لآمعه بس مآعرفنـآ نقدرهم وندعمهم..وقت الفوز نصفق ونشجع ونمدح الكل حتى اللي على الدكه ووقت الخسآره ننتقد الكل حتى الإدآره اللي سوت كل شي للهلال ولآ قصرت.. والبعض ينتقد سآمي ويتمنى رحيله وكأنه هو السبب في الخسآرة امام الإتحآد والبعض ينتقد الامير عبدالرحمن بن مسآعد ويتمنى رحيله.. يآ أخوآن اتمنى اننـآ نترك الموآضيع اللي تتكلم عن اللاعبين وانتقآلآتهم ونتفرغ للتشجيع ونترك الإدآره تعمل بهدوء وبدون ضجه وإزعآج.. |
إقتباس:
في المغرب سلملي عليه بس :ranting: |
إقتباس:
انا قلت الفريدي يلعب وتسحيب بس وش الفايدة بارد ويقتل الهجمة واناني ولا يناول لاحد الا اذا خلاص مافي امل يعدي ياخي اتفرج على مباريات الموسم كلها وبعدين تعال ناقشني بالفريدي بالذات وبالنسبة لعيسى انا قلت انه فعلا مجتهد ولكن قدراته كلاعب محدوده ولا يصلح يكون مهاجم في الهلال وبالعكس من اكثر اللاعبين اللي احترمهم عيسى لانه فعلا مجتهد ولكن للاسف قدراته محدوده كمهاجم شكرا لمرورك تحياتي |
إقتباس:
اول شي المرشدي مدافع كويس (اول) لكن الان اخطاؤه كثرت وعلى فكرة قاتلة وانا ما اتكلم عن مباراة الاتحاد اتكلم على موسم وبعدين انا ما انتقدت الادارة بالعكس ما قصرت انا انتقدت اشباه اللاعبين والمدرب يعني فني بحت وبالنسبة للجيزاوي ترى مافي ولا لاعب مثله في وسط الهلال الا عبد العزيز الدوسري اللي اعتبره افضل لاعب وسط حاليا ولا تقولي العابد هذا انسان مغرور واذا ما ترك الغرور راح ينتهي بدري وبالنسبة لسعود حمود اللاعب الشاب جبلي لاعب مهاجم عندنا مثله اتفضل طبعا بغض النظر عن اخلاقياته ياخي حدث العاقل بما يعقل |
طيب أنا عندي راي يتغير جميع لاعبي الهلال من الحارس لين الهجوم ونجيب طقم جديد واجانب جديدين مو الامير عبدالرحمن بن مساعد اخر سنه له السنه هذي؟؟؟ خلاص يروح الله يحفظه ويستر عليه وعلينا ورب البيت ماقصر التقصير في لاعبينا يجي واحد يغيرالنادي من جذوره صدقوني لاعبين الإعلام هذولي ماجا من وراهم إلا الهم والغم والضغط وياسر اكبر دليل... ماعليش انا يهمني الاعب الي يعطي ...مو الاعب الي ياخذ وبس وياكثرهم في الهلال واحنا الي ساكتين عل فكره مو النادي شفتو نواف التمياط الي طالبو ثلاث ارباع الجماهير الهلاليه برحيله اخوي محمد؟؟؟وش سوا..أخذ عفشه واعتزل لو نسوي في كل لاعب ماعنده عطاء للنادي (واخذ فرصته وزياده) نفس الي سويناه في نواف كان كل لاعب التزم حده واحترم الجماهير والشعار الي يشيله بس وش قولك عن .....؟؟ وإلا ماله داعي |
إقتباس:
ماعليك من جمهور الفوز والمندسين اللي ينفخون بالنار آه على حظ الاتحاد مالهم غير هجمة وحدة وسجلوا هدف وفازوا 3 - 0 على فكرة كلامي للي شافوا المبارة ماشافوا النتيجة |
إقتباس:
ولا وليد عبدالله بطيئ ردة الفعل افضل حارس حاليا العتيبي اقصد عندنا هنا ويشاركه وليد عبدالله وبالنسبه للموضوع بشكل عام احترم كاتبه وكتابته ورأيي مابتوقيعي وسلامتكم |
ملاييييييييييييييييييين تصرفها الادارة والله لو يعطوني نص اللي عطوهم يا شيخ لأنام في النادي وانسى شي غير أني ارضي هذا الكيان واللي ما يقدره فمان الله غير مأسوف عليه اعتبروا من النعيمة ـ جازع ـ التخيفي ـ ابوثنين ـ التيماوي ( يا لبى قلبه ) ـ الثنيان ـ سامي ـ عبادي الهذلول والجيل السابق ناس لعبو للنادي مو للفلوس ضحوا بانفسهم عشان هذا الكيان الكبير وما اخذو نصل اللي خذتوه والا شبعتوا خلاص ما عاد يهمكم النادي هنا نوقف ونقول بصوت واحد لا وألف لا إلا نادي الهلال من لا يريد ان يخدمه ( الباب يفوت جمل ) |
| الوقت المعتمد في المنتدى بتوقيت جرينتش +3.
الوقت الان » 05:07 PM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd