السلام عليكم ورحمة الله وبركاته ..


لا ياخوي الله يسعدك المباراة انتهت ولا فيه أمل ولا شي ، ماني قايل مجنون ولا مهايطي ، اللي في بالك اقتنع فيه ، لكن اسمح لي ، حدِّثنا بما يُعقل ، واسمح لي أقول لك الكلام فيه شيء من التناقض ، إذا كان الفريق اللي جاب 52 بطولة لا ييأس ولا يستسلم ، أجل ليش الـ لا مبالاة اللي تكلَّمت عنها ؟!!!

عموماً أنا ما أحمِّل اللاعبين المسؤولية ولا حتَّى نصفها ولا ربعها بل أقلّ من ذلك بـ كثير ، المسؤولية شبه كاملة تقع على رأس الأصلع الأبله الضعيف كالديرون ، تكتيك معدوم وتشتُّت في تأدية المهام وأداء غريب يتحمَّله غباء كالديرون ، وهذا المدرِّب غير مؤهَّل لـ الفوز على الاتحاد في أرضه أصلاً عشان يفوز بـ الثلاثة ، المباراة انتهت وما فيه أمل لـ العودة ، لو على ودِّي كان راح أتمنَّى إلغاء مباراة الإياب ، لأنَّ الاتحاد وضع كلتا قدميه في النهائي وليس قدم واحدة ..

إذا عدِّيت أغلاط المدرِّب بـ اعجز ، لكن بـ اذكر شيء منها ، على أرضك تلعب بـ مهاجم واحد وخمسة لاعبين في الوسط كلهم يؤدُّون مهام دفاعية ويعودون لـ الخلف ، ما تبغى الخصم يستغلك ويهاجم ؟؟ ويوم جاء يدخِّل مهاجم دخَّله مكان المهاجم الأساسي ، وش الإضافة اللي صارت الحين ؟!! والبداية لاعب لي بـ مدافع كلّ اللاعبين اللي قدامه يحاولون يتراجعون عشان يغطُّون أغلاطه ، سلمان الخالدي هذا ما يستاهل يلعب كورة مع احترامي ، تجي تدخله في مباراة حسم مثل هذي !!

شفت رادوي لـ وين كان يوصل ؟ كان يضغط على الدفاع وعلى الحارس إذا رجعت الكورة وراء وكان اللاعب الوحيد اللي يضغط ، بالله تتوقع هذي مهام تكتيكية ؟؟ هـ الشي يوضِّح انَّه ما فيه تكتيك يمشي عليه الفريق واللاعبين ضايعين في الملعب ويتحرّكون بـ عشوائية ، لكن التكتيك المزعوم هو انهم يلعبون وراء ويتراجعون لـ الخلف !! وسط مفتوح رغم وجود خمسة ، أطراف معدومة الاستفادة وعمق مخروق لا في الهجوم ولا في الدفاع ، تتوقَّع الغباء هذا كلَّه اللي صار في موسم كامل من يوم جاء كالديرون إلى مباراة اليوم ينمحي بكرة وبعده عشان يظهر يوم الأحد ؟؟ كالديرون تسبَّب في ضعف الهلال ، وأخيراً لازم يقتنع الكلّ بأنَّه موسم سيِّء ( فنياً ) لـ الهلال رغم البطولتين ، صحيح الهلال كان فوق الجميع ، لكن الكلّ كانوا في القاع وساهموا في تفوُّق الهلال ، والآن وضح أنَّ الفريق اللي يعرف ضعف مدرِّب الهلال راح يستغله بكلِّ سهولة ،،

الاتحاد أبداً ما كان قوي وما كان مستواه ممتاز ، ارجعوا لـ المباراة وشوفوها كاملة ، وقولوا لي وش سوَّى الاتحاد !! المباراة عموماً كانت مملَّة لولا الأجواء الجماهيرية وكانت ضعيفة فنياً لكن الاتحاد كان جيد في التكتيك الدفاعي ، لكن الهلال كان في قمَّة السوء وفي أقصى القاع عشان كذا لو لعب ضدّ نفسه راح ينهزم !!

خلاص الأمل راح وما فيه تأهُّل ، مب تشاؤم أو عدم ثقة في الفريق ، لكن كالديرون مستحيل يسوِّيها ويتعلَّم من أخطاءه ، الهلال هو اللي لازم يتعلَّم من أخطاءه ويفكِّر في المستقبل ، وفي المرات الجاية يفكِّر جدياً وجيداً قبل قرار جلب المدرِّب ، والله يسامح الذيب سامي على إصراره بـ جلب هذا الغبي اللي ساهم في إضعاف الهلال حتَّى صار ما صار !!


هارد لك عـ الخسارة لـ الجميع ،، أتمنَّى اتخاذ القرار الأنسب والأفضل في جلب المدرِّب القادم إن شاء الله ، والآن يفترض البدء بـ التفكير في الموسم المقبل ، لأنَّ الموسم الحالي انتهى انتهى انتهى ..






يعطيك العافية
00000000000