|
الاستديو التحليلي لمباراة الهلال والاتحاد .. تعال نبغى وجهة نظرك... السلام عليكم ورحمة الله وبركاته حيالله جمهور الموج الأزرق حيالله الأمة الهلالية الصراحة منتدى بحجم منتدى الزعيم فالأكيد انه يحمل بين جنباته ناس لهم نظرة بعيدة للمستقبل الهلالي ومن خلال ذلك سوف نتحدث نحن وإياكم عن مباراة الهلال والاتحاد من خلال نقاط متعددة منها : 1/الفريقين تقابلوا هذا العام ثلاث مرات اثنتين انتهت بالتعادل وواحدة انتهت بفوز الاتحاد والنتائج من خلال الأرقام تؤكد تفوق الاتحاد هذا العام على الهلال بسبب الفوز وعدد الأهداف . 2/ من خلال الترتيب في الدوري وعدد الأهداف المسجلة للفريقين والأهداف التي دخلت في مرمى الفريقين نجد تفوق هلالي على الاتحاد . 3/ التشكيلة المتوقعة للفريقين الهلال سيلعب بحراسة حسن الشاطر ودفاع زوري مرشدي غنام لي يونج ووسط الشلهوب والفريدي وعبد العزيز الدوسري ورادوي والهجوم عيسى وأحمد علي هذه التشكلية المتوقعة للهلال أما الاتحاد فإنه سيدخل بتشكيل متوقع حراسة مبروك ودفاع حمد وتكر وأسامة وراشد الرهيب ومشعل السعيد ووسط نور وباولوجورج وأحمد حديد وسعود كريري والهجوم زيايه . 4/ توقعاتي للمباراة انتهاء الشوط الأول بدون أهداف والثاني سيكون هناك هدف هلالي وانتهاء المباراة بهدف واحد فقط وفوز هلالي إن شاء الله . 5/ مشاكل الفريقين ...الهلال سيواجه مشكلة في خط الدفاع بغياب هوساوي وعدم وجود محور دفاعي مع رادوي لذلك سيجد نور راحته في الوصول للمحور الدفاعي الهلالي وسيجد الهلال صعوبه في التعامل مع محمد نور لكن إذا عادت الروح الهلالية الروح الهلالية فسيلغى نور وزيايه . مشكلة الاتحاد في الظهير الأيسر لأنه في المباراة الماضية لعب بظهرين مشعل والصقري لكن بسبب تواجد نور سيجد الهلال فرصة للعب عن طريق الجهة اليمنى له واليسرى للاتحاد وسيشكل ضغط رهيب على الجهة اليسرى للفريق الاتحادي وأنا مبسوط للعب نور مباراة الهلال لأنه سيفرغ أي الطريقين أما الظهير الأيسر أو الأيمن أو المحور وهذا لو فعله دميتري ستكون نتيجة كبيرة للهلال (أقصد المحور ) بحول الله وقوته ... في النهاية تعتبر هذه وجهة نظر فقط لكن أتمنى منكم المشاركة في إبداء وجهة نظركم حتى يثرى الموضوع باطروحاتكم الرائعة .. وتقبلوا مني وافر التحية والتقدير |
الله يستر من المباراه واتوقع الاتحاد يبي يرد ديـن الـ5 |
ع الدوسري ،، العابد ... سلمان الفرج ( لو لعب ) ،، الشلهوب الفريدي ،، الزوري لو انهم ... لو انهم ... لو انهم تميزو بهذه الصفات النفسية اليوم ..وهي : ,,الاقدام ..وشجاعة المواجهه والمبادرة ..وليس التراخي وتمويت اللعب والهجوم على استحياء وخذلانهم للبعض ....كما هي عاتدهم امام الاتحاد .. لو ركزو على هذا وساندو بعضهم وطلبو الكره من بعضهم وكانو اكثر تحمل لللمسئولية واجرأ على مهاجمة الاتحاد وان يكون اصحاب المبادره الجريئةطوال وقت المباراه .....فسيفوز الهلال ... سيفوز الهلال .. لان ياناس .. 85 % كرة القدم ترتكز عليها هذه الصفات التي ذكرت ...! اما المحياني فلا اخاف عليه لانه ماشاء الله في هذه المناسبات بأذن الله اعصابه حديد وقوي وجريء ولايهمه اتحاد حزم نصر اي شيء واحد عنده .... اخيرا احس بمشيئة الله تعالى انها للهلال ..! نقول : ياااااااااااارب |
انا والله عن نفسي متفائل وبقووووووووه احس الهلال اليله بترجع روحه وبنشوف الاتحاد, وش بيسوي .. وراح اذكركم غير الثلاثه ما تجي للهلااااااااااااال |
أخوي العزيز/ فهد الهلال موضوعك بحد ذاته وردت فيه آراء مهمة ودعني اختصر رأيي في نقاط سريعة إذا أردنا الفوز على الاتحاد بعد توفيق الله وتقديره: 1- يجب وضع (مان تو مان) ومراقبة لصيقة لـ محمد نور فريق الاتحاد بلا طاقة نور ينزل مستواه إلى 50% ومبارياتهم مع فريق النصر خير دليل, الاتحاد إذا غاب نور عنه تخف خطورته. 2- اللعب السريع والسريع جدًا (الفريدي + الدوسري) قادرين على تجاوز لاعبين دفاع الاتحاد بسهولة إذا لعبوا وأسسوا هجمات وتمريرات بينيه سريعة, الجميع يتفق على تفوق لاعبين الاتحاد في الغالب لكنهم بطيئين في التحرك أيضًا, ربما بحكم أعمارهم. 3- أرجوك يا كالديرون لاتلعب على وتر المراكز وتغيير مراكز اللاعبين, ارسم خطة تناسب اللاعبين, ولا تخترع تركيبة مراكز جديدة في مباراة اعتبرها نهائي كأس الأبطال, فمتى ما تجاوزنا الاتحاد بسلام, أعتقد البقية لن يكونوا أخطر من الاتحاد. 4- يجب استغلال المباراة الأولى كونها في الرياض وفي أرضنا وإحراز فوز بأعلى نتيجة قادرين عليها, فاللعب مع الاتحاد ضمن جمهوره وفي أرضه مغامرة قد ينتج عنها خسارة لا سمح الله. وبالتوفيق يا زعيم اليوم .. ومتفائل جدًا بنتيجة إيجابية تنقذنا وتبعد الخطر عنا في مباراة جدة تحياتي.. أخوكم/ فهد .. :rose: |
اليوم مدري ليش من شجعت الهلال م تفائلت زي هاليوم اليوم بنفوزز يعني بنفووز وبيسجلون الاهداف عزوز وعيسى ان شاءلله يعطيك العافية <<عزيز اخوي وش تحس به ان الاتحاد بيرد الخمسة اي والله اللي يعقبون |
أهم نقطه اليوم ان الهلال مايهاجم الا اذا هاجم الاتحاد ولا راح تتكرر مباراه دور 16 الاسيوي وان الاظهره ينتبهون للعرضيات وحتى لعيبه الوسط يسندون الاظهره .. والمفروض على الهلال انه مايستعجل على التسجيل |
أول شي الله يعطيك العافية على فتح هالموضوع وبالتوفيق لكل زعيم يارب وبالنسبة للفريق ... صدقني لايوجد أي فريق أفضل من الهلال بالإمكانات سواء لاعبين أوطريقة لعب ولا يخسر الهلال إلا في المباريات التي لا يلعب فيها بشكل جيد وليس لقوة الخصم .. ( كلكم تتذكرون تلك المباريات التي خسر فيها الزعيم ) علة الهلال الوحيدة حين يخسر هي ( عدم التحرك في كامل الملعب ) سواء بكرة أو بدون كرة ولذلك أصبحنا نرى كثرة التمرير للخلف وصعوبة الإختراق سواء من العمق أو من الأطراف أتمنى من السيد كالديرون التنبيه على اللاعبين بعدم التوقف عن الحركة حتى تتوفر الفرص بكثرة للاعبي الوسط بصناعة اللعب و خلق الفرص الخطرة بالتوفيق |
متشائم جدا :) ليس لقوة الاتحاد .. بل لانعدام الروح بـ لاعبينا ربنا يسهل |
سبب هزيمة الهلال في المباراة السابقة هو الخوف وعدم المبادرة لاخذ الكرة ,والعب الجماعي السريع افضل طريقة للفوز على الاتحاد هي امتلاك منطقة الوسط وسحب الاتحاد اليها حتي يتمكن مهاجم الهلال من مواجهة المرمى فلا يهزم الاتحاد الا اذا خرج من دفاعته ودليل ذلك انتصار بعض الفرق الصغيرة على الاتحاد بسبب خروج دفاع الاتحاد الى منطقة الوسط في المبارة الي خسر فيها الهلال من الاتحاد في الاسيوية كانت النتيجة 3 \0 وبعد ما دخل الدوسري والعابد حركو الوسط وتغير لعب الهلال والسبب خروج المدافعين الاتحاديين من منطقة الدفاع وسهولة مراقبة مهاجمي الهلال لذالك اتمنى ان نلعب بدون هجوم ونكثف الوسط وسترى العجب العجاب |
إقتباس:
الصراحة الهلال لازم يلعب بهدوء في أول نصف ساعة حتى يفوز على الاتحاد وتقل لياقة اللاعبين |
اذا مالعب عزوز الدوسري و نواف العابد اتوقع النتيجه 0-0 واذا لعبوو اتوقع 0-3 او 1-3 (للهلال طبعا ) توقع غير الا واهم شي ان مايدخل اي هدف فينا يجب المحافظه على الشباك ولازم محمد نور يوضع لاعب عليه مراقب لصييييق به وبأذن الله الفووز هلالي |
إقتباس:
اختلف في نقطة فوز الهلال بثلاثة وما اختلف معك في أهم شيء إنه ما يجي علينا هدف |
اهم شيء الحضوووووور ثم الحضور وهذي آخر مباراة للفريق في الرياض وختامها مسك ان شاء الله ولازم نردد اهوزجة الخمسة وصافرات الاستهجان لا تقولون اخلاق ما اخلاق ما فاز الاتحاد في مباراته الي رآحت الا بجمهورة |
اللي يقوول مانبي نهاجم الحين المباراة على ارضنا ولا في الملز اللي كل الجماهير تتمنى ان الهلال يلعب فيه ولازم تخلصها لان الاتحاد مايبي يخسر يعني نهاجم ونخلص المباراة اهم شي يكوون الفارق هدفين..لاننسى ان مساحة ملعب الملز موب مثل مساحة استاد الملك فهد يعني فرص الاهداف متاحه بشكل كبير المهم الحذر ان الهلال مايدخل في مرماه هدف يعطيك العافية اخووي فهد |
| الوقت المعتمد في المنتدى بتوقيت جرينتش +3.
الوقت الان » 01:49 PM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd