|
إقتباس:
نور مدري ظلام فاز في مباراة على الزعيم وقلنا الك مشكك في ظهوره بهالمستوى في المباراة واستحق الجائزة لهالسبب !!!!!!!!!!!! ودي اضحك من هالبربسة بس مالي خلق :ranting: |
هذه ليست اول مره ينظلم فيها الشلهوب من ناحية الجوائز الشلهوب يلعب مع الهلال لأكثر من 10 سنوات لم نسمع ولو لمره بأن الشلهوب تم تكريمه بجائزة سوى فالموسم الماضي وهي جائزة لا يستطيعون التلاعب فيها لأن الأهداف امام الجميع .. فللأسف الشلهوب اكتسب حب الجميع بطيبته وأخلاقه ولعبه لكن للأسف هذه الصفات لا تنفع في المجال الرياضي لابد أن تكون لاعب صاحب مشاكل حتى يدعمك الجمهور وتصبح لك ضجه إعلاميه ... أستغرب من بعض الردود التي تقول ويلي أفضل هذا الموسم أو نور يستاهل .. لا نحسبها بطريقة تشجيعنا الغريبه .. الشلهوب أكثر لاعب هلالي شارك فالموسم يشارك مع التشكيله الأساسيه والإحتياطيه ..بإستثناء مباراة الذهاب مع الفيصلي..حسم لنا مباريات كثيرة وصنع اهداف بالجمله لعب في أكثر من مركز وآجاد في هذه المراكز ... لكن للمره المليون أقولها إذا آراد الشلهوب أن يكون له دعم جماهيري من هذه الناحيه فلابد أن تكون لديه مشاكل وضجه إعلاميه فللأسف مجتمعنا لا يتقبل سوى ذلك.. نتذكر قصة بن خمام في 2006 وحرمان الشلهوب من جائزة أفضل لاعب آسيوي ونتذكر الكثير ونأتي لهذا الموسم يتم إعطائها للاعب الكبير محمد نور الذي لم نراه يلعب بمستوى خورافي إلا امام الهلال أين الإنصاف .. أعتذر من الجميع لكن الشلهوب لن يأخذ أي جائزة إذا كان الجمهور الهلالي نفسه متجاهل لهذا اللاعب الكل راح يقول نحن نحبه وهو النجم الأول ومن هالكلام ..للأسف هذا كله كلام ما اشوف اي فعل لا بدعمه في فالمباريات ورفع شعارات خاصه فيه أو حتى فالمواضيع فالمنتدى ... عندما ارى هذا الإجحاف في حق أبو بندر أتمناه في نادي غير الهلال حتى ترون كيف سيتم دعمه من تلك الجماهير ... مللنا من الأسماء المتكررة ياسر.رادوي.ويلي.وللأسف حتى أصبح اللاعبين الشباب أمثال عبدالعزيز الدوسري ونواف العابد يتم ذكرهم اكثر من محمد الشلهوب.. فهنيئا للكابتن محمد الشلهوب على هذه الروح الرياضيه والصبر الذي يملكه رغم كل هذه الأمور فهو لا زال يلعب ويبدع ويخدم كيان الهلال لا يلتفت لنا كجمهور مجحف ولا يلتفت لإعلام مريض لا يهمه سوى غاب عزيز ونام ياسر وقع رادوي ويلي جاه ولد خخخ ... بالتوفيق للشلهوب في خدمة كيان الهلال .. |
بلا كلام فاضي الشلهوب اهو اللى كان يستحق الجائزة وش سوي نور |
شباب المقياس مو دايم البطولة .. ممكن تكون افضل لاعب بالموسم وانت محقق بطولات اقل من لاعب ثاني المقياس للاعب الوسط بالصناعة اول شي وبعدها بالتسجيل والمشاركه في الصناعة وعدد المباريات والدقائق الي لعبها لما نقول تأثيرة على الفريق .. الكلمة هذي بحر .. يعني يصير تعطي شخص جائزة لأنه يحمس اللعيبة؟ ولا على شان اذا شافوه لعب ارتاحوا نفسياً؟!!! لا المقياس بمستواه هو ولا ننسى موضوع الإيقافات والبطاقات يعني نقيس بالعقل طبعاً الكلام على المسابقات المحلية كم مباراة لعب الشلهوب وكم لعب محمد نور كم صنع الشلهوب وكم صنع محمد نور كم هدف سجل الشلهوب وكم سجل محمد نور كم هدف شارك فيه الشلهوب وكم هدف شارك فيه محمد نور كم مره توقف الشلهوب وكم مره توقف محمد نور كم بطاقة ملونه للشلهوب وكم لمحمد نور كم بطولة حققها الشلهوب وكان فعال فيها مثل تسجيل بنهائي وكم لمحمد نور بالعقل بالعقل مافي مقارنه استغرب كيف يجي احد يقول بروح رياضية نور افضل ولا ليش نبي كل شي لنا نور افضل؟ يا اخي في لاعبين كثير بالدوري افضل من محمد نور بأندية الوسط فما بالك بالشلهوب هذا كله كوم وويلهامسون كوم ثاني المنافسه بين ويلهامسون ومحمد الشلهوب يجي نور ياخذها؟؟؟؟؟؟؟؟ حرام والله الجائزة راحت والله لو ماخذها لاعب هلالي وهو ما يستحق كان خجلت منها كيف يفتخر فيها جمهور الإتحاد؟ كيف يفتخر فيها جستنية؟ بس سالفة تكريماً لجهود سابقة كانت مضحكة محزنة الله يصبر لاعبينا على الي يصير بس |
زين الي ماعطو نور جائزة نجم النجوم بعد لاتنسون المسئول عن القناة الرياضيه اتحادي(عصام الدين) حتى يوم سحب فيهم الجوهر كاد نور يهجم على الجوهر للحصول على الجائزه الثانيه. |
في نظرهم ان تساعد فريقك في هزيمة الزعيم بمباراة واحدة ... فأنت نجم الموسم !!! |
إقتباس:
ممكن تبين ذلك بالارقام كم هدف صنع هالموسم وكم هدف وكم بطوله ساهم مع فريقه |
ما يستاهلها نور ,, الصراحه وانتو مخلين نور فوق على شو ما ادري ,, ورب الشلهوب لو عنده بنيه جسمانيه ’’ كان افضل منه بكثير ,, ونور صراحه يعجبني فيه شي واحد انه يحافظ على الكوره فقط ,, وتمريراته وربي صدفه ,, وش سوه قدام نادي الفقر ,, نور فقط لمباره واحده .. تحياتي |
تبي الصدق عطوووها لنور عشان يفتكون من المشاكل ولا الموسم ذا نور وش سوى الا باخرة كم مباراة وبس ولا الشلهوب اللي طول الموسم مبدعلك بس خلة حنا لعيبتنا ميكرمهم الا الفيفا لان الشلهوب مالقا التكريم من هنا كرموة اللي اكبر من هنا ولا ويلي الي طول الموسم يحتر ولا ولا بس وش نسوي سياستنا غريبة |
إقتباس:
ياشخ ماقالو هم بالمواسم الي قبل الجوائز حقت هذا الموسم والي يستحقها كان غير نور لان نور ماسو شي هالموسم غير لاهبينا كانو حاسمين بطولات حنى ماقلنا كل شي نبيه لنا الي نبيه انصاف وبس على الاقل معطينها واحد لاعب الموسم مجاملات عيني عينك |
والله تبي الصراحه عطوها نور بالمجامله وخلونا نصير واقعيين الشلهوب ماسوي شي هالموسم |
نور بدع في الآسيوية >>>> هل المباريات الخارجية تحسب !!!! هل المباريات الداخلية او 10 مباريات ما لعبها نور تحسب !!! >>>> بس صراحة لو عطو حسن + هوساوي + ولي + ياسر >>>>> المسألة فيها ان " بعيون صفراء " فقالوا نعطيها نور والشمراني >>>>>> بالمناسبة الشمراني يستاهل .......اما نور الحق صراحة لولي هامسون |
بالتووووفيق للزعيم ان شااااااااااااااااء الله |
والله ماندري وش نقول ..ان تكلمنا بالارقام مابياخذها نور ابد لان الشلوب وويلي ماخلوا شي للعيبة الوسط لكن خافوا انهم يقولون مجامله ..<<تخلف ياخي الجائزه عطها الافضل وخلاص فيه احصائيات وفي كل شي شوف ابطال اوربا الموسم الي راح كل الجوائز او اغلبها للعيبة انتر وماقالوا شي .. لكن التخلف في رياضتنا مستمر ..ونحمد الله ان انصاف الشلهوب جا من القاعده الرياضيه الكبرى fifa |
لايستحقها الكابتن الكبير محمد الشلهوب ولا الكابتن الكبير محمد نور الذي يستحقها بالارقام ويليهامسون وبدون منازع سجل وصنع وقائد الفريقين لبطولتين لكن شكلهم زعلوا عليه لما تبرع بمبلغ الجائزه الموسم الماضي لـ جمعية إنسان |
| الوقت المعتمد في المنتدى بتوقيت جرينتش +3.
الوقت الان » 08:59 PM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd