بسم الله الرحمن الرحيم
السلام عليكم ورحمة الله
حدث في يوم أمس ان وصلت الى العزيزيه تقاطع خريص مع التخصصي شارع الأمير سلمان .
وقت صلاة المغرب المهم وقفت سيارتي وجيت ابدخل داخل بنده لوجود مصلى بالداخل منعني السيوكورتي
ولا حتى يناظرلي .. أبغى مسجد قريب مافيه وبعد مافتح السوق عاتبته قال والله مقدر افتح لك الباب للأوامر قلت ياخي بنصلي ( كان معي مجموعه متواجدين كلهم كانو زيي يبغون يصلون ) المهم توجهنا للمصلى وصلينا وخرجنا
الى داخل بنده للتسوق والي راح في حال سبيله .. جاني السيوكورتي واعتذر قلت يارجال عادي بس ترى ذنبنا في رقبتك ، قال لا ياشيخ الله يخليك تعال معي وبلغ الأداره عشان لو فيه احد يبغى يصلي يعطوننا امر بفتح الباب له .
صارت الفكره براسي قلت خلني اروح وعسى ان تصل فكرتي ببناء مصلى او حتى مسجد في طرف المواقف المقابله لماكدونلز .. وصلت المكتب مافيه احد انتظرت ماجاء أحد مشيت .
الموضوع قلته لواحد من الموظفين وقلت وصله عسى يصير خير .. قال بعض المتواجدين صحيح ينقصنا مسجد او مصلى عشان مانقدر نبعد عن محلاتنا ..
المهم بنده مملوكه لعضو شرفنا الأمير الوليد بن طلال .. وهو وكل مسلم حريص على فعل الخير قلت اكتب هذا الأقتراح عسى ان يصل بأي طريقه لمكتب سموه ويتم بناء المصلى او المسجد .. والدال على الخير كفاعله .
والا أيش رأيكم ..
سلام عليكم .