|
جمهور ولاعبين الزعيم [ وجهان لعملة واحدة انعدام الروح اثناء المباراة ] + يا مدور الهين ترا الكايد احلى اعتقد من بداية الموسم الجميع وانا اولهم كأس الأبطال اخر اهتمام جماهير الزعيم لان فيه بطولات اهم ويمكن اذا فيه احد تمنى هالبطولة لسبب واحد ؟؟ لانها البطولة الوحيدة التي لم يحققها الزعيم .. لاكن اليوم غير صارة اهم بطولة تدرون ليش ؟؟ لاننا راح نواجة الأتحاد لو نرجع للسنوات الأخيرة الهلال ما اخذ بطولة من امام الأتحاد اذا حقق بطولة ؟؟ الاتحاد ليس طرفا فيها وعلى النقيض الاتحاد اخذ اكثر من بطولة من امام الهلال وعلى ارضنا واخرها نفس البطولة الموسم الماضي . جمهور ولاعبين الزعيم ؟؟ انعدام الروح الجميع شاهد خروجنا من امام الاتحاد في البطولة الآسيوية انعدام الروح لدى الاعبيين وانهزامية من الدقائق الآولى وهذا ماتعودنا علية في اوقات الحسم في البطولات المهمة ،، وجمهور الهلال مشابة تمام للاعبيين لو تذكرون العام الماضي اما ذوبهان الأيراني بعد الهدف الأول وحتى قبل الهدف برود شديد في التشجيع وكأن الملعب لا يوجد فيه 70 الف متفرج ؟؟ هذا البرود ينعكس تمام على الاعبيين لو رجعنا لمباراتنا الاخيرة امام الاتحاد في جده العامل الرئيسي في روح لاعبيين الاتحاد هي جماهيرهم وهم لم يتجاوزا 17 الف ؟؟ الاتحاد الفريق الوحيدة من بين انديتنا روحهم عالية وهذا واضح تأثيره من تشجيع جماهيرهم المتواصل . يمكن الجميع يلوم الرابطة في هذا التشجيع اتفق معكم لاكن جمهور الهلال عليهم المسؤولية الأكبر في التشجيع صدقوني متى ماوجد التشجيع المتواصل اثناء المباراة والله راح تشوفون روح الاعبيين ؟؟ دايم الهلال ينهزم على ارضه وبسهولة امام الاتحاد والعكس الهلال يجد صعوبة امام الاتحاد ؟؟ هذا الفرق بين جمهور الهلال وجمهور الاتحاد مع ان مافي مقارنة بالعدد بين الجماهير وهذا ما اثبتته كثير من الاحصائيات جمهور الزعيم الاكثر شعبية . الجميع متخوف من هذي المباراة اكيد لان تاريخنا مع الاتحاد خلال السنوات الأخيرة وفي مبارايات خروج المغلوب سيئىة لاكن اذا اعطينا الاتحاد اكبر من ( حجمه ) راح نخسر وهذا ما افقدنا الفوز في المباراة الأخيرة علينا كاجماهير ان نثق بلاعبينا وندعهم امام الاتحاد ؟؟ فريقنا افضل خلال السنتين الأخيرة اذا حنا افضل وخايفين من الاتحاد متى نلعب وحنا واثقين من الفوز ،، ياليت الجميع يكون واثق من الفوز والتاهل للنهائي (فريقنا افضل) الاتحاد خط هجومه قوي فقط لاكن فيه خلل في خط الدفاع علينا ان نهاجم الاتحاد لا ان ندافع الجمهور عامل مساعد للفريق اذا لعب على ارضة لاكن احيان يكون عامل سلبي مباراتنا ستقام يوم الاربعاء او الخميس يعني يوم اجازة ؟؟ لازم نفوز في المباراتين ونقصي الاتحاد ( نبي نرد الدين ) التاريخ راح يسجل يا مدور الهين ترا الكايد احلى كلمة اخيرة / افضل مباراة للزعيم امام الاتحاد الخماسية الشهيرة مع المدرب الداهية غريتس ؟؟ السبب هاجمنا الاتحاد من اول المباراة الى اخرها والروح عند الاعبيين والجماهير عالية بأذن الله سننتصر |
شكرا لكم يامشرفين .. ... |
والله هذي المباراة اصعب مباراة للهلال اذا فاز علينا الاتحاد عز الله انه رحنا بخرايطها بس ان شاء الله نفوز عليهم بنتيجه كبيره الف شكر لك |
يعطيك العافية اخووي على الموضوع وأسأل الله انه يحرم اليدين اللي كتبته عن النار ولكن للأسف موضوعك أقدر اقول خاطئ بنسبة 80% حسب فهمي له وبعلق لك على النقاط اللي اشوف انها خطأ من وجهة نظري ( اختلاف الآراء لا يفسد للود قضية:smilie47: ) 1- نفوز على الاتحاد بصعوبة في الرياض وتوهم ما نسوا الخمسة 2- ما نقدر ناخذ بطولات منهم والدوري قبل سنتين او ثلاث كان يكفيهم التعادل في ارضهم وحسمناه 3- ما نقدر نحسم بطولات قدام الاتحاد والسنتين الاخيرة كل البطولات المحلية لنا والاتحاد مشارك فيها ( موب ذنبنا انه طلع من الاتفاق ولا غيره ) 4- الاتحاد اخذ البطولات من قدامنا انت قلت في بداية الموضوع ان هذي البطولة اخر اهتمامات الشعب الهلالي 5- مباراة ذوب اهن الجمهور ما قصر في البداية بس انا كمشجع اشوف لاعبين يتبطحون في ارض الملعب وانهزاميين واخرتها آكل هدف على ارضي وانا مهزوم بالذهاب ( لي بيونج الخبرة ما مسك نفسه ذاك الوقت ) ولكن على كل حال نتمنى التوفيق للزعيم في مباراة الاتحاد ولا تنسى انك تلعب مع منافسك الوحيد في المملكة لابد تكون في صعوبة في مواجهتكم على ارضك أو على ارضه مشكوور اخوي |
هذا الى كنت اقوله من اول . وازيدك اكثر ضغوط الاعضاء والاعلام ومواضيع ترفع الضغط من بعض الاعضاء الله يهديهم وانا ماالومهم ماعندهم خبره. عموما اخوى أن شاء الله وباذن الله الهلال فائز. |
الله يعدي ها المباراة على خير ويعطيك العافيه على طرحك الرائع |
ان شاء الله نفوز عليهم بنتيجه كبيره الف شكر لك |
فلننسى الماضي ونفكر في المستقبل هذه المباراة في يد جمهور الزعيييييييييييم . . لانريد جمهور صامت بل تشجيع جنوني ومرعب يزلزل الملعب من تحت اقدام الاتحاديين ونجوم الزعيم كلنا ثقة فيهم و لن يقصروا والتوفيق بيد الله . |
مشكلة اللاعبين والجمهور انهم انهزاميين بعكس جمهور الإتحاد اللي يتحدى ويثق تمام الثقة بلاعبي فريقة كل التوفيق للأزرق . لاهنت |
هذي هي مشششكلةة الجمآهير والرآبططة فـ البدايةة تشششجيع وحمآسس وششوي ششوي يخف التششجيع وهذآ اكيد رآح يأثر ع مسسستوى اللآعبين يعطيك آلف عآفيةة وبإذن اللهه هلآليةة |
إقتباس:
هلا وغلا اخوي بس انا ما اقصد الدوري اقصد خروج المغلوب مثل كأس ولي العهد والابطال الدوري جمع نقاط ويمكن بس مباراة واحدة عام 2007 بجده اللي حققناها من الاتحاد صح كلامك الخماسية الشهيرة ماينسونها لاكن المقصود من كلامي الهلال الموسمين الماضيين افضل بكثير من الاتحاد تصور مافزنا عليهم الا بمباراة الخماسية مع اننا الافضل وتقابلنا اكثر من 5 مباريات لاكن بأذن الله الفوز لنا وراح نقصيهم ونسحقهم بالملز لاكن بحماس الجمهور وتشجيعهم مانبي انهزامية حتى لو الفريق مهزوم نبي الفرق تخاف من جمهور الزعيم تحياتي لك |
| الوقت المعتمد في المنتدى بتوقيت جرينتش +3.
الوقت الان » 02:35 PM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd