|
الخطة الاعلامية والادارية لمبارة الاتحاد الحمد الله علي التاهل والمواجهة القادمة مع الاتحاد فهل تكون ثارية من عادتي اتكلم عن الجوانب الفنية لكن اليوم سوف اتحدث عن امور اعلامية وادارية لانها للاسف اصبحت تاثر واقول للاسف لانه الاصل هو ان الامور الفنية هي الاهم وهي التي تحدد بنسبة كبيرة لمن التفوق ولاحظ قلت التفوق ولم اقل الفوز لان الفوز توفيق من الله سبحانه وتعالي اولا اعلاميا اتمني من الادارة عدم المبالغة في مدح الاتحاد والافضل عدم مدحه تماما والاكتفاء بكلمة نحترم الاتحاد اما ما تعود عليه سمو الامير من اضفاء الالقاب من بطل وغيرها لا تفيد فريقنا وقد تؤثر في نفسية الخصم ايجابا وان الهلال خائف من الاتحاد. اتمني من اعلامين الزعيم عدم الدخول في تصعيد اعلامي مع الاتحاديين او اي اطراف اخري بل التحدث عن الهلال والاتحاد فنيا والتركيز علي ذكر الاخطاء الفنية التي في الاتحاد بدل الاسطوانات المكررة والمملة من الانبراشات والاعبين اذا كانوا في يومهم والخرابيط التي لا تدل الا عن الافلاس الفني ااكاتب اتمني نجد كلام مفيد مثلا واحد يحلل كيف تمسك خط الوسط وكيف ان الهلال بامكانه اللعب في المساحات الفارغة خلف وسط الاتحاد حيث يتقدم نص الاتحاد كثيرا ويترك فراغ كبير يجب ان يزرع فيه احد الاعبين السريعين مثل الدوسري او احمد علي اتمني من ادارة المنتدي ان تمارس دكتوتارية غير متوقعة عن المواضيع التي تهبط همم العيبة وتتخوف كثيرا من الاتحاد مثل الاتحاد بيفوز الا اذا ... او التحفيز السلبي للحظور يكفي ان تقول نتمني ان تحظر لتشجيع الزعيم بدل الخرابيط الي تقول بننهزم والسبب الجماهير نقطة اخيرة لا نريد تصاريح من الاعبين خصوصا ياسر؛ ياسر اذا عندك شئ قوله في الملعب بره الملعب لو سمحت يكفئ دعايات موبايلي وكوكاكولا اما عن الهلال لا تتكلم الا في الملعب هذا من الناحية الاعلامية من الناحية الادارية يجب ان يكون في تحفيز قوي مادي ومعنوي وتواجد اداري وشرفي في التمارين والتركيز علي اهمية المبارة وان الهلال قادر علي التواجد في النهائي التحدث مع كالديرون وسؤاله عن سبب عدم قدرته علي الفوز في الثلاث مباريات السابقة والتاكيد عليه ان الهلال بطل ولا يقبل باقل من الفوز بالبطولة اقفال موضوع عزيز وتجميده في المدرج اقفال مواضيع الاجانب والمدربين الجلوس مع اهم ثلاث لاعبين في الفريق هم الفريدي والشلهوب وهوساوي والطلب منهم ضبط النفس وتسيير الامور داخل الملعب مهما كانت الضروف سحب الكابتنية من ياسر واعطاها للشلهوب او هوساوي اخيرا حديثي صواب يحتمل الخطاء وحديثكم خطاء يحتمل الصواب |
السلام عليكم اهم شي لا يقول عبدالرحمن بن مساعد كلمته الشهيره اللي كل ما قالها ننهزم (انا متفائل) ياخي اذا انت متفائل خل تفاؤلك في راسك ولا تقعد تصرح فيه لان له مردود سلبي على لعيبتك وايجابي على الخصم اللي تزيد فيه التحدي لاثبات العكس،انا متابع كل تصاريحه الى درجة انه مافي تصريح فاتني،وبداية القصه من مباراة الاتحاد اللي انطرد فيها عزيز قال انا متفائل وبعدها ام صلال وفي نهائي كاس الملك،وقبل الخروج من الاسيويه العام الماضي وهذي السنه قدام الاتحاد في الاسيويه. الخلاصه انا ما اقول لا تتفاءل لا تصرح بهالكلام لانه مو تصريح احترافي،الشغل الاحترافي هو انك تشد حيلك جوا الملعب وتقاتل وتعطي اللي عندك. وشكراااا وااااسف على الاطاله،.،،.،..،.،.،. |
إقتباس:
الرسول عليه أفضل الصلاة والتسليم قال تقائلوا بالخير تجدوه ,,,,,,, أنا كمشجع هلالي أرفض طريقة طرحك ولا أتقبل شخص مثلك يتهجم على شبيه الريح ,, لأننا ببساطة في شبكة الزعيم ولسنا في المنتدى الأصفر |
إقتباس:
أما من ناحية الكابتنيه فياسر يستحقها رغما عن كل اللاعبين قد تسألني لماذا ؟ مع احترامي للشلهوب وهوساوي لايجيدون معنى قائد للفريق لايستحقها من وجهة نظري إلا رادوي أو ياسر فقط لاغير وأتمنى عدم التركيز على موضوع الكابتنيه لانه موضوع حسم من بداية الموسم شكرا لك على موضوعك |
حبيبي اصلا انا ضد الحديث عن المباراة من الاساس اعتبارها مجرد مباراة عادية افضل لان لو تحدثت واعطيت المباراة اهمية كبيرة تحشن لاعبينك وتشد اعصابهم وتربكهم ولو تحدثت عن المباراة بانها سهله وعادية تسبب لهم حالة استرخاء فالافضل السكوت والتطنيش |
كـلام جميـل ومعقـول حلو بكل شي و بأي مجال كان ان الانسان يكون وسطي لاتفريط ولاإفراط مانبي نستهين فيهم ولا نصير خوافين وانهزاميين !!! أهممم شي يكفوووون .. نبي الرووح ثم الرووح ثم الرووح واللعــب بحمــاس وقتـــاليه وجماهيرنا نبي منهااا تملي الملعب فــــــــل وتشجيـع حماااسي وللآآآآخـــــــرررر وبإذن الله الفـوز للزعـــــــيم :ba: :ba1: |
دائما الهلال يدخل مباراة الاتحاد وهو مخدراعلامياً وانه الاقرب للفوز للأسف هذا الشيء يؤثر على لاعبي الهلال ويستفز لاعبي الاتحاد فنشاهد لاعبي الاتحاد في قمة عطائهم ولاعبينا في الحضيض |
صراحه الاتحاااد شاايف نفسه على الهلال واذا لعب ضد الهلال يتغير لعبه وحمااس لعيبته وتصااريح الاداره تزيدهم اصرار علشاان بس يفزون ويصرون قد المديح تذكرون تصريح الامير بندر بن محمد الاعب الخفي يسبب شحن للفرق الاخرى ايااااااااااااااام التصااريح بين الانديه بس الحين الاداره تنهج منهج المثااليه بكل شي |
أتم ــــنا أن يخ ــرج أحــد لاعـــبين الهـــلال ويصــرح بكــل ثقـــــه سـوف نخــرجكم من المــوســم هـذا خــالي الـوفـاض لكـي يشــعل الـروح القتـاليه بفريــقه |
آهم شـي آلتهيئـة آلنفسيـة , ويـآليت آلآعبيين ينتبهـون لـ آلتخديـر آلآعلآمي , يعطيك آلعـآفيـة ,, |
يارب وفق الهلال وبحول الله الفوز هلالي ذهاب واياب الله الله يالرقم الصعب احضرو وارعبو الخصم حان بحول الله رد الاعتبار نعم ياتحاد هزمتنا في مباراه واخرجتنا من بطوله مهمه لكن احنا بحول الله بنخرجك من الموسم بدون بطوله وبحول الله ان الله راد وتقابلنا اسيويا نرد لك الدين اسيويا |
المحظور انت وقعت فيه ودون ماتدري وللاسف مسألة الكبتنيه وش سبب فتح هالموضوع وسواء ياسر او اي لاعب يكون كابتن مانبي سالفة الكبتينه تتداول بين اللاعبين وهم كل لاعب هالشريط الي لا يقدم ولا ياخر، كل لاعب بالملعب هو كبتن، اتمنى منك اخوي ومن الجميع البعد عن الحساسيه بالمواضيع وتحفيز اللاعبين والرفع من معنوياتهم |
انت تقول الفوز توقيق من الله .. بعدين تناقض نفسك وتقول شبيه الريح لايقول واللاعب لايصرح والـ...........................الخ احترم افكارك ورأيك ,, بس ماتقدر تفرض على شبيه الريح وش يقول او حتى على الكبتن ياسر يصرح او مايصرح ؟؟؟؟؟؟؟ّّّّّّّّّّّّّّّّّّّّّ!!!!!!!!!!!!!!! انا احب ان النادي بادارنه ومدربه وولاعبينه يظهرون ثقتهم ..وطموحهم للفوز ..مع احترام الخصم واذا الزعيم ونجومه ماصرحوا اجل منو اللي يصرح ؟؟................................ ؟ |
مشكور اخوي اتفق معك في بعض الامور واختلف في البعض ماتلاحضون تحملون ياسر كل شئ خلاص انتقدو ياسر لين شبع وباقي الاعيبه تنسون اخطاهم والحين دخلتو في الكابتنيه المفروض نبتعد عن هالاشياء |
اهم شي عدم الاستسلام من لاعبين الزعيم اللعب برووووح الله يوفق الزعيم الهلالي |
| الوقت المعتمد في المنتدى بتوقيت جرينتش +3.
الوقت الان » 12:10 PM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd