|
ماذا يريد بالضبط ؟؟؟؟؟؟ (( بقلمي )) بسم الله الرحمن الرحيم السلام عليكم و رحمه الله و بركاته انا دئما احب اتابع برمانج الجولة في قناة لاين سبورت اذا كان ضيوف الحلقة (( عادل التويجري و عادل المحلم )) تكون مثيرة بكل ما تحمل الكلمة من معنى خاصة اذا كان الحديث يدور حول الهلال و النصر طبعا قبل يومين تحديد عندما تحدث ابو غيداء عن النجم الكبير ماجد عبدالله و عن كلامه الاخير عن حقوقه في حفل الاعتزال و من الكلام و عن اعضاء شرف النصر و رئيس النصر و الداعمين لازم طبعا اي نصراوي يتهرب من الحقيقة و يدخل الهلال في الموضوع حتى لو كان الهلال ما لها دخل بالسالفه نهائيا يعني مثلا عندما تحدت ابو غيداء عن كلام ماجد و انه يطلب حقوقه و مدري ايش نط الاخ الملحم على طول بكلمة (( اين اعضاء شرف الهلال من النعيمة و يوسف وووووووووووووووو )) عشان بس يطلع من الموضوع يا اخي ابي افهم شي واحد فقط (( وش دخل الهلال و اعضاء شرفه في الموضوع الي قاعد يتكلام عنه ابو غيداء ؟؟؟؟ )) و الله ناس ما عندها حال لنفسها تقوم تطلع على الهلال بس عشان تهرب من الموضوع الاساسي طيب اذا تبي تعرف ليش الهلال مهمل لاعبيينه على قولتك و لا احد حقه انا ابي اقول شي من خلال معرفتي القليلة لاني انا ما اشغل في الوسط الرياضي و احمد ربي اني ما اشغل فيها عشان ما القى احد مثلك يتهرب من الحق على حسابي الي فهمته :::::::: 1- صالح النعيمة :: ما احد ينكر انه لاعب و نجم قدم الشي الكثير لوطنه و فريقه و لكن العقوبه التي وقع فيها تحديد من المرحوم الامير فيصل بن فهد لانه على حق الامير ما احد يزعل او يعترض عليه لانه مثل ما كان عقاب عليه كان فيه عقوبة على غيره يعني هناك كان عدل في كل شي يعني الي اقصده انه الاتحاد السعودي هو الي عقابه مو نادي الهلال .. هذا اولا 2- يوسف الثنيان :: انا عمري ما شفت و لا سمعت و لا لقاء صحفي او تلفزيون او غيرها انه يوسف طلع و قال انا ما اخذت حقوقي من حفل الاعتزال ؟؟؟؟ من وين جايب هالكلام اجل ؟؟؟ انت الضاهر سماع الهريفي حقكم لانه مرة قال اتمنى اشوف حفل اعتزالي ؟؟ فانت تبي بس تطلع اي خطا على الهلال و تحطه فيه و الا وين كلام ابو عبدالعزيز ؟؟؟؟؟؟ هذا ثانيا 3- سعد الدوسري :: الله يرحمه و يغفر له ان شاء الله ما اعرف شي عن المواضيع ال تخصه هذا ثالثا 4- : خالد الرشيد :: الرجل مريض في القلب (( الله يشفيه )) و ما طلع في و قال اتمنى المساعدة فانت تبي اعضاء شرف الهلال يدخلون بيت الرجل و يقولون انت مريض و الا طيب ؟؟؟ وش دارى الناس ؟؟ يعني ما الوم احد لكن صعب انه تدخل بيت خلق الله و تقول انت مدري وش فيك و انت و انت و انت و هذا هو الادارة يوم درت عنه من خلال المقربيين منه ما قصرت قامت بالزيارة و هو كم مرة بعدها جاء النادي مبسوط و لا زعل من النادي و لا شي عشان و الله ما درت عنه .. لانه عيب احد يدخل بيت بدون استاذن او اقصد وش الي مدري الناس عن الي في بيوت خلق الله ؟؟؟؟؟؟ كبر عقلك شوي يا شيخ هذا ربعا 5- اما موضوع فهد الغشيان :: اسمح لي ما اعلق عليه لانه بينه و بين الامير عبدالرحمن و الامير قال ( انا ما اذكر انه قلت له لا عاد تكلمني )) عاد صدق كذب في ذمته و ذمك الامير و عند الله حسابهم انا اتمنى منك انت تروح تعرض نفسك على طبيب يفك العقده الي في راسك اسمها الهلال و ثاتي مرة لا تدخل الهلال بكل شي عشان و الله تهرب من واقع يعيش فيه النصر و لا احد يقدر يقول الحق و المثل يقول (( من لا حلية له فيحتال )) بس اذا كان بعد الي قلته من اتهام للهلال يجيب البطولات ؟؟ فالله يخليك ارجوك تجيب اتهامات اكبر المرة الجاية و نشوف الفرق بين اتهامات تجيب كل عام بطولة و بين اتهامات 15 سنة و لا بطولة ؟؟؟ و لا يغرك صدقة الامير عبدالله بن مساعد برئيس النصر ترى ابو عبدالرحمن ما عنده احد يسمعه يشب الههلال حتى لو اقرب الناس له و بعدين الامير قالها كذا لقاء (( العلاقة ما لها دخل بالنصر و الهلال )) يعني ممكن لو سمع كلامك عن الهلال عادي رد عليك خالك ما تكلام مرة ثانية و الامير بندر بن محمد نفس الشي و غيرهم من اعضاء الشرف الذين لا يرضو باهانة الهلال من شخص غير معروف من قبل بس عشانه في الجولة يعني بالمختصضر المفيد ((( اترك الهلال و ابعده عن اي موضوع ما له علاقة فيه )) على فكرة ( لا شفت ماجد سلم عليه )ههههههههههههههههههههههههههههههههههههه انا انقهر لا شفت الهلال يدخله غيره في مواضيع ما تخصه ؟؟ هذا الموضوع مو مع و لا ضد احد بس اهم شي عندي (( الهلال فقط )) تحياتي لكم |
سلمت يداااك على الموضوع وننتظرر جديدك من ارووع |
سلمت يداك انتبهي من الكلام اللي بيجيك من البعض |
بالعربي يبي ينسي الأعلام مشاكل فريقه الكديش بس ماتنطلي علينا ويوسف مشكلته مع الشركه الراعيه مو مع الهلال تقبلي مروري ..... |
عادل الملحم (عبد مأمور ) وهو السكرتير الخاص للوليد بن بدر . يعني شي طيبيعي انه يكذب ولا تحسبون كل الناس مثل الاعلام الهلالي صادق وأمين مثل ما فيه اعلام صادق وحقيقي في اعلام اهم شي عندهم رضى (المعزب) . وهذا اللي يسويه الملحم وكل اعلامي نصراوي لان هذا اكل عيشهم . بالمختصر اي شي تشوفونه في الاعلام من قنوات فضائية و وصحف وانترنت لا تاخذونه على محمل الجد لانها لعبه لمجرد التسليه . يعطيك العافية . |
انا ماعجبني الى بقلمي اللي تكتبينها بكل موضوع كل الموضيع اللي تنزل هنا من كتابه الاعضاء:s2: |
معك حق بكل الي قلتيه ماعدا إقتباس:
ينبغي من الاداره متابعته من بعد ترك الكوره والسؤال عن احواله وتحديدا عن صحته وهل يحتاج مساعده او لا ليس الاداره فقط المفروض حتى زملائه يسألون عنه لانه خدم الهلال والمنتخب ايضا |
للتصحيح النعيمه اقيم له حفل اعتزال واستلم حقوقه ومقرب من جميع الهلاليين وسعدالدوسري رحمه الله تم ضم عائلته للرواتب طول مدة عقده واستلموا مبالغ من الاداره ومن زملائه والثنيان اخذ حقوقه من حفل اعتزاله والغشيان هو من راح للنصر وهو من دمر نفسه والنصر شريك اما الرشيد فتم التبرع له بدخل مباراه وتم ظمه للجهاز الاداري وماننسا موقف الجميع مع عبدالله سليمان وغيره من لاعبي الهلال واذا تتابعين اعلام النصر فهوا يكذب ولو على نفسه اجمل تحياتي لكم |
طيب وبعدين وش الزبده .........؟ |
يعطيك العافيه على المجهود الرائع وهذا اختصار لمشاكل كثيرة يتهم فيها الهلال شكرا |
يعطيك العافيه على المجهود الرائع وهذا اختصار لمشاكل كثيرة يتهم فيها الهلال |
انا استغربت يوم يقول الملحم ان صالح النعيمه طلع على احد القنوات يبكي ..؟ طيب ياغبي انت تدري ليش يبكي ..؟ كان يبكي على القرار الي اتخذه الاتحاد السعودي وقتها الي اقتضى في شطبه من الملاعب .. ولا له دخل في اعضاء الشرف وحقوق ماحقوق زي ناديكم العقيم اجارنا الله واياكم اجمعين .. كل الشكر لكِ بنت الرياض ..:) |
إقتباس:
شكراً لك |
طيب وبعدين وش الزبده .........؟ |
بالعربي يبي ينسي الأعلام مشاكل فريقه الكديش بس ماتنطلي علينا ويوسف مشكلته مع الشركه الراعيه مو مع الهلال تقبلي مروري |
| الوقت المعتمد في المنتدى بتوقيت جرينتش +3.
الوقت الان » 12:44 AM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd