عذراً يا عزيز الفريق لا يستطيع المسير من دونك
 

السلام عليكم ورحمة الله وبركاته

مساء الخير على الجميع

من الملاحظ في الموسم هذا عند الجماهير الهلاليه ان الكابتن خالد عزيز او الاسطوره تشافي انه يتغيب عن النادي

وبدون اسباب تذكر ودلع لاعبين اشغلنا تشافي والله بكثرت غياباته

والله ياعزيز اذا مانتبهت لمستقبل ترى مردك نادي الرياض تلحق الجمعان والشيحان لنهم لم يهتمو لنفسهم وغرتهم

الدنيا والاموال قد يكون اليوم وغداً لديك مال وبعد غد ومابعد قد لا تحصل على المال وللاسف اغلب الاعبين لا يوجد

لديه مؤهلات دراسيه تشفع له بعد ترك الكره ليتوظف ويعيش من الوظيفه

للاسف الاعب السعودي عقليته متخلفه للاسف الشديد سهر وسفر وعدم انضباطيه

وفي الاخير يطلع في الاعلام يصيح لا املك منزل ولا سياره مديون خسرت تجارتي وعلى وشك اسجن

والله ياعزيز لن تكون افضل من سابقيك انتبه لرزقك ورزق عيالك


حط في بالك ان النادي لا يقف على احد وجيل يذهب وجيل ياتي راح جيل النعيمه والمصيبيح والتخيفي وعبادي والمبارك والدعيع

وجاء جيل جديد واستمر الهلال بحصد البطولات

لاعبين استهترو في النادي وكان اخرهم الهلاك والتصريحات الاعلاميه (( بوضع مخزي ))


همسه لعزيز اتمنى ان تفكر في مستقبل ابناءك وماتصنع لهم في المستقبل لنه لن ينفع الندم ولك في مقابلة

الاعب خالد قهوجي حينما قال لو عاد اصبح ابني لاعب كره لن ادعه يسجل لغير الهلال وهذا لاعب مر على

نادي الاهلي ونادي الاتحاد وحس بالفرق ان الكيان الهلالي لا يضاهيه اي كيان اخ

ولنا في بعض الاعبين الذين هذبت بهم رياح الاغراءات لفرق اخرى اساؤو لتاريخهم في الكيان الهلالي وستمرو

وقد نراهم في فرق درجه اولى او فرق لا تليق بانجاءاتهم مع الكيان الهلال

الاعب تعذر برساله بالجوال خلاص لاتكبر الموضوع

لو غاب ياسر ماتكلمتو عنه

اعتذر على ايوم غاب فيه يوم ورى يوم الاعب يغيب

اخوي انا ماعرف لا ياسر ولا غيره انا اشجع نادي مو لاعب ولا يهمني اي لاعب في الفريق اذا

بيتبع هذا الاسلوب واذا على لاعب ما اتوقع بيجي لاعب امثال ( الثنيان - سامي - والشلهوب ) لكثرت ماحصلو علي

بطولات استاذي خالد عزيز يعتذر اليوم ويغيب بكره وهذي حتى في مكان العمل مايقبلون هذا الموظف فما بالك في كرة

القدم

ياسلام عليك:rose:
فعلا لاتكبرون السالفة وكل واحد يهزيء الاعب وعقليتة
ويقول همسة ونصيحة

هذة مو نصيحة ابدا

تكفى بسسسسسسس :to:

قآل ايش قال لآتكبروا الموضوع ههههههههههههههههههه
امس غايب بدون عذر لكن شكلك ماتابعت تغطية تمرين الامس

إقتباس:

وكان الفريق الهلالي قد اختتم مساء اليوم الخميس تحضيراته, واشتمل المران على جوانب لياقية وترفيهية وسط غياب اللاعب خالد عزيز دون إبداء أي عذر. وجرت التدريبات بحضور سمو نائب رئيس النادي الأمير نواف بن سعد وعضو شرف النادي الأمير فهد بن محمد وعدد من أعضاء مجلس الإدارة.

يآعمي استريح بس .. عزيز مكآنه في نآدي غير
الهلآل واعتقد انو اغلب الجمهور يتفق معآي :yes:

الله واعلم وش اخرتها ياعزيز

الله يعين بس

اتمنى عدم مكافئة خالد عزيز وجعله ينتقل او يعاااار


كذا نكون كافئنااااااااااهـ ... المدرجااات هي مكان لكل من يهمل

الله يفق خالد عزيز اي مكان وانا معه

مصيرك ياعزيز برره النادي نهاية هالموسم هذا

ومصير موترك اللكزس الجيب بعدين راح يكون اكسنت هونداي ..وبتطلعلي عند الاعلام مديون والخ والخ زيك زي باقي اللاعبين اللي ماهتمو لمستقبلهم وانفسهم..

ارررررفس النعمه الحين اللي انت فيها ..بس مصيرك بتندم مع عقلك المتنك والطافي

شكرا لك ولا اهتماامك بالهلال اجمع ,,,

انا اشجع فريق اسمه الهلال وليس للاعب بحد ذااته

كل الاعبين يمثلوون الشعاار الهلالي
فمن قدم كاافئنااه ووقفنا بجاانبه

ومن اخطئ نصحنااه
ومن عااند واستكبر واستهزء عاقبنااه

وياليت تكون عقوبة عزيز عرضة على قائمة الانتقال شكل الاعب عينه على ناادي اخر ,,,

حده نادي ضمك يصلح له""""""""""""""""

والله كفيييييييييييييييييييييييت ووفييييييييييييييييييييييت

والله من شجعت الهلال ماعمري شجعته عشان لاعب معين مين كان يكون

شجعت الهلال حب في الهلال ككيان

وبالتوفيق لللهلال في كل الازمان