|
احلم بتطور الاحتراف في الكره السعودية بسم الله الرحمن الرحيم السلام عليكم ورحمة الله وبركاته لي فتره وانا احلم واتخيل وافكر بالهلال من بيجيب ؟ ومن هاللاعب المنقذ؟ ادارة شبيه الريح تعاقداتها ناجحه بما تعنيه الكلمه الا احمد علي لم يوفق مع الزعيم فانا اثق تمام باللي بيجي عن طريق هالاداراه الناجحه ولله الحمد بس قاعد افكر واقول معقوله !! مافي لاعب سعودي هداف ؟؟ يعني انا ااشوف بالحواري لاعبين ماشاء الله وربي يملكون من الموهبه ما يشفع لهم باللعب للانديه وافضل من المتواجدين يعني مثلا لو تعلن ادارة النادي عن مسابقة بالصيفيه وانه الفريق الفائز له جوائز نقديه وان افضل لاعب + هداف البطوله لهما عقد احتراف مع النادي لمدة موسم وان تم الاستفاده منه يمدد له مثلا (الاحتراف وما ادراك ما الاحتراف السعودي) انا احد افراد المجتمع وش الاحتراف عندي (جمهور واعلام ومال) يجب ان نفهم ان الكره مصدر رزق : هالمحترفين وش يخليهم يجون لنا ويحترفون عندنا (مثل : رادوي متأكد لو احترف مع غير الهلال الا انه بيبدع لانه لاعب محترف ) ؟؟ جد اتمنى اللاعب السعودي يفهم وش الاحتراف لو يصير بعد نعطي الناشين والشباب دروس بعقود الاحتراف الاحتراف مثل الوظيفه اعمل واخلص بعملك يتبارك لك الرزق اشتغل باخلاص دايم افكر بالكره السعوديه متى تتطور يعني من احد الافكار اقول لو فتحوا مجال للخصخصه واعطي مجال للتعاقد مع اكثر من 4 اجانب خلي العدد 6 مثلا عادي انا واحد من الجماهير اللي بقدر افكر اني استغني عن اي نجم سعودي بمقابل لاعب اجنبي بالمقابل هالنجم وين بيروح خله يحترف للخارج يكسب خبره وان استمر مع النادي بيخالط نجوم كبار مع الخصخصه مثلا تخيلوا ياسر القحطاني يوم جا عرض مان ستي يمكن احد اسباب رفض العرض مافي بديل لياسر والمقابل المادي ضئيل طيب لو حصل هالشي وقت الخصخصه وش الفائده : 1- تتعاقد الاداره مع لاعب كبير يغطي خانت اللاعب السعودي 2- اللاعب السعودي بيتسفيد باحترافه للخارج 3- هاللاعب الاجنبي بيفيد اللاعب السعودي بالاحتكاك او بالمتابعه بس قبل كل هذا لازم يتعلم اللاعب السعودي وش الاحتراف ويطبق عليه امور كثيره مثلا .... يجب على اللاعب حتى يوصل للتشكيله ان يجتهد ويحرث الملعب اخبر قبل موسمين ..شبيه الريح في لقاء مع المذيع وليد الفراج يوم يتكلم عن جريتس ويقول : بن عرفه اللاعب الفرنسي ذو الاصول المغربيه عشان تغيب عن تمرين وش سوى به خلاه يتكي على دكة الاحتياط شهر او ما يشابه هالكلام وهو من افضل اللاعبين بمرسيليا ملحوظه (بن عرفه لااعب موهووب جدا وله تاثيره باي فريق) وقبل كم يوم يقول الكابتن سلطان خميس ليه الانديه ما تسوي صاله رياضيه مغلقه بما ان الجو بالصبح لا يساعد على اداء التمارين (او ما يشابه هالكلام) طبعا ما بختصر الاحتراف في هالنقاط فقط على فكره المفروض هالشي مو من المدرب المفروض هالكلام من الجهاز الاداري كامل نبي نظام قوي صارم يخلي الاحتراف يمشي على الجميع يمكن ما اعرف اصوغ الكلام بشكل جميل بس اتمنى اوصل المعلومه لكم واخيرا اتمنى للزعيم التوفيق واعتذر على الاطاله وياليت يوصل اللي بخاطري لقلوبكم |
يعطيكك الف عافيه على طرحك الاكثر من رائع صراحه .. بالنسبه لكلامك عن الاعبين فـ الحواري .. صحيح والله نشووف لاعبين ماشاء الله عليهم .. قآدرين على الاحتراف بقووه ، لكن يمكن مافيه اهتمام منهم . إقتباس:
اتمنى تطبيق الفكرهـ . وان شاء الله توصل لـ اداره النادي... |
اشكرك على طرحك اخي لكن لاعب الحواري اخي لاتنطبق عليه المواصفات الكامله والبطوله الصيفيه فكره رائعه جدا لكن هنالك اكاديميات اعلن الاتحاد السعودي عنها فهي افضل بكثير من لاعبين الحواري واتمنى ان الهلال يبدا بفتح الاكاديميه كاديمية الاهلي والكل يعلم ان اكاديمية الاهلي افضل اكاديمية بالسعوديه والخليج باستثناء اكاديمية قطر وعلى الفريق الهلالي التفكير في تطوير مستوى الاعبين الناشئين والاولمبي وهذه افضل طريقه للتطوير وليس في لاعبين الحواري او البطولات لان الاوربيين تجد في فريقهم الاول اكثر من 3 لاعبين من الاولمبي يحضرهم المدرب لكي يكتشف مواهبهم ويطورها باستمرار وبهكذا يستطيع نقلهم للاحتراف الخارجي لك كل الشكر والتقدير |
يعطيكم العافيه ...... طيب وبعدين |
شكرا لك يا غالي هذا هو اللي بيطور الكرة السعودية و اللي يرجع هيبتها المفقوده |
مشكورين على المرور دمتم بود |
لو كنت لاعب مميز من يعطيك الفرصه؟ اقرب لك الصوره الوسط الايسر في الهلال الشلهوب العابد عزوز الفرج 4 يتنافسون على مركز واحد الشلهوب مهاري وضعيف بدنيا العابد نشيط وحركي وقوي عزوز سريع ومهاري الفرج دقيق في لعب الاوفرات ويجيد المسانده الدفاعيه ويجيك مدرب زي كالدي يحط الشلهوب محور وعزوز وسط ايمن والفرج ظهير ايسر والعابد بتاع كله يعني قضى على فرصة اي نجم سيلعب وسط ايمن اوظهير ايسر ثم قضى على الاعبين بلعبهم في غير مراكزهم ثم قضى على روح الفريق بتشويه الفريق وترقيعه بينما لو قال تعالوا ياشباب نختبركم المهاره السرعه القوه الكنترول مواصفات لاعبي كرة القدم الاساسيه 40درجه واعطى الاول والثاني 40 والثالث والرابع35 وقال الدوري يلعب الاول والكاس يلعب الثاني والاخران يعرضان على لائحة الانتقال لتحقق مايلي كل لاعب ادى المطلوب منه وهو مرتاح لانه سيشارك وسيثبت نفسه والاعبان الاخران وجدا فريقا يلعبان له عمر لاعب كرة القدم حوالي 10 سنوات في الفريق الاول من 20 الى 30 غالبا لذا حرام يقضى على مواهب كرة القدم السعوديه بعقليات اداريه فاشله(لااقصد احدا بعينه) دمت بود |
يعطيك العافية وبالتوفيق للزعيم ... |
من يوافق ع احتراف الاعب السعودي الاندية تدفع الملايين لجل خاطر البطولات الاعب يستمتع بالملايين ماهمه الاحتراف بالعربي فكر حواري الامل في اجيال الاكاديميات اذا سلمو من فكر ادرات الاندية المتعصب يعطيك العافية ع الموضووع |
واهم شي تبتعد الواسطات والعواطف بالتسجيل .. يعطيك العافيه |
| الوقت المعتمد في المنتدى بتوقيت جرينتش +3.
الوقت الان » 09:51 AM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd