|
ارحموا ( عــــزيـــــــــز ) قومٍ ذل في البداية ..... دعونا نتفق بأن إعلامنا - الرياضي على الأقل - أصبح ساحة معارك معلنة وغير معلنة بين وسائل الإعلام (التجارية) المرئية والمقروءة و التي تهدف بالأساس إلى الربح المادي أولاً وثانياً ......... وعاشراً في تلك المعركة الطاحنة تستخدم الكثيرمن الأسلحة لجذب المتابعين فالإشاعات والأخبار الغير (ناضجة) – سلاح تكذيب وسيلة إعلامية لإشاعة بثتها وسيلة أخرى – سلاح تضخيم الأخبار الغير مهمة – سلاح صناعة الأحداث والأخبار – سلاح نووي والغنيمة تكون بزيادة عدد: المشاهدين/القراء/الزوار ولأن تلك القنوات - كلها و بلا استثناء - تعلم بأن الأكثرية الساحقة هي للجماهير الهلالية وتعلم أيضا أن هدفها الربحي لن يتحقق إلا بالتركيز على كل الأخبار الهلالية, فالمفرح منها سيجذبنا كهلاليين والغير مفرح من أخبار الهلال سيجذب الأقليات – الغير مستضعفة – لجماهير الأندية الأخرى اتفقنا..... ؟؟ إذن فلنكمل خــــالــد عــزيــز والإدارة استمرت الإدارة الهلالية في (تشهيرها) بغياباته بل وحتى بأعذاره وقبولها من عدمه وطرق عــقابه , للموسم الثالث على التوالي , علماً بأن هذه الطريقة أثبتت فشلها منذ عامها الأول والأدهى أنها بذلك - نوعاً ما - أججت الجماهير على اللاعب وكل ذلك بدلاً من ترك الصرامة الزائدة في أمور الانضباط و معالجة وضعه (بالـسـتيرة) أو بطرق أخرى غير تلك التي لم تجدِ نفعاً مع اللاعب أليس من الأجدى أن توفر الإدارة بعضاً من هذه الصرامة لـبعض اللاعبين الهابط مستواهم ؟؟؟؟ أصبح عزيز عرضة للإعلام (اللي يسوى واللي ما يسوى) فإعلامي ( أصفر اللون) يصفه بالحماقة مستعيراً هذا الوصف من سمو الهلال/ أبو فيصل !!!.... فمن يستطيع الدفاع عن خالد عزيــز ؟؟؟ وآخر (اصفر النية) لا يكاد يترك فرصة لانتقاده في برنامجه اليومي بل و يسأل ضيوفه عن آرائهم عند أي خبر يذكر عن اللاعب (أحزنني كثيراً وصف سمو الأمير نواف بن محمد له بضعف القدرات العقلية) بينما يغيب في الأندية الأخرى من يغيب ولا تجد لذلك أي ذكر – فهو ليس عزيز الهلال فما هو رجاء الإدارة الآن من اللاعب الأحمق ضعيف القدرات العقلية الـ(مشهور) بالغياب إلا أن يتمادى في غيابه وإهماله حتى و إن طأطأ رأسه للعقاب ؟؟؟ خالد عزيز و بعض الجماهير يتعرض اللاعب لبعض الانتقادات الجارحة عبر المنتديات لغياباته المتكررة واستغرب حقيقةً هذه الانتقادات ولا أجد لها مبرر, فاللاعب حينما يلعب لا يبخل بمجهوده بل ويلعب بكامل إمكانياته مهما كان ضعف (الخصم) خالد لاعب مؤثر داخل الملعب, ذو إمكانيات عالية جداً جداً جداً
والمفترض أن هذا ما يهم المشجع في النهاية في أي لاعب, أداءه في الملعب أما أمور انضباط اللاعبين فــــمثلاُ فــحـبـيــب قلبي الفيلسوف الأسطورة أبو يعقوب كان(آخذ راحته عالآخر) و رغم بعض الأمور التي حصلت بينه وبين سمو الأمير بندر بن محمد (الرئيس آنذاك) كان كل الجمهور الهلالي في صفـّـه (وعلى قلوبنا زي العسل) قد يأتي احدهم ليذكرني بأننا في زمن الاحترافية وان هذه وظيفة اللاعب بعكس زمن أبو يعقوب !! سأجيبه مقدماً إذا كنت موظفاً و راحت عليك نومة و تستيقظ لتعلم أن مديرك وضع خبر غيابك (بدون عذر) على لوحة الإعلانات في مكان عملك بل و بعث بصورة من خطاب الإنذار الموجه لك إلى جميع ايميلات موظفي الشركة ترى أي المواقف ستتخذ ؟ أنا لا أعذر لعــــزيــز غيابه أبداً , و لا اقبله لا شكلاً ولا موضوعاً (بس الرحمة حلوة) فقط أتمنى ألا ينجرّ الجمهور وراء التضخيم الإعلامي بغياب عزيز أكثر من المطلوب فنخسر لاعب المحور الأفضل في آسيا عموماً توجيه الجماهير عبر الإعلام لانتقاد ما هو خارج الملعب بتضخيمه أمر سيكون له عواقب وخيمة على الرياضة السعودية عامة إلى كل الهلاليين بمن فيهم عزيز نفسه ارحموا خالد عزيز, وكلي ثقة بالأمير عبد الرحمن بن مساعد بأنه سيجد الحل لمعالجة مشكلة انضباطيته بدون التفريط فيه حتى لو جعله يسكن داخل النادي و يجب أن يرحم اللاعب نفسه قبل غيره و أن يفكر في من أصبحوا في طي النسيان من غابر اللاعبين وليختار موقعه في تاريخ الهلاليين من الآن لنذكره بعد سنين على انه اللاعب الذي يجب أن يكون واسأل الله قبل وبعد الجميع أن يرحمه بهدايته إلى الطريق الصحيح فمن لا يرحمه الله عز وجل فلا راحم له :rose::rose::rose: |
_ اتمنى التوفيق للاعب خالد عزيز وانّ يرجع إلى مستواه المعروف سابقاً . . . :ba: الف شكر اخوي على الموضوع .. . . وهـــم :) |
والله انكـ صادق مادري ليش يشهرون به كل ماشهروبه يبدا يغيب اكثر واكثر واكثر لاكن انشاء الله بعد موضوعكـ ذا يضبطون |
خالد عزيز .. اه لو يرجع بس و ينظبط والله من احسن المحاور |
بصراحه انا ما ادري وش اقول ... مختبص راسي بهالموضوع ... تحياتي لك ع كل حال .. |
خالد عزيز يبي يوصل عمره 40 وحنا نقول يبي يرجع لمستواه ..! اتمنى يشوفون له حل ولا يجيبون احسن منه .. |
عزيز مثل ما قال وليد الفراج اليوم , في برنامج اعداد من 2006 :yes: لاعب ما تدري وش يبي , فِكر [ 0 ] مكعب ترى اللي خلق عزيز خلق غيره , يعني رادوي بكبره بيروح والهلال باقي وبيحقق بطولات بزيادة ان شاء الله يعني الزبده , ترى ماهو عيب تنسّق اللاعب او تقايضه بلاعب ثاني :yes: رونالدينهو يوم شافوه بداء يبزوط قضبوووه الباب واكرشوووه من البرشا :yes: إن شاء الله يكون من ضمن قائمة المنسقين , لأنه قرّب يعتزل وحنا نقول بينضبط :s2: مثل الشيخ ياسر , قرّب يعتزل وحنا نقوول بيرجع :to: مدري اخاف بعد يطلعون بكرة جمهور يطالب ببقاء احمد علي والجيزاني :alzaeem: ونصبر ونحتسب أجرهم عند الله ..!!! ترى هذا نادي ماهو دار الرعاية الخاصة :yes: , وأقرب نادي للخصخصه من اي نادي آخر , يعني الشغل لازم يكون احترافي :yes: لاعب ما يفيد النادي وعاااالة ووجوده وعدمه واحد يتم تنسيقه مهما كان اسم اللاعب وجماهيريته :yes: وإن شاء الله متفائل بـأبو فيصل وقراراته بعد كأس الملك :rose: |
وش تحس فيييييه وانت تذكــر مميزاتــه يعني يغيب ويسحــب وياخذها بارده مبرده منــا الهلال مر عليه افضل من عزيز وغيرهـ ..... وجهة نظر ....... |
هذا عزيز وهذا ياسر اتمتا الاداره تستغل ذا الوقت لان السنه الجتيه مايسون ميلون حتي اتمنا تبيعهم للشباب ونعطيهم 5 ميلون بعد ويعطونا شهيل والله تصير المقايضه ضربت معلم ويبون الجيزاني مافيه مانع بعد |
وش دراك يااخوي انهم ماسترو عليه صدقنــي ماطلعوها للاعلام الا انهم ايسو منــه والله ملينــااا وحنا نقول بينضبط بس لاحياة لمن تناادي عارفين انه افضل محور سعودي واسيوي بس هالكلام ايفيد من دون انضبااط صدقني اذا ماطلعوها للاعلام كل اللاعبين بيتمردون يقولون حالنا من حاله لامن شاف ولا من سمع وبعدين مايقدرون يسترون عليه الاعلاميين مسنترين عند بوبات النادي يشوفون منو حضر ومنو غاااب .. مهلوس بالزعيم اول شي مدري وش دخل ياسر بالموضووع الرجال تكلم عن عزيز عارفين ان ياسر مو بمستواه بس مايصير بكل موضوع مدخلين فيه يااسر دورو الحل اللي يرجعهم لمستواهم مو تقول نبيعهم للشباب انا اقول وش رايك نبيعهم للنصر تراهم ودهم بعزيز وياسر وهناك بيرجعون لمستواهم ويرجعون لنا قسم بالله مايدهور اللاعب الا الانتقادات اللي مدري وش تبي اجل يبيعونهم :) جد ( نو كومنت ) يعطيك العاافيه اخووي ع الموضوع وموهبة عزيز محد يختلف عليهاا واتمنى ينضبط مثل باقي اللاعبين لاننا بالفتره الجايه محتاجينه بحال رحل رادووي لا خلا ولا عدم يااخووي |
اجل استروا عليه حشى ماصار احتراف بالله ممكن تقول وش استفاد الهلال هالسنه من الاعب المذكور انا في دهشه كيف بعد كل اللي سواه نلقى احد يدافع عنه (الا اذا كان من طرفه ) وحاب يقلب الرأي على الاداره الاعب مستهتر ولافارق معه احد بالله بتقنعني بلاعب اذا جت مباراة مهمه ومصيريه غاب !!! هذا تعتمد عليه الهلال كيان كبير مو لاعب مثل عزيز يجي يلعب فيه على آخر الزمن من كل قلبي اتمنى اشوفه برا النادي الموسم الجاي واتحدى اذا لقى نادي يضفه بملغ محترم لأن مافي غباء عند الانديه الثانيه الى هالدرجه باختصار عزيز عاله على النادي وياخوفي يأثر على باقي الاعبين بعقليته |
بالتوفيق للزعيم وبس والكيان مايوقف على احد والله يهدينا واياه خالد عزيز هذا اللي اقدر اقوله,,,,,,,,,,,,,,,,,,,,,,,,,,,,, |
آتفق معـآك آخووي , خسسسسسآرهـ لو فرطنـآ بـ عـزيــز مقـآبـل فيصـل آلسلطـآن , يـآليت آلآدآرهـ تجلـس معـآهـ مرهـ ومرتين وثلآثـة حتى تحـل موضـوعـه ,, يع ــطيك آلعـآفيـة مـآقصصصصرت ,, |
إقتباس:
إقتباس:
إقتباس:
إقتباس:
|
أتمنى إستمراره في الهلال فهو افضل محور سعودي ..,، أو مقايضته ب عبدالله شهيل او حسن معاذ ..,، |
| الوقت المعتمد في المنتدى بتوقيت جرينتش +3.
الوقت الان » 04:38 PM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd