|
من قال ياسر طاح مستواه في الدوري ..؟ ‘رد بألأرقام بسم الله الرحمن الرحيم السلأام عليكم ورحمة الله وبركاته كيف حالكم يا زعمــآء ..؟ حقيقة خلال الدوري السنتين الماضية والسنة الحالية شدني كثيراً كلمة يرددها بعض المعلقين حالما يسجل ياسر هدف فيبدأ المعلق يردد كلمة ‘رجع ياسر‘ او ‘نشهد عودة القناص‘ أو أي من تلك الكلمات التي تُعبر عن غياب ياسر عن سجله التهديفي .. ولكن شدني احد اخواني لما قال لي شف السجل التهديفي لياسر من جاء للهلال إلى دوري هالسنة .. وياسر وصل للهلال تقريباً في دوري 2005 وكانت عدد أهدافه فيه 5 أهداف وطبعاً ياسر تميّز مع المنتخب خلال مباريات المنتخب في أسيا وأثر على مستواه في الهلال خلال هالسنتين ..ولكن هذا لن اتطرق إليه لاني اتكلم هنا عن الدوري وليس عن اي بطولات اخرى .. للعاقل فقط انظر إلى مستوى ياسر في : 2006 عدد الأهداف : 7 أهداف . 2007 عدد الأهداف : 10 أهداف. 2008 عدد الأهداف : 10 أهداف . 2009 عدد الأهداف : 9 أهداف . 2010 عدد الأهداف : 11 هدف. متقارب جداً منذُ عام 2007 إلى عام 2010 وياسر محافظ على مستوى من 9 إلى 11 هدف كل موسم في الدوري .. فمن حاول إحباط اللاعب بأنه يغيب عن التهديف فهو ليس الا خادع للمتابعين الرياضيين .. ومن قال ان ياسر تغيّر .. مُخطيء ولكن اذا كان وضع زعيمنا الهجومي ليس بما تحبون فلكم الحق بالمطالبة بمهاجم بالامكانيات التي يريدها الهلال .. وليس اسقاط ارقام ووقائع بدعوى ‘ضعف الخط الهجومي‘ هذا الموضوع بصراحة انا أول شخص استفاد منه ولأن الظلم ظلمات يوم القيامة . ولأني إلى فترة قريبة كنت اعتقد بتراجع مستوى ياسر. فقد أحببت مشاركتكم إياه وافادتكم كما استفدت بالتوفيق للجميع تحياتؤ |
الاشكاليه ليس في عدد اهداف ياسر السؤال مع من سجل ياسر!!! كلنا دافعنا عن ياسر لكن تجي مباريات حاسمه ينام فيها ياسر ويسجل مع الفبصلي والتعاون انذلينا بسبب ياسر مع الفيصلي ما أبغى أفوز بخمسه حتى ياسر يسجل منها هدفين اوثلاثه يكفيني أفوز بهدف وحقق ثلاث نقاط ابغى ياسر قدام الاتحاد وهو ضيف شرف ابغاه قدام ذوب اهان وهو وسط 80الف متفرج واقف يمسس في ترنقه طوال المباراة وحنا نتقطع من القهر الشي اللي جمهور ياسر ماهو باغي يفهمه ان ياسر انتهى. مثله مثل مالك معاذ وسعد الحارثي اللي طلعوا معه وغابوا معه . |
مع احترامي لك يا (غلاك) بس ياسر مستواه سي جدا جدا جدا وانا ابو نواف سبقنا باللكلام والرد |
مشكور على الاحصائية الرائعة |
انت سيبكـ من التهديف اتذكر 2007 وشوف وش سوى مع المنتخب والزعيمـ وشوف كم صنع هدفـ والله غير وهذي الايام مارجع مستوى 2007 في المباراة سجل 3 وقعد 3 مبارايات وجاب هالاهداف مشكووور |
ياجماعة الخير ياسر صحيح حاضر بالارقام لكن ياسر مايحضر وقت المبارايات المصيرية عندك كـ ذوب اهان انا لو قدام 80 الف متفرج من جماهيري ويشجعون من قبل المباراة بساعة والله لاحرث الملعب حرث لو يتكسرن رجولي اللي ابغي اخالف فيه ابو نواف ان تكتيك الهلال في عهد قريتس كان معتمد على لعيبة الوسط واكبر دليل يلعب بـ 5 لاعبي في الوسط وواحد مهاجم لكن ياسر في المبارايات المصيرية مانشوفه وان شاء الله يرجع ياسر 2007 |
مشكور على الاحصائية الرائعة |
مشكور على الاحصائية الرائعة بالتوفيق للزعيم |
ياسر فلته بس ماعاد ابيه اساسي ياناس |
ياهووو والله والله والله ملينا من التطبيل ياخي بالعربي " ياااااسر سيء سيء سيء " والله على مستواه هذا والله لو اني مدرب ما احطه احتياط صحيح ياسر لاعب كبير ونجم لكن عليه ان يحترم ويقدر هالجمهور اللي ينغبن وينقهر وينحرق ياخي تجيه 100 هجمة بس محتاجه اللمسة الأخير يجيب وحدة هدف والباقية يضحك اذا ضاعت شوف عيسى يوم ينزل ايش يسوى بعدين تعال قولي ياسر وياسر الى متى عيسى احتياط وربي ملينا مجاملالآلآلآلآلآلآلآلآلآلآلآلآلآت |
الجيزاني كان قريب من هدّاف الدوري السنه اللي فاتت .., المسأله ماهو أهدآف وبس وين الأهداف فـ المباريات الحاسمه .., الله يعطيك الف عافيه |
إقتباس:
الاسيويه تحتاج لاعب مثل سيرجو ، ماكانت تعوق مع الهلال ، اما اذا بتجيب لي واحد يتبطح قدام المرمى وهمه الاكبر حركات استعراضيه قبل وبعد الهدف ، هذا لآ أشوووووووووفه |
مع احترامي لك ياسر بالارقام ماعليه ابيك تشوف مستواه كيف مستواه سيئ جدا هالموسم مايسجل الا في فرق صغيرة ياسر علاجه الاحتياط عشان يحس بالمركز الي يلعب فيه والفريق كذلك |
يآخوي من جدك آنت ؟ الشمراني بنص الموسم 11 هدف ويآسر أفضل منه بكثير ..! لكن حالياً الشمراني افضل على ماأظن 18 هدف ! بعدين تعال على من مسجل ياسر على نجران والفيصلي والشله ذي ؟ ورآه مآيسجل قدآم الأتحاد ؟ على الأقل النصر ؟ .. |
حنا نشجع الهلال وليس ياسر ؟؟؟ واذا تشجع لاعب فخرج غير ماسوف عليك.. وينه قدام الاتحاد النصر الاهلي الشباب .. تكفون يامشرفين فكونا من المواضيع الفاشلة والله ماتهور الهلال الا هالاشكال بالتوفيق للزعيم لاني انسان عاقل اشجع الكيان وليس لاعب |
| الوقت المعتمد في المنتدى بتوقيت جرينتش +3.
الوقت الان » 03:02 PM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd