يبون اوروبي ياغالي

انا مأيد لباوزا

لكنهم يبون واحد اوروبي يسحب عليهم اخر الموسم

الله يستر ويوفق الهلال ان شالله يدربه ناصر الجوهر

انا بس ابي اعرف اللي يقولون الهلال اكبر من فلان والهلال اكبر من فلان ومانرضى الا بعالمي ومدري ايش

اللي مايدري الحين يقول برشلونا

خلونا واقعيين ... الدوري السعودي مهوب كفو علشان تسوون هالزحمه وهالمطالبات

عموما باوزا والا اونيل حنا مع الهلال والله يستر

زي ما تفضلت وش خذنا من المشاهير خير الاخلال بالعقود والتزمر والدلع

تحياتي

والله باوزا مدرب كبير وترا قبل كم سنه كان من افضل 3 مدربين بالعالم لانه وصل نهائي كاس العالم للانديه مع نادي من امريكا الجنوبيه ومااذكره زين
الكلام هاذا قبل 4سنوات يمكن او 3 ماني متذكر زين

تخيل عاد من مدرب الهلال باوزا <<ماتدخل العقل ابد

الهلال اكبر من باوزا

علم بعض الاخوان اللي مثل الادارة ما يدورون الا الغالي

الله يكتب اللي فيه خير للزعيم

بالله عليك هذا مدرب كبير اقول خلك ساكت احسلك قال باوزا قال هههههههههههه

باوزا كان من أفضل ثلاثة مدربين بالعالم وفايز مع فريق كولمبي بكأس اليبارتادورس بعد ما أبعد فرق برازيليه وأرجنتينيه عريقه , فرجاءاً قبل لا نحكم على المدرب نعرف مهوا ومن يكون قبل لا نحكم.

وبعدين ترى مصخناها , من هو الهلال على خارطة الكرة العالمية ؟؟؟؟ ترا مو علشاننا نشجعه نرفعه فوق برضوه نحكم العقل , قبل أمس القريب من نادي محلي خرجنا بالثلاثة بمستوى مخجل وقبلها العام الماضي مع مدرب أوربي أسم زي ما تقولون خرجنا من أمام فريق إيراني مغمور فرجاءاً نعرف حجمنا شوي ونكم العقل وبلاش العنفقه الزايده .

هذا الكلام موجه لكل من قال بأن باوزا أقل من الهلال

ما أقول غير الله يهديك ويصلحك ويخليك لأهلك ومشكور على ردك اللي يمثل تربيتك

كان بإمكانك تقول رأيك بدون إسائه أو بالمختصر ما ترد , بس وش أقول غير أصلحك الله وهداك

دعوووووووووووا القياده للإدارة واستمتعوا في الهلال ولاعبينه


بالتوفيق للهلال في التعاقدات القادمة

باوزا مدرب كبير
وماأعتقد بيرجع للمنطقه

يعطيك العافيه

بعض الردود مع احترامي لاصحابها فيها من الغباء الشيئ الكثير !!

الحين حكمتم على المدرب لانه درب النصر !!

الي عارض فكرة الرجال يقول لنا السبب غير انه كان مدرب النصر !!

المدرب مدرب كبير جدا وبالنسبة لي افضل من المدربين الاوروبيين بكثير !!

تحياتي لك يا صاحب الموضوع لكن انصحك في المرات الجاية تبتعد عن اي شي فيه ريحة النصر علشان تريح راسك

لو يشوفون خبيلان بسيارة بي ام راح يقولون ان البي ام اخس سيارة بالعالم !!!!!!

باوزا ؟!

مع إحترامي لك لو لم يكن مفلس تدريبياً ماجا للنصصر وهو بهالمستوى

عوآفي :ba: ,,

تحياتي لفكرك أخي سعود ليتك تعلم البعض هداهم الله

حينما تطرقت للمدرب في حيثية تدريبه لنادي الناصر فذلك لإثبات كفائة هذا المدرب

الذي إستطاع بإمكانات محدودة جداً فنية وماديه أن يصنع فريق منظم أحرج الفرق التي وجهها

بالمقارنة بجيرتس الذي أزعجونا به حينما توفرت له كافة عوامل النجاح التي يتمناها أي مدرب

ماذا حقق ؟؟؟ سوى بطولتين حققهما كالديرون الذي أتى في ظروف سيئة واستلم الفريق في منتصف الموسم

في اعتقادي أننا نحتاج إلى مدرب نفسي بالدرجة الأولى مثل الروماني يوردانيسكوا وباوزا من هذه العينة

يخرج فريق بأقل الامكانات فكيف إذا توفرت الامكانات

على العموم هي وجهة نظر بس للأسف أخي سعود نحن شعب لم نتعود على ثقافة الحوار وعلى العموم تشرفت

بمداخلتك وربنا يوفق الهلال

تحياتي