|
للأسف أخذ ياسر الكثير من الفرص رغم هبوط مستواه وصبروا عليه كثيرا وعلى الادارة ألا تجامل اللاعب على حساب النادي ولقد خسرنا العديد من النقاط وفرص التسجيل بسبب بعض المجاملات ليس عيبا أن يظل في الاحتياط حتى تعود نفسيته وحساسيته ع اللعب ! |
ياعالم خلاص لا نضحك على عمرنا ياسر ياسر ياسر إعلام وياسر ضغوط تقل هو اللاعب الوحيد بالعالم الي عليه ضغوط وبعدين العضو الي كاتب هداف الفريق طبعا يبي يكون هداف الفريق مدامه مهاجم واحد وراهـ 3 من أفضل صناع اللعب يكفي واقفين معه من أربع سنين وكل ماتجي مباراهـ قوية يفشلنا عمري ماخبر ياسر شايل الفريق من أيام هدف البلياردو.." والله ماخرب ياسر إلا وقفتكم حسسوهـ إن مستواهـ طايح وتعبان أمانتكم الحين عاجبكم لا كنترول لا تسحيب وين ياسر زمان المشكله إن هو نفسهـ مايدري إن مستواهـ طايح كل ماسألوهـ قال يمشي ملكا ومايشمي ملك والمدرج يتفرج ياخي امش لاعب وجب أهداف ولا أحد بيتكلم عنكـ معليه تنرفزت بس قسم بالله شي يرفع الضغط :mad: |
الحل مع ياسر دكة الاحتياط حتى اذا احتاج الهلال مهاجم ثاني ينزل المحياني ياسر لاعب مايستاهل الكبتنيه ولا يستاهل انه يرفع الكاس اللي ماتعب عليه حنا نشجع الهلال ,, مانشجع لعيبه واتوقع نواف العابد بيمشي ممشى ياسر اذا ما انتبه لنفسه و ابتعد عن الغرور اتمنى يرجع مستواه |
ياسر لا احد يختلف على موهبته وفنه بس ينقصه حاجتين الاولى ماعنده قتالية على الكورة الثانية ماعنده حماس وروح قتالية لو اجتمعت هذه الاشياء في ياسر مراح يجي مهاجم مثله اطلاقا |
خلاص ياسر مانبيه حتى لو رجع لمستواه أو أفضل ملينا وحنا نساند ونشجع ياسر حتى فضلناه على بعض اللعبيه اللي قدموا مستوى رائع أمثال الشلهوب هوساوي العتيبي العابد الدوسري ومع ذلك مارجع لمستواه معناها أنه ماطق لنا خبر وحنا الضغط H ... يـــــــــــاســـــــر أرحل الله يقلعك والله ملينا |
بصراحة الكل واقف مع ياسر يكفي انه اساسي بالفريق بصراحة فيه لاعبين بالهلال طاح مستواه ورجعو للدكة وعاد مستواهم اتوقع ياسر يحتاج الى دكة الاحتياط لكي يعود لمستواه وبعدين فيه لاعبين مااخذو فرصتهم بالهلال ومستواهم زين ويجب اعطائهم الفرصة الكامله وجهة نظر |
بإذن لله بترجع لمستواك ياياسر كما قال المعلق فارس عوض ::من كان له ماض لآتخشى عليه من كان له ماض لآبد ان يعود إليه :: |
انا لو عندي صلاحية في هذا الموقع كان طردت كل عضو يطبل لهذا الفاشل |
إقتباس:
اللهم ياحي ياقيوم ان تجعل من يسئ لهالمسلم ان يبتلي بمرض لايقوم منه ......حسد والعياذ بالله الرجال بوظيفه تفهم والالا ترك الدراسه علشان الكوره وتقول منتهي ولك اوزن كلامك قبل ماتطلعه |
إقتباس:
مثلك ينتسبون له .. تدعي على المسلمين يا واطي عشان كورة ؟ |
ياسر القحطاني اكثر لاعب هلالي قامت له حملات دعم من الجماهير .. ما ان تنتهي حملة الا وتبدأ اخرى كلها لدعمه والوقوف معه وهو يستحق بلا شك لكن وان كان ياسر احد اهم ركائز الهلال يجب ان يقف مع نفسه هو ايضا كما نفعل نحن الجماهير بعيدا عن عدد الاهداف اللي احرزها .. يبقى مستواه بعيد كل البعد عن مستواه المعروف اللي اعطاه كل هالاضواء حان الوقت لكي يعرف ان الجماهير صبرت كثيرا عليه ودائما نقول ياسر من اللاعبين الكبار وهو كذلك لكن وصل السيل الزبى والان حنا على مشارف نهاية الموسم .. خل يرتاح من موسم طويل ثم بعد العوده ننتظر منه الكثير . |
الله يوفقه ياااااااااسر ويرجع زي اول واحسن |
إقتباس:
أقول يالله بس بالا صخرهـ بلامطاريس ويش قال سبه هو قال ياسر انتهى ويكفي تطبيل وماقال إلا الصدق الحسد بكـ أنت تدعي على أخوك المسلم ياخي لو باتتعصب للاعب كذا عندك المنتدى حقهـ رح طبل على كيفك ماحكم من عندهـ ولا شي كلنا نشوف ولا أنت الي بتوهمنا إن ياسر بالمباريات القوية أنقذ الهلال وجاب أهداف مانبي ذا بس نبيه يلعب بروح ونحس إن فيه عندنا مهاجم موب يسولف مع الدفاع عجيب والله :s2: |
ياحبيبي مافي مباراه الايرددون الجمهور ياسر ياسر ولايسوي شي قدام الفرق الكبيره اما قدام الفرق الصغيره على حسب المدافعين اللي معه |
إقتباس:
الحمد لله عالعافيه .. ياخوي انت بكامل عقلك الناقص ؟ اتقي الله ولاتدعي على اخوانك عشان كورة .. تراها كووورة .. اكبر شوي ترى هذيي منقصة فيك ترى كلنا هنا اخوانك واذا فيك حماس للدعاء ادعي لنفسك ان الله يزيد عقلك رجاحه .. مو بأسلوبك هذا اللي يعكس ضحالة عقليتك الله يصلحنا وياك والاداره بعد لازم تشوف لها حل في هالمعرفات اللي مايفيدون انفسهم حتى .. لا اطروحات ولا اراء تفيد القارئ |
| الوقت المعتمد في المنتدى بتوقيت جرينتش +3.
الوقت الان » 01:30 PM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd