إقتباس الرسالة الأصلية كتبت بواسطة فآإرس الحربي الفريدي يصنع ، لككن وين اللي بيسجل ..؟ والفريدي يكفي انه اذا غاب تصير المباراه ممله ومافيها اي هجمات للهلال ! وهذا شفناه في مباراه النصر في الاياب عندما دخل في اخر ثلث ساعه وغير مجرى المباراه بشكل كبير ..! يوم مباراه الاتحاد ولا لاعب ادى المستوى المطلوب مهو بس الفريدي هات لي لاعب واحد سوا اللي عليه ..؟ الفريدي صانع لعب وطبيعي تجيه 10 تمريرات تنجح 3 ع الاقل لكن الثلاث هاذي تنتج هدف ..!؟ ولاتنسى الفريدي يجيد قطع الكرات مما يتسبب في هجمه مرتدده وربكه الخصم !! والفريدي تقول مو لاعب ، يعني بتقنعني ان سمو الامير يمشي له راتب كذا ؟؟ ولا تقنعني ان كالدي ملعبه بس كذا عبااطه ولا بتقنعني ان سامي ملعبه من راسه ؟؟؟؟؟ لو الفريدي ماهو لاعب ماحصلته في نادي كبير مثل الهلال وانت ملاحظ عليك جميع ردودك سب في الفريدي وهذا يثير الشك حول هلاليتك ؟!

والله هلالي من قبل تنولد ياطويل العمر والسلامه

اشجع الهلال من 25 سنه يعني انت ماوصلت 20 باقي والله اعلم

من قلك اني اسب ع الفريدي

انا كنت من اشد المتابعين للفريدي ومن اشد المعجبين بلعبه من اول ما صار يلعب بالفريق الاول

لكن الفريدي تغير بلعبه ياخي تمريراته مقطوعه كثير وتحس لعبه بارد جدا وخاصه في المباريات المهمه

اذا انت ماتحب الانتقاد فهذا يرجع لك

الاختلاف بالراي لايفسد للود قضيه

انا يوم انتقدت الفريدي ما انتقدته بشخصيته او بشكله لاسمح الله ولا تعديت حدودي

انا انتقدت لعب الفريدي وارجع لكل مشاركتك


لكن انته سبيتني انا وشو دخل رمي الحصا بالكوره

والكوره والانديه ماهي حكر عليك وعليه الكوره للجميع

الفريدي برووده يقتل الفريق ياخي انا وش ابي في لاعب يصلح لك هدف صعب ويضيع عشره وما يقهرني الا من يقارنه بالثنيااان وارجع لمبارة الاتحاد وبتلاحظ انه احد اسباب الخسااره

وش دخل القبائل
على كذا مؤسس الهلال من حاضره نجد واغلب اللاعبين سابقا كذالك سأدافع من مبدا انهم من نفس بيئتي
تفكيرك مو صحيح

إقتباس الرسالة الأصلية كتبت بواسطة محمد_ فلسطين الفريدي بطيئ جدا في الملعب وماعنده اي حماس في المباريات الفريدي ضيع بطولات ع الزعيم الفريدي اذا لعب كل 10 تمريرات يجيب 2 او 3 تمريرات صح الفريدي يحب يظهر نفسه بالمباره واناني يريد التسجيل بنفسه وانته لاحظت يوم تهجم الفريدي على ويلهامسون الفريدي يوم مبارة الاتحاد دخل ال18 وعامل فيها لعيب بيعدي من 4 مدافعين ومع ذلك كان ممكن يمررها وضيعها الفريدي في وجهة نظري ونظر كثير من الزعماء ماهو لاعب احترامي لك ولموضوعك وهذا رائيي

+1
..............................ز..........

انا ودي يجيب مدرب يمشي سنين مع الهلال .. وقتها بتشوف كل لاعب يثبت على مستواه

بصراحة موضوعك ما ادري وش يبي وما له فايده .. مع احترامي !

الفريدي افضل لاعب وسط واعد بالمملكه في رائيي

طبعا البعض نسى اهدافه وتمريراته الرائعه الي سوت الفارق في الكثير من المباريات واخرها هدف ياسر على الجزيره الاماراتي

وفوق هذا كله يجي بعض الاعضاء يقول الفريدي ضيع بطولات على الهلال!! يا جماعه وين المنطق والعقل

ما انكر ان اللاعب فيه برود ويضيع هجمات ولكن مافيه احد كامل,, ويضل صغير سن امامه الكثير

فعلا استغرب كره الجمهور لهاللاعب مع انه يحاول يقدم افضل ماعنده واستغرب اكثر تمجيد لاعب اصبح همه الاكبر فلاش الكاميرا!!

عموما,, اختلاف الرأي لا يفسد للود قضيه,,, واجزم ان جميع الردود ما كتبت الا من عشاق للكيان الازرق

شوف اخوي صحيح لاعب يوصلك الكورة بشكل اكثر من رائع
ويشوف مكان اللاعب الي يبي يمرر له بلمحة بسيطة
وله ثقله بالملعب(احياناً) لكن اللاعب بارد ويضيع هجمات
احيان تقول هذا شلون قبلوه بالنادي من فشله
يعني احيان تلاقي هجمة مرتدة وويلي او ياسر ينتظرون الكورة ويجيك يتفلسف بها ويسحب..!!!!
بعدين اخوي صدقني لو ابدع راح نعطيه حقه وبزيادة لو حب
لكن يشوفلنا حل لبروده
عووافي

انا صراحة اتفق مع الزميل كاتب الموضوع واذا كان البرود عيب عند البعض فهو ميزة عند البعض الاخـر
ريكيلمي بارد جدا وزيدان بارد جدا الا في اخر مباراة مع المنتخب كان داخل المايكرويف شكله جاي حار ع الاخر
فيه فرق بين البرود والثقـل .. الثقل هو عيب الفريدي مو البرود بالعكس البرود انا اشـوف انه ميزة لكن الله يهديه ثقيل شوي ليته يسرّع حركته شوي كان يصير احسن واحد

لاعب بطئ وسيئ

ويخذلك في المباريات الهامه واناني يبي يسجل لحاله

اذا استلم الكوره لا يمرر لاصحابه وفوق هذا يحرج الفريق بالبطاقات الملونه

ان شاء الله يجي مدرب صارم يضبطه ولا يشوته للمدينه لانهم يقولون انه يبي الفكه من الرياض


وزعيم الرياض وجماهيره يبون الفكه منه


تحياتي

لاعب ممتآز ومهآري لكن بروده غآلباََ غير مبرر
وايضا مزاجيته ,عصبيته دآخل الملعب
وانآني شوي

نتمنى له التوفيق ..ويعطيك العآفيه

يارجاال اللي يقول الفريدي مايعرف يلعب هو اللي مايعرف للكوره الفريدي فكر اوربي بالكوره
واحسن من يوسف الثنياان فكر لانه على وقت يوسف الكوره تختلف بس الفريدي لاعب كببببببببببير والحمدلله انه صار هلالي لانه يبي يصنع الفاارق ويكون لاعب له قيمته بالملعب بعد سنه او اقل بعد بس اصبروا عليه

الفريدي أفضل صانعي الألعاب في السعودية و اسألو ياسر ( هدفه في الاتحاد ) ( الإمارات ) لا عب لو يلاقي مهاجم نشيط بتلاقونه افضل بكثير

على عيوبة الي تجيب السكر والضغط
يبقى نجم لايختلف علية