|
للأسف (معاناة ) رادوي سببها لاعبين الهــــلال . بسم الله الرحمن الرحيم لم يكن رادوي ذلك اللاعب الاسطوري او صاحب المهارات العالية او (المهاجم الفذ) او (صانع اللالعاب) الداهية حتى يكون له هذا النصيب الكبير من اعجاب ومحبة جماهير الهلال . بل لانه لاعب وجدنا فيه كهلاليين ضالتنا التي افتقدناها كثيرا بعد رحيل الجيل الذهبي لنادي الهلال وهي حتى لو لم تكن مهمه لدى الجماهير الآخرى الا انها تعتبر حجر الزاوية للأمه الهلالية . أنها الروح والقتالية واحترام الشعار والمحاربة حتى آخر دقيقة في المباراة في كل الضروف والاحوال والنتائج . رادوي بكل بساطة طبق مبدأ الاحتراف واحترام العقود واحترام الشعار واحترام الجماهير قبل الأدارة وقبل كل ذلك لانه يحب لعبة كرة القدم ويحب (وظيفته) التي ترك بلادة ووطنه وعاش الغربة من اجلها . قتالية روح عالية اخلاص احترام الشعار تحمل الاصابة اللعب الرجولي اسئلكم بالله هل هذي الصفات (مستحيلة) حتى لا يطبقها جميع لاعبين الهلال ؟ هل تحتاج هذه الصفات الى امكانيات او ذكاء او مركز محدد او خانه او سرعه او قوة تسديد أو خبره ؟ بل إن هذه الصفات من بديهيات كرة القدم . وهذه الصفات هي التي دفع رادوي ثمن تطبيقها لأن الأضواء اصبحت عليه واصبح هو العامود الفقري للهلال والذي لابد من تدميرة من المنافسين بكل الطرق المشروعة (والغير مشروعة) حتى يتغلوبوا على الهلال . تخيلوا لو ان جميع لاعبين الهلال او على الاقل 50% منهم طبق هذه الصفات عندها لن يجد المنافسين اي مدخل لهم لأي لاعب وسوف يتشتت ذهنهم ولن يركزوا على اي عنصر قوه في الهلال . ربما يرحل رادوي ولكن لن تنتهي هذه المعاناة مع لاعب آخر ستكون لديه نفس الصفات اذا استمر اللاعبين في عدم تحمل المسئولية واحترام الشعار وحب اللعبه والحماس الدائم او على الأقل(تحليل راتبهم) واحترام العقود التي وقعتها معهم الادارة . مع التحية . |
ياخي رداوي لايمكن انك تجيب لاعب مثل حماسه وروحه والله حسافه روحت مشكورررر :smilie47: |
هههههههههههه استغرب من الجمهور الهلالي وقسم بالله رادوي على عماها حماس وقتال وبالاخير وش.؟؟؟؟ تمريراات خآآطئة ولا يقطع الكور وش مهمته كمحور .؟؟؟؟ وقسم بالله اللي يدقق بالاهداف اللي تجي الهلال يكتشف انها من رادوي |
كلامك صحيح حتى الاتحاد لما خسرنا منهم خسرنا بروح وقتالية لاعبيهم |
على فكره اللي قاعد يصير في المنتدى حاليا نسخه طبق الاصل من اللي حصل قبل مايمشي التايب... مشى التايب والهلال استمر في هوايته المحببه وهي حصد الالقاب ,, يالبى الهلال بس تقبل مروري يازعيم |
الله يوفق الهلال ... والله يوفق راادوي... هل يووجد لاعب بمثل روووحه ؟؟؟؟؟ ماظنيت |
والله انك صادق واحد يلعب عشان الكاميرات ويترزز قدامها ووواحد على اي لمسة يعصب تقول مغصوبين يلعبون مو مدفوع لهم راتب مايحلمون فيه رادوي حبيناه لروحه فقط يلعب من قلب الله يهديه ونسمع خبر اسلامه |
اول شي اخوي .. تسلم ايدك على الطرح الراقي .. وثاني شي .. الهلال لا يقف على لاعب مهما كانت مكانته او اسمه او شهرته ! ولكن رادوي يعتبر حالة خاصة .. لأننا وجدنا فيه ما لم نجده في حبايبنا ياسر والزوري وبقية الشلة اللي من بعد ماتزوجوا ، زادت اوزانهم ، وثقلة حركتهم .. وصار لعبهم بشكل مزاجي .. مستواهم مره فوق وعشره تحت .. بإسثتناء الشلهوب وهوساوي والعتيبي بينما رادوي .. يمتلك الروح .. القتالية .. اللعب حتى آخر ثانية مهما كانت النتيجه والمشجع لما يشوف لعبه .. يحس انه يلعب من أجله :ba: ويكفي شيء واحد لم نراه من أي لاعب من لعيبة الهلال على رأسهم القائد ياسر وهو: بعد كل مباراة يذهب رادوي لتحية الجمهور كـ شكر على حضورهم .. بينما البقية لاحس ولا خبر .. وبالعاميه: مايجون الا بعد مايستحون من فعلة رادوي .. واحيان مايجون بعد :s2: على كذا .. لحد يلوم الجمهور في كل اللي يصير بالمنتدى الان لأنه برحيل رادوي .. بنفقد روح .. مو مسألة لاعب وبس واحنا فقدنا بطولات اسيا .. لأنه ماعندنا لاعبين يمتلكون هالروح (روح سامي .. روح يوسف .. روح التيماوي) آآآآه بس :cry: وآخر كلامي : ((يمكن تكون خيره يارب)) والجميع راحلون .. لكن الهلال باقي :ba: مع فائق ودي |
، هذا انتت قلتها الرووووووووح مين يلعب بروح وقت 2011 !! :s5s: الله يعوضنا خير منه والي جاب رادوي يجييب الافضضّل :smilie47::yes: |
اشكرك على كلماتك الرائعة .. وبالنسبة لرادوي فهو لاعـب من طراز نادر الوجود ,, بالتوووفيق له والحمد لله إنه مستمر بالهلال الموسم القــــادم ,, اللهم وفق الزعيم يارب |
انا اشهد ان رادوي يملك روح ماهي موجوده بأغلب اللاعبين ولكن مهما كان وزن هذا اللاعب فحصد الانجازات لن يتوقف بأذن الله وان شاء الله ان الاداره ان راح تبي تجيب افضل منه مع انه نادر تلقى مثله بالتوفيق للزعيم |
آه تكفى لاتقهرني زيااادة :( قسم بالله غبنة .. كيف يتركون لاعب بقيمة رادوي الفنيّة . :( لنا الله .. مشكور |
لوفرطت فيه الادارة راح تندم كثير ..ومستحيل لاعب يغطي مكانه |
رادوي غير الروح نجده مدرب داخل الملعب شاهدوه عند الهجمه المرتده علينا يكشف الملعب ويوجه اللاعبين للتغطية خاصة الاظهره |
يكــــــــــفيني : هــــذا بس أنها الروح والقتالية واحترام الشعار والمحاربة حتى آخر دقيقة في المباراة في كل الضروف والاحوال والنتائج يالبــــــــــــــــــــيه يأرااااااادووووووووووووووي يالبيييييييييييييييييييييييييه |
| الوقت المعتمد في المنتدى بتوقيت جرينتش +3.
الوقت الان » 06:35 AM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd