والله العظيم انا معاك في كلامك
الفريدي لاعب واثق في نفسه وان شاء الله مشكلة الانانية اللي عنده محلولة لأنه صغير بالسن وموهوب ماشاء الله
اتمنى المباراة القادمة يكون الكابتن
بلا ياسر بلا خرابيط
مع احترامي للكاسر لكن الان الدكة وسحب الكابتنية من اهم الاولويات

والله تبون الصراحة >>> لا ياسر لاشلهوب لافريدي لاهوساوي لارادوي


والله يا خذها الجد الكبير >>>>>>> ابو الهلاليين ............حســــــــــــــــــــن العتيبي اكبرهم سن واقدمهم زعامة

المهم تعبد الكبتنية عن ياسر قائد في ماذا ؟ كثر الاعتراض

راااااااااااااااااااادوي هو من يستحق أن يبقى ويصير كبتن أكثر لاعب يحترق من أجل الشعااار

إقتباس اقووول ياعمي طير حده ناادي وج ولولا الواسطه كان الحين يلعب بالحواري

يا حليلك أجل تبغانا نلعبك أنت وخشيشتك..



واللي يقول رآدوي (المصآرع الروماني) أحسن تحطلي واحد ما يقدر يضبط نفسه مهو فريق كآمل

^^^^^^^^^^^^^
ترآي هلالي و لاحد ينكر أنه ماهو مصآآرع




إذا كآن في قائد ما يستهالها غير الشلهوب يلعب لأخر دقيقة دمعته تنزل وهو يلعب لاعب نآآدر مثله في ذآ الوقت...


أو العتيبي..لاعب قديم في الهلال غير ما حد يستحق..

الفريدي لاعب حماسي وشفيكم عليه لو في نادي ثاني كان ازعجتونا لا يفوتك يابن مساعد والله فنان وعليه لمسات ويسجل اهداف بكل برود اقول لايكثر لاعب مهاري ويهدف وصغير في السن وملتزم الله يوفقه مع الهلال

إقتباس الرسالة الأصلية كتبت بواسطة زعيمه حايليه مع كامل إحترامي موضوعك ماله داعي ومادري وش يبي أجل فيه ناس تتخلص من سلبياتهم بتحميلهم المسؤوليه ؟ واذا زادت سلبياتهم ! من يتحمّل المسؤوليه ؟ ياليت ماترفع مواضيع عن الكابتنيه لأنها لو أستمرت الأوضاع كذا راح يكون فيه حزازيات بين اللاعبين انفسهم فما بالك الجماهير ( خصوصاً اللي مع الخيل ياشقراء)!! ..

ومع كامل احترامي..

ما احد له حق يحدد اللي له داعي واللي ماله داعي..

واذا كنتي ما تدرين وش يبي الموضوع.....بامكانك ببساطة تشوفين موضوع ثاني..


عموما..طبعا فيه ناس تتخلص من سلبياتهم لما تتحمل المسؤولية....على حسب التركيبة الشخصية للأنسان وخصوصا المبدعين...او ما يسمى بالاحتواء النفسي الايجابي...

مثل ما قلت انا ما اتكلم عن الكابتنية...تعبت وانا اقول فيه فرق بين الكابتنية والقيادة..

اما الحزازيات ....فاللاعب مو هو اللي يحدد مصلحة الهلال علشان نداري نفسيته ...يعتبر موظف واللي ما يعجبه القرار...يدور له نادي ثاني غير الهلال..لأن الهلال طول عمره ما وقف على احد...علشان يطلع لنا جيل تصير بينهم حزازيات علشان ميين يصير الكابتن...الهلال ثابت واللاعبين متحركين...

اما الجماهير...فاللي عندهم حزازية...هم جمهور اللاعبين....وهذي النوعية ما تفرق حزازياتهم عندي شخصياً...الأهم الجمهور اللي يرى مصلحة الهلال فوق الجميع..

إقتباس سامي اكثر الموسم مايسجل ( وقليل تصير) بس اذا جت مباره امام النصر ولا الاتحاد او اسيويه تلقاه اول من يهز شباك الخصم

تبي توهمنا أن ياسر ماسجل على النصر والإتحاد ؟ أو ماسجل بكاس آسيا ؟

إقتباس انا مابي من ياسر يسجل على الحزم ونجران ( نصها بلنتيات) ابيه بس يحسم لنا مباريات هامه وحاسه ويحسم لنا بطوله

تبي توهمنا بعد انه ماقد حسم بطولات للهلال ؟؟؟؟

إقتباس سامي موسم كامل ماسجل ولا هدف. حتى ان بعض الناس قالوا راح دنبوشي سامي( من باب الاستهزاء) جت المباره النهائيه وكانت امام النصر. واكثر الهلاليين كانوا متخوفين من المباره بحكم ان سامي ليس بافضل حالاته انتهت المباره وفاز الهلال 2-0 كلها باهداف سامي خرج حينها عبدالرحمن بن سعود( الله يرحمه) وقال عطوني لاعب زي سامي يغيب كل الموسم ويحضر بالنهائي ويسجل هدفين

وياسر ساهم بفوز الهلال بأكثر من نهائي ، بالتسجيل أو الصناعه ..

ولم يكن دنبوشي أبد !

إقتباس سامي لاعب من طراز اخر وقت الشدايد تلقاه فيه اما ياسر مع احترامي له ! صحيح يمتلك موهبه لكن ماعرف يستغلها,,,

ياسر يظهر وقت الشدايد ،

لكن ببعض الأحيان يكون الفريق كله ماهو بالفورمه ويتهمونه بأنه سبب الخساره!!

إقتباس ياليت محد يغير الموضوع ويصبح الكلام كله عن ياسر.. الموضوع عن كاتبنيه وقياده الهلال

بما أنه عن قيادة الهلال فبديهي راح يكون لياسر "القائد الحالي للهلال" شأن بالموضوع

البعض الله يسلمهم اخذينها امر عاطفي للاعب معين

المسألة تتعلق بمصلحة الهلال

مع كامل الاحترام لياسر القحطاني وللشلهوب ولهوساوي ولبقية النجووم !

إقتباس تبي توهمنا أن ياسر ماسجل على النصر والإتحاد ؟ أو ماسجل بكاس آسيا ؟

ممكن تقولي اخر هدف سجله على الاتحاد ض1

إقتباس تبي توهمنا بعد انه ماقد حسم بطولات للهلال ؟؟؟؟

ممكن وش البطوله الي حسمها للهلال ,, غير هدف الصدفه الي على الاتحاد بشعره< احراج صح

الخالدي...

ياخي والله مدري وشلون صار الموضوع عن ياسر...دخلوه بالسالفة غصب

مع ان الموضوع بالاصل ما يتكلم عنه...

بس للأسف اصبح عندنا جمهور لاعبين....يفكر باللاعب قبل لا يفكر بأي شي ثاني.

اغلب الردود تدور حول محور بروود الفريدي...وانانيته ..

وهذي ربما تكون سلبيات صحيحة ...

لذلك تعليقي على اصحاب هالرأي:

لكن الموضوع ومافيه...ان هذي صفات من ضمن عدة صفات عند اللاعب....منها..الثقة بالنفس...والقدرة على الابداع فنياُ داخل الملعب...وعدم الرهبة امام الجماهير او امام الضغط الاعلامي...والشجاعة في مواجهة أي لاعب كان..

متى ما استطاع مسيرو الفريق الاستفادة من هذه الصفات في صنع قائد حقيقي داخل الملعب والحرص على التخلص من السلبيات.....

فاللاعب من الممكن ان يكون مفيداُ اكثر كقائد فعلي داخل الملعب اكثر من اي لاعب اخر من الموجودين حالياً..وهذا ليس تقليلا منهم او ان الفريدي افضل

المسألة بالاخير مدى الاستفادة من كل عنصر بالشكل اللي يصب في مصلحة الهلال بالاخير..

البعض اللي يقول الفريدي فاشل ودجه ومن هالكلام..

رأيهم واحترمه....مع اني مقتنع تماماً ....انه انطباع شخصي لا يرقى ليكون رأي فني

العذر من الاخوة الذين تجاوزت ردودهم....لهم كل الود

يعطيك العافيه اخوي...وبالتوفيق لكل لاعب هلالي