|
تياغو نيفيز. ...... تجربة تستحقق التكرار السلام عليكم ورحمة الله وبركاته مساء الخير للزعماء والزعيمات أتمنى تكونوا بخير وصحه وسلامه دائمة موضوعي بعيد عن رادوي أو ياسر أو أي لاعب هلالي آخر لأنه فني و استثماري بحت باختصار شديد. .... رجعت بذاكرتي للخلف قليلا وتذكرت طيب الذكر تياغو نيفيز وكيف أحضره الهلال من فلومنينسي البرازيلي وكذلك هو الآن مطلوب من نادي فلامنغو البرازيلي وقلت في نفسي لماذا لايعيد الهلال نفس التجربة كالتالي. ... يقوم الهلال بإرسال كشافين إلى الأندية المتوسطة في البرازيل أو الأندية الكبيرة واللتي لم يجد بعض لاعبيها الفرصه للمشاركة والوقوف على مستويات اللاعبين هناك وإختيار النخبه منهم والتعاقد مع اثنين منهم أو ثلاثه بشرط أن يكونوا صغار في السن لكي ينفعوا الفريق لأطول فتره ممكنه يعني يكونوا حوالي 23 سنه. .... يقوم الهلال بالتعاقد معهم وشراء بطاقة اللاعبين وبالتالي الاستفاده منهم في نادي الهلال ( وبمبالغ تعتبر زهيده نوعا ما مقارنة بأسعار لاعبينا المحليين ) ..... بعد ذلك يشاركون الفريق في الاستحقاقات المحلية والقارية. ...... ويرون الأنفع منهم للفريق والآخرين يقومون بتسويقهم لأندية سواء برازيليه أو أوروبيه أو خليجيه المهم هو العائد المادي للهلال من هذه الصفقات. ....... لو فعل الهلال هذه الطريقه. ... لانتهينا من دوامة الظهير الأيمن وصانع اللعب والمهاجم لأن البرازيل متميزة بشكل رائع في هذه المراكز أتمنى أن يتم إيصال هذه الفكرة إلي سمو الأمير عبدالله بن مساعد. .... لرؤيتة الثاقبة في مجال الاستثمار. ... وكذلك لمحاولة التعديل على هذه الفكرة أو رؤية جدواها المادي للهلال بدل أن يدفع الهلال للاعب محلي 20 مليون أو قريب من هذا الرقم. ... وبعد فتره يصير له هبوط في المستوى ويخسر الهلال في الصفقه أكثر من فائدته منها. ..... يقوم بجلب برازيليين يعشقون كرة القدم ويخدمون الفريق بشكل ممتاز أتمنى أن الفكرة أعجبتكم. ..... وأتمنى أشوف مداخلاتكم وآرآئكم تحياتي لكم |
مشكورين على الرفع عساكم ع القوة |
صعبه في الوقت الحالي الإدارة تبحث عن نجوم يخدمون الفريق ،، |
ياحبيبي نيفيز ماجاء للهلال كلاعب مغمور نيفيز جاء من الدوري الالماني وسبق له اللعب للمنتخب البرازيلي الاولمبي وبعدين انك تجيب لاعبين مغمورين ستكون نسبة نجاحهم ضعيفة ونحن لانريد تجارب على حساب الهلال |
نيفيز كان نجم كبير يوم يجي لنا و كان له شهره و نتايج مميزه و يلعب في الدوري الالماني ... ثمن فكرتك هآذي راح تحول الهلال لحقل تجآرب مهو لنادي ,, و وش يظمن ان اللعيبه اللي بيجون بيتأقلمون و بيبدعون عندنا مثل ما ابدع نيفيز ؟؟ فكره ما راح تتحقق ابدا و الهلاليين عندهم افكار اكثر واقعية ... شكرا لك يا غالي . |
من اللي يقول ان تجربة نيفيز معنا ناجحة ولا عشان فزنا على الاتحاد بخمسة ... والفريق كان كله مرتفعه معنوياته خله يفوز على الاتحاد في الاسيوية بـ 1-0 مانبي خمسة لكن بمساتوى يرفع الراس متميز |
مآبي غير رجعت نفيـــــــــــز بليـــز ....والله بنصير نادي بلا منافس ...آخ يآنفيز بس |
اللي جآي مسوي فآهم ويقول نيـفيز كآن ممتآز بالدوري الآلمآني وو و و و ,, آولا تيآغو ابدآ مآآخذ فرصـتة في المآنيآ , وكآنت تجربة اقل من الفآشلة بعدين آعتقد إن الهلال شرآهـ من فلومينسي , وبعدين آعآرة لـ نآدي المآني حتى نهـآية الموسم , :rose: |
ياحبيبي انت تقصد يستكشفون مواهب ؟ وين يبو تبي نادي مثل الهلال يجرب لاعب مغمور ؟ الشي ذا نجح على وقت كماتشو تفاريس الخ بس الحين صعبه الهلال متعود يجيب لاعبين من الطراز الرفيع ونجحوا بالشي هذا , اما نيفيز ماكان مغمور ترى كان اساسي في اولمبياد بكين 2008 بجانب رونالدينيو وكانت موهبته كيره بالكرات الثابته وتصريح شبيه الريح قال بالحرف الواحد نبي نجيب واحد من افضل لاعبي العالم بالكرات الثابته وصصصصدق بكلامه واسستفدنا منه كثييييييييييييييييييييييير والحين اسثمرناه , الزبده الهلال لازم ينوع مثلا الحين بيجيبون كاهيل ممتاز ,, لان خط الهجوم يحتاج خبره عشان يخلص لك اما باقي الخطوط تقر تجيب مواهب او يعني زي نيفيز , المهم يكون تنويع بالاجانب (خبره وشباب واستثمار) |
كلام جميل ولعل هذا دعم للنادي من كل الوجوه ماديا او سمعة او احترافيه اهنيك على تفكيرك |
يــآناس طالبو بآرجاع نفيــــــــــز ...بليــز نسيتو اهدافه قدام الاتشآد ...هو من خمس الاتشــآد ... حملهـ بآسم ( نطالبه بآرجاع نفيز ) من معي ...؟ بليز لاتقولون ماحد معي بهالموضوع |
طريقتك حلوه أخوي بس انك تجيب لاعب صغير مستواه يكون تقريبا عادي صحيح انه يتطور بس انت عندك عدد محدد من المحترفين الأجانب لازم تجيب لاعب يكون مستواه ممتاز وعنده خبره عشان تستفيد منه لو كان عدد المحترفين الأجانب مفتوح تنفع هالطريقه تقبل مروري |
ما توقع ان اقتراحك ينجح بالوقت الحالي اللي يحتاج الى لاعبين معروف عنهم مستوى عالي والان ما عندك وقت تجرب والانديه الاخرى مشغوله بصفقات كبيره. يمكن قبل موسمين ثلاثه يمكن تنجح ويمكن لا ويكفي تجربه برونو اللي ما شفنا زوله بالمباريات وخسر النادي الوقت و عنصر اجنبي . |
فكرة جميلة يعطيك الف العافية والله يكتب الي فيه خير للهلال |
يلعن يوم هالفكرة جبتها والله |
| الوقت المعتمد في المنتدى بتوقيت جرينتش +3.
الوقت الان » 04:45 AM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd