|
تفاصيل عقد رادوي مع الهلال وتفاصيل رحيله للعين الاماراتي << تفاصيل مهمة ,, + سفر الشلهوب الى لندن بسم الله الرحمن الرحيم للأمانة وقبل أبدى موضوعي .. الكلام اللي هنـا مو من عندي .. الكلام ذكرهـ أحد الأخوان المقربين جدا من الرئيس ومصدر قوي وموثوق جدا ماشاءالله تبارك الله يعني مو أنا المصدر .. واحد قال الكلام هذا وأنا حبيت أنقله لكم هنا والهدف من الموضوع توضيح وتطمين للجمهور الهلالي عقد رادوي ينتهي منتصف شهر يناير عام 2012 وللهلال بند في العقد وهو أحقية التمديد سنة اضافية بحيث يكون نهاية العقد منتصف يناير عام 2013 يجب على الهلال تقديم خطاب التجديد لـ الكابتن رادوي قبل شهر 10 أكتوبر من عام 2011 بعد تقديم خطاب التجديد لـ رادوي .. يتم تجديد العقد بشكل تلقائي ان شاءالله .. لأن عقد اللاعب يوجد به هذا البند واللاعب في عقدهـ الأول وقع على موافقته التجديد سنة اضافية في حال رغبة الهلال يعني عقد رادوي حاليا باقي فيه حوالي سبعة أشهر وفي حال تقديم خطاب التجديد يكون باقي في العقد حوالي السنة وسبعة أشهر ان شاءالله تعالى رادوي مادخل فترة الستة أشهر حتى الان << وهذا توضيح لبعض الجماهير اللي توقعت ان رادوي يقدر يوقع للعين دون الرجوع للهلال بسبب دخوله فترة الستة أشهر يعني حاليا ر ادوي غير قادر على الانتقال الا بعد موافقة ناديه الأصلي وهو الهلال ان شاءالله تعالى وصل عرض للكابتن رادوي قبل شهرين من نادي العين الاماراتي الادارة تملك ثلاث عروض لـ رادوي منها عرض نادي العين وعرضين من أندية خليجية أخرى بعد نهاية الموسم ان شاءالله ستتم المفاضلة بين بيع عقد رادوي أو استمرارهـ مع الهلال مع أن الأقرب بيع عقدهـ .. وسيتم المفاضلة بين العروض التي وصلته عرض نادي العين حتى الأن هـو الأفضل والمتوقع بيعه للعين بعد نهاية الموسم ان شاءالله تعالى الهلال دفع مبلغ 5 مليون يورو عند شرائه للاعب وعرض نادي العين الاماراتي هو نفس المبلغ 5 مليون يورو .. يعني بعد بيعه ان شاءالله سيكون وكـأنه لعب لنادي الهلال بدون أي مقابل مادي :s2:s121s رادوي أوضح عدم رغبته هو وعائلته في البقاء ويرغبون بالرحيل بالنسبة للشلهوب والكلام اللي حصل حول ذهابه لـ لندن .. أوضح المصدر أن الشلهوب وياسر والعتيبي وهوساوي حصلوا على اجازة اضافية من الجهاز الفني وهي يومي الجمعة والسبت على أن تعطى لهم مثل باقي زملائهم اجازة من بعد نهاية الفيصلي حتى نهاية يوم الخميس اللي هو اليوم يعني الشلهوب كان عندهـ اجازة يومي الجمعة والسبت وغـادر لـ لندن لحضور المباراة بموافقة الادارة بسبب أن عندهـ اجازة والمدرب استبعدهـ من قائمة مباراة الذهاب يعني اللاعب حر عندهـ اجازة يقدر يسافر لأي مدينة ولأي مكان .. وأسامة هوساوي حسب المصدر سافر لمكة بيقضي اجازته هناكـ :smilie47: انتهى كلامه ومثل ماقلت المصدر ذكر هذا الكلام وأنا حبيت أنقله لكم للاطلاع عليه .. مع العلم أن المصدر مقرب للرئيس وكلامه ان شاءالله موثوق :yes: تعليقي أنا على الموضوع :s2: رادوي قدم كل شي عندهـ خلال الثلاث سنوات وأعتقد أنه غير قادر على العطاء بمستواهـ الحقيقي بسبب الضغوطات الهائلة اللي يتعرض لها والحرب اللي عليه :cry: يعني بقاء رادوي خسارة للهلال قبل أن تكون خسارة للاعب لأن النادي ماراح يستفيد منه لذلكـ من الأفضل بيع عقد اللاعب بعد نهاية الموسم للاستفادة من المبلغ المادي ومثل ماذكر المصدر بعد بيعه ان شاءالله بـ 5 مليون يورو راح يكون كـأنه لعب لنا مجانا ان شاءالله تعالى s121s ألف شكر للكابتن ميريل رادوي على عطائه وابداعه مع الهلال وشكرا له على كل جهودهـ وان شاءالله ماراح ننسى لكـ ابداعكـ وراح نبقى دائما نذكركـ بالخير مثلكـ مثل كل لاعب أجنبي قدم للهلال :ba: :ba: وألف شكر لأدارة النادي على حفظه لحقوق النادي والاستفادة ان شاءالله من المبلغ المادي ونتمنى من الادارة ان يكون بديل رادوي أفضل منه وتكون صفقاتنا الأجنبية الموسم القادم ممتازة وتخدم الفريق ان شاءالله :smilie47: s13s رسالتي لجمهور الهلال : أتمنى ماتكبرون رحيل رادوي .. صحيح أنه لاعب أبدع معنا ولكن مثل ماجبنا رادوي نقدر ان شاءالله نجيب أفضل منه :naughty: وتذكروا تفاريس وكماتشوا وقت رحيلهم وش قالوا الجماهير وبعد وقت رحيل كوزمين وطارق التايب ولكن الحمدلله ربي عوضنا بـ أفضل منهم وان شاءالله الله سبحانه يعوضنا بـ أجانب أفضل من الموجودين :smilie47: والسلام عليكم ورحمة الله تعالى وبركاته .. شكرا لكم وللمشرفين :smilie47: :rose: |
تسسسلم اخوي على المعلوماات اللي جبتهاا واللي فهمته من كلامك عن رادوي ان رادوي مغادر الهلال لامحاااله مافيه ناار من غير دخاان اجل جايبين صورته مع العين والاعلام كله يتكلم وباخر شي تتوقع بيجلس وبعدين من صالح الهلال انه يغاادر لان ماتوقع بيقدم شي والاداره اممما تجيب محور بداله اذا باعو خالد عزيز او مدافع اجنبي والابقاء على عزيز صدقوني الهلال بيصير غير اشكرك اخوي مره ثانيه تحياتي لك |
يعطيك العافيه مووووووووت اتفق معك برحيل رادوي خلاص ثلاث سنوات قدم كل مايمكن تقديمه والله يعوض الهلال باللي افضل |
بصراحه انا مع رحيل رادوي ليس لسؤ مستواه ولكن لان الانظار كلها صارت متوجهه عليه واي حركه ايقاف واي تصريح قرار واتوقع ان انخفاض مستواه بشكل طفيف هو بسبب الظغوطات اللي عليه وحرصه على عدم الوقوع بالخطأ, كلي ثقه بالاداره ان رحل بيجي احسن منه بس اتمنى تكون فيه روح رادوي المقاتل وحماسه |
تسسسلم اخوي على المعلوماات اللي جبتهاا |
ليه الاداره ماتجددله سلامات مو هو اللي شايل الفريق يعني انتم تهمكم الفلوس اكثر من مصلحة الفريق قلعة الفلوس مانبيها اهم شي رادوي يجلس مع الهلال لو راح رادوي بتندموووووون وتذكروا كلامي واذا تقولي تفاريس وكماتشو وماادري مين هذولا ماقدموا نص مستوى رادوي واساسا رادوي هو اللي شايل الدفااع وماراح تحسووون باالنعمه لما تفقدوووونهااا وتشوفون كلكم بتندمون وبتبكون ع الاطلال لو راح رادوي.... |
فيه بعض الجمهور يعشق التباكي ويعشق اللاعب اكثر من الكيان تصور ان البعض يقول فلترحل الاداره لكن لايرحل رادوي ؟؟ مع ان الاداره هي اللي جايبه رادوي بس اكبرررررر جحده :s2: رادوي خلاص مايقدر يعطي اكثر من كذا .. مستواه نزل مرررا بعد مشكلته مع الدجاجه واللاعب ماييي يجلس .. نغصبــــــــــــــــــه؟ بالنسبه للشلهوب اللاعب انكرف كل الموسم حتى بدورة الخليج ويستاهل الاجازه وشكرا |
رادوي قدم كل شي للهلال خلال الثلاث السموات الماضية واعتقد شخصيا انه بدا يفقد الرغبة في الاستمرار مع الهلال وفي هذه الحالة من الافضل بيع عقده واحضار بديل بنفس المستوى ولكن لديه رغبة وحماس في اثبات نفسه ما نقلته لنا منطقي جدا مشكور ويعطيك العافية |
الأفضل هو رحيل رادوي .. موفق اخويـ ع المعلومات القيمهـ بتوفيق للهلال |
إقتباس:
يالغالي الظروف تجبر الادارة تبيع عقدهـ وتستفيد من المبلغ المادي ولا بالتأكيد الادارة ودها تجدد لرادوي .. بس صعبه تجدد له وهو ماعندهـ الرغبة في البقاء لو يجبرونه على البقاء ماراح ينجح وبيكون عالة على الفريق بسبب عدم رغبته بالبقاء هنا يابعدي جمهور الهلال ماعمرهـ ماشاءالله ولله الحمد بكى على الأطلال البكاء على الأطلال مخلينه لجمهور الجار مع اسطورتهم ماجد اعتزل النعيمة والثنيان وسامي ونواف .. ورحل ريفو والتايب وتفاريس وكماتشوا .. نجوم واساطير قدموا الكثير ورحلوا ولم نبكي عليهم الحمدلله الادارة قادرة على التعاقد مع لاعب أفضل من رادوي ان شاءالله تعالى .. تطمن يالغالي :smilie47::rose: |
الهلال دفع مبلغ 5 مليون يورو عند شرائه للاعب وعرض نادي العين الاماراتي هو نفس المبلغ 5 مليون يورو .. يعني بعد بيعه ان شاءالله سيكون وكـأنه لعب لنادي الهلال بدون أي مقابل مادي لا يالغالي الهلال دفع 4ملايين يورو وأنا سمعت عبدالرحمن بن مساعد في أحد برامج القناة الرياضية يقول ذلك وأضاف جاءنا عرض لشراء عقد رادوي بـــ 7 ملايين يورو . كان هذا الحديث قبل يناير يوم كانوا يقولون ان رادوي اقترب من الذهاب للأهلي الاماراتي . |
شكراً لك على هذه المعلومات ,, وبالطبع بيكون ردة فعل الجماهير الزرقــاء للاعب ميريل رادوي على انها صدمه تركه للزعيم بعد أن قدم المستويات الخيالييييه والمميزة وهذا دليل الحب والوفــآء له كون الجماهير ترغب ببقاءه والاستفادة منه .. لكن ماد دام الإدارة ستقرر فيما بعد ممكن من الأفضل رحيله وبيع عقده إذاً فالأداراة أعرف بعملها وهي محل ثقتنا بالتأكيــد وبدوووون كلام ,, بالتوووفيق للزعيم .. وبالتوووفيق لميريل راااادوي :: 8 :: :stoned: |
رادوي قدم كل مالديه ... اعتقد والله اعلم بيع كرته هو افضل الحلول |
يجب ع الاداره التخلي عن جميع المحترفين الاربعه لانهم خلااص ماراح يقدمون شي للهلال اكثر من الي قدموهـ وزي ماقال بعض الاعضاء الادارة رااح تجيب اقضل منهم |
ماينلام لراح وش اللي يخليه يجلس اصلا مافيه دوافع تقدر تغطي دافع الراحه النفسيه كيف راح يقدر يعطي ويلعب في وسط يملئه الحقد والكره لدرجة استخدام اسم الديين لتحقيق دوافع شخصيه العالم ماراح يقول انه اللي اثارو قضيه وشم رادوي ودخلو الدين في السالفه لانهم نادي منافس لكن راح يقولون السعوديه وشعبهها والاسلام ماعندهم تسامح ومتشددين وكارهيين للشعوب الغيير مسلمه وهذا فعلا مايجري في الوسط الرياضي في العالم للاسف حسبي الله عليهم وحتى الديين ماسلم منهم فبقاءه اصلا راح يضر بالهلال من كم مبارة وهو اصلا رادوي مش رادوي له كامل التقدير والاحترام ولزوم نشكره كجماهيير بشكل كبيير في المباريات القادمه على الاقل اذا ماكن تعبيير عن الشكر يكون لتحفيزه لاستكمال باقي الموسم بقوه بالنسبه للاعبيين اللي اخذو اجازه بكيفهم يروحون المكان اللي يبون فيها وماله داعي للقافة الجمهور والوسط الرياضي الله يكتب اللي فيه الخيير الهلال ياااارب |
| الوقت المعتمد في المنتدى بتوقيت جرينتش +3.
الوقت الان » 07:28 PM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd