رقم اثنينoOO ساحة حراج اعضاء الزعيم OoOOo
 

@ السومه عند الدلال جحدر!!

@ تنويه// السعى 2.5(دلاله)+1.2(ضرائب فندقيه)+0.8(بدل ريحه وخياس)=4,5% ( صافي) من قيمه العضو
@ الحراج الثاني للاعضاء
الكنز نواف
سهل 888
سليمان
شهد الدلوعه

@ واللي يبي..!! يسجل اسمه رباعيا للحراج الثالث والاخير



اول شي نبي نقولكم كم بعنا الاعضاء اللي في الحراج الاول
ابو الذهب = بعناه بكرتون ثوب الدفه فاضي ونصف صاع حب سيسبان
صمت العيون =مالقينا احد يشتريه اللي سامه ماااااات
العنووووود= لعبنا على واحد وقلنا له ان شعرها يساعد في عمليات التخسيس
البارق = شراه واحد وقال اني ابحطه في السطح حقي عشان يحوم الدجاج

بســـــــــــم الـلـــــــــــــه نبـــــــــــــدأ

الكنز مدحت بن نواف البقه

الحراج مفتوح عليه مين يسومه؟؟

مواصفاته

= من فخذ البقاقه وهو من اشهر فخوذ ملوك الصعايصه ينتسب الى بقه بن قمله بن خراره ال صعصع
= معلم يتميز بقدرته على ان يسقي وجوه وشعور التلاميذ في الصفوف المتقدمه بمياه سعابيل وتفال ما ركة كنز المسجله
= هواياته المراسلة والتغار في وجيه الناس
= يستخدم عطورات غربيه من نوع آباط واحيانا يفضل لوشن للجسم برائحة شراريب هندي شغال في مقصبه
= يمكن استخدام خشمه كأبر في غرف العمليات للاطباء واحيانا يستخدم كابره لنضم واصلاح الازرار في الثياب
= يمكن تنقيعه في قدر مويه وملح ويصير اطخم الشيون زي ابو سعبوله (ابو الذهب)
= طويل وجهه مرررررررررره كنه يوم السبت وغير قابل للفرمته وغير متوافق مع منضمة القات العالميه



سهل بن هاني بن سهلول السهالي

الحراج مفتوح عليه مين يسومه؟؟

مواصفاته

= يتميز وجهه بمطبات متميزه احفوريه وجرفيه وشقوقيه تحفظ الماء تشابه تلك التي بطرق البديعة والسويدي وما جاورها
= لا يؤمن باستخدام الحمام لقضاء حاجته (يأكسدها في البر الله لايهينه)
= دب ومنتفخ وقصير تقل كنه دبه غاز ام خمسه وعشرين ويمووووت في المصارعه (وخذ مني ان كان واحد منكم يبي يصارعه فشوري عليه ينسحب ..ولا اقولك رج..اذا طيحت وسدحت عماره الفيصليه فتراك بتطرح هالدب
= سبق وان قدم شكوى على كبائن الهاتف واخذ تعويض واجد مرره (يعني شلقت اريل) (لاتصدقون مره ..منحب في امريكا) يقول فيها ان سماعة كبائن الهاتف سببتله انفصام في الشخصيه من كثر مايرقى على الكرسي ويدق الرقم
= سبق له ان شارك في سباق الخيل بالجنادريه وكان يمتطي جواده مثل الفارس المغوار وقد كان قاب قوسين او ادنى من المركز الاول لا كن خيله قصر واوجعه ظهره من هالدب اللي فوقه ف وقف فحأه وما كان من سهل الا ان تدربى الى ان وصل نهايه المضماركأول الواصلين ولم تحسب له النتيجه



شهد بنت بلشه السوداء

الحراج مفتوح عليه مين يسومه؟؟

مواصفاته

= لا يمكن ان تراه الا وان تقول بسم الله اللهم سكنهم في مساكنهم ويمكن استخدامها (كعوافيالله او اللي مسدد عيونها بالخرق) لتخريع بزران الحاره
= تجيد طبخ ساندويش البيض والجبن ولشاي والماء بس
= لا يمكن ان يهدء شعرها الى باخماده بمجموعه لا تقل عن 97 شباصه ولا لو لم تكن هناك شباصات لما استطعت ان تفرق بين شعر راسها والقنفذ
= من ميزاتها انك لايمكن ان تراها او يستحيل رؤيتها في المناطق المظلمه الا اذا ابتسمت
= مرة قالت للقمر انزل وبطلع مكانك تدرون وش سوو الناس صلو صلات خسوف
= من جميع ما ذكر اعلاه من مميزاتها تنفرد ايضا بدلعها الواجد جدا (على ايش ,,ما ادري)


وش رايكم نحلي بالسلمي

سليمان بن رزقخان المنبطح

الحراج مفتوح عليه مين يسومه؟؟

مواصفاته

= يمكن استعمال اصابع يديه كمحراث للمزرعه او في اوتاد(اطناب) للخيمه
= عسكريمه المفضل فانيلا بنكهة الزعتر
= مشروبه المفضل عصير بصل الذي يجعله يطير مثل( ابي الحروف) اللي في المناهل
= لا تكاد تغادر المياه المعدنيه المحلاه(لا تفهموني غلط ترى مب قصدي النخرور) بوابة فتحات خشمة اللي كنها شكامين بي ام دبليو _ماشاء الله _ اللهم لاحسد
= قطع غياره متوفره في جميع الصيدليات والبقالات وكل شيء بريالين لكن تاكد من ايستيكر الضمان الاصلي
= سريع مررررررررررررررررررررره مررررررررررررره احيانا يسبق ظلاله في الصيف اما في الشتاء ف لأ ظله ما يتعداه ابدا

اخيرااااااااااااا
ارحبوووووووووو ي جماعه
وين اللي بيشتري
وين اللي يبي الزين

[c] ههههههههههههههههههه
:) :D :D :smilewink :smilewink :D :D
الله يرج إبليسـك ياشــمـــــووووخ على هالمواصفات الزينه..;) ;) ;)
وأضف عندك.. تراني نــــــــاجحــه يمكن تــزيد السومه شوووووي:D :D :D

[/c]

سهوول بـ800 ريال راح؟؟؟

الله يرجك ياشموخ
على المواصفات الحلوة

<<= بيسجل بالحراااج
صدى بن صاادي الصويدي
ههههههه
صمت اسوومه 100 ريال راح

طيب ياجحدررروه سويتها


اصبر علي


ابرجع لموضوعك



بس ترى العرض نادر لايفوتكم

هلا وغلا بـــ جحدر ولد شموخ:laugh:
:laugh: :laugh: :laugh: :laugh: :laugh: :laugh:
ما وراه خير اببببببببببببببببببببببببببببببببد:bigrazz:
========
:laugh: :laugh: أجل صدق الله يعينه:D ,,,
========

قصدكـ علشان يقفل عليهم القفوص:yes: :razz:
========

الله يعين اللي اشتراه يبشر بالانقلاب
عاد ابو الذهب متخصص انقلابات:laugh:
========

انت من جدك هذي مواصفات
والله لو ببلاش ما اخذه تحرج عليه:bigrazz:

بس له من اسمه نصيب كنز ,,,
========
والله انك جبتها نخرع بزارين الحاره
ونرقد البزوره بدري:bigrazz:

الله يرجك رجا مبرحاً:laugh: :laugh: :laugh: :laugh: :laugh:

اهم شي الاخلاق :laugh: ,,,

زين فيها شي ابيض:D ,,,

راحت بريال وعساها تربحنا:laugh: ,,,
========

بأكلم الوالد اشوف محتاج حراثه تمشي من حالها:laugh:

موجود في محل ابو ريالين اكيد سعره 25. هلله:laugh:
========

لو تقولي معاه كل اللي بالحراج وبلاش ما اخذه :smilewink ,,,
========

تحياتي لجحدر بيّاع اخوياه:laugh:

صباح الفل والياسمين والنرجس والكادي والسمر والارطى والحنظل والاثل والعرعر وووووو الخ
 

[c]
اقول جحد ماودك تحرج على يوزرك:D

بس ما هقيتك تهون عليك العشره والعيش والملح والبهارات اللي صارت بيننا:D
ما اقول الا الله يخلف على شان القروووش:no:

@ تنويه// السعى 2.5(دلاله)+1.2(ضرائب فندقيه)+0.8(بدل ريحه وخياس)=4,5% ( صافي) من قيمه العضو
اقول جحدر بمشيها لك المره لكن تعطيني النص ذا وانت خذ الاربعه:D
وعلى فكره لا اشوف مقرب للقطه لاني ما احب نسوي لخطبه واعطيك نصيبك من القطه ((لايدري احد:D ))

@ الحراج الثاني للاعضاء
الكنز نواف
سهل 888
سليمان
شهد الدلوعه
يستاهلووون كل الخير
لو باشتريهم بكنووووز الدنيا ما وفيت حقهم ((ياررب سامحني على المجامله:D ))

@ واللي يبي..!! يسجل اسمه رباعيا للحراج الثالث والاخير
خلاااااااااص انا جاء اسمي واخذت من النصيب ما يكفي:no: :cry:
بس لا تنسى تعطيني حقي النص ولك الاربع:D

ابو الذهب = بعناه بكرتون ثوب الدفه فاضي ونصف صاع حب سيسبان
نعنبو ابليسك الحين اقولك باشتريه بثلاثييين كرتون اندومي منتهيه صلاحيتها وصقعتها الشمس الين قلب لونها....تبيعه بحب سيسبان وثوب الدفه
والله شاك انا بالبيعه فيه من حركاااااات تحت الطاوله:D
صمت العيون =مالقينا احد يشتريه اللي سامه ماااااات
اشوى اني باقعد بحلقك:D
العنووووود= لعبنا على واحد وقلنا له ان شعرها يساعد في عمليات التخسيس
البارق = شراه واحد وقال اني ابحطه في السطح حقي عشان يحوم الدجاج
اما العنود والبارق فيستاهلون كل خير مبروووك اللي اخذهم:D

الكنز مدحت بن نواف البقه
والله الاسم يدل على انه هاااااااااي:D بس نشوف المواصفات ونرد لك خبر
= من فخذ البقاقه وهو من اشهر فخوذ ملوك الصعايصه ينتسب الى بقه بن قمله بن خراره ال صعصع
ولد حمولة طيبه وولد اجواد خاصة انه بنتسب للقمله:D
= معلم يتميز بقدرته على ان يسقي وجوه وشعور التلاميذ في الصفوف المتقدمه بمياه سعابيل وتفال ما ركة كنز المسجله
عسااااااااااه ماخذ علامة الجوده وشهاد ايززووو 2009 :D
= يستخدم عطورات غربيه من نوع آباط واحيانا يفضل لوشن للجسم برائحة شراريب هندي شغال في مقصبه
والله اني قايل من عياال الهااااااي:D
= يمكن استخدام خشمه كأبر في غرف العمليات للاطباء واحيانا يستخدم كابره لنضم واصلاح الازرار في الثياب
= يمكن تنقيعه في قدر مويه وملح ويصير اطخم الشيون زي ابو سعبوله (ابو الذهب)
= طويل وجهه مرررررررررره كنه يوم السبت وغير قابل للفرمته وغير متوافق مع منضمة القات العالميه
وذولي مواصفات جيده خاصة انه اطخم الشيووون وغير متوافق مع العالميه للقات

راح علي يا شيخ الدلالييين عليك كنزووووووه خمسمية دولار مصري:D مع ست علب زبادي:D

= يتميز وجهه بمطبات متميزه احفوريه وجرفيه وشقوقيه تحفظ الماء تشابه تلك التي بطرق البديعة والسويدي وما جاورها
ما شاء الله اكيد فيه مياه جوفيه بوجهه:D
= لا يؤمن باستخدام الحمام لقضاء حاجته (يأكسدها في البر الله لايهينه)
يوفر علينا فاتورة الماء :D
= دب ومنتفخ وقصير تقل كنه دبه غاز ام خمسه وعشرين ويمووووت في المصارعه (وخذ مني ان كان واحد منكم يبي يصارعه فشوري عليه ينسحب ..ولا اقولك رج..اذا طيحت وسدحت عماره الفيصليه فتراك بتطرح هالدب
ما اقدر اخليه الحارس الشخصي لي :D
= سبق وان قدم شكوى على كبائن الهاتف واخذ تعويض واجد مرره (يعني شلقت اريل) (لاتصدقون مره ..منحب في امريكا) يقول فيها ان سماعة كبائن الهاتف سببتله انفصام في الشخصيه من كثر مايرقى على الكرسي ويدق الرقم
= سبق له ان شارك في سباق الخيل بالجنادريه وكان يمتطي جواده مثل الفارس المغوار وقد كان قاب قوسين او ادنى من المركز الاول لا كن خيله قصر واوجعه ظهره من هالدب اللي فوقه ف وقف فحأه وما كان من سهل الا ان تدربى الى ان وصل نهايه المضماركأول الواصلين ولم تحسب له النتيجه
والله منحووووووووس هالولد وصل اول واحد ولا فاااااااز:no: :D


سهولتي راح عليك راح عليك بمئه ين سويسري :D مع خيشة بذيجان:D

شهد بنت بلشه السوداء
والنعم فيها حمولة طيبه:D
بعدين المواصفااات اللي حاطها غلط مشبه على وحده ثانيه:D

وتوني ادري ان ما عندك ذووووق:D

وعلى فكره شهد نشتريها بدبل كنووووز الدنيا:D

سليمان بن رزقخان المنبطح
شكله من سلالتن طيبه ومعروفه:D
= يمكن استعمال اصابع يديه كمحراث للمزرعه او في اوتاد(اطناب) للخيمه
ما نحتاجه الا كطنب للخيمه:D
= عسكريمه المفضل فانيلا بنكهة الزعتر
ذوووقه حلوووو لكن وش نبي فيه وهو ما غير خساير بعسكريم الزعتر:D
= مشروبه المفضل عصير بصل الذي يجعله يطير مثل( ابي الحروف) اللي في المناهل
البصل غالي هالايام واكيد بيغثنا على عصير البصل فاقول هالسلمي ما عنده الا الخساير:D
= لا تكاد تغادر المياه المعدنيه المحلاه(لا تفهموني غلط ترى مب قصدي ******) بوابة فتحات خشمة اللي كنها شكامين بي ام دبليو _ماشاء الله _ اللهم لاحسد
اقول ترى جاني مغص من كلامك وحامت تبدي وتكرشع جسمي:D
= قطع غياره متوفره في جميع الصيدليات والبقالات وكل شيء بريالين لكن تاكد من ايستيكر الضمان الاصلي
هذي احلىىى ميزه فيه وقطع الغيار رخيصه:D
= سريع مررررررررررررررررررررره مررررررررررررره احيانا يسبق ظلاله في الصيف اما في الشتاء ف لأ ظله ما يتعداه ابدا
يدل على رشاقته وطبلووونه اللي ما عمره نزل تحت 1200:bigeek: :D


فاقول راح عليك السلمي بثلاث الاف هلله اسكندنافيه مع ثلاثطعش كيلو قوطي قشطه:D








ومشكوووووووووووووووووووووور الف شكر
على الدلاله والموضوع الاكثر من رائع
وما شاء الله عليك بعت كل ربعك
وهذا يدل على الوفاء الزائد:D
وما اقول موضوع يستحق اكثر من اشاده
تحياتي يا الغالي;)


[/c]

اقووووول يالربع كم سيم سهل علي بــــــ10000 كل شهر ريال......
والا تدرووووووون ابي اخذهم جمله بالف ريال ...........



تشاوروا تراي مستعجلللللللللللللللل

بسم الله نبدأ ... يافتاح يارزاق ياكريم ...

أتقدم انا رجل الاعمااااال وكبير تجااااار حراااااج المنتدى ...

المحرج / خربوووط بن ابية بن جده ...

بطلب المزااااايدة على المعروض في مزااااااد الدلاااااال جحدر ...وشموووخ اسمه الأصلي .....

وهــــــذه عرووووووضنااااا ....

الكنز نواف /بما انه ناوي يترك المنتدى ويقاطعنا ماني سايمة ...

مسوي مقااطعة ...

وبالنسبة لسهل / يالله ألف خمسية

والسلمي سليمااااان / مقااااابل اني اعينه مدرس بالجوووووف بالمطورة ..

واماااا شهودة والعنووووود / مقااابل زوج لكل وااااحدة شاب عمرة 57 عااام بأول شبابهم ..

يالله عسى المزااااااد يرسي علي ...

$$$$$$$$$$ إشــــااااارة $$$$$$$$$

السعي يجيك كاااااامل ... مع الضراااائب ....

بالإضاااافة إلى الحلااااااوة .....

حناااااا أحسن من غيرناااااا ندفع كااااااش وغيرنااااا شيك بدون رصيد ..

ودمــــــــــتـــم ....

انا اسوم شهد صاحبه الشعر القنفذي ... بـــ









بــــ










بــــ 10 ريال :bigrazz:


قولوا تم !!!!!!


ولاتنسوني من السوم !!!

خخخخخخخخخخخخ..
عصير بالبصل.. وووووووووووووويع..
يازين مواصفتك ياشهد..
اقول روحي بس شوفي باب المنتدى كلة خطاطيب..
الله يرجك ياشمووووخ..

بس اهم شي مايطولنا الحراج..
تحياتي..

هلا:
انا يمكن اضحي واخذهم
لكني هالايام مطفر
لكن انا باضحي ((لان العيد قرب)) وابشتريهم
ودي اشتريهم بالتقسيط:rolleyes: :rolleyes:
==========================
ملحوظه:
هالايام ماينشره علي :blueroll: :blueroll:

[QUOTE]<center><normalfont><u>إقتباس من مشاركة شهدالدلوعه </u></center>
[c] ههههههههههههههههههه
:) :D :D :smilewink :smilewink :D :D
الله يرج إبليسـك ياشــمـــــووووخ على هالمواصفات الزينه..;) ;) ;)
وأضف عندك.. تراني نــــــــاجحــه يمكن تــزيد السومه شوووووي:D :D :D
[/c]</normalfont> [/QUOTE
تبغين بليسي ينرج اكثر من ما هو مرجوج
يرحم امك ..لأ..يكفيني هالرجه ما ني ناقص:D
وبعدين ترى من غلاك عطيتك هالمواصفات ي بعدي:D
انا مبارتسلتس هناك :D وعقبال الزوووووواج

شموخ انا بأشتريهم جمله!!! بس مادري لي تخفيض خاص ولالا؟؟؟ وفيه سؤال ثاني بعد ماادري الفيزا يمكن استخدامها ولالا!! وماادري عن خدمات ماقبل وبعد البيع!!!