اقول بس لا تقعدون تقلقونا بقناصكم هذا الي حده نجران او الحزم

نبي مواضيع تهم الهلال ..

إقتباس الرسالة الأصلية كتبت بواسطة أميـــر أســـيا بالله بتقنعني ان ياسر الحين لازم نلعبه اساسي ياعمي وسط الهلال الحالي وسط ذهبي ومع ذالك ما يسجل الا على نجران والفيصلي اكبر دليل متى اخر هدف له مع المنتخب؟ الهلال لو يبي الاسيويه اول شي ابعاد ياسر من التشكيل الاساسي فقط فقط فقط

اميراسيا حياك اخووي خذهالوردة وتقبل تحياتي على طاري الوردة الموضوع عن ياسر المقصد ماهو نفخ فيه بالعربي نبي نرفع من معنوياته سواء كان اساسي او احتياط يالغالي مو تطبيل له يالغالي

إقتباس الرسالة الأصلية كتبت بواسطة هلالي ومطنوخ اقول بس لا تقعدون تقلقونا بقناصكم هذا الي حده نجران او الحزم نبي مواضيع تهم الهلال ..

ياعزيزي شف الحارثي ومالك للحين جمهورهم يساندهم علما انهم لم يقدمو ربع ماقدمه ياسر خلال هذا الموسم وبالاخير احنا نقول ياسر مو مثل اول بس نبي نعطيه جرعات معنوية عساها تفيد معه بحول اللله وان لزم الامر نبي نجيب سبنيتش حق باباي

ياجماعة الخير فكونا في ياسر واللي يرحم والديكم
عطيتوه اكبر من حجمه

ان رجع الله يحييه وان مارجع ماراح يدوم له سامي وابن مساعد بيجي من يركه بالدكه ويخليه يعرف معنى الشعاار اللي يلبسه

أنا أوافقك الرأي أخي الرادار باحترام الاعبين وعدم الأنتقاص منهم ولكن الذي لا أوافقك فيه هو الكلام على ياسر القحطاني
ويجب أن ننتظر أكثر مما أنتظرنا حتى يعود لنا ياسر القناص أخي ياسر في مباراة الاتفاق السابقة بعد تسجيله الهدف الثالث للهلال
عبر عن فرحته بطريقة الرد على كل من شكك وانتقص منه في الأعلام وهذه كانت بالنسبة لنا القشة التي قصمت ظهر البعير
وهذه الطريقة تؤكد أن ياسر راضي عن مستواه وعن ما يقدمه ولقد كنا نحن كجماهير سبب في ذلك ففي كل مباراة للهلال عندما
يضيع ياسر كرة أمام الباب يهتف له أغلب الجماهير باسمه لرفع من معنوياته والدفاع عنه ولكن لم نجد ما يرضينا كعشاق لهذا الكيان

إقتباس الرسالة الأصلية كتبت بواسطة الرادار اللاقط ياعزيزي شف الحارثي ومالك للحين جمهورهم يساندهم علما انهم لم يقدمو ربع ماقدمه ياسر خلال هذا الموسم وبالاخير احنا نقول ياسر مو مثل اول بس نبي نعطيه جرعات معنوية عساها تفيد معه بحول اللله وان لزم الامر نبي نجيب سبنيتش حق باباي

جرعات معنوية ؟؟ ما يحتاج جرعات معنوية مو انتم قاعدين تنفخون فيه من 3 سنوات الين راسه كبر وقام يتكبر على

الجماهير ويقول الي في المدرج يتفرج !! متى تقتنعون ان هذا اللاعب منتهي كرويا ولا فيه أمل يرجع لمستواه ؟

طبعا هو ما همه الجمهور ينقهر يموت من الغبن .. حقق المال والشهرة على حساب الهلال وواسطته قوية في

الفريق وش يبي اكثر من كذا ؟ والا المحياني اللي افضل منه بروحه القتالية وعدم فلسفته قدام المرمى

مظلوم ودائم اسير دكة الاحتياط !! وبعدين من قال ان الحارثي ومالك جمهورهم يساندونهم ؟ ادخل على

منتدياتهم وش وشوف وش يقولون عنهم !!

ترفع من معنوياته ؟؟؟؟؟؟؟؟؟؟؟؟؟؟


ياخي رفعنا من معنوياته لين قلنا امييييييييييين

3 سنوات واحنا نرفع من معنوياته والجميع يعرف انه اللاعب المدلل الاول في الهلال

لكنه خلاص انتهى عطاءه او يمكن الرجال مل ومايبي يتعب اكثر ولا يصلح الا احتياط

وبيني وبينك الشخص المزاجي يوم كذا ويوم كذا ماينفع يستمر لأن العالمية صعبه قويه تبيلها لعيبه اسوووووووود يحرثون الملعب حرث

وياليت تفتك عقولنا من العاطفه الزايده والعصبية للاشخاص عشان ترتقي احوالنا شوي

من كان لهو ماضي لابد ان يعود اليه
ابوعزوز يبغى وقفه جماهيريه


الله يعطيك العافيه اخوي

اقول يا صاحب الموضوع كيف حالك عساك طيب بس

الله لايهينك يا طيب اذا مواضيعك كلها كذا سجل بمنتدى ياسر وفكنا من المديح اللي ذبحنا ووصل ياسر لها المواصيل

ياسر يلعب بإسمه فقط وياسر 2007 ماراح يرجع الرجال شبع فلوس ماعاد يبي شي

ليته يتعلم من رادوي

عمر الهلال ما وقف على لاعب اللي جاب ياسر يجيب غيره

نعم ( إستطاع بنو الأصفرين إيقاع الجمهور الهلالي فيما يريدون )
و إستطاع جمهور الهلال إيقاعهم فيما يريد [ من وجهة نظرهم ]
فـ إنتقاد ( مالك معاذ ) في المنتديات الأهلاوية يعتبرونها من المندسين الهلاليين و الإتحاديين و النصراويين و أي جمهور آخر
و النصراويون يعتقدون أن إنتقاد ( سعد الحارثي ) حرب هلالية تحاك ضدهم و ضد لاعبهم
و كذلك في المنتديات الإتحادية فـ موجة الإنتقاد ضد ( نايف هزازي ) و تراجع مستواه يعتبرها الجمهور الإتحادي حرب أهلاوية و هلالية و نصراوية ضدهم و ضد نايف

فعلاً شيء عجيب


إن قلنا ( ياسر ) سيء مستواه و يجب أن يراجع نفسه و أن يبقى إحتياطياً
قلتم أننا ( مندسون ) و من جمهور ( الأصفرين ) و من الحساد للكيان الهلالي

دعونا نكون أكثر صراحة مع أنفسنا ( ياسر ) يعتبر فاشل مقارنة بمستواه قبل أعوام
و لا يرضي طموح أي ( عاشق للكيان و الفريق ) لا عشاق اللاعب ذاته

كيف تريدون أن نمدح و نطبل و نملع أسمه و هو لم يقدم مستوى حقيقي يفرقه عن الأخرين
( محمد الراشد ) و ( ناصر الشمراني ) و ( فيكتور سيموس ) يعتبرون أفضل مستوى ( حالياً ) من ياسر القحطاني الذي تريدون منا أن نمجده و نراه الأفضل لأنه هلالي !


أتمنى من ياسر حسم الموضوع بـ عودته لـ مستواه بطريقته و العودة لـ ياسر 2007

إقتباس الرسالة الأصلية كتبت بواسطة تغرقـ مع الأزرقـ اقول يا صاحب الموضوع كيف حالك عساك طيب بس الله لايهينك يا طيب اذا مواضيعك كلها كذا سجل بمنتدى ياسر وفكنا من المديح اللي ذبحنا ووصل ياسر لها المواصيل ياسر يلعب بإسمه فقط وياسر 2007 ماراح يرجع الرجال شبع فلوس ماعاد يبي شي ليته يتعلم من رادوي عمر الهلال ما وقف على لاعب اللي جاب ياسر يجيب غيره

والله انا بخير دامك بخير يعني كيف تقيم مواضيعي من خلال موضوع واحد دع التنظير بزاوية واقفز الى الزاوية الأخرى نعم اقفز كما تقفز سابقا قفزت اعمالك ونقصت سيئاتك قل امين

إقتباس الرسالة الأصلية كتبت بواسطة U V السلام عليكم ورحمة الله وبركاته شكرا اخوي على الموضوع لكن الى متى الجمهور يقف مع ياسر الجمهور له 3 سنوات يدعم ياسر لكن ياسر مستواه موسم عن موسم يقل هذا غير فلسفته عند المرمى وتضييع الهجمات السهله واستسلامه للدفاع وهذا ما لم نعهده عنه والمفترض يكون اسم على مسمى ويقتنص انصاف الفرص ويترك الفلسفه الزائدة والهدف الخرافي طيب ليش حنا ما نقف مع عيسى المحياني ونطالب انه يكون اساسي لانه في كل مرة يشارك فيها يقدم مستوى ويسجل اهداف ولا عشان ماله جمهور يطبل له ولا يدخل كوبري في الخصم ولا يجر بكم لاعب عيسى اصلا ما يحتاج احد يطبل له لانه لاعب ما يتفلسف ومقاتل على كروته ويسجل من انصاف الفرص وهذا الي يفيد الفريق نبي مهاجم بمواصفات عيسى لانه فعلا هو من يستحق ان يكون في هجوم الهلال

احترم رائك اخوي خصوصا انك من عشاق نيدفيد الأشقر يامال الجنة

إقتباس الرسالة الأصلية كتبت بواسطة هـلالـي فـاهـم من كان لهو ماضي لابد ان يعود اليه ابوعزوز يبغى وقفه جماهيريه الله يعطيك العافيه اخوي

احترمك شخصيا واقدر وقفتك الصادقة واهديك وردة وسلة حلا وقير بلاستيشن هدية لاتردني

يعطيك العافية

وبآنتظار ياسر