|
هزيمة الهلال فرح لهؤلاء ....؟ تحية لكل الزعماء ، بعد هزيمة الهلال في الآسيوية خرجت بعض الأبواق التي كانت غائبة لفترة ليست بالقصيره ( مالك حق يالهلال ) وأصبحت ترعد وتزبد وتتوعد !! هالحين بانت أصواتكم !! يوم خسر الفريق كل واحد منكم حد سكينه !! الهلال زعيم ويبقى زعيم غصب على كل غشيم ! * تابعت مباراة النصر والاتحاد البارحه على قناة الجزيره فكان المعلق الحربي يصرخ النصر والعالميه صعبه والاتحاد أذاق الهلال اقسى الهزايم !!!! أيش جاب الهلال في مباراة لاتخصه !! فرحان بالعالمي يعني ولا الدعوه شماته بس !! *غيرنا على لاين سبورت وايش حصلت عامر يصاارخ النصر ياجماعه هاذا العالمي ، يحلمون ، مين قدك يالنصر !!! وشوي مدح في الاتحاد ونور في الاسيويه وكان الاتحاد أخذ الكأس !!! *تعال للملعب ومقدمه عادل الزهراني اللي مادري وش يبي بالضبط ؟! العنوان الأول لبرنامجه " جماهير الهلال تتخوف من لجنة الانضباط بخصوص ايقاف رادوي " !! يعني ترى اذا مادريتوا فانا جبت الرجال لكم !!! والله خجاله !! خلاصة الكلام ، أنا سمعت كلام أبوفيصل يوم يحذر جماهير الهلال من كتاب وأعلام الشماته وهالحين أنفضحوا عيانا بيانا لكل المتابعين وكل هاذا كره في الهلال . لازم تدفع ضريبة نجاحك يازعيم الأندية السعوديه . ردودكم لها اهمية خاصه ،، |
اي والله صدقت .. لكن 52 بطولة صعبة قوية هع |
ياخوي الزعيم اكبر منهم يعطيك العافيه |
اللهم لك الحمد انه زعيم من يدعي العالميه ويكفيني فخرا اني اشجع زعيم العالميين محليا واسيويا وخلهم يضحكون على انفسهم بعالميتهم واحنا نحصد البطولات وبحول الله كاس الملك البطوله 53العالميه ليست حكر على احد فحتى الهند عالميه لمجرد المشاركه لكن الزعامه صعبه |
المشكله بعض الجماهير الهلاليه انساقة خلف ماذكرت وكل واحد يتفنن بالنقد والتقليل من الهلال والاعبين كاننا فرحين بالهزيمه وخذ ياجلد باللاعيبين الشماته من الخصوم عايدي المشكله اذا جت الشماته من جماهيرنا اكثر من اربعين سنه اشجع الهلال مامر علي هزيمتين فقط في موسم واحد يارب لك الحمد والشكر نسيت --شكرا على الموضوع |
هذا وقتهم وهذي فرصتهم الزعيم سقط بعد ماأذاقهم المر لمدة سنه كامله دوري بدون هزيمه /كاس ولي العهد / أفضل رئيس نادي / افضل مدير كره / وغيرنا ماحصل ولا كأس نيدو يحاولون زعزعة الزعيم لكن هيهاات هيهات الزعيم شامخ وبإذن الله يراضوننا االلاعبين ببطولة كاس الملكـ يعطيكـ العافيه |
لو على تفكيرهم خلاص الرجاء البيضاوي عالمي لانه مثلهم وصل لكأس العالم كم أنت كبير يارجاء يابيضاوي التهميش أفضل طريقة لهم وخسر الهلال وش يعني لا اول فريق يخسر ولا راح يكون آخر فريق . مانشستر خسر مدريد خسر برشلونة خسر وماسمعنا كل هالبلبلة اللي صايرة حنا نسينا وأهم باقي يتكلمون وخسر الهلال وطلع الهلال وماقدم الهلال والهلال والهلال والهلال ... هالهلال وربي مسبب لهم عقدة نفسية يفكرون فيه ليل نهار يحاولون ينتقصونه بأي طريقة واهم شي عندهم يتوقف عن انجازاته لكن بعيد عن شواربهم ولحاهم .. وبعض اللي حد كلامهم ينحسبون على جمهور الهلال صدقوا وسمعوا كلامهم واقتنعوا فيه وهاااتك يامطالبات أجل فيه واحد عاقل يطالب برحيل رادوي ..! هزلت والله كل ماتكلموا المشككين انتقد جمهور الهلال اكثر واكثر حتى صاروا يشككون بأنفسهم عجبي والله من حالتهم . إقتباس:
أصلا الحربي معروفة ميوله اصلا شفه بس لمى يعلق على مباراة للنصر ويجي لهم هدف تحس انه شوي ويموت من الحماس ويصارخ وينسى ان الحيادية مطلوبة منه وواجبة عليه بحكم عمله . اعذرني على الاطالة لكم موضوعك واسلوبك شدني وحبيت اني ارد عليه يعطيك الف عافية |
.......................................................... |
هههه خلههم يفرحووون بعالميتهم اللي يشوووفهم يقول ماخذين كااس العااالم الزعيييم متزعم البطولات المحليه والخارجيه وزعيممممممممممهم غصبن عنهم ومشكووووووور |
هذا دليل ان الزعيم كاتم انفاسهم بالفوز والبطولات ويدورون المساكين اي فرصه ينفسون عن حقدهم . الصراحه يفتخر الهلالي بنادي يتمنى جميع الانديه هزيمته الزعيم بكفه والبقيه في الكفه الثانيه |
كلامك عين العقل .. والحمدلله الفريق راضي جمهوره بـ ( 52 بطوله بس طموح كل مشجع هلالي .. الاسيويه ان شاااء الله العام القادم يكون للهلال كلمه في الاسيويه .. بس مايهمنا اي شي لاعامر عبدالله ولا الحربي كلمهم ولاشي قدام حبنا للكيان الهلالي " ودي |
| الوقت المعتمد في المنتدى بتوقيت جرينتش +3.
الوقت الان » 07:19 AM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd