|
مابين رادوي وصاحب العقل الطفولي ! ( كلهم الا رادوي يا أداره ) السلام عليكم بصراحه أنا مستغرب جدا جدا من بعض الاعضاء هنا الي ينتقدون رادوي موب بس انتقاد الا يبوننا ننهي عقده معنا أول شيء عاجبكم خالد عزيز !؟ لاعب فنان ما أنكر هالشيء لكن صعبه تثق فيه لاعب مزاجي وبدون احترافيه ولا يهمه النادي ولا ادارته ولا قوانيه ! يعني لاعب غير انظباطي كيف نقدر نخليه اساسي ونحط فيه كل أملنا البرقان صعب جدا يكون اساسي للفريق ولا اعتقد انه قادر يشيل هالمنطقه لحاله مع احترامي لكنه ينفع احتياط الغنام من اصابه الى اصابه ولا تقدر تضمنه يعني اللاعبين الي عندنا كلهم مو كفؤ لهذي الخانه لموسم كامل ويلعبون بشكل اساسي ومع فرق ايرانيه في اسيا ! وخانه المحور لازم يكون فيها لاعب له ثقله وحجمه مثل رادوي خصوصا ان الهجمات أغلبها تبدأ من عنده وزياده على كذا لي يونق يمكن يروح والاداره ممكن تجامل المرشدي وتخليه اساسي للموسم الجاي تتوقعون وش بيكون شكل دفاعنا ! نرجع لرادوي , رادوي قدم موسمين ونص تقريبا بمستوى ثابت وابداع وروح وقتاليه وحماس ماكان في أي لاعب من لاعبيننا ولا قد مره لاعب محترف في الهلال مثل رادوي بكل صراحه وبخصوص انخفاض مستواه لاعبيننا اساسا كلهم هالموسم مستوياتهم متذبذبه ياسر ويلي المرشدي رادوي العابد الدوسري ... الخ وقياساٌ بأنخفاض مستوى الفريق كله رادوي كان افضل السيئين فـلاتلومون رادوي بس الفريق كان كله مستواه هابط وزياده على كذا رادوي هالموسم الصحف والاعلام شنت عليه هجمات قويه ! ولا احد ينكر هالشي وواضح انه أثر على رادوي وطبيعي جدا جدا ان اي لاعب يمر فتره يكون مستواه هابط وهذا الي شفناه مع ويلي ورادوي كان ماسك لنا هالمنطقه دائما ولحاله والحين حنا على اخر الموسم والارهاق زاد وتصور معي ان رادوي محور وجايب لك 9 اهداف ! يعني لاعب كبير بصراحه وصعب جدا التفريط فيه الا اذا كان هو يبي يروح فهنا مانقدر نقول شيء ويكفي اعتزاله في رومانيا شلون سوا ضجه اعلاميه كبيره وكثير من المسؤولين هناك يطلبون رادوي انه يرجع عن قراره هذا وش يدل ؟ يدل على ان رادوي له ثقله في الفريق ومهم جدا ولاعب امكانياته عاليه جدا وومتعدده وبخصوص تعمد رادوي اخذ الكرت الاحمر في مباراة الفيصلي جاه طلب من كالديرون انه ياخذ كرت اصفر عشان بأذن الله اذا تأهلنا بنقابل يالاتي او النصر وأتفق معكم ان كرته الأصفر الأول ماكان له داعي لاتكونون جماهير مباراة وحده وتنسون الي قدمه لكم رادوي والله هو أكثر لاعب احسه يحترق في الملعب ويحرث الملعب حرث حرام جهده وتعبه ومستواه الثابت في الموسمين الي راحت تنهيها كم مباراة وعشانه اخذ كرت وما اشوف رادوي قد أرتكب خطأ فادح عشان هالناس الي تتكلم فيه من تالي !؟ بالاخير ان شاء الله الاداره ماتفرط في اللاعب وتجدد معه لكن تنبهه انه يمسك اعصابه ولو اني ملاحظ في الايام الاخيره انه فاهم الطبخه وعارف ان الناس يستقصدون يستفزونه وأكبر دليل يوم مع حسين عبد الغني كان يدفه كم مره وهو يضحك ! :rose: |
للرفع :rose::rose::rose: |
رادوي وبكل صراحه في آخر اربع مباريات للهلال سيء جدا واذا تبي الصراحه ... حنا خذناها عناد مع الفقراويه ولا رادوي مستواه اقل من عادي وفيه محاور افضل منه بمراحل بغض النظر عن عزيز |
اتمنى ان يتم تبديل الكوري لي يونج بمهاجم آسيوي واحمد علي بمهاجم ثاني عالمي له ثقله تهديفيا وياسر والمحياني احتياطيين لهم ولاعبين اثنين محليين فنانين وخلصنا ... ياخي والله تعبنا ولا احد يسمعنا |
إقتباس:
لا كل اللاعبين ملاحظين فيهم هبوط في المستوى هذا ما يعني انك تقرر هالقرار قياس بأربع مبارايات بين موسمين كاملين مستوى ثابت ! |
ههههههههههه بالمثل ، طبل طبل .. إلى متى بنقعد نجدد قي عقده ؟ بعدين اكيد لما الادارة بتستغني عنه بتجيب الي أفضل منه.. والادارة مره صرحت وقالت هالشي .. رادوي اغتر بعرض كوزمين وعجبه ومستواه من جرف لدحديرة أتركوا العاطفة عنكم وأنه مهجد الأصفرين ومن هالكلام !! |
ياأخي حسب ماسمعنا ان رادوي جايه عرض مغري من فريق إماراتي ورادوي حاليا عمره 30 سنه يعني بنهاية مشواره الرياضي تقريباً بس إن شاء الله مايروح لانه بكل بساطه لاعب يعتبر الرقم (1) في تشكيلة الهلال وإذا راح الإداره قادر ع اجلب مثله وافضل منه يعطيك العافيه |
إقتباس:
اولا انا ما أطبل ثانيا مثل ماالمنتدى مليان تطبيل لبعض اللاعبين فرادوي اولى بتطبيل على حسب وجهة نظرك مع ان رادوي فوق التطبيل والكل يشهد والله ناس غريبه الحين وش مسوي رادوي !؟ اما العاطفه ومالعاطفه اقرا موضوعي زين انا تكلمت لك من ناحيه فنيه وحاجتنا للاعب ! :yes: |
* رآآدووي [ أنـشهد أنـه لاعـب بـرووح وقـتآآليه وكـل مـآيمـلك ] وصـحيح ان فـي أخـر الـمبآآريآآت مـستوآآه هــبط ..!! لـكن لايـمكن ان [ أن نـلغي أو نـبيع الـعقد بسـبب الـهبووط الـعآآدي ] × بـآلـتووفيق للزعـيم في كـآس خـآآدم × |
الأندية الاحترافية أعتقد ما عندها الوقت تصبر على لاعب انخفض مستواه ورادي أشوف أنه في عز مستواه يعني ماهو ذاك الزود وفيه لاعبين أجانب أفضل منه بمراحل في خاصة في صناعة الألعاب والربط بين الدفاع والهجوم كما أن رادوي مصخها بصراحة بعصبيته الزايده صاير زي الحبحر ما ينتحارش وبعدين صار هدف للجنة الظراط يعني كل مباراة متحفيننا بإيقافات له بالمختصر ثمنه اليوم أحسن من بكره والعمر يجري ويوجد بالعالم من هم أفضل من رادوي وتبون المختصر كل أجانبنا يبيلهم تغيير ونجيب سنتر بجانب هوساوي وأرشح الأسترالي ساشا وصانع ألعاب وجناح أيمن وأرشح الكويتي فهد العنزي زي ويلي وأفضل بعد ومهاجم هداف مجرم وياعيني على الهلال بعدها |
88 مخلص الهلال وانت وش يضمنك هالاجنبي بيكون افضل من رادوي او بيتأقلم معنا يعني رادوي مستواه هالفتره نازل شيء طبيعي ومع بدايه الموسم راح يرجع رادوي نفسه فيعني وشوله المخاطره !؟ |
كلاااااااااامك صح ياخووي وانا اوافقققققك الرأي نتمنى بقاااء رااادوي<< اذ هو حب يكممل مع الهلال واذ كان مستواااه نازل فالفريق كله مستوااااه نازل |
صراحه ماقريت الموضوع كامل بس اللي فهمته من الموضوع والردود هو موضوع بقاء رادوي من عدم بقائه رادوي مايختلف عليه اثنين من افضل اجانب الهلال لو ماكان افضلهم بس سؤال هل راودي يريد البقاء في الهلال ؟؟ صراحه من بعد مباراه الفيصلي وانا ماني متأكد هل يريد الاستمرار ولا عجبه عرض العين من كوزمين ... وشكرا على الموضوع |
رادوي راح يبقى انشالله وبعدين كيف تقولوون الادارة الهلاليه عندها احتراف على مستوى عالي لاعب مثل رادوي مبدع طول المواسم اللي راحت وبالاخير جت مباراة الاتحاد ويتلخبط كل شي وترووح تلغي عقد رادوي اذا حدث ذلك فسلامي على الهلال |
انا ضد الابقاء على اي محترف لايرغب بالبقاء ان كان يرغب بالانتقال خلوه ويجينا لاعبين يخدمون النادي والله يكتب اللي فيه الخير للفريق وبعدين الاجانب كلهم على بعضهم وشو سوو للهلال في المباريات الحاسمه |
| الوقت المعتمد في المنتدى بتوقيت جرينتش +3.
الوقت الان » 09:17 AM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd