|
نقاط هلالية متفرقة ومهمة ..! << ياسر تعال شوف الصورة ذي بسم الله الرحمن الرحيم قرب انتهاء الموسم السعودي وحبيت اذكر بعض الايجابيات والسلبيات الهلالية في نقاط متفرقة * جميع تعاقدات هذا الموسم فاشلة الا مدرب الفريق ! * سياسة القحط والطفارة غير ناجحة فكل لاعب سعرة غالي يكون سعرة فيه مهما كان الا اذا جته اصابة لاقدر الله * جميع صفقات الموسم هذا كانت رخيصة ولم تفيد الفريق في اي شي * شكرا من القلب لك سامي عبدالله الجابر فانت الرجل المناسب في المكان المناسب * الكثير عاتب ابو عبدالله لانه كان يكابر ويحاول يمدح في احمد علي يعني بالمنطق لاعب موجود بالنادي تتوقعون راح يطلع مدير الفريق ويقول الاعب هذا فاشل ! * اعتزل الاخطبوط ومازلنا نبحث عن شخص كفو يحرسنا ..! فالحارس يعتبر نص الفريق وهو من يصلح اغلاط الفريق *نجي لنقطة مهمة جدا جدا وهي قائد الفريق داخل الملعب ..! التي من بعد اعتزال الذيب لم تجد لها مكان من بعد الذيب مسكها الكثير الدعيع وهوساوي وورادوي و ويلي والكثير ... والان استقرت مع ياسر سعيد القحطاني . ياسر انت قائد الفريق يعني روح الفريق داخل الملعب انت المدرب الثاني انت خلال 90 دقيقة الكل بالكل شوف سامي في مبارة الغرافة دخل الملعب دقيقة شوف وش سوا اذا انت تبيها تستمر معك خل روحك قوية واصرارك اقوى وخلك قول وفعل شوف نور كيف يحمس الفريق سامي بالهلال ونور بالاتحاد وماجد بالنصر والنعيمة بالمنتخب والهلال تابعهم لكي تكون افضل منهم . * خرجنا من اسيا خروج الكبار خرجنا وكلنا ندم لكن قدر الله ومشاء فعل اعتب على تصريح رئيس الهلال قبل المبارة لما قال لو خسرنا راح نحاول في البطولة القادمة كانه مستسلم للامر بعكس قائد الفريق المقابل الي كان يتحدى وكان قول وفعل على العموم البطولة راحت بخيرها وشرها وان شاء الله ربي يعوضنا في البطولات القادمة * الفريدي وعزوز والعابد وشافي والزوري و..... هم شباب الهلال وهم المستقبل والحاضر سامي تكفى خليك قريب منهم وانصحهم في كل شي لانك شخص ناجح ونريد ان يكونون مثل وخليك مثل الابو لهم * اتمنى ان يكون الموسم القادم افضل من كل المواسم السابقة ولو دخل البلوي المجال الرياضي لن ينفع اسلوب عبدالرحمن من مساعد مع هذا الشخص * اتمنى ان ابارك لكم في بطولة الملك واتمنى من الجمهور الهلالي ان ينسى كل الماضي ونركز بالحاضر مبارة الفيصلي كانت كفيلة ان تنتهي 5 صفر لكن مافي جمهور كيف راح يتحمسون الاعبين الجمهور الهلالي هم الرقم واحد للهلال في الختام اتمنى ان يروق موضوعي على اعجاب الجميع تحياتي لكم ريان الريس |
بالتوفيق للهلال الموسم الجاي |
الله يعطيك العافية بالتوفيق للهلال |
مؤيد لكـ في فشل التعاقدات المحليه ( الجيزاني - الكعبي - الجمعان ) ولكن هذي كلها كانت بمشورة قريتس .! بالنسبه للأجانب رحل نيفيز في الإنتقلات الشتويه للبرازيل بحثاً عن انضمام للمنتخب البرازيلي وقت خروج نيفيز صعب جداً ان تجد لاعب اجنبي مميز ولو تشوف الأنديه الأوروبيه نادراً ماتجد فريق يضم لاعب في فترة الإنتقلات الشتويه لقلة الخيارات المتاحه إلا لضرورهـ مثل ريال مدريد ضم اديبايور بعد اصابة هقوين الحراسه اخالفكـ كثيراً هنا العتيبي مميز بشهادة الجميع واقدر اقول انسانا اعتزال الدعيع :yes: شكراً لكـ ,,, |
إقتباس:
وآلله غريب !! إقتباس:
وقدم موسم رآآئــع للغآية .. وهو أحد نجوم آلموسم .. |
إقتباس:
|
إقتباس:
الله يعافيك اخوي منور الموضوع |
إقتباس:
في البداية اشكرك على تواجدك بنسبة لاختيار الاعبين رئيس الهلال قال المدرب يعطينا الخانة المطلوبة وحنا نجيب الاعب المناسب لو الامر راجع للمدرب كان طلب لاعبين كبار مثل هزازي والشمراني وغيرهم والشي الثاني كيف يخلون مدرب يختار لعيبة وهو راح يروح ! انا بنسبة لرحيل نيفز اكيد الادارة عندها خبر لاننا كنا نسمع بالصيف انه ناوي ينتقل لكن اعتب على الادارة الهلالية انها دايم تحاول تخبي كل شي عن الاعلام وهو واضح انا بنسبة لقدوم الاعب احمد علي على كلام مدير الفريق انه كان في 7 لاعبين وسيختارون على حسب المبلغ المادي والاداء طبعا صار الرخيص مخيس اما بنسبة للحراسة عطني مبارة اهداها لنا الحارس غير مبارة الاهلي لانها تعتبر ركلات حظ تذكر مبارة الاتحاد والهلال اخر جولة بالدوري لما ياسر دخل هدف بالراس الدعيع شنو سوا في ذيك المبارة:smilie47: |
فعلا غياب الروح أمر مقلق يعطيك العافية |
إقتباس:
لا اخوي مو عشان خسارة وحدة عشان مستوى سيئ يالله تفوز بشق الانفس طول المبارة على اعصابك حتى مبارة الفيصلي بدون اجانب وبدون مدرب برضو يالله فزنا الاتحاد تعادلت معه مرتين وخسرت مرة وحسن هو افضل السيئ ين |
إقتباس:
بعلق على توقيعك ايش فيهم المرشدي وياسر :s2: قارن ذولي بلاعبين الاندية المنافسة مين افضل المرشدي ولا عيد او ع هوساوي او رضا تكر او ..... ممن اافضل ياسر ولا مالك او سعد او السهلاوي او ....... لكن ناقص الفريق مدرب صاحي وصناعة العب |
ريان .. راح اخالفك في كم نقظة :d إقتباس:
وابو خلود ما اخذ فرصته .. اما المصري فتيلة الهلال ثقيلة عليه .. اما المدرب .. كان ممكن نجيب افضل لكن وسط موسم ما كان بالامكان افضل إقتباس:
إقتباس:
بالعكس اشوفه احسن من الدعيع باخر مواسمه إقتباس:
لما مسك الكبتنية ما عاد شفناه يلعب ما غير يضبط بالكابتنية :@ إقتباس:
وان ما جا قلتوا والله جمهور مدري ايش .. بالعكس عدم تواجد الجمهور افضل , عشان يحسون اللعيبة ويراضوننا :p |
معكـ حق في كل كلمة القآئد له دور مهمـ يجهله الكثير ياجماعه كيف فريق في كبتن حتى فآول مايعترض عليه او يشد من أزر زملآئه أتمنى تكون عند هوسآوي أو من يقدر يتحمل مسؤوليتها مو بس زينة >< تحيآتي لكـ واتمنى من الجميع واولهم انا اننا نبتعد عن الحملات وعن التعاقدات حتى نهاية كأس الملك خلونا نركز على البطولة هذي ومن بعدها لكل حادث حديث تحياتي لكم |
الصفقات المحليه اثبت فشله الصراحه لا الجيزاني ولا الجمعان حسن ماقصر الصراحه قدم مستويات رائعه القائد الصراحه مباره الاتحاد الاخيره الفريق كله نازل مستواه والله لو يقعد ياسر يصرخ لين يبح صوته مارح يسوي شي يعطيك العافيه |
يعطيك العافيه موضوع مميز جدا وعسى الله يوفق الهلال بكل موسم |
| الوقت المعتمد في المنتدى بتوقيت جرينتش +3.
الوقت الان » 11:32 AM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd