إقتباس الرسالة الأصلية كتبت بواسطة FaHaD.mm الردود للي فوق من ردود اكبر المدربين في العالم !! ما اعتقد انكم مخولين لتقيم الاعبين ولستم اهلً لها ع العموم وجهة نظركم واحترمها ويبقى ياسر من افضل المهاجمين واتمنى من الاداره ومن الكبتن ياسر ان لايلتفتو الى مثل هذه الخزعبلات !! شكراً صاحب الموضوع

هذي وحده من العينات علشان كلامنا يكون نظري وعملي
الحين صار إنتقاد ياسر خزعبلات
هذا وجهي إذا تعرف معنى خزعبلات

يا صبرك يا ياسر على بعض ها العقليات

انا اتمنى يكون اظهار العمر في خانة التعريف اجباري عشان نحكم على كتابة اي شخص فهناك من لازال يهوى شكل ياسر ويحتفظ بمقاطع اليوتيوب والفيديو الي مخليته يعيش جوه الخاص ولا يهمه من الهلال غير ياسر واخباره ومقابلاته ومقاطعه ... وانا لا اعرف متى ننضج فكريا كجماهير يهمها مصلحة هذا الكيان الكبير صاحب التاريخ الكبير قبل ان يظهر ياسر وفلان وعلان ... ياخوان جماهير الهلال مطالبه بل ومسؤوله عن مصلحة فريقها (الزعيم الاسيوي) ... لذلك انا اقترح ان على من يشجع اي لاعب ان يتوجه الى المنتديات الخاصه باللاعبين ومن يشجع الهلال ككيان له بطولاته الكبرى ويخاف على الفريق ويريد عودته الى الاسيويه ثم العالميه فلينزع من قلبه العاطفه وليفكر بالعقل للارتقاء بهلالنا (زعيم القارة الاسيوية) لكي لا يتناسانا التاريخ

شكرا لك يا غالي

للاسف هذا اللي ضيعنا هو المبالغة في المدح

ياسر نجم لكنه في الموسمين الاخيرين قل مستواه بشكل كبير

يصنع الفارق!!
أشوفه صنع الفارق بمباراة الاتحاد
يكفي تطبيل ياعزيزي
والله الهلال بيروح من تطبيلكم

إقتباس الرسالة الأصلية كتبت بواسطة محمد العامري كالعاده تطبيل لياسر القحطاني ما أدري إلى متى بنظل نعاني من المشكلة هذي ترى أنا مو حاقد على ياسر وأتمنى رجعته لمستواه لكن شمس الحقيقه واضحه مافي داعي نرقع فيها اللاعب مستواه صار أقل من عادي حتى المصري أحمل علي الي جا وسط الموسم مستواه أحسن منه عالاقل أحمد علي تحركاته كثيره ويقلق الدفاع عكس ياسر الي ما يرجع يستلم كوره ولا ينهي هجمه ولا أي شي لحد يجي ويقول إحنا ناس نجيب الاحباط ولازم نطلع اللاعب من الحاله النفسيه وش الحاله النفسيه الي تستمر أربع مواسم !!! محمد الشلهوب صارتله ظروف الكل يعرفها وقال البعض إنه انتهى لكنه أخذ الفرصه ورجع لمستواه الي نعرفه ياسر القحطاني جته مو فرصه ولا فرصتين عشرات الفرص ولا شفنا حتى بصيص أمل إنه يعود لمستواه أنا من أول الناس الي يطالب بمهاجم أجنبي ويكون جنبه عيسى المحياني وياسر يكون مهاجم بديل نادي الشباب السنه هذي من أسوأ مواسمه واشتكى من إصابات وهداف الدوري ناصر الشمراني لأنه يستفيد من أي فرصه قدام الباب بما إن الشباب يمتلك خط وسط ممتاز ويصنعون فرص وخط وسط الهلال أحسن بمراحل من خط وسط الشباب واخر شي هدف الموسم الي طاف محمد الشلهوب بالنسبه لنيفيز لاعب ممتاز لكن أنا ضد عودته أولا الفريق الحين صار يمتلك أكثر من لاعب وسط ويقدمون أدور ممتازه ثانيا عندنا العابد والدوسري والشلهوب وكلهم يلعبون بالقدم اليسرى ونيفيز بيزيد العدد والوسط الهلالي ما عليه خوف أنا من رأيي يظلون اللاعبين الاجانب محمد نامي أبدا مو طموح الهلال ولا اللاعب الي يقفل الجهه اليمنى أنا أشوف إن الفريق يتخلى عن أحمد علي ويجيب مهاجم قناص وأتمنى يكون عنده قدرات في اللعبات الهوائيه الي صرنا ما نستفيد منها بسبب قصر المهاجمين الي عندنا تحياتي لك

كلام سليم 100%

بالتوفيق للزعيم