بسم الله الرحمن الرحيم

اولا ابارك لكل زعيم وزعيمه فوزنا الليله على الفيصلي ..
اسمحولي اسميه فوز باهت لعدة عوامل .. من بينها ان اللاعبين داخلين
وكلهم اسى وحسرة على الخروج الغير متوقع من بطولة اسيآ .
واهم تلك الأسباب ومما زاد من احباط اللاعبين وافقدهم الحماس هو الحضور
الجماهيري الباهت الغير منصف .. ومهما كانت اسباب غيابهم فهي ليست
مقنعه .

اذا كان عزوفهم عن الحضور بسبب خسارتنا الأسيويه ماذا تركنا لغيرنا..
اين الوفاء يا اهل الوفاء .. انسيتم بالأمس القريب هم نفسهم اللاعبين جيروا
لخزينة ناديكم بطولتين مهمتين وفي طريقهم بإذن الله لحصد الثالثه .

بطولة اسيا خرجنا منها وخروجنا ليس نهاية المطاف ولن تتوقف مسيرة هلالنا
عند هذا الحد .. وان كنا نناشد لاعبينا بالتعويض يجب علينا ان نقف معهم في
السراء والضراء ..

هل فعلاً نحن فقط جماهير نهائيات واستلام كأس وتتويج .. هل سنرى تلك
الجماهير فقط حينما يصل هلالنا للنهائي ؟؟؟

ماحصل اليوم وامام الفيصلي بصراحة شي محزن ومخزي ولا يليق بالزعيم ولا
بجماهيره .

لم اطرح موضوعي ليأتي الي من يبرر ويوعد بالحضور في القادم من المشاركات
ولكن طرحته لكي نحاسب انفسنا ونفكر هل بعد ماحصد زعيمنا من بطولات نحاسبه
على اول اخفاق . سيأتي من يقول لي الأخفاق في بطولة
اسيا ليست اي اخفاق
ولكن ردي عليه هي ليست مكتوبه فلا غالب لأمر الله .. عموما

تمنيت لو ان مبارتنا الليله اقيمت خارج الرياض في الشرقيه مثلا او جده لشاهدنا
جماهير الزعيم الوفيه تملاء جنبات الملعب .

واكاد اجزم في مباراة الآياب في حرمه اننا سنرى جماهير الزعيم اكثر بكثير من الذين
حضروا في مباراة الليله .

ختاما ارجوا من كل زعيم في الرياض قبول عتبي والتفكير بصدق وعمق هل هلالنا
يستحق منا ذلك الجفاء !!!


تقبلوا احترامي وودي

المتابع

أنا عن نفسي كنت في الملعب وإنصدمت من الحضور

بجد شيء مخجل .

أنا لي أربع سنين مارحت الملعب لكن اليوم رحت عشان الزعيم وعشان روح الزعيم

إن شاء الله في المباريات القادمة مانشوف مثل هذا المنظر المخجل

المباراة ضعيفة .. وغير هذا الفريق خرج من دوري الآبطال ..

ويآما الجمهور فلل الملعب وطلع حزين ..!

انا عن نفسي مستحيل احضر مباراه بتوقيت غبي بعد صلاة المغرب

والشوط الثاني بعد العشاء، غير كيذا مهازل رجال الامن من يتحملها

وغيرها اشرب الشاي والماء برا المدرج يحسسونك بمدرسه ابتدائيه تلعن الساعه الي جيت فيها للملعب

وتقولي احضر وشجع، انا عن نفسي اذا استمر وضع تطفيش الجماهير انا واحد مستحيل احضر

إقتباس الرسالة الأصلية كتبت بواسطة ياناس أحب الهلال والله فرحت لعدم حضور الجمهور أكثر من فرحي بالفوز ~ .. خل اللاعبين المتخاذلين يحسون ~ ..

اسمح لي انت خاين للهلال من جدك هذا كلام وش يحسون انت تحضر للكيان الهلالي مو تحضر للاعبيين عيب عليكم
الهلال جمهورة بالملايين تعلموا من اوربا الفريق يخرج من اوربا الربوع والسبت تشوف الملعب فل متى يكون عندنا احتراف في الجماهير من جد جمهور الهلال في الريااض عليه مليون علامه استفهام ؟؟؟؟؟؟؟؟؟؟؟؟؟؟؟؟؟؟؟؟؟؟؟

ياخي جمهور الرياض جمهور سامج لبى جمهورنا جمهوور الشرقية وبس

إقتباس الرسالة الأصلية كتبت بواسطة ابو عناز الهلالي ياخي جمهور الرياض جمهور سامج لبى جمهورنا جمهوور الشرقية وبس

لاحول ولاقوة الابالله

احس انك متأثر من جمهووور الفقر أو انك عايش بينهم

عيب ذا الكلاااااااام

ممكن تقرب اذنك شوي .... لاتخاف ماني عاضها

مافيه فرق بين جمهور الرياض والشرقيه ترى كلنا تحت سقف الكيان الازرق

لاتخثرق بالكلام مثل جمهووور الفقر

فهمت اللحين

إقتباس الرسالة الأصلية كتبت بواسطة ابو عناز الهلالي ياخي جمهور الرياض جمهور سامج لبى جمهورنا جمهوور الشرقية وبس

الحين صار جمهور الهلال بالرياض سامج نسيت يوم حضر 85 الف متفرج بمباراه ذوب هان وخذلونا لاعبينا اكبر حضور جماهيري بملعب الدره

بعدين لا تجي وتقول جماهير الرياض حقت تتويج وقتها كان مهزوم الهلال بـ أيران .

خل الاعبيين يحسون انا ما عندي مشكله بالخروج من بطوله اسيا بس ياخي قدم مستوى واطلع ما عندك مشكله بس مسئلت انك تلعب مثل الوطني ولا سدوس ببطوله زي كذا

اعطينا الاعبين اكبر من حجمهم وهم ما يستاهلون بـ استثناء طلق المحيا

إقتباس الرسالة الأصلية كتبت بواسطة كولومبي و هلالي الحين صار جمهور الهلال بالرياض سامج نسيت يوم حضر 85 الف متفرج بمباراه ذوب هان وخذلونا لاعبينا اكبر حضور جماهيري بملعب الدره بعدين لا تجي وتقول جماهير الرياض حقت تتويج وقتها كان مهزوم الهلال بـ أيران . خل الاعبيين يحسون انا ما عندي مشكله بالخروج من بطوله اسيا بس ياخي قدم مستوى واطلع ما عندك مشكله بس مسئلت انك تلعب مثل الوطني ولا سدوس ببطوله زي كذا اعطينا الاعبين اكبر من حجمهم وهم ما يستاهلون بـ استثناء طلق المحيا

صح لسانك كفيت ووفيت

زين والله ما حضر الجمهور مستوى سيء كنهم مغصبين ع اللعب

انا اتمنى ان ما احد يحضر ولا مباره خلهم يحسون ان فيه ناس قاعده تحترق

والله المفرووض ولا مشجع يحضر
لان يحسوون في الجمهور

تمنيت لو ان مبارتنا الليله اقيمت خارج الرياض في الشرقيه مثلا او جده لشاهدنا
جماهير الزعيم الوفيه تملاء جنبات الملعب .

ليتك بدلت كلمة الوفيه بكلمة المتعطشه لأن جميع الجماهير وفيه

وعلى فكره لكل فعل رد فعل من الجماهير الهلاليه وهذا سر تميزنا

ولو شفتنا نحظر والفريق خيب املنا مثلا راح تشوف قل الاهتمام من الاعبين الهلاليين

يعطيك العافيه

لبى جمهور الرياض ماعندهم دلع للفاشليين اسيوياً

خل يحسوون تمنيت الملعب فاضي