يا عامر عبدالله اصمت فنحن مع النادي في الخسارة اكثر من الفوز وبانت ميولك - نادي الهلال السعودي - شبكة الزعيم

نايفوو · #1 29/05/2011, 01:32 PM

لا احـد يقول الكلام اللي قاله عامر عبدالله طبيعي

في الظروف الصعبه يبين لك مـيـول الشخص فعامر عبدالله اثبت انه يكرهـ الهلال

ويتمنى سقوط الـهـلال هذا مو كلامي ركزوا با النقاط اللي هو قالها في مباراة الهلال والفيصلي

يقول عامر عبدالله

1- ( شيء طبيعي ان الجمهور مايحضر لان اللاعبين لايستحقون الحظور )

2- ( لاعبين الهلال لايريدون ارضاء جمهورهم فسيستمر غياب الجمهور )

3- ( لاعبين الهلال جايين المباراة مالهم نفس يلعبون ولايبون يرضون جمهورهم )

4- ( لو الفيصلي بكل الاجانب راح يكون الهلال في موقف حرج مع جمهوره )

5- ( لماذا تاخذ الكرة الاصفر يارادوي الادارة تدلل هذا اللاعب ويجب ان يعاقب لانه لايبالي )

6- ( اللاعبين في مأزق وضغط رهـيـب ومن الصعب ان يتجاوزوهـ )

رساله للمعلق عامـــر :

يا عامر ترا الفريق فريقنا ومالك دخل فينا وانت تقول ان اللاعبين لايريدون ارضاء جمهورهم

احنا راضين هذا شيء مايخصك ومالك دخل وبانت ميولك واحنا مع النادي في حالة الخسارة اكثر من حالة الفوز..

عاشق 9_20الهلال · #2 30/05/2011, 01:40 AM

اخوي النقاط الي قالها كلاها صح واتفق معه
طيب قولي ليش الجمهور ماحضر السبب لانه زعلان من الفريق وهاذا شي طبيعي
واخوي انت تقول حنا مع النادي في الخسارة اكثر من الفوز اقولك الجمهور اثبت العكس في عدم حضورة مباراة الفيصلي
لاتزعل مني اخوي نايفوو هاذي وجهة نظري انا
والاختلاف بالراي لايفسد للود قضيه
ويبقى المعلق الكبير عامر محايد وجهة نظري

فرحان البلوي · #3 30/05/2011, 02:23 AM

إقتباس

الرسالة الأصلية كتبت بواسطة عاشق 9_20الهلال


	اخوي النقاط الي قالها كلاها صح واتفق معه طيب قولي ليش الجمهور ماحضر السبب لانه زعلان من الفريق وهاذا شي طبيعي واخوي انت تقول حنا مع النادي في الخسارة اكثر من الفوز اقولك الجمهور اثبت العكس في عدم حضورة مباراة الفيصلي لاتزعل مني اخوي نايفوو هاذي وجهة نظري انا والاختلاف بالراي لايفسد للود قضيه ويبقى المعلق الكبير عامر محايد وجهة نظري

الله يجزاك كل خير قلتي الي بخاطري
ليش نزعل من النقد اذا كان في مكانة

Gawahr · #4 30/05/2011, 02:29 AM

إقتباس

الرسالة الأصلية كتبت بواسطة فرحان البلوي


	الله يجزاك كل خير قلتي الي بخاطري ليش نزعل من النقد اذا كان في مكانة

لا بس ياخوي مو كل المباره صارت مسبه في الهلال عينك عينك يسب اصلا الجمهور الهلالي في بعض المباريات يكون عاادي حضوره ..,

بس هالمعلق زودها كذا يأثر على فريقنا ..,

هلالي دمشقي · #5 30/05/2011, 03:50 AM

إقتباس

الرسالة الأصلية كتبت بواسطة عاشق 9_20الهلال


	اخوي النقاط الي قالها كلاها صح واتفق معه طيب قولي ليش الجمهور ماحضر السبب لانه زعلان من الفريق وهاذا شي طبيعي واخوي انت تقول حنا مع النادي في الخسارة اكثر من الفوز اقولك الجمهور اثبت العكس في عدم حضورة مباراة الفيصلي لاتزعل مني اخوي نايفوو هاذي وجهة نظري انا والاختلاف بالراي لايفسد للود قضيه ويبقى المعلق الكبير عامر محايد وجهة نظري

والله إنك صادق
والمعلق عامر ماقال شيء خطأ
من حق الجماهير تزعل مو علشان الهزيمة بس...علشان المستوى السخيف اللي ظهروا فيه
ياخي متى يتعلم فريقنا يكون عنده رووووووووووووووح

برزن بريك · #6 30/05/2011, 01:45 AM

ياخي عامر عبد الله ما قال شي غلط

ليه نجامل على حساب النادي

اجل لو الهلال لا سمح الله مهزوم امس الجمهور ايش بيكون وضعه

واتوقع ان الجمهور يعاقب اللاعبين كلام سليم

ما راح انسى لما عامر عبد الله جلس يبكي من الفرح بعد ما سجل العنبر هدف الفوز على الوحدة

عامر عبد الله هلالي الميول

أسير عيونكـ20 · #7 30/05/2011, 01:49 AM

كلام صحيح والله من عامر عبدالله ما أحد راضي عن مستوى الفريق في مباراة الاتحاد ومباراة الفيصيلي ردة فعل الخروج من آسيا .. أما رادوي كمان كلامه صحيح لأن الكرت ما كان له داعي مجرد اعتراض؟؟ يعني مو مانع هجمة ونقول عادي ؟؟ اللهم انه اعترض على قرار حكم ما فيه رجعة ؟؟؟

محمد الهويمل · #8 30/05/2011, 01:50 AM

والله ياني أكره ذا المعلق ... وقسم بالله ما أطيقه

رايــــق · #9 30/05/2011, 01:51 AM

الا والله نقول لعامر ليتك والله تكرمنا بسكوتك اما علق مثل الناس والا اصمت

المدافع الصلب · #10 30/05/2011, 01:54 AM

ما قال الا الصحيييح

والهلال بدون روح وزي ما قال لو فيه اجانب الفيصلي كلونا اكل

لان الهلال بدون بدون رغبه لعب بدون شي اسمــه لعبه بـ فن ومتعه

انا صاحيلهم · #11 30/05/2011, 01:58 AM

انا اكره المعلق

اللي ينسى المباراه ويشطح بعيد

وللاسف اشوفها بكافة الملعقين
بما فيهم عصام الشوالي

اللي اعرفه ان وظيفة المعلق

التعليق على احداث المباراه فقط

مو يقعد يسسب باللعيبة وينتقد

تحياتي لك

omar alzaeem · #12 30/05/2011, 02:00 AM

طيب وين المشكله الرجال ماقال الا الصحيح
اللاعبين ماعندهم روح ولاحماس تقول مغصوبين على المباراة
وعن رادوي فعلا ملينا من بعض حركاته اللي ماتطاق يجيك فترة يلعب صح
وفترة مادري شيصير فيه ياخذ كروت مالها داعي من الخشونه الزايده
انا مادري وش سالفه بعض جمهور الهلال إذا أحد قال الصحيح قلبو عليه وخلوة مايفهم شي
لاتحكمنا العواطف أكثر
سوري على الإطاله

الجوووري · #13 30/05/2011, 02:03 AM

آتفق مع اللي فوقي .. آحس صآدق بكلآآمه بصصصرآآحه ض1

تلومني فيك · #14 30/05/2011, 02:04 AM

بكل امانه انا ما هضمت عاامر عبدالله في التعليق نهائيا يدعي الحيااد لاكن ما يقدر يمسك نفسه في بعض الهجمات

أحِ‘ـَآسّيسْ هلآليـﮧ ≈ · #15 30/05/2011, 02:07 AM

.
.
كلاآإمه صحيح ايه لكن ماله ححق يقوله
مو هو اللي يقيم الهلال اصصلا
حسسيته كأنه فرححآإن بححآل الهلال وججالس يكسسر