|
كيف خسر الهلال بدون عواطف؟.؟.؟.؟. بسم الله الرحمن الرحيم تعمدت عدم الكتابه بعد المباراة حتى لا انجرف مع عواطفي كبف خسر الهلال لابد ان يكون هناك اسباب للخسارة المذله:ranting: بصراحه ان اراها ثلاثه اسباب: اولاَ: تصريح الامير عبدالرحمن بن مساعد عندما قدم تبرير الخساره للاعبين قبل المباراة وعودوا للتصريحات >بان الاتحاد قوي ونخشاه وان الخساره لاتلغي ماقدم الهلال< كأنه يقول للاعبين اذا انهزمتم عادي وهذا اعطى اشاره للاعبين بالتخاذل وانا اعلم انها للتخفيف الضغط على اللاعبين وهذا خطاء وقع فيه شبيه الريح حيث في مثل هذه المباريات على القائد اظهار للاعبين انهم الافضل و الاقوى وانه لا يرضا بغير الفوز والفوز فقط هذا أن دل يدل على قلة خبرة والعوض فالمقبلات با ابو مساعد ثانياً: سامي الجابر طاوع قليل الخبره كالدي وهذا من اكبر الاخطاء عندما لم يتمرن القريق على ملعب المباراة في اليوم الذي سبق المباراة للتعود على الاجواء قبل المباراة تخيلوا معي (المعسكر>>تكييف مركزي+المطار>> بارد+الباص اكيد >>مكيف+فندق ماريوت>>تكييف على اعلى مستوى+ الملعب >>حر+رطوبه عاليه == لاعبين يجرون اقدامهم بعد دخولهم الملعب بسبب التغير المفاجيء للاجواء بالعامي اللاعبين ذابو>>ماعوا>>ساحو الخ:mad: ثالثاً: مربط الفرس كالديرون والله هذا المدرب اكثر مدرب جبان لـــــــيه خالد غياب يلعب؟؟؟؟:ranting:؟؟؟؟؟ ليه فالمباريات الحاسمه يغربل الفريق ويضيع ما بناءه طوال الموسم؟؟؟؟؟؟ الجواب مدرب لا يستحق خوض المباريات اللي تكون حاسمه وتاريخه يتحدث:yes: لا يهون اللاعبين ولكن الاسباب التي ذكرتها هي من اعطت اللاعبين ذاك المستوى الهزيل اللهم اجرنا في مصيبتنا واخلفنا خيراً منها ٍِأن كان ماقلت من صواب فهو من الله أن كان ماقلت خطاء فمن نفسي والشيطان |
المباراة أنتهت بخيرها وشرها .. الآن علينا التفكير في المرحلة المقبلة .. وعدم الوقوع في الأخطاء السابقة .. يعطيك العافية حبيبي .. |
ااااااه بس على المباراة ذيك ياليت ياشباب تنسونها لانها راحت بخيرها وشرها والاداره الهلالية واعيه واكيد بتصلح الاخطاء ان شاءالله بالتوفيق اخوي |
أوافقك بكل النقاط 100 % .. المشكلة أننا كل سنة نعيد نفس الاسطوانة " الإدارة ستصحح أخطاء السنة الحالية في السنة القادمة " و نتفاجئ في كل سنة أننا نقع في نفس الأخطاء !! على بلاطة : تبون آسيا ؟ اصبروا لين يخلص عبد الرحمن بن مساعد فترة رئاسته ! و على الله العوض .. مشكور |
انا معاك في كل النقاط اللي ذكرتها الى هذي النقطه إقتباس:
حتى واحد كاتب لابد من وجوده في مباراه الاتحاد يعني تقولو الشي وبعد مايسير ضدكم تنكرونه ليش هذا طلبكم وتم تلبيته الحين سار جبان كالديرون والله محد عرف لكم |
السلام عليك صحيح أن إختلاف وجهات النظر لا تفسد للود قضية كيف خسر الهلال أمر الله (قدر الله وما شاء فعل)... صدقني لو تحدثت الإداراة بأنها ستقهر الإتحاد وأنهاء مستعده وخسر الهلال لخرج علينا من خرج ليقول الإدارة أخطأت...! ولو لم يلعب خالد عزيز ولم يتم الزج به مع بداية المباراة لخرج علينا يطالب باللاعب ...! صدقوني كل ما لديكم هي آراء كلها في حسبان الإدارة لكن فريقنا يمرض ولا يموت كغيره هي إنتكاسه صحيح لكن سيعود بعها وأسياء غابت من تسع سنوات وليست ببعيده عن الهلال أهم شيء الروح والعمل المتكامل والإستقرار الإداري |
شكراً لجميع الاخوه الذين اثروا موضوعي بردودهم الرائعه وإختلاف وجهات النظر لا تفسد للود قضية |
والله يا بعدي الاسباب تتعدد اذا جيت تدور اسباب الخسارة لكن اهم سبب هو المدرب وطريقته والدليل مباراة برشلونه والمان يونايتد السير فريغسون خااف من برشلوونه وما لعب على مصادر قووة الماان وبيب لعب بالطريقة المثلى وما غير طريقة لعبه وهو على نهائي لانه واثق بلعيبته يعني من اهم اسباب خرووج الهلال من الاسيوية هم المدربين : 2008 طريقة كوزمين 2009 بدون مدرب 2010 ايريك غريتيس وتفكيره بالمغرب 2011 كالديرون وخوفه من الاتحااد ثاني الاسباب : ماعندك هجوووم ناااري يخووف المناافسين عندك وسط بس ما عندك هجووم الهلال هيبته بخط الوسط من عاام 91 الى 2003 والهلال خط وسط نااري وهجوووم ناار ومن عاام 2004 الى الوقت الحاالي ماعندك مهااجم عليه الكلاام ما يتكلم الا بلغة الاهدااف ثالث الاسباب : عدم احترام اللاعب الهلالي للجماهير اللي تدعمه وتحضر عشاانه وعدم احترامه للادارة اللي تعطيه رواتبه كل شهر بشهره عكس بعض الاندية اللي تحرم اللعيبة شهوور من الرواتب بس تلاقي اللعيبة عندهم حمااس عشاان الجمهور ولك دليل النااادي الجااار ... وكلنا وصلنا دور 16 رابع الاسباب : هي رهبة اسيا لان اللاعب يدخل للملعب وهو تحت ضغط نفسي كبير وانها البطولة المستعصية لكن يدخل بالبطولات المحليه على انه بطل من الابطال وهذا من اهم الاسباب . خامس الاسباب : الضغط لان اللاعب الهلالي او 15 لاعب طوول الموسم ينافس دوري كاس ولي عهد اسيا كاس الملك وهذا يجهد اللعيبة عكس لو تم عمل تشكيلتين تشكيله للدوري واسيا تشكيلة لبطولات الكاس سادس الاسباب وهذا سبب اخير مهم : نظااام البطوولة على موسمين وهذا اللي يعيبه لاننا شاهدنا هلال غريتيس بالموسم الاول كيف كااان بس الموسم الثاني جلس غريتيس لعل وعسى انه يجيبه لوحده من دون مساعديه وهاذي بعض الاسباب يالغالي .... واتمنى اني ما طولت عليك.. |
مع احترامي لك حسستني ان مقر نادي الهلال بسويسرا ترى حتى الرياض حرر بعد مشكور |
الهلال خسر من وجهت نضري لعدة اساباب 1- ذهابه لجده قبل المباره بيوم ( هاذا اكبر خطا .. خصوصاً جده رطوبه وتستهلك مخزون ) 2- انهزاميت الاعبين من بدايت المباره ( ماجد المرشدي + خالد عزيز + ياسر القحطاني ) |
شكرا لك هذا وانت ما انجرفت ورا عواطفك اعجبني الاسم اكثر من مضمون المقال تقبل مروري |
بأختصار السبب ثلاثه المرشدي اولا وياسر ثانيا وكالديرون ثالثا |
مع احترامي لك حسستني ان مقر نادي الهلال بسويسرا <CENTER>ترى حتى الرياض حرر بعد مشكور </CENTER> |
| الوقت المعتمد في المنتدى بتوقيت جرينتش +3.
الوقت الان » 08:19 PM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd