الهلال من جرف لدحديره وياقلب لا تحزن
 

بسم الله الرحمن الرحيم

السلام عليكم ورحمة الله وبركاته

عذرا على العنوان ولكن هذا العنوان قد ينطبق 80 في الميه على وضع الهلال الحالي لعدة اسباب اولها

بعض الجمهور الهلالي الواعي بدا ينتمي لأشخاص ولا ينتمي للهلال ككيان

وذلك بأسلوب ان لم تكن معي فأنت ضدي وهذا الشي يعد بداية السقوط للهلال لاني من يوم ما عرفت الهلال وهو النادي الوحيد اللي كل من فيه ينتمي له وليسى لأشخاص مهما كان وضعهم واسلوبهم وفكرهم اهم شي مصلحة الهلال.

قبل ما ادخل في موضوعي والامثله لا ينط لي احد يقول اني ضد عبدالرحمن بن مساعد لا تصير علوم يقرا مواضيعي السابقه ويعرف موقفي ومن انا ووش يعني لي الهلال وانا اكثر المعجبين بالامير عبدالرحمن بن مساعد بس حقه علينا كجمهور اننا مانطبل له على كل صغيره وكبيره واننا نقول له كلمة الحق لو انها توجع (رحم الله امرئ اهداء إلي عيوبي )

على سبيل المثال ماقاله الكاتب صالح الحمادي في برنامج تلفزيوني لا اعتبره اساءه لاحد ولم ينل من احد وكان يتكلم بواقع ولم يقصد الامير عبدالرحمن بن مساعد ولكن

الهلال فيه اخطاء وفيه بعض التصرفات الغير مقبوله على مدا تاريخ الهلال وتتويجه في بطولات كثيره ماشاهدنا احد من اعضاء مجلس الادارة يترزز ببشته في المنصه. كان اول من يصعد للمنصه رئيس النادي ونائبه لكن للاسف في تتويج الدوري يسابقون الاميرعبدالرحمن على المنصه وش جايبين الدوري شبعنا دوري يعني جايبين راس غليص حتى العام الماضي ماشاهدنا اعضاء مجلس ادارة الهلال بهذا المنظر وهذا المنظر وش تحليله عندي ان اغلب اعضاء الاداره الجدد ماهمه الا انفسهم لان كانوا فيه ناس في الهلال يعملون بصمت وينجزون الاعمال ولا يكونوا في الصوره . الغريب واحد اخطاء الهلال اللي اناشد الامير عبدالرحمن انه يتلافاها في المستقبل من متى الهلال اعضاء مجلس ادارته يطامرون في القنوات كنا نضحك بغيرنا وبلانا الله ما تفتح قناه الا عبدالكريم مداخله (الله يهديك ياعبدالكريم صرت تنافس الوليد بن بدر):ranting:

والله ما كان الهلال بهذا الاسلوب ولا بهذا الفكر وانا اجزم ان الامير عبدالرحمن ماله اي توجيه بهذا الشي هي تصرفات شخصيه ولكن ذنب الامير عبدالرحمن انه لازم يضع لكل شخص حدود بحكم انه رئيس النادي.

انا كمشجع هلالي مايهمني مايدور في الاعلام والدليل ان الجمهور يعي الغث من السمين ولو اهتم الجمهور الهلالي بالاعلام صار الجمهور الهلالي مثله مثل غيره اللي يميز الهلال وجمهوره عن الغير في السابق هو عدم الاهتمام في مايدور في الاعلام ولهم مايدور في الملعب فقط.

وفيه شي يا ابو فيصل تكفى انت عودتنا انك دائما تقول الحق والعام الماضي اعترفت فيه اخطاء وحاولت تعدلها ولكن انت ارتكبت خطاء فادح وربي من اول يوم وانا متوقعه لكن قلت نصبر ممكن يكون رائي غلط ولكن اتضح لي انه مو غلط ولا ودي ان الكابتن سامي يكابر في هذا الشي تكفى يا ابو فيصل كالديرون والله مو مدرب هو اساسا محاضر الان مو كل دكتور في الجامعه ناجح في الحياه العمليه والعكس صحيح والله كالديرون ماعنده تكتيك ولا جمل تجعله يتميز عن غيره الهلال الموسم هذا تميز لضعف الفرق اللي واجهها مو من اسلوب كالديرون والدليل ان المباريات اللي الهلال احتاج فيها التكتيك والجمل التكتيكيه ولعبة المدربين سقط فيها كالديرون. لا احد يقول ماخسر الدوري وهي مباراه او ثنتين اللي تعثر فيها الهلال صحيح انا معكم لكن المباريات اللي ماخسر فيها الهلال مثل الجزيرة الاماراتي كانت لسوء الفرق المنافسه ولكن لمى احتجنا تكتيك في مبارايات الحسم ماكان فيه اي جمل ودراسه للفريق الخصم والدليل شوفوا اهداف الاتحاد جمل واضحه من المدرب ولا سوا شي غيرها الاتحاد.


يعني اختصار لطول الموضوع نبي مدرب تكتيكي له شخصيته مايستشير احد حتى سامي الجابر مايستشيره مع كل حبي وتقديري له لان سامي ربما ينظر لبعض الامور بشكل فيه نوع من الكبرياء وعلى سبيل المثال صفقة اللاعب احمد علي صفقه فاشله من جميع النواحي لوجود لاعب مثل المحياني افضل من احمد علي بمراحل خانتك النظره يا ابو عبدالله مثل ماخانتك النظره في محاربة حسن العتيبي وهو الان افضل حارس وانت لم تكن تأيد التوقيع معه وخانتك النظره للمره الثالثه في التعاقد مع كالديرون لسبب انه اعلم بالدوري السعودي وانسب مدرب ويستشيرك في الكثير من الاشياء . لكن يجب ان يكون المدرب الجديد للهلال مدرب له اسلوبه الخاص ونهجه وتكتيكه عشان لا قصر نقدر نحاسبه مانحصل احد يدافع عنه كما يحدث مع كالديرون الان.





اتمنى اني وصلت جزء من اللي في خاطري يهذا الخصوص بعد انقطاع عن الكتابه في هذا المنتدى ولكن الانقطاع كان خارج عن ارادتي



دمتم بكل خير

:rose:

:)

سبحان الله لا اله الا الله

من السنه الماضية واحنا كذا ولا مو السنه الماضية لنا كم سنه واحنا كذا الى متى ؟؟



حبيبي بوجود كبرياء ياسر وبرودة الزوري والمرشدي والفريدي ..



الاسيوية تخاطب الهلال و تقول :


✗ ┋ رِوِحّ ۇۈۉأٌنُسٌأًنّيٌ خًلُأَصّ خّلُأٌصِ خٌلّأُصٌ ۇۈۉقُوَلٌ فُرَقًنِأَ أِلِقّدُرّ ┋ ✗


الاسيوية مالها الا رجالها وتعرفونهم .. الله يالدنيا بس

اذا اردنا النجاح لا بد من معرفة المشكلة اولاً فهي اول خطوات النجاح .... في تصوري ان الهلال يحتاج الكثير والكثير على سبيل المثال :
1- المرشدي مدافع فوق الممتاز قبل ان يفقد الثقة وهذا بفضل جمههور الهلال اتمنى اعطاء الثقة لماجد وصدقوني بتشوفون ماجد افضل من بدياته .
2- الزوري لابد من ايجاد بديل له لانه بطئ الحركة قليل جداً الاستفادة من العرضيات التي يفترض منه كضهير ان يتميز بها.
3-لي يونق ارجو عدم الاستغناء عنه .
4- ولي ارجو الاستغناء عنه فهو منذو اضاعة ضربة الجزاء مع ذوب اهن وهو في انخفاض كبير في المستوى ارى ان يجلب لاعب برازيلي يجيد تنفيذ الضربات الحره بشكل ممتاز بديل لولي.
5- احمد علي لا اتوقع الاستمرار اتمنى جلب مهااجم امثال سيرجيو لاعب متحرك يجيد الاختراق مع الفرق التي تلعب بتكتل دفاعي امثال الفرق الايرانية والاتحاد.
6-الاستغنا عن الجيزاني + الكعبي + نامي + الخالدي واعطاء الفرصه لشباب الهلال .

تحياتي

ياسبحان الله
الحين سامي يتدخل وسامي مايصلح
الحين كالدي غير مناسب
الحين الهلال من جرف لدحديره

والسبب خسارة مباراه تبون اللاعبين مكائن ماتتعب ولاتطفش ولا ترتخي
اقول احمدو ربكم انكم تشجعون الهلال

سامي كلنا معك

ابو هاجوس
شاكر لك مرورك

عاشق الامه الهلالييه

شاكر لك مرورك

والله يا تصاريح وترزز إدارة الهلال من كبيرها وصغيرها اطول من وقت المباراة
ما بقى الا المصري الي يشجع ما قابلوا معه

الرئيس ثم النائب ثم سامي وبعده التويجري وشوي الناقور وشوي مدري منهو وهاتك يا تصاريح

فريق غــــــــــــــير ممتع من سنين

وبالتالي فليس اهل للبطولات القوية

هاتوا مباراة من سنين الهلال ماقلب نتيجة


ملينا وحنا نقول


لازم يكون شعار النادي

البقاء للافضل


وترا كالديرون ما غلط بشيء ولا هو جبان ولا هو يحزنون


اجل 3 اهداف تخش فيك وانت خطتك

4-2-3-1

متى اخر مرة شفت مباراة الهلال الله يهديك جابولك الدوري بدون خسارة ووولي العهد وش تبي طال عمرك اذا كان اكبر همك العالمية ترى بعض الناس راحوا العالمية وبعدها ماذاقو الوصافة موب البطوله

فاقد خوي

شاكر لك مرورك