مع احترامي الشديد لك , المملكه
الحمادي بغض النظر عن انفعاله وكلامه اللي كان قوي على عبدالكريم الجاسر , بس كلامه كله صحييييييييح وبرد حرتي وحرة كثير من الهلالييين الاحرار على قولتك , عبدالكريم الجاسر قبل لايستلم المنصب وهو كان له صوت قوي وينتقد الهلال , الحين من مسك المنصب صار بس يدافع وتغير وكنت خايف انه يتغير وفعلا هذا اللي صار , كل مكالمه له الاداره سوت والاداره حطت , ابي الاداره تجيب كاس اسيا عشان نقوم نمجد فيها , اما دوري وولي عهد هذي مو جديده عشان اسوي للاداره تمثال في النادي ,, بعدين حركات كل يوم لقاء وكل يوم مداخله قسم بالله خلاص ملينا من المداخلات حقت الاداره , ادري انهم هم اللي يطلبونه ويدقون عليهم بس اثقل ياخي اذا يبون استفسار يكون من المركز الاعلامي بفاكس وانتهينا لازم الاتصالات يعني , ونرجع لموضوع عبدالرحمن بن مساعد , كلنا نعرف وش سوا وانه جاب لعيبه صح وانه وانه وانه , على عيني وراسي بس ممكن اعرف الجيزاني والكعبي والخالدي والجمعان هذولا وش وضعهم بالله
واضحه السالفه اي شي بس عشان اني صرفت تراني ,, ياخي حنا مانقول استقل لا نقول اضرب بيد من حديد للبزارين اللي معطيهم وجه , يسوري هذا امسكه من شوشته وجلسه في الدكه وخله يلبس نظارته الزرقا وجب المصور حقه وخله يطق طق له صور لين يدوخ ,, المرشدي اعاره للحزم اقرب للنفود ,, اما معطي هالبزران وجه وكلن يتدلع ويتسحب وينكب ام الفريق لانه ماخذ نص مليون عشانه جاب الدوري والا يجيب قول على الفتح ويجونك بزران طال عمري وخذ مية الف والا سياره وييييييييين تبي اللاعب يلعب وهو لو كح قعدتو تصوتون له ياسر ياسر ,,, بغض النظر عن سالفة عزيز اللي ماعاد لها شي يرقعها !! هذا طرد من النادي
اذا الاداره صارت كذا وشديده ذاك الوقت تعال قول للحمادي انت زعلتني انك تكلمت , اما انه يتكلم ويقول الصحيح ويزعلون بعض الناس مع احترامي لهم (ياليت يغيرون نوع الايقاع) وما علي منه انا اذا عنده خلاف شخصي وانه مايمدحه يوم جاب الدوري كل هذا ماعلي منه , انا اشوف الي يفيدني اما مدح تعبنا وحنا نمدح وحنا نصارخ ٣ سنين نفس كل سنه يبدع في الدوري واذا جا اسيا جتهم ام الركب .
.. واضح إستهداف الحمادي الشخصي لعبدالرحمن بن مساعد .. فلا أذكر أن الحمادي خرج إلينا بهذا الإهتزاز و هذه النرفزة لمجرد إختلاف في وجهات النظر " بريء " .. 
الوضع العادي
