|
هاردلك للزعيم، وفي حال استمرار التطبيل سنعتاد سماع هذه الكلمة بسم الله ياسر فشل كقائد .. وتدهور مستواه فنياً كمهاجمفي البداية هاردلك لكل عشاق الزعيم لم يكن الهلال في يومه ، اللاعبين كانوا سيئين جداً استحق الاتحاد الفوز وهذا حال الكره فايز وخاسر ممكن اللي صعب الأمر أن الزعيم ما عودنا أبد على الهزيمة أو الظهور بالمستوى هذا كلامي اليوم هو ما حاولت أكتبه من فترة بعيده وكل مره أءجله جمهور الهلال مطبل لبعض اللاعبين ,, وهذا واقع إذا كان المنتدى بعد كل مباراة نرى فيه سيل من المواضيع تطال كل اللاعبين نامي ومرشدي وعزيز والفريدي والعابد والدوسري إلا اثنين في الغالب أو دائماً هم في نظر الجمهور أحسن لاعبين العالم الأول ، ياسر الثاني ، رادوي رادوي ما راح أتكلم عنه لانه في مباريات يكون الأفضل ومباريات قليلة يكون سيء أنا راح أتكلم عن ياسر ،، أو شبح ياسر لأن اللي نشوفه بالملعب لابس رقم 20 هو مجرد شخص سعودي أعياهـ أكل الكبسه ونزل للملعب فقط للصور المتحركة في شارة الكابتنيه تعالوا نشوف ترتيب هدافين الدوري http://www14.0zz0.com/2011/05/25/10/830006863.jpg ياسر في الترتيب الـعاشر تخيلوا ياسر في الترتيب 10 وخلف من؟ مهاجمين للاتفاق!! ومهاجم للفيصلي ومهاجم لنجران ومهاجم للوحده ما راح اتكلم عن الاتحاد والشباب والاهلي لان مهاجمينهم نجوم مثل ياسر انا ذكرت الاشخاص الغريب تواجدهم أمام ياسر 16 مباراة لعبها كابتن الهلال لم يسجل سوا 11 هدف تخيلوا وخلفه ويلهامسون والشلهوب والفريدي أفضل صناع اللعب في المملكة / لا أتكلم من باب التجريح ولكن أتكلم من باب اظهار الحقيقة حتى يعرف اللاعب أننا لسنا جمهور غبي يصدق كلامه بالتصريحات يغيب عن التسجيل في أكثر من مباراة وياتي بهدف ثم يخرج يتصريح ضد من تكلموا عن هبوط مستواهـ ،، الأهداف الـ 11 كان فيه 6 منهم في مباراتين هاتريك وهاتريك وفيه مباراة هدف القحطاني ما كان يهم أبد ,,, يعني 7 من أصل 11 كانت أهداف لمجرد الزياده وأقوى فريق سجل فيه ياسر هو الاتفاق البقية كلها على نجران والفيصلي والحزم والتعاون !! / جمهور الزعيم ،، اللي ما قرا درا .. يعني أن الناس تشوف أن ياسر أصبح عاله أكثر من أنه سلاح ضد الغير وألأغلبية هنا لا زالوا يوجهون الانتقاد للاعبين مستواهم أفضل وبكثير ورغم أنهم سجلوا هدفين او ثلاثه او أربعه إلا أن أهدافهم مؤثره في المبارايات مثل ويلي والفريدي الغنام والعابد فعندما يرون النقد ضدهم والمديح لياسر ,, فهذا سؤثر على مستواهم لان الجمهور لا ينصف / إذا كنت مشجع للاعب وتناسيت الهلال .. فلو سمحت لا تنتقد ولا تمدح فقط اكتف بالقراءة هنا أرجو أن لا نرى الكثير من التطبيل خلال القادم من الأيام ،، والقحطاني مثله مثل اي لاعب هلالي وان كنتم ستجاملون لاعب على حساب أخر ،، فأبشروا بالمزيد من هاردلك .. لـ جمهور ياسر [ عين الرضا عن كل عيبٍ كليلةٌ ] |
يجب على الامير عبد الرحمن جلب مهاجمين عالميين اذا اراد اسيا |
الحل الوحيد هو إْعآرة يآسر ، وعلى السنه الجاايه نجيب مهآجمين أجاانب على مستوى ، بدل من ويلي هآمسون ولي يونغ ، وجلب غآمدي القآدسيه فقط ونفس الشي اعاارة المرشدي وجلب مداافع اجنبي يلعب جمب اساامه ، |
ياسر خلاص انتهى ومكانه الدكة |
ياشباب ترانا ابطاااااال اسيا والاتحاد تاهل مااخذ كاس اسيا ونحن لانطبل اسالك من بطل الدوري ومن بطل الكاس هو اللهلال زعيم اسيا شئتم ام ابيتم |
لن ازيد على كلامك ولا كلمه كلامك سليم 100% |
اذا انتم تقولون ياسر ماينفع فهذا دليل ان الادارة مقصرة قصور كبير والدليل عدم وجود حلول لاي مشكلة تمر على الفريق سواءا ياسر او المرشدي او عزيز او الفريدي او غيرهم بدون وجود حلول لاي مشكلة فالنادي لاتستطيع مقارعة الكبار والوصول للنهائي بكم تمريرة من الشلهوب او كم انطلاقة من الزوري او كم تسديدة فاول من رادوي ملينا ياجماعه تحياتي لكمـ |
اصلا بطولة اسيا هذي ماتابعتها وكنت داري من البداية ان الهلال ماراح يحققها عشان كذا ماتابعتها بس اذكر في عضو نزل موضوع بعد خروج الهلال من اسيا 2010 قال انه متأكد الهلال راح يحقق البطولة 2011 وانه راح يذكرنا بكلامة ابغا بس اشوفه هالعضو :d .................................... بصراحة شي ينرفز بطولة سخيفة مثل اسيا مستصعبها الهلال الهلال كل مايحتاجه في هذة البطولة اعداد نفسي + مهاجم اجنبي فقط لاغير |
ياسر خله في الدكه مباراة مباراتين ويرجع ياسر 2007 لاعب يقدم مستوى زفت ويلعب اساسي !! وتبونه يسجل !! عطو عيسى فرصه |
شكرا لك اخوي هارد لك على الخسارة ان شاء الله نعوضها بالابطال والموسم القادم احترامي وتقديري |
امنيتي ان المطبلين عاشوا عصر يوسف الثنيان عشان يقتنعون ان المدح لغير يوسف خساره سقى الله ايامك يابو يعقوب ورب الكعبه من قوة التبلد اللي جاني وقت المباراة سرحت بالتفكير لزمن مضى .. زمن يوسف وسامي والتيماوي وابو اثنين ( نجوم ملعب وليسو نجوم مطرسه ) كانت اسيا مثل براد ابو اربع عند الهلال واللحين صارت العن من قضية فلسطين .. عجزنا نجيبها |
إقتباس:
أسيا ماهي بأكبر همي ،، لكن انا بزعل لو طلعنا مره رابعه من كاس الملك ،، ما تجي الزعيم 3 سنين ما حققها / وأشكر كل من علق ... يعطيكم ألف عافية |
ياسر ضامن مركزه واذا سجل جات الصحف والاعلام كلام ومنشت عريض ومن هالكلام عشانه سجل هدف واذا غاب وماسوي شي قالو اي لاعب في العالم ينزل مستواه واذا سجل هدف قالو عاد لمستواه ياناس تضحكون علينا ولاعلى من !!!!!!!!! ياخي ارحمونا جيبو مهاجم لايشق عليه غبار وماعاد تفرق عندنا رجع ياسر ولاجلس |
الوعد قدااااااااااااااااااااااام يازعيم ان شاء الله اسيا الجايه لنا....^_^ اسلك لعمري |
الله درك كلامك عين الصواب يجاملون ياسر على احساب الهلال والمسكين عيسى المحياني كل مايطب يجيب هدف ويرجعونو الحتياط بس انا مستغرب ليش يجاملون ياسر |
| الوقت المعتمد في المنتدى بتوقيت جرينتش +3.
الوقت الان » 05:05 AM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd