|
بالنهايه تبقى ياهلال بالقلب ..ابووو مساعد اسمعني نبي مهاجم افريقي اسمراني مايعرف الا المرمى..ياسر القحطاني السلام عليكم هاردلكم على الخروج من الاسيويه..كـ العاده مو شي جديد.. والله العظيم القهر انك تسحب وتتعذر على الدكتور وعلى الكلاس بالصباح وبالوقت الباكر عشان مبارااة الزعيم واخرتها فررريق بدون روح وبدون روح الفوز ارتباك وخوووووف وينا فيه هذا وانتم بجده اجل لو بايران وش بتسووووون؟؟؟ والله حرام كثير من الطلبه بامريكا عندهم كلاسات بالبصباح ماراحولها عشان عيون الهلال لاعبينا تكفووون حسوو فينا حسو ان وراكم جمهوووور كبيييييير يتابعكم بشغف وحب كبيييير:smilie47: والله اول مرره اشوف الهلال بهالسنه يلعب بهذا الاداء خوف فريق بلا روح ماتحسه ان يبغى الفوز وربي العظيم ان من اول دقيقتين عرفت اننها بنهزم بنتيجه كبييره وش هالخلل بالدفاع وبالمحور ولا عبين الوسط ماجد المرشدي .. راجع لمستواك وريحنا تكفى فهواتك تشوف محمد نور جمبك تقعد تطالبع به يعني تبي تصور معه ولا وشو ياخي ادخل عليه بكل قوووه مو تخيله يتمخطر على راحته مستواك مره ياعالي ياداون حسستني انك اول مره تصير مدافع يعني ماهي غلطه اوكي غلطت بالهدف الاول تروح وترجع تكرر الغلطه بكذا هجمه للاتحاد وبالهدف الثالث بعد مو معقوووووله ياخي والله مو معقووووله .. محمد الشلهوب..كلنا نحبك ونموت فيك بس ياخي حسستني انك اول مره تناول معقوله 6 تمريرات ورى بعض كلها اغلاط حسستني انك اول مره تجي الكوره بين رجليك واخرتها تناولها ياغلط اول تناولها بعيد عن اللاعب وش جالك فهمني ياشلهوب والله حرام... ياسر القحطاني ... والله من عقب اليوم حرام فيك تاخذ شارة الكابتنيه صح اننا جت ايام وليلالي وسنني طيرناك لفوق هام السحب بس حاليا عرفت انك تلعب باسمك فقط فقط فقط .. ياسر لازم تعرف مثل ماجماهير الهلال طيرتك فووووووق تقدر تخليك وتنسيك النجوميه والاضواء ويصير حالك مثل حال سعد الحارثي واعتقد ان هذا الشيء قرب كثير..يابني ادم حس فينااا شقاعد تسووي قدام ياخرر تحرررررك حسسني انك تبي تسجل سووو اي شي حسسني انك تبي تسوي شي بالمباراه وربي ناااايم ماغير فالحلي تتمشى بالملعب .. ياسر انت على مستواك هذا ..وربي الاحتياط كثيييره عليك انا من محبينك جدا ولكن عندي الهلال اولاs13s انت تستحق الاحتياط وبكل فخررر لين تعرف ان الله حق ياترجع لمستواك مثل مانعرفكك ولا خلك على تصريحك اردها عليك واقولك انت اللي تستريح بالمدرررررج حاليا لفتررره لين ماتترك البزوطه وترجع لمستواك كافي حرررقة قلب ..الكابتنيه اللي اعرفها يحمس اللاعبين ويوجهم ويصحيهم بالمباراه بس للاسف طلع انت اولهم نايم ابووو مساعد رجاءا الجمهور الهلالي يبغى مهاجم افريقي مايعرف الا طريق الباب ياخي وصي احد من ادارتك يروح لافريقيا ويجلبلنا لاعب افريقي مهاجم هداف تبي اسيا جيبلي مهاجم على مستوى عالي وتحديدا افريقي .. ابو مساعد انا ماقدر اقولك شي لانك بالاساس تعبت على الهلال وقدم كل مالك وتعبك على الهلال ولكن للاسف الفريق خذلك وخذلنااا وياليتك بتصريحك قلت اللاعبين هم من يتحمل المسؤوله ولا قلتها ان انت تتحمل المسوؤليه لان انت سويت اللي عليك بس اللاعبي خذلونا جميعااااا مهر البطوله الاسيويه غاليه وجايبينها جايبينها انشالله بشرط ان الاداره تكون لها كلمه مع اللاعبن الباردين انا خلاص واحد من الجمهور البطولات المحلييه ماعاد ابيها خلاص مليت منها ابي اسيووووووويه ابيها يعني ابيها ... والله قلبي محترق من المباراه ومغبون عليهااااا اتمنى من الاشراف ينزلون موضوعي ..وبالتوفيق لزعيمنا خلال الايام القادمه والتعويض بالسنه الجايه |
مشكورين على انزال الموضوع لمجلس الجمهور الهلالي.. |
يَآهلا :smilie47: صرآحه مدري وش آقول لعب سئ منآولات خآطئه آرتبآك وآضح ! هذآ نآدي آلقرن ! |
لا تعليييييييييييق لكن لابد من مهاجم أجنبي |
يعطيك الف عافيه على الموضوع ... صحيح الهلال ولا لاعب ربع مستواه لو لعب بربع مستواه كان الاتحاد رجعنه الخمسه عليه ,, اتمنى يجيبو مهاجم صريح ما يعرف الرحمه |
اتمنى من الاداره الاستماع لتوجيهاتنااا احنا جمهور النادي ولابد لنااااا كلمه لان احنا اللي ندعم اللاعبين بحضورنااا وتحفيزهم لتحقيق البطولات ولناا الحق ان تكون لنا كلمه قووويه موجها للاداره باستقدام لاااااااااااااااااااااااعب مهاااااااااااااااااااجم صريح مايعررررررف الرحمه واتمناه ان يكون افريقي .. بد اليوم لاداعي الى التطبيل للاعبيييييين الى ان يتحقق كاس اسياااااااااا الى متى هذا البرووووووود يالاعبييين الهلال |
واسيا جايه جايه اذا كا لدى لاعبين الهلال احساس شوووووويه بالاسيويه ويعرفون اننا نتظرها شوي اااه بس متى يحسووون بدمهم ويرحمونا هاللاعبين مشكورين على البطولات المحليه بس نبي اسيااااااااااااااااااااااااااااااااااااا نبي مهرهااااا |
طالما المغرور والمتعجرف ياسر موجود والسمكري الزوري يلعب والخيّاط المرشدي لابس فنيلة الهلال انسى آسيويه إدارة الهلال تتعامل مع ياسر من باب العلاقه المقربه بينه وبينهم ليس من باب أنه لاعب محترف والدليل على كلامي للحين ما غيروه وانسوا يغيرون ياسر بالمعنى الأصح خل الجمهور يهرج لين يتعب آخرتها يروح ياسر يحب على راس عبدالرحمن بن مساعد ويقوله اوعدك بقدم مستوى يعني كلها ضحك على الدقون والجماهير هي اللي بتنحرق وكل ما طاح بقضيه خوينا طلعوه منها آخرتها اللي انتم خابرين وهذا اكبر دليل على انهم يعاملونه بصفته مقرب منهم مو لانه لاعب محترف وسلامتكم . لك الله يا جمهور الهلال لك اللــــــــــــــــــه |
إقتباس:
|
اقلعووووو ياسر الله يقلعه |
بالعربي الي شفناه امس مو الهلال ارتباك خوف كأنهم يبون الأتحاد يفوز |
لاجديد متعودين كل سنة نخرج من الاسيوية |
من يملك منتصف الملعب هو من يفوز ونور تفوق على الشلهوب ورفاقه وش دخل ياسر يرحم امك |
إقتباس:
|
^^ ^ حبيبي معليش ..شدخل ياسر شكلك ماقريت الموضو كويس انا تكلمت عن الفريق بشكل عام وعنالشلهوب وياسر الا ان كانك من مشجعي ياسر لحاله هذا شغلك اا انتقادي لياسر خصوصا له با انه حامل شارة الكابتنيه ولا عمل اي مهود بالملعب ماغير يتبطح ويتمشى يبغى الكوره تجيه لين رجيلاته بسم الله عليه.. |
| الوقت المعتمد في المنتدى بتوقيت جرينتش +3.
الوقت الان » 07:25 AM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd